مرحبا شباب

[حمزة العثمان]

مرحبا زملاء ...
كيفكن ... ؟؟
أنا كتير مليت بالعطلة ،
شتقت للمدينة كتير ،
و الكلية أكتر ،
و أكتر شي : اشتقت لأخي وحبيبي زاهر ،
وعم انتظر بكرة حتى يجي بسرعة لأطلع على حلب ،
إن شاء الله بصلي العصر و بطلع ،
بس بيني وبينكن معي كتير غراض و ماكل هم كيف بدي احملن ،
بس يالله ، بيعين الله بدبر راسي .
و بس وصل الكل معزومين عندي على كاس مي ،
لأنو بتعرفو الجو برد وما خرج الواحد فينا يشرب عصير .
والمشروبات الساخنة بالبرد بتساوي رشح ،
تحياتي للجميع .

ملاحظة إلى زاهر : يرجى حذف الموضوع بعد < 3 > أيام من تاريخه .









... الثعلب ...

[White Angel]

والله يا أخ حمزة كلنا مشتاقين للجامعة

يلا هانت كلها يومين ومنداوم

بس انا اسهل علي لاني من حلب

[نور أحمد]

طول بالك حمزة ....

و انا كمان مليت كتيير .... والله اشتقت للكلية و لكل رفقاتي

بس سبحان الله كيف صبرني ... والله كتييير شهر

انا ما بحب احضر المحاضرات ...بس وين.. شتان ما بين انو الواحد يقعد يسمع المحاضرات و بين انو يقعد لا شغلة ولا عملة

رغم أني نزلت عال كلية شي أربع مرات بس شو ما فيها حدا ... يعني كنت اقيس الطريق وارجع

يا الله هانت بقي هاليوم و قولوا مع السلامة للفراغ بكرة بجي الدوام و بتجي معو حلقات البحث

نراكم يوم الأحد إن شاء الله

:others1::others1::others1:

[Zaher]

الحمد لله هانت الشغلة وإن شاء الله منرجع ومنداوم وبيروح الملل ، وأنا اشتقتلك بالأكتر يا غالي واشتقت لزملائي ، وأكيد ما اشتقت للكلية لأني كل كم يوم عم أشوفها ، بس عم أشوفها فاضية ، ومتل ما بيقولوا جنة بلا ناس ما بتنداس ، يا إما عم أشوف طلاب التعليم المفتوح اللي ما بعرفهم ولا بيعرفوني .

[عبد العزيز الجفان]

ياجماعة طولو بالكم لسا ما فرحنا بالعطلة
حمزة معقول مللت بسرعة
حمزة ليه ما خبرتني قبل بيوم
كنت انا جبتك