سؤال

[rozalinda]

مسالخير لكل أعضاء المنتدى الطيبين وانشاءلله كل عام وانتوا بألف خير

بهنيكم من قلبي يا أحلى طلاب بأحلى كلية وتهنئة خاصة لقسم (معلم صف)

وهلأ بتمنى المساعدة من أحد الأعضاء لأنو في شغلة حيرتني

في مادة مملة اسمها المكتبة المدرسية وفيها حلقة بحث متعبة كتير

ومن ضمن الطلبات كان في شي اسمه رقم ديوي(التصنيف العشري للكتب)

بس انا فتلت الدنيا وما لقيته ، قلبت الكتب صفحة صفحة ما تركت شي ما عملتو بس عبث مالقيت شي....بئة من بعد فضلكم اذا حدا بيعرف شي عن هالموضوع يقلي..



جزاكم لله كل الخير:anxious1::anxious1:

[دانووو]

وانا كمان عم دور وما شفت شو هالتعجيز هاد

[Zaher]

وأنتي بألف خير rozalinda وأهلا وسهلا فيكي معنا بالمنتدى

بالعكس مادة المكتبة كتير حلوة وكتير مفيدة إنك تفهميها لأنو إذا رحتي عالمكتبة الوطنية لتستعيري شي كتاب بتعرفي تبحثي بكل سهولة .

يا ريت توضحي شو المطلوب لأنو سؤالك مو واضح ، وإذا قصدك الأصول العشرة لتصنيف ديوي العشري فهي كالتالي :

1- المعارف العامة وأعطاها الأرقام من 000- 099
2- الفلسفة والمباحث المتصلة بهما وأعطاها الأرقام من 100 - 199
3- الديانات وأعطاها الأرقام من 200 - 299
4- العلوم الاجتماعية وأعطاها الأرقام من 300 - 399
5- اللغات وأعطاها الأرقام من 400 - 499
6- العلوم البحتة وأعطاها الأرقام من 500 - 599
7- العلوم التطبيقية وأعطاها الأرقام من 600 - 699
8- الفنون الجميلة وأعطاها الأرقام من 700 - 799
9- الآداب ( آداب اللغات ) وأعطاها الأرقام من 800 - 899
10- التاريخ والجغرافيا والتراجم وأعطاها الأرقام من 900 - 999

سمي تصنيف ديوي العشري بهذا الاسم لأنه قسم العلوم والمعارف البشرية ضمن عشرة أصول رئيسية وقسم كل أصل منها إلى عشرة أقسام فرعية وكل قسم من هذه الأقسام إلى عشرة فروع ، وكل فرع منها إلى عشرة فروع أخرى أضيق تخصصاً وهكذا . . . . .

ما بعرف إذا كان هاد المطلوب ، وإذا كان مو هاد المطلوب يا ريت توضحي سؤالك بدقة وإذا كان بإمكاني مساعدتك أكيد ما رح قصر لا أنا ولا أي حدا تاني من الأعضاء .

[rozalinda]

أول شي شكرا كتيير دندونة عالمرور الحلو وكل سنة وانتي بألف صحة وخير يا أحلى رفيقة

تاني شي اسمحلي اتشكرك على لطفك استاذ زاهر ولله يعطيك العافية ويجزيك كل الخير يارب

المشكلة ان معلوماتي حول هذه المادة محدودة

لكن أثناء قيامي بالتصنيف البطاقي(الفهرسي) للكتب واجهت صعوبة في ايجاد المعلومات اللازمة

جمعت عدة كتب وماكان مكتوب بالصفحة الأولى سوى اسم المؤلف والعنوان ودار النشر

أما رقم ديوي ومقاس الكتاب ونوع الورق والأجزاء أو المجلدات ومابعرف شو......
هدول كلن ما لقيتن سألت قالولي ممكن تحصلي عليهن من ملاحق سلسة كتب علم النفس

من فضلك زاهر في مجال تخبرني عن طريقة توصلني لهلمعلومات أو منين بدي جيب الملاحق


تحياتي

[Zaher]

أولاً أنا آسف أختي الكريمة لأني تأخرت عليكي بالرد ، بس أنا عم أدخل من الجوال لمدة دقيقتين وعم أطلع وما كتير عم أدخل عالمنتدى .

بالنسبة لمقاس الكتاب وهذه الأمور كنا نحط هالأمور من عنا ، وأغلب الكتب إذا بدك تحطي مقاسهن يترواح بين 24 - 26 سم ، أغلب الكتب بهالمقاس ، أنا هيك كنت مصنف اغلب بطاقاتي ، أكيد ما حدا بدو يجيب المراجع ويقيس حجم الكتاب ، كل ما هنالك إنو تكونوا فهمانين المطلوب ولو حتى حطيتوا من عندكن .

أنا وقت كنت سنة أولى نزلت عالمكتبة الوطنية وهناك مكتوب إذا كان الكتاب صغير ( ص ) أو وسط ( و ) أو كبير (ك) أثناء الاستعارة أما حجم الكتاب كنت أقدره من عندي وما حدا بيدقق على هالأمور ، فقط المهم تكونوا فهمانين .