كلية التربية الثاااااااااااااااااااااااااااااانية بادلب تتحول الى كلية العلوم؟؟

[THE PEARL]

رح بحكيلكم قصتنا نحنا طلاب كلية التربيةبادلب:

كان ويا ما كان في حديث الزمان هناك فوق التلال البعيدة
بنيت كلية التربية الجديدة في مدينة ادلب الخضراء
لتكون صرحا علميا يخرج بناة الاجيال وصانعوا المستقبل:emot0:....
ويعد جهد جهيد شيد الصرح الجديد وأخد الطلاب يتوافدون على هذه الكلية من كل صوب قريب كان أو بعيد.............:Smile1:
وابتدى المشوار على أنغم الحفر والطرق والسفق
شرع الطلاب ينهلون العلم والمعرفة في كليتهم المشرّفة@@
وهكذا دواليك ...............................
وانقضت اربع سنوات دراسية في هذه الاجواء الشبه دراسية في تلك الكلية المنسية..:anxious1:
وجاءت الفرحة الكبرى في مطلع هذا العام الدراسي السعيد (2009-2010)بالخبر الرشيد :( :Smile1:أبشروا أيها الطلاب لقد انتهى بناء
كليتكم الجديدة:Smile1:)
ولكن ......................... يا للمصيبة:( صرخ الطلاب)
لم تصل فرحتنا لقرعتنا ..:shocked1:
ماهو السبب برأيكم؟؟:anxious1:
%










:thinking1:















:thinking1: السببب يا سادة يا كرام هو التالي:
تم حشر طلاب السنة الثانية والثالثة في القبو 0(و التهوية االصحية والاضاءة لمناسبة والمجهز بكل أدوات الراحة للطالب والاستاذ)
و
أنه سوف يتم استقبال طلاب كلية العلوم(الرياضيات والفيزياء) وانزالهم في الطوابق العليا ( التي كانت بالاصل من حق طلاب التربية المنكوبين)




..................................؟

وهكذا يا سادة يا كرام تحولت كلية التربية الثانية بادلب الى ماوى لطلاب كلية العلوم المشردين.....
ودمتم سالمين :emot112:

[abosamir82]

لله الامر
الله يجبر مصيبتكم

[حمزة العثمان]

و توتة توتة خلصت الحتوتة :thinking1::thinking1:!!!!
يا لؤلؤة : مشكلنا أنو منشتغل أي شي بدون تنظيم و بدون دراسة ، يعني على مبدأ (( ضربو و صيبو و قول نصيبو )) و مبدأ (( حظاً أوفر في المرة القادمة )) :emot100::emot100: .
و في مبدأ بقول (( لا تشكيلي ببكيلك :anxious1: )) ، صح الكلية عنا مبنية بشكل ممتاز ، و صح أنها مريحة و مستوفية أغلب الشروط اللازمة لتكون كلية ، بس الله وكليلك مطالعين الفرق بالسكن الجامعي ، تعالي و شوفي بنات التربية و هنو عم يسجلوا عالسكن و شوفي الوضع المزري اللي هنو فيه ، حتى الآن ما حسنو يخلصوا إجراءات السكن ، و اللي خلصت ما سكنت لسبب بسيط هو أنو الوحدة المقررة لسكن بنات التربية ما زالت مغلقة ، و تعالي و شوفي البنات اللي عم ينتظروا دورهم ليستلم منهم الموظف إضبارة السكن قدي عددهم ، اللي أنا شفتو أكتر من مئة بنت واقفة عالدور ، الله وكيلك تقولي فاتحين مخبز مو مدينة جاميعة .
بدك تطولي بالك على بناء جديد لكليتكن ، عسى أبنائك يدرسوا بكلية جديدة و فاخرة :thinking1::thinking1:!!!










... الوسط ...

[Ledy Ledy]

:sad1::sad1:عنجد بدي ابكي
الله يكون معكم يعني فعلا شي بخلي الواحد يجن
بس ....
ماباليدحيله مالكم الا الصبر وشدي حيلك وتخرجي هادا الحل الوحيد
ومتل ما قال الأخ حمزة انشالله ولادك بيدرسو بكلية جديدة :Smile1:

[Ledy Ledy]

علافكرة اسلوبك القصصي رائع:yes1:

[Zaher]

والله مصيبة هالشغلة ، أنا أكره شي علي وقت بحضر محاضرة واحدة في القبو ، بقى شلون جميع المحاضرات .
بعينكن الله أخت PERAL

[علاء]

فعلا التمييز بيقهر

بس برأيك شو السبب

هل لأنهم يعتبرونهم طلاب من مستوى أرفع أم لأنهم ضيوف ؟

الله يكون بعونكن

[GENTLE MAN]

بدك تطول بالك بلكي مخبين لكو شي مفاجاة

[abo alfedaa]

نو كومّينت............

[أحمد الحلبي]

الحمد لله على كل حال
هاي مشاكل الطلاب ما بتنتهي وماحدا سائل
والمشكلة الأكبر إنو ما عم نعرف شو هيي الخطة اللي بيتبعوها هاد إذا في خطة أصلاً

:emot100:

الله يعين الجميع ويوفقنا
أهم شي إنو نخلص على خير ونتخرج

:emot154:

[THE PEARL]

مشكووووووووووووووووووووووورين يا حلوين
شكرا كتير الكم لأنكم شاركتونوني احزاني اللي ما عم تنتهي
ولا عم تخلص
بهالكلية اللي رح بتجيب آخرتي:sad1:

[THE PEARL]

ميرسي ع هالتعليقات الحلوة
وشكرا لانكم شاركتوني بمعاناتي
اللي ما عم تنتهي بهالكلية
وشو بدو يحكي الواح ليحكي الواح (ع قولة جودى)

[قمر الزمان]

سلام الله يكون بالعون يارب ويحمل معكم بس ليش مابتعترضوا على هاد الشي مكشور

[steefo]

فتقتلنا جروحاتنا :sad1:
صرلنا 4 سنين متشردين ضلت على هالسنة
خلي الطابق مستور وخليها بالقلب تجرح

[jeta]

يعني والله معك حئ يعني يلي عم بصير مابينسكت عنو :thinking1:طب شوية عدل يعني نص هون ونص هون يعني صحيح أنا طالبة سنة أولى بس والله من هلئ آكلة هم النزله عالطابئ الأرضي هههههههههههههه:happy2: لأ بجد بدنل حل بس المشكلة مافي مين يسمع :sleeping1:والأنكى من هيك مافي أصانصور ههههههففففففف:sad1: بعين الله بس لازم يكون في حل تلحلحوااااا ياشباااااااب ونحن معكن والله أنتو بس ئوووا ئلبكن ....... سلام لأحلى مدير منتدى أحمد ... زميلتكن رنوووووش :others1::others1:

[احلى عيووون]

يا جماعة روووقوووو شوي تخيلوو حالكم مكان طلااااب ا كلية ا لعلوووم شو فيها لو صارووو معكم الكلية كبيرة ما شاء الله ما فيها شي لو صارووو معكم شو هالقصة العظيمة بعدين عيب عليكم انو تحسوسهم بانهم غير مرغوووب فيهم لانو الا ما يجي يوووم و تصيرووو بمكانهم انا شايفة انو حركة كتير حلوة انو عم يطورورها لادلب و يفتحو فيها افرع جديدة بالأخير كل انسان حر برأيوووو بس ما حلوة كتير انكم تلوموو الطلاااب ............