مشاهدة النسخة كاملة : لعبة الصراحة
the king
04-07-2010, 06:05 PM
هي اللعبة ظريفة كتير بس فيها مشكلة انو شرطها الصراحة يعني يلي بدو يشارك يا يقول الصدق يا لا يجاوب وبتمنى هالشي يطبق
فكرتها بسيطة كتير وغايتها كبير كتير بتساعد على التواصل بين الاعضاء والتعرف اكتر على بعضهم
كل واحد بفوت عالموضوع بيجاوب على سوال العضو يلي قبلو وبيسأل سوال ليلي بعدو طبعا السوال عقلاني وباي مجال مفي مشكلة يعني بيدخل بالعقل
وهيك كل واحد بفوت بعد التاني وهكذا
وبتنمى من الجميع المشاركة
فيكون اتكرروا السوال للفائدة مثلا او حابين تعرفوا راي غيركون بهالسوال
رح ابدأ انا اول واحد اسال يلي بعدي
شو حلمك الي ماتحقق؟؟؟؟؟؟؟؟؟
حلمي الي ما تحقق اني ادخل هندسة عمارة
يسلموووو كتييير كينغ ع الموضوع الرااااااااائع
بس شو رأيك ان اي عضو بيشترك بهالموضوع
يكون مستعد ليجاوب عن اي سؤال بيتوجه الو
واللي بعدي نفس السؤال
شو حلمك الي ما تحقق؟؟
the king
04-07-2010, 06:48 PM
اي فكرة حلوة
بس مو شرط يكون العضو يلي بيتوجهلو سؤال يكون موجود بنفس الوقت .... وهيك بتوقف اللعبة
انا برايي نخليها عفوية
تقبل مروري
انا حلمي يلي ما تحقق اني ما دخلت اي فرع هندسة
سوالي للي بعدي... شو احلى شي بحياتك
kitty
04-07-2010, 07:22 PM
أحلى شي بحياتي شعوري بوجود الله معي في كل لحظة
سؤالي للي بعدي:
من هو قدوتك في حياتك؟
Green Eyes
04-07-2010, 07:39 PM
قدوتي في حياتي { البابا }..
سؤال للي بعدي :
شو أكتر شي بيألمك في هالحياة؟؟؟؟
Batoul
04-07-2010, 08:21 PM
أكثر شيء يؤلمني لما بشوف دموع الأشخاص اللي بعزهم وقريبين مني بهالحالة أنا كما ببكي .
فكرة حلوة منك كينج
سؤالي للي بعدي
هل طيبة القلب والعفوية تسبب لك المشاكل ؟؟
ميس الريم
04-07-2010, 09:06 PM
هل طيبة القلب والعفوية تسبب لك المشاكل ؟؟
كتيييير فوق ما تتصوري ..
وسؤالي .. شو هي الصفة اللي ما بتحبها بحالك؟؟؟
سوري أصيل
04-07-2010, 09:09 PM
الحشرية والفضول بس :)
سؤالي : هل انت راضٍ عن اداء واجباتك تجاه ربك ؟؟
شهد العسل
04-07-2010, 09:14 PM
هل انت راضٍ عن اداء واجباتك تجاه ربك ؟؟
لا أبدا
ولكني أسعى دائما لتحسينها
شهد العسل
04-07-2010, 09:18 PM
كم مرة تختم القرآن في السنة
أم أنه لا يُفتح إلا في رمضان ...؟!
shadi2010
04-07-2010, 09:18 PM
لا أكيد بفتحو برمضان وغير رمضان بس ما بعد المرات اللي
بفتحو فيها
سؤالي للي بعدي
شو هي الصفة اللي بتشوفا بحالك وتتمنى تتركها؟
RED ROSE RORO
04-07-2010, 09:30 PM
الصراحة.......لأن صراحتي بتجرح
ما تشعر عندما لا أحد من أصدقاءك يسمع نصائحك.....وفوق هيك بينتقدك
شهد العسل
04-07-2010, 09:33 PM
بزعل وبشعر بالحزن لأجلها
لأنو هي متل أختي
السؤال هو :
ما هدفك بالحياة وهل تسعى لتحقيقه ؟
zeado
04-07-2010, 09:35 PM
الصفة اللي بتمنى اتركها
عدم تأثري بأي شي سلبي بيصير معي لأنو شو ماصار علي مابتفرق معي
سؤالي للي بعدي ليش مانمت لهلأ وشو مسهرك?
