كيف كان المعسكر معكم ؟؟؟

[هدهد]

هاااااااااااااااااي لكل الشباب والصبايا والحمد لله على رجعتنا بالسلامة
هلا بدي اعرف راي كل واحد منكم بالمعسكر وبتجرد وبصراحة

وبالنسبة الي كان سيء وما انبسطت
هلا انا فيني قول انو اكتسبت بعض الشغلات من المعسكر متل النظام وتعرفت على ناس جدد وتعلمت كتير شغلات
بس كمان كان مرهق كتير

هلا دوركم سمعوني رايكم ؟؟؟؟؟؟؟

[الأسمر]

زميلتي هدهد معك حق انوا المعسكر كان مرهق(بسبب ضغط البرنامج)
بس أنا من جهتي انبسطت فيه كتير لأني كنت بين أصدقائي واتعرفت على ناس كتير كان لازم اتعرف عليهم من زمان

[أبو صالح]

الحمدلله على رجعتكن بالسلامة
بس بدي أسأل كم تصفيقة صفقتو؟
وكم درجة طلعتو و نزلتو عالمطعم؟
بس مع هيك بتوقع أنو انبسطتو
على فكرة المعسكر التاني أريح و بتنبسطو أكتر من الأول
وبتتسلّو مع الطلاب كتير!!!!!!!!!!!!!!!!!

[memo1989]

عنجد كان معسكر كتير حلو وانبسطت فيه كتير وعرفت عالم جدد بس على فكرة كان سبب لمعرفتي بنيات كتير من رفقاتي الي فكرتن كويسين بس انا ابدا ماشبعت نوم .......... شكرا كتير
تقبل مروري................

[Zaher]

بالنسبة إلي المعسكر كان كتير حلو ورائع وبتمنى ترجع أيامه الحلوة ولحظاته الجميلة اللي قضيتها مع زملائي بالمزح والضحك .
كمان المعسكر علمني كتير شغلات ، وخصوصاً بعد عني الخجل وأكسبني كتير صفات إيجابية في شخصيتي . . . . .

[Nasma]

ياي المعسكر في بنات
نيالكم بتغيروا شكل

[إيمـــي]

فعلا المعسكر كان كتير مرهق والوقت عم يمضي بدون فائده
يعني لو كان هالوقت يلي عم يمضي يعطونا فيه كم سؤال إلي
راح ننسأل عنهم في مقابلة أحسن مانقف أمام قائد الدورة
ومانا عارفانين مين هوووووووووووووو .......................ومين
مشرف الفرقه ومشرف الوحده ووووووووووووووووووووو...................
بس يمكن الشيء الوحيد يلي حبيته هونيك وجودي مع رفقاتي وهن يلي خلوني اصبر
واتحمل هالتمن أيام الي مرت كأنيها سنه وزياره أهلي المستمرة بشكل شبه يومي ساعدني كتير
غير انهم ماتركوني حتى على الموبايل ..................
أما بالنسبة للي تعلمته في المعسكر فاكيد النظام واضافه الي الصيحات
والاناشيد

[عبد العزيز الجفان]

الحمد لله على السلامة
بس المعسكر شغلة فاضية
انا حضرت دورة مشرف وحدة وما حسنت اكمل وكانت براس البسيط
وعملت مشكلة مع هادا يللي اسمه عبدالكريم الاشقر

[حمزة العثمان]

أعتقد أن المعسكر حقق أمور عديدة ، هي :

الترفيه و الضحك
اتقان التصفيق
تطوير الدبكة
هدر الوقت
التعب و الإرهاق
تعلم تنظيم إضاعة الوقت
الإنحدار باللغة العربية الفصحى لصالح اللغة العامية
التعرف على طباع الزملاء عن قرب
اكتشاف حقائق بعض الزملاء و الزميلات مباشرة (( الصالح من الطالح ))
التعرف على المتكبرين و المغرورين منهم
معذرة من الزملاء الكرام :
أنا لا أنتظر موضع يحتاج لتطبيق النظام ، و يفرض تعلمه لأتعلم النظام ، عندما أريد تعلم النظام حقا أبحث عن هذا النظام و أقوم بتطبيقه .

طبعا : لا داعي للدخول في التفاصيل السلبية (( أو المنحطة )) اللي ظهرت من عدد كبير من الزملاء و الزميلات إلا أن الحقيقة الواضحة أو اللي توضحت بالمعسكر هي أن الناس معادن ، منهم الذهب و منهم الحديد ، و المظاهر الخارجية اللي عم نشوفها دائما بالكلية هي مظاهر لا تتعدى كونها خارجية لا تعبر عن حقيقة أي شخص ، نعم ، فليس كل ما يلمع ذهبا ، و فهمكم كفاية .








... الوسط ...

[عبد العزيز الجفان]

حمزة حكيت الذي كنت بدي احكيه
فعلا واقع زفت
ولسا انتم ما لحقتم برئيس الطلائع السابق
كنت شفت العجب

[حمزة العثمان]

ولسا انتم ما لحقتم برئيس الطلائع السابق
كنت شفت العجب
من ناحيتي سمعت عنو كتير ، و الحمد لله ما كان على دورنا.








