شو رأيك ؟؟

[علاء]

اقترح أكتر من شخص افتتاح قسم للألعاب ضمن القسم الترفيهي ... ( غير قابل للحذف هذه المرة )


شو رأيك ؟

تستطيع التصويت في الأعلى

[zeado]

ياجماعة المعارضين للفكرة ممكن تخبرونا ليش معارضين
ياجماعة الحياة بدها تنوع وتعدد مو بس لون واحد
يعني منتدانا لازم يجمع بين العلم والتسلية بين الجد والمزح بين الأبيض والأسود

[فرشي التراب]

اخي زياد المشكلة انو بس ينفتح هيك قسم بتلتغى مشاركة الاعضاء ببقية الاقسام

وكانو مافي غيروا

وهالشي بالتاكيد بيسيء لمنتدانا التربوي

يعني قبل ما يلتغى قسم الالعاب

كانت المواضيع الاكثر مشاهدة رح قول معظمها مو كلها من هالقسم

[أ. علي الحمادي]

سيد علاء

انا متفاجئ أم غير قادر على أن أجد القسم الثقافي
مع انو اسمي يظهر اني مشرف هذا القسم
ياسيدي دلني عليه ماعدت لقيتو بمنتداكن
أو رح تحطوا قسم الألعاب محلو ....



ــــــــــــــــــــــــــــــــــــــــــــــــــ ـــــــــــــــــــ

اصعد في الضوء لكي تقرأ الآخرين،
واهبط فيه لكي تقرأ نفسك

[حمزة العثمان]

معارض و بشكل قاطع وجود متل هيك قسم ، لأن المنتدى يا دوب مبين أنو تربوي ، و مع وجود هالقسم بدو يظهر على علاقة بكل شيء إلا بالتربية ، و لاحظوا جميعاً أنو المواضيع اللي على علاقة بالتربية و اللي هي المواضيع المفيدة ، ما حدا عم يشارك فيها ، و ما عم يشاهدها حتى ، فكيف الوضع بدو يصير لو فتحنا قسم للألعاب ... !!:thinking1:

[zeado]

فرشي التراب
حمزة
بحترم رأيكم بس
ياترى نحن حتى نخلي الناس تتفاعل ثقافيا وتربويا وعلميا لازم نحذف كل شي يخالف هذا التوجه ونترك بس هالأقسام هادا الشي برأيي غلط لأنو كل واحد قادر يختار شو بدو واللي بده علم قسم التسلية مارح يشغله واللي بده ترفيه إذا ما شافو عنا رح يترك المنتدى
وبعتقد نحن كمجتمع الجامعة اللي عأساس مثقف لازم نكون ديمقراطيين ونحترم حرية الفرد ونترك له المجال ليعبر عن نفسه بحرية بدون مانصنع قوالب جاهزة ونطلب منو يختار احداها لأنو هيك رح يهرب مننا أو رح يكون فاشل بيننا
والنتيجتين رح تكون خسارة للجميع

[حمزة العثمان]

يمكن معك كامل الحق بكلامك زياد ، و أنا ما أعطيت أكتر من رأيي ، و بالنهاية فتح قسم أو عدم فتحوا مو من اختصاصي ، و لا عندي القدرة على الحكم عليه .

[كليوباترة]

من وجهة نظر شخصية بعتقد إنو القسم الترفيهي كافي للتسلية وكما ذكروا سابقا باعتباره منتدى تربوي

[علاء]

كل الآراء رغم اختلافها صائبة

والغالبية مو موافقة

لذلك رح نكتفي بالقسم الترفيهي

جزيل الشكر لكل من صوت وأبدى رأيه

:)