RED ROSE RORO
04-07-2010, 09:38 PM
يلي مسهرني .........هلأ خلصت دراسة ودخلت شوف شو في مواضيع
بلشت دراسة مواد بالجامعة؟؟؟؟؟؟
شهد العسل
04-07-2010, 09:41 PM
سهرانة معاكم الليلة
مبسوطة وعبسرح بخيالي
جربت نومات طويلة
ما قدرت أشيلكم من بالي
السؤال هو :
ما هدفك بالحياة وهل تسعى لتحقيقه ؟
لولي
04-08-2010, 09:51 AM
هدفي الحالي اتخرج من الكلية بمعدل مقبول
سؤالي للبعدي
ما صفات تحلم ان تكون في شريك حياتك؟
امينة الجزائرية
04-08-2010, 10:06 AM
ههههههههههههههههههه
متخلق ومهذب .يقدر النساء .مثقف .رزين
من هو اقرب شخص لك بعد والديك
the king
04-08-2010, 10:06 AM
الجمال اولا ....
والاخلاق ثانيا.... رغم اني بعرف انو هاد الشي خطا
سؤالي : شو بتعنيلك كلمة بحبك
صمت الأنين
04-08-2010, 10:11 AM
بحبك
=
أهتم بك
أخاف عليك
أضحي بنفسي لأجلك
لا أستطيع العيش بدونك
ماهو أكثر المواقف المضحكة التتي مررت بها في حياتك شخصيا؟
امينة الجزائرية
04-08-2010, 10:21 AM
كثيرا كثيرا
البارحة رايت شيخا عجوز يعاكس ايضا امراة طاعنة في سن يمسكها من عكازها ويقول لها اريد التحدث اليك
فقالت له العجوز وهل بقي لنا كلام والله اضحكني الموقف
هل سبق وان جرحك شخص ما
لولي
04-08-2010, 10:29 AM
شخص اعتبرته اغلى انسان فجرحني اكبر جرح
السؤال التالي:
هل تفضل الصداقة من شخص من نفس جنسك ام من الجنس الاخر؟
the king
04-08-2010, 10:45 AM
اذا بدي تكون صداقة حقيقية ..... من نفس الجنس
سؤالي : عاجبتك حياتك هيك ( مقتنع فيها )
امينة الجزائرية
04-08-2010, 10:45 AM
ربما من الجنس الاخر لان الذكور اوفياء
امينة الجزائرية
04-08-2010, 10:46 AM
اذا بدي تكون صداقة حقيقية ..... من نفس الجنس
سؤالي : عاجبتك حياتك هيك ( مقتنع فيها )
انا تعجبني حياتي
ماهي الدولة التي تحلم بزيارتها
لولي
04-08-2010, 10:52 AM
كتير مبسوطة بحياتي
سؤالي:
هل الصداقة الحقيقية لا تكون الا مع من هومن نفس جنسك؟
امينة الجزائرية
04-08-2010, 10:54 AM
لا لا لا انا لدي اصدقاء ذكووووووووووووور والله احبهم اكثر من البنات
ماهو البلد الذي تحلم بزيارته
RED ROSE RORO
04-08-2010, 12:22 PM
بحلم زور اسبانياااا
الجرح من من شخص غالي .......بيقدر الزمن يداويه..............؟؟؟
kitty
04-08-2010, 01:01 PM
هو صعب كتير بس أكيد مع الأيام بيتداوى بالنسيان
ماهي أحلى لحظة مرت معك في حياتك وتتمنى أن تتكرر؟
Batoul
04-08-2010, 01:10 PM
الجرح من من شخص غالي .......بيقدر الزمن يداويه..............؟؟؟
لا , الزمن لا يدواي الجراح وإنما يساعدنا على نسيان الألم .