... الوسط ...

[أمير الشعراء]

فعلاً كان منتجع ما كان معسكر لأن كانت أيام من العمر
وكان في اهتمام كبير من قبل المسؤولين
فعلاً كان شي جميل

[إيمـــي]

صحيح الانسان ماببان غير على العشره ولما بنكون في غربه
كل معادن بتبان وبده اخ حمزه انا معاك مليون في ميه
ولكن سوري منك كلنا بنعرف النظام وكلنا بنعرف شو لازم يتطبق فيه
ولكن لنكون صريحين اكتر متل كلامك في الاول هل احنا بنطبق النظام
إلا اذا كنا مجبروين عليه في معظم أحيان لأنه ديما النظام بيكون مفروض
عليك ولذلك ماحدا بالحياه بحب يطبقه رغم وجود اشياء ايجابيه فيه
بينما بالنسبه للنظام الداخلي في حياة كل شخص فهو مسوؤل الوحيد عليه
وماحدا بيقدر يفرضه عليه ولذلك كلنا بنطبقه برغبه وحب
لنكون صريحين اكتررررر مين منااا بينام ساعه 2.30 في منتصف الليل
وبيصحى الساعه 6.00 صباحاا لاتقولي كتييرين هقولك صعب الواحد يجمع
هالامور لانه جسم الانسان يتطلب على الاقل مابين 7 إلي 8 ساعات نوم
وقيس كل الاموررر على ذلك
وأكيد دائما بقول الاختلاف في وجهات النظر لايفسد للود قضيه
اختكم في الله

[هدهد]

انا بوافق براي صديقتي ايمي انو نحن اخضعنا لنظام بعمرنا يمكن ما بنخضع اله بغض النظر عن اذا كان هالنظام منيح او لا

واكيد نحن بالكلية صعب كتير تتعرف على تفاصيل الدقيقة حتى لأقرب صديق الك وممكن طبعا تكون مزعجة بس نحن بالمعسكر تعرفنا على كلشي وعلى كل التفاصيل بحياة بعضنا وممكن حتى كونا فكرة اجابية او سلبية عن نفس رفيقنا وصديقنا الي نحن ما نكن نشوف فيه هالتفاصيل

انا قبل ما اطلع من باب المعسكر قلتلهم لرفقاتي بالغرفة والي من دونهم يمكن انا ما قدرت اصبر واتحمل هالمنتجع
انو احلى شي بهالمعسكر اني قضيت ايام معهم ناكل سوا نفيق سوا ننام بوقت واحد نتعب ونضحك
يعني تشاركنا بكلشي

يلا ايام ومرت وانشاء الله المعسكر الجاي يكون احلى

[MALAZ]

المعسكر ااممممم
الي حابب يعمل دايت
الي حابب يموت من الجوع والتعب
الي حابب ما ينام لمدة 7ايام
يتفضل يزورنا بالمعسكر

بس مع هيك كان حلوووو فيه مواقف كتير سعيدة

[أمير الشعراء]

المعسكر ااممممم
الي حابب يعمل دايت
الي حابب يموت من الجوع والتعب
الي حابب ما ينام لمدة 7ايام
يتفضل يزورنا بالمعسكر

بس مع هيك كان حلوووو فيه مواقف كتير سعيدة
كلامك صح ملاز
أيام من العمر رغم التعب والسهر

[ندى الأيام]

أنا شفت المعكسر كان كتير حلو....لأنو أنا بشوف الإيجابيات بس ومابشوف السلبيات وكنت انا مع رفقاتي والحمدالله كتير انبسطت معون والي هنن متل ما عرفتون متل ما شفتون بالمعسكر أو يمكن أحسن وزادت العلاقة مع ناس كانت العلاقة معون ضعيفة والحمدالله ما انصدمت بحدا وحبيتون كلون أكتر

صح المعسكر كان فيو كتير مساوئ بس المحاسن _عندي _ غطت عليهون

[Zaher]

أنا شفت المعكسر كان كتير حلو....لأنو أنا بشوف الإيجابيات بس ومابشوف السلبيات وكنت انا مع رفقاتي والحمدالله كتير انبسطت معون والي هنن متل ما عرفتون متل ما شفتون بالمعسكر أو يمكن أحسن وزادت العلاقة مع ناس كانت العلاقة معون ضعيفة والحمدالله ما انصدمت بحدا وحبيتون كلون أكتر

صح المعسكر كان فيو كتير مساوئ بس المحاسن _عندي _ غطت عليهون

معك حق ، أوفقك بالرأي المعسكر كان كتير حلو وأنا بتمنى ترجع أيامه الحلوة لأنو فعلاً أيام من العمر ، وأنا متلك بنظر للإيجابيات وبتغاضى السلبيات .
وأنا برأيي اللي شاف المعسكر بسلبياته هوي بالأصل رايح يدور على السلبيات أو بالأخص يدور على سلبيات الآخرين ، رغم إنو بهيك أماكن ما حدا بينتبه لشي لأنو بالأسس هوي ترفيهي وتعليمي بنفس الوقت ، بس مو اكتشاف الآخرين وأخطائهم . . . . لأنو بالأساس كل شخص عم يدور على مصلحته وكيف بتمشي معه الأمور وبقيم على هالأساس ، أما اللي بيتعامل مع الجميع وما بينتبه لمصلحته الشخصية فأكيد رح يلاقي الإيجابيات أكتر . . . . .

