كيف فحص التقنيات اليوم؟

[THE SUN LIGHT]

الى جميع اخوتي في السنة التالتة كيف الفحص كان معكم اليوم في مادة التقنيات وان شاء الله كان التقديم كويس ومارايكم بالاسئلة

اتمنى التوفيق لكم جميعا

[Zaher]

كالعادة رح ننتظر تصحيح الدكتور
أما بالنسبة للأسئلة فهي سهلة على كل شخص ما بيعرف شكل الدكتور وما بيعرف عنوان المادة يعني بصمية 100% وما عليها حكي ، بس اللي راحت عليه اللي كان يحضر ويضيع وقت .
لكن هوي وعد بإن من يحضر سوف ينجح ونحنا رح ننتظر شو بدنا نساوي .
وبالتوفيق لجميع زملائي .

[zeado]

هلأ مين عم يعطيها لسه الدكتور شاش ولا تغير
نحنا بتشرين ارتحنا من كابوس التقنيات لأنو تغير د . شاش وصارت أتمتة وارتحنا
بالتوفيق للجميع والله ينجح الكل

[إيمـــي]

واووووووووو اسئلة تحفة وروعة ومابتخربط ابدا يعني والواحد بصراحه بياخد ال 100 من 100 وهو نايم
يعني الاخ مو تارك شي الا وجايبه ماباقي غير يسألنا على غلاف الكتاب
يعني الله يكون معنا وان شاء الله الكل يطالعها حتى لو على الحد

[حمزة العثمان]

الحمد لله : سقوط مظلي ، أو السقوط الحر ، طبعا السبب مو الدكتور شاش أبدا ، أنا ما كان عندى مجال لدراسة المادة أكتر من أربع أيام ، أما الإجابات اللي وضعتها على الدفتر الإمتحاني فأعتقد أن الشيء الوحيد اللي ساعدني هو الحضور .
طبعا بلوم نفسي على الرسوب و لا ألوم الدكتور شاش يا إيمي لأن الإجابات اللي طلبها الدكتور ليست بالطويلة ، و التقنيات ليست بالكابوس يا أخ زياد ، تحتاج فقط للحضور .







... الوسط ...

[إيمـــي]

التقنيات كابوس للجميع الطلاب على ماأظن وأسئله الدكتور ياأخ حمزة لو دارس الكتاب مابتحتاج للحضور بقدر مابتحتاج للحفظ البصم بس متل ماأنت قلت لو دارس كنت عرفت شو راح تجاوب وبرأي حتى أجوبتك من حضورك للمحاضرات ماراح تكفيك للوصول للنجاح لانه الدكتور شاش مابيكفيه الفهم بس والاجوبه تكون مختصرة على ما أعتقد وعلى كافه الأحوال ان شاء الله نحقق كلنا النجاح فيها ونخلص من هالكابوس الي كابس على أنفاسنا

[alyateem]

هههههههههههههههههههههههههه
صدقوني مع شاش مافي شيء سهل
والمعروف بظلمها وقسوة قلبه
احبتي ------------
هل تعرفون ان هناك حوالي 200 طالب وطالبة تخرجهم من الكلية تأخر سنة كاملة بسبب هذا الدكتور
وان هناك 71 طالب وطالبةمسنفذين بمادة هذا الدكتور
رفاقي ماض على تخرجي حوالي سنة كاملة ولا ازل اكره هذا الدكتور او مايسمى دكتور
تبا له ثم تبا له ثم تبا له
والله شاهد على ما أقول

[Zaher]

لا حول ولا قوة إلا بالله العلي العظيم .

[banbona]

بس عنجد الاسئلة كانت كتير لذيذة و سهلة يعني ما كنت متوقعة هيك اسئلة بس الحمد الله
بعدين الدكتور شاش تصحيحه كتير عادل وما بيظلم وان شاء الله الكل بيطالعوا المادة.

[حمزة العثمان]

بما أنو الحديث عن المواد جاري حتى الان : يؤسفني القول بسقوط المادة الثانية على التوالي ، و لله الحمد .






