تسجيل الدخول

مشاهدة النسخة كاملة : شوربة الفطر

كليوباترة
08-30-2009, 11:50 AM
شوربة الفطر

الكمية أربع أشخاص
المقادير:
400غ من الفطر المقطع
رأس بصل
كوب ونصف كوب من الماء
كوب ونصف كوب حليب خال من الدسم
نصف ملعقة صغيرة ملح
ربع ملعقة صغيرة بهار
رشة من جوزة الطيب
ملعقتان صغيرتان من الزت


طريقة التحضير:
1- يقلى البصل في الزيت على نار معتدلة
2- يضاف الفطر ويترك على النار مع التحريك المستمر لمدة 3 دقائق
3- يهرس البصل والفطر في الخلاط الكهربائي مع الماء ثم يوضع المزيج في قدر مع الحليب والتوابل
4- يترك الحساء على نار خفيفة لمدة 5 دقائق مع التحريك من وقت لآخر ثم يقدم فورا

وصحتين وهنا
العارف
08-30-2009, 12:43 PM
كليوباترة
بدي انصحك نصيحة كتييييييير صغيرة
جربيها وعطيني رأيط من بعد ازنك اوكي ؟
في علبة قشطة بتنباع بالسوبر ماركت
جربي حطي مع هالمزيج تبع شوربة الفطر علبة وحدة بس من القشطة للي عم قلك عنها
او بيقولولو حليب كامل الدسم
جربيها وبعدين دوقي الشوربة وعطيني رأيك
حمزة العثمان
08-30-2009, 02:36 PM
الله وكيلك جبت علبة الفطر عشان اعمل فيها سلطة جرجير ، و بعدني من أول يوم برمضان حتى هالوقت ما عم يصرلي و قت لساويها ، مع أني متعود بكل رمضان تكون سلطة الجرجير وجبة رئيسية عالإفطار ، ما في مشكلة .
ستي إذا الشوربة عجبت العارف بعزم حالي لعندو و ما بعزب حالي فيها ، أو إذا أنت عملتيها حسبي حسابي بشي سكبة صغيرة منها .










... الوسط ...
NOUR GH
08-30-2009, 09:16 PM
الفطر شو ما عملتي فيه طيب
بس ليش حتى نقطع البصل ونبكي منو جيبي شوربة ماجي بالفطر وخلصنا عفكرة انا كتير تنبل بشغل المطبخ لهيك بحب كلشي عالجاهز هو صح شغل الايد اطيب بس ....
يالله بحاول جربا
تحياتي الك كليو بترا


:yes1::yes1::yes1::yes1:
هبة الامورة
08-30-2009, 11:55 PM
هههههههههه ياسلام عليك ياحبيبتي كليوباترة كل يوم بتجيبيلنا اكلة طيبة يعني انا اذاالله راد رح اطلع من رمضان زايدة 10كيلو من وصفاتك الطيبة
مشكورة حبيبتي بانتظارالمزيد من الاكلات المشهية
شرشبيلة
08-31-2009, 06:45 AM
ياجماعة ليش الكذب اطيب الشي شزربة العدس وشوربة شذى
كليوباترة
08-31-2009, 10:56 AM
تحياتي لكل الأعضاء الذواقين
honey suckle
08-31-2009, 02:28 PM
رح ساويها وعازمة كل الاعضاء عليها دون استثناء
حمزة العثمان
08-31-2009, 02:40 PM
رح ساويها وعازمة كل الاعضاء عليها دون استثناء

صرت على الطريق ، ما بطول لأوصل .
فيني أتدلل شوي عالفطور و أطلب شوية طلبات ؟









... الوسط ...
العارف
08-31-2009, 06:05 PM
ستي إذا الشوربة عجبت العارف بعزم حالي لعندو و ما بعزب حالي فيها ، .


لا خيو لأ هيك ما اتفقنا
ايه انا عم دور ع مين يعزمني جي انت تطرح بلاك علي ههههه
عم امزح ميت اهلا وسهلا فيك انا بانتظارك بكرة عالغدا :) :)


رح ساويها وعازمة كل الاعضاء عليها دون استثناء


رجعو هيك
سمعت قال في عزيمة ؟؟؟؟
ما بتعرفوني انا مدمن عزائم
ايمتى ايمتى ؟؟؟؟
وبس شوربة ؟؟؟؟
خليها شي اكلة دسمة ولوووووو
honey suckle
08-31-2009, 06:33 PM
تكرم وهي خاروف محشي الك ولكل الاعضاء الطيبين
بس ضل تشريفكم الكريم
حمزة العثمان
09-01-2009, 01:22 AM
عم امزح ميت اهلا وسهلا فيك انا بانتظارك بكرة عالغدا :) :)


مفكر حالك غلبتني ، بكرة عالغدا جاييك .
بدي ديك حبش .









... الوسط ...
العارف
09-01-2009, 02:07 AM
تكرم وهي خاروف محشي الك ولكل الاعضاء الطيبين
بس ضل تشريفكم الكريم

لله يرزقك
العزيمة وعرفناها ع شو
طيب وتشريفنا الكريم مضمون كمان
بس وين المكان والزمان ههههههه
كلك زوء ولله



مفكر حالك غلبتني ، بكرة عالغدا جاييك .
بدي ديك حبش .


لا اذا هيك صار حكي تاني
بقا بدك تفطر مشان عزيمة ؟؟؟
لك خيو عم قلك عالغدا ها عالغداااااااااااااا