[حمزة العثمان]

أنا بشوف الإيجابيات بس ومابشوف السلبيات
صح المعسكر كان فيو كتير مساوئ بس المحاسن _عندي _ غطت عليهون

وأنا متلك بنظر للإيجابيات وبتغاضى السلبيات .


عذرا لتدخلي ، بس ما عرفت حتى هالوقت شو هي الإيجابيات اللي كانت موجودة بالمعسكر ، إذا كان في إيجابيات .







... الوسط ...

[أمير الشعراء]

عذرا لتدخلي ، بس ما عرفت حتى هالوقت شو هي الإيجابيات اللي كانت موجودة بالمعسكر ، إذا كان في إيجابيا
عفواً اخي حمزة المعسكر كان في كتير أجابيات وكل الطلاب لمسوا هالشي إلا أنت
ليش ما بعرف ؟؟؟
على كل حال كل إنسان لديه وجهة نظر وطبيعة خاصة به

[Zaher]

عذرا لتدخلي ، بس ما عرفت حتى هالوقت شو هي الإيجابيات اللي كانت موجودة بالمعسكر ، إذا كان في إيجابيات .






المعسكر كله إيجابيات والدليل على ذلك إنت عم تقول المعسكر الثاني مو إجباري وبتعرف كل رفقاتك اللي تخرجوا ماقدموه وما صار عليهن شي ومع ذلك بدك تقدم الثاني وبرغبة ، هاد دليل إنك انبسطت بالمعسكر . . . . . . . .

والمعسكر كله بحد ذاته إيجابيات حتى الفيقة صباحاً من أهم إيجابيات المعسكر . . . .
الاجتماع مع الزملاء والزميلات اللي ما رح نشوفهن للسنة الجاي أيضاً من الايجابيات . . . .
التعرف على أشخاص جدد من مناطق مختلفة وعلى المشرفين أيضاً من الإيجابيات . . . .
الدخول في جو المدارس من حيث النظام والانضباط وحفظ بعض الأناشيد التي سوف نعلمها لتلاميذنا أثناء حصة الطلائع وفي تحية العلم . . . .
اكتسبنا بعض المهارات في أثناء حضورنا في المناشط ( كمهارة فك شيء مربوط معقد ) وأيضاً ( تحديد جهة القبلة ) . . . . .
المنافسات التي كانت تحدث بين الوحدات رغم إنها أمور صغيرة إلا أننا كنا ننفعل ونصمم على الفوز وكنا نتفاعل مع الموقف كما لو كنا أطفال صغار . . . . . .
بعدين الحفلات كانت كتير رائعة وكنا ننبسط فيها كتير . . . . .

عنجد لحظات ما بتتعوض ، كان كتير حلو . . . . . . بس الواحد ما بدو يدقق على أبسط الأمور .

[ندى الأيام]

والله معك أخ زاهر كل هدول الي حكيت عنون إيجيابيات بس يمكن الأشياء نفسها الي أنت حكيت عنها الزميل حمزة شايفها سلبيات يمكن هو ما بحب الفيقة بكير مثلا .....مع أنو أنا أكتر وحدة بالدنيا بتكره الفيقة بكير


بس ليش يا حمزة كل هالعدائية الواحد بيبسط حالو بحالو والظاهر أنت ما بتحب تنبسط

[توركان]

بالنسبة لي المعسكر كان متعب و من كتر الأغاني اللي كانت ما تفارء مسامعنا حس صوت الدربكة عطول بداني

[العصفور المغرد]

بكلمات بسيطة أعبر وأقول (أيام لا تنسى)

[حمودي وبديعة]

المعسكر كان كتير صعب ومرهق كتير انا تعبت وما صدقت ارجع على البيت واخلص

[mollham90]

كان المعسكر كتير حلو و اهم حاجة فيه انو تعرفنا انو تعرفنا على اصدقاء و صديقات
مافي منن:emot112::emot112::emot112::emot112::emot112:

[نازك الملائكة]

المعسكر كان كتير كتير كتير حلو رفهنا فيه عن حالنا و قضينا وقت حلو و ممتع بس فعلا تعبنا كتير بس شو من شان المعسكر التاني يا ترى هو اجباري و لا لاء؟

[neno87]

أحلى أيام العمر هي أيام المعسكر
وأنا زعلت كتيير وبكيت كتيير آخر يوم وخاصة اني في كتير من أصدقائي ممكن ماشوفهن أبدا
انبسطنا كتييير ....أيام فعلا لا تنسى على الرغم من انني قليلة المشاركة وما بنزل عالدبكة أبدا بس بنبسط لما بشوف الناس فرحانييين
على فكرة أنا كتييير مستغربة من الناس اللي ما انبسطو بالمعسكر
لله في خلقه شؤوون!!!!!!!!!!