... الوسط ...

[علي المحمد أبو حسين]

يا جماعة منكم مصيب ومنكم قد أخطأ .
الله أعلم ، لكن موادنا كلها بدها حفظ وبصم معا وليس سويا ما هيك

[أمير الشعراء]

بصراحة العلة الوحيدة بالأسئلة أنها بتحير وبالأخص آخر سؤالين يعني ما حدا بيعرف شو الأجابة

[nara]

هلأ انا فضلت إني ما روح على تقنيات 2 من أساسه لأني ما حبيت روح بعدين آكل خجلة و ما تطلع معي يعني أنا معي تقنيات 1 و 2 ايمت بدهن يطلعوا ما بعرف و تقنيات 1 على الحذف كمان يعني ان شاللله رسوبي هالسنة على ايدين شاش الله لا يوفقه قولوا آ ميييييييييييين

[abo alfedaa]

زملائي واحبائي
خلينا نحكي بصراحة
الغالبية بهالموضوع ما قدر يكتب مشاركة بدون مايشتم أو يدعي على الدكتور
محمد حسن شاش
بدي أسأل ليش
مع انو
( ويمكن كتير يخالفني وكتير يوافقني لكل واحد وجهة نظر بهالدكتور لكن انا بشوفو انسان مثال )

و انا من اشد الطلاب اعجاباً بهالدكتور الانسان
وكان فيني اكتب كلام ارد فيه على كل واحد تناول الدكتور بشتيمه او شي مسيئ لشخصه الكريم
وكلام قاسي يمكن لكن تعلمت منه ان لا ارد الإساءة بالاساءة
نعم تعلمت
درسونا تقريبا كل دكاترة الكلية لكن
ما حدا منون ترك اثر غير هالدكتور
بنصحكون شباب بس حاولو تقربو من الدكتور اكتر بتعرفو اكتر
وعلى كلن احترم ارائكم بس حبي للدكتور خلاني انزعج من بعض التعليقات
شباب بتمنى انو نرتقي بنفوسنا ونصير مسؤولين بكلامنا
لانو هاد الانسان في النهاية دكتور يعني نحنا لسا ما وصلنا لجزء مما يعرف ويعلم
وهو بعدين انسان كبير ودينا علمنا انو علاقة الصغير بالكبير احترام صح

شكرا تقبلو مروري

[Zaher]

شكراً لك أخي abo alfedaa على رأيك بالدكتور محمد وأنا أيضاً معجب جداً بالدكتور محمد وأنا حضرت محاضرات الدكتور محمد بالفصلين وما غبت ولا محاضرة وأتمنى أن يقدرني الله أن أحضر محاضراته في السنة القادمة لأنو الدكتور محمد فعلاً متل ما ذكرت مثالي في هذا الزمن الذي يندر أن نجد شخصاً يماثله ، فهو قد علمنا الكثير من المبادئ والأمور الأساسية في الحياة إلا أن بعض الطلاب كانوا لما يحضروا محاضرته ما يعيدوها وفي بعض الطلاب كانوا يتشائموا من كلامه ويحسوا الدنيا سودة إلا أنا كنت أتفاءل وأحس لسى الدنيا بألف خير لوجود متل هيك شخصية وهيك مبادئ اللي هيي لازم تكون مبادئ كل مسلم .
لكن أنا لحد الآن ما فهمت آمر هام بشخصية الدكتور واللي هيي الأسئلة اللي طول الفصل بيقول بدي فهم ثم فهم ثم فهم إلا أننا نفاجئ بالامتحان وإذ بالأسئلة بصمية ويستطيع أي طالب لديه الوقت والقدرة على البصم أن يحلها بكل سهولة وما كنت ألاقي شي إلو علاقة بالفهم بالأسئلة .

[إيمـــي]

الاول ياجماعه واخواتي بالله ( الاختلاف برأي لايفسد للود قضيه ) ولكل شخصيه في هالدنيا ليها بيحبها وليها كمان الي بيكرهها ولكل واحد اسبابه الخاصه في ذلك
ولكن دكتورنا العزيز رغم الكلام الجميل الي ذكر عنه مع كل احترام بس أ نا بخالفكم الرأي لانه صح الاسلام علمنا احترام الصغير للكبير بس لاتنسوا انه كمان علمنا غير هالاشيا يعني كمان الكبير لازم يعطف على الصغير ويتفهمه ويحترمه أيضا واكيد اخلاق المسلم والاسلام مابنيظروا للحياه بسوداويه ولكن دكتورنا من انصار هالامر الي بيخلي كل طالب بسمعه ويحضرله يشوف الدنيا سودا وعليها السلام مع انه دينا يدعونا للتفاؤل والتمسك بالامل في وسط المشاكل والصعاب وانا بعتقد انه من اخلاق المسلم كمان انه افعاله تتوافق مع كلامه مو الكلام غير الفعل يعني متل ما قال اخ زاهر كل المحاضرات وهو عم ينادي بالفهم ومابعرف شوووووووو وبالاخير الي بينجح هو الي بيصم وحافظ الماده حتى مع المقدمة والخاتمه والمراجع يعني شغل تعجيز مو فهم
فلازم ياأخواني عندما ننريد أن ننسب شي للاسلام لازم يكون على حق مو ننسبه بمجرد اعجابنا بهالشخص فعندما نعجب بشخص لانرى الجانب السلبي فيه
وبرجع لمقوله الاولى( انه الاختلاف في وجهه النظر لايفسد للود قضيه ) .

[abo alfedaa]

الدكتور محمد حسن شاش يا اخ/اخت ايمي ؟

يكفي بأنو دائماً كاب يصر على مقولة

(((((( نحن من أمة إقرأ )))))

ولله الحمد !!!!!!!!!!!!!!!!!!!
ماشفت حدا من دكاترة الكلية(للأسف) قالها او قرب منها

انا برأيي هيك شخص بمجرد إصرارو على هالعبارة اللي صرلو عم يرددها 4 سنوات
(طبعاً السنوات الي عرفتو فيها أنا ) واكيد من زمان كان هاد شغلو الشاغل
وهاد امر من كتير امور ايجابية فيه

يستحق الاحترام
الدكتور محمد حسن شاش الى جانب عملو كمدرس في كليتنا قام خلال سنتين بدراسات:
1- عن الجوال واستخدامو تربويا واثاره على العائلة السورية اجتماعياً واقتصادرياً
2- تسليم كتاب مقرر إدارة مراكز مصار التعلم وخدماتها
وغيرا من الدراسات والاسهامات الكثيرة

بدي مثال عن احد دكاترة الكلية اللي فكر انو يقوم ببحث او حتى ينشر مقالة او اي شي
يدل على انو مو مشغول بأمور تانية الكثير منا بيعرفو شو هية داخل الكلية

تقبلو مروري زملائي

[إيمـــي]

المشكله يااخي في الله اننا بنمسك الامر من جانب واحد ومامنقدر نشوف الامر من كافة جوانبه
يعني حضرتك بتقول انه دكتورنا العزيز طوال اربع سنوات بينادي بالعبارة : (((((( نحن من أمة إقرأ )))))

طيب هل تسألت في يوم من خلال تصرفات الدكتور انه بيتصرف انه هو من هذه أمه والي بيقدمه للطلاب بيخليهم يحبوا هذه الامه ولايفكروا فيها بأفكار خاطئة بناءاُ على تصرفاته يعني انا مع كل احترام مافي طالب في كليتنا الا وله تعليق على هالدكتور واسلوبه رغم الجوانب الايجابيه الي انت بتحكي عنها وبتصفها ممكن انت لانك مقرب منه بتشوفها بس احنا كطلاب ودكتور مامنشوف هالامر واللي لازم احنا كطلاب نحدده مو اي شخص قريب منه فكتيرين من الدكاتره لو حنحكي شو قدموا ولاماقدموا كتييييرين منهم قدموا كتير اشيا وفادونا ومع ذلك بتحسهم بيحسوا بالطلاب ويراعوهم ويتعاونوا معهم ويخلوا الامور بسيطه وانه التفاؤل هو عنوان لهم فلو بتحب اذكرلك اسامي دكاتره الي قدموا اشيا مفيده لينا هذكرلك :
الدكتور يوسف سعد قدم لينا كتاب علم النفس النمو
الدكتور عبدالرحمن عجان طرائق التدريس العلوم الطبيعيه
اما بالنسبه للابحاث فنحن غير مقربين منهم حتى نعرف ماهي أبحاثهم اذا لم يخبرونا هم عنها
وبرأيي الشخصي افضل واروع الدكاتره في كليتنا هو الدكتور هيثم ابو حمود فلم نرى بأسلوب محادثته واسلوب مخاطبته للعقولنا شبيه له بحيث هذه العقلية غير متوافره في اي دكتور في الكلية فهو يشعرك بالواقع الأليم الي عم نعيشه مع قدرتك على تغير هذا الواقع
وبرأيي كل دكاتره كونهم وصولوا لهدرجه من العلم والرقي كمان لازم يكون اسلوبهم مبني على هالاموررر............مع كل ود واحترام

[abo alfedaa]

طيني عفوا
اخي العزيز ايمي / اختي الفاضلة ايمي
لست مقربا من الدكتور بمعنى اني (مقرب ) مدعوم ( ^_^ )
يعني انا متاكد انو ولا بيشعر بوجودي
لكن كما قلت لكل واحد منّا رأي واسلوب في التعبير وله الحرية في الاعتقاد ولا كلامي مو صحيح ؟
بكل الاحوال انا اردت ان اطرح مشكلة وهي ظاهرة انو طالب عم يتخطى حدوده وبيتطاول على دكتور
متل الاخ الكريم الي بيقول في رد الو (تباله ثم تبا له )
اسألك بالله هاد اسلوب في التعبير ؟؟؟؟!!!!!!
وانفعلت شوي نتيجة حبي للدكتور فاعذروني
وبأيدك انو الدكتور هيثم من الدكاترة الافاضل والرائعين ولكل دكتور اسلوبو
الدكتور محمد حسن شاش بيشوف انو اسلوب القسوة اسلوب فاعل ليعلم الطالب
يمكن نتيجة تجربة اعتمد هالاسلوب
صدقوني شباب حاول تجلس مرة وحدة مع الدكتور أو مع الانسان
محمد حسن شاش ورح تشوف كم هو انسان بيحب البلد وطلاب البلد
مرة حكالنا انو انعرض علية وظيفة بالخليج براتب حلو فقال انو عندو 3000 ولد بسوريا لمين يتركون
هاد رأي وجرب اخي جرب مانك خسران روح لعندو لمكتبو وطلوب منو مساعدة اياً كانت حتى لو مادية
وشوف شو رح يرد عليك


تقبلو مروري

[إيمـــي]

اخي الكريم انا برجع بقول لكل واحد منا رأيه في كل شخصيه بس لما تشوف معظم الطلاب ليهم نفس الرأي مابعتقد الكل بيكون على غلط وواحد ضمن الملايين بيكون على حق ....صحيح لكل واحد منا اسلوبه في التعبير ولكن عندما تنفذ الطاقات والسبل للنجاح فالانسان لايستطيع ان يضبط لسانه واعصابه لانه وصل لاخر المطاف ولايدري ماذا يفعل فبتالي علينا مراعاه وضعه ولانلومه رغم انه اخطئ باسلوبه في التعبير ونحاول ننصحه بانه هيدي الاسلوب غلط وعلى أية حال بعضنا قد يصيب وآخر قد يخطئ
و لكوننا بشر فأكيد لكل واحد فينا وجهه نظر خاصه فيه وكل واحد بيشوف الامر من منظور الي هو بده يااااااااه الله يكون في عوننا اجمعين ويساعدنا منشان نتخرج بسلام ...............