كم عدد أصدقائك الذين تعتبرهم أوفياء لك ؟؟
أحلا لحظة عشتها هي لحظة حب
و عدد اصدقائي الأوفياء( اوفياء بكل معنى الكلمة) 7 الله لا يحرمني منهون
الي بعدي : شو بتعمل لما بتكون كتيييير متداااايق؟؟؟
the king
04-08-2010, 01:47 PM
بحكي مع انسانة كنت احبها .... ولسى بحبها اكيد بس بشكل مختلف
سؤالي :شو أحلى شي بحياتك؟
أحلا شي بحياتي اني بين اصدقاء أوفياء بكل معنى الكلمة
واني عضو بهالمنتدى بين أعضاااااء ولا أرووووع
الي بعدي : ايمتا آخر مرة شعرت بالسعادة الغامرة وشو السبب ؟؟!!!
ثلاث أصدقاء...وهم حصيلة 14سنة دراسة،وهم أغلى ما عندي ...
س: ما هي حدود طموحاتك في هذه الحياة؟
the king
04-08-2010, 04:50 PM
ان اصبح ذو مكانة سياسية اجتماعية مرموقة ....... بس يا حسرة من وين ( طالما انا طالب ارشاد )
شو الاسم يلي بتحب الأعضاء ينادوك فيه؟
دمعة وابتسامة
04-08-2010, 05:03 PM
بحب ينادوني دمعة وابتسامة لأنو أحياناً بقولو دمعة وأحيان ابتسامة
وسؤالي
اذا بتحسن ترجع بالزمن للخلف ............لأي فترة من حياتك بترجع وشو بتغير فيها؟؟؟؟؟؟؟؟؟؟؟؟؟؟
آسفة max ،بس يمكن صار في عندي خطأ بالموضوع : وجاوبت على سؤال غير سؤالك ؟
يمكن من فترة شهر كنت فعلا بموقف كتير صعب ما مكن أطلب فيه المساعدة من حدى ...وما ممكن إني اعتمد على حدى بهداك الموضوع ...عندها اكتشفت معنى التوكل على من تحب على *الله* وشعرت عندها بسعادة لاتوصف فمعي الله .......
لولي
04-08-2010, 06:14 PM
بحب ينادوني دمعة وابتسامة لأنو أحياناً بقولو دمعة وأحيان ابتسامة
وسؤالي
اذا بتحسن ترجع بالزمن للخلف ............لأي فترة من حياتك بترجع وشو بتغير فيها؟؟؟؟؟؟؟؟؟؟؟؟؟؟
انا مقتنعة بحياتي وما بتمنى شي مستحيل يصير (القناعة كنز لا يفنى)
اذا شي دايقني بحاول الاقي حل وابدا من جديد
سؤالي:
مين العضو يلي بتحب مواضيعو؟
دمعة وابتسامة
04-08-2010, 06:30 PM
في أعضاء مميزين بالمنتدى بتابع أخبارن ومواضيعن متلك انتي
وسؤالي لوما دخلت كلية التربية شو كنت بتحب تدرس
حسب ما أتمنى
قلت اني كنت اتمنى هندسة عمارة
بس هلأ ما بتمنى غير اني ابقى بأحلا وأروع فرع
وحسب مجموعي لو ما دخلت تربية كنت رح ادخل طب بيطري
سؤالي : شو بتريد من هالدنيا ؟؟؟؟
knightofLight
04-08-2010, 07:09 PM
السعادة والمال والبنون و السلطة
موضوع حلو ممكن شارك :)
ما هو اجمل كتاب قرأتو ؟
kitty
04-08-2010, 07:18 PM
أجمل كتاب قرأتو رجال حول الرسول
هل تعرف ماهي جنة الدنيا؟
بعرف ان تركيا هي جنة الأرض
صح جواب ولا لأ
الي بعدي : كم ساعة باليوم بتقضي ع التلفزيون؟؟
RED ROSE RORO
04-08-2010, 08:50 PM
يمكن ولا ساعة........بالصدفة بشوف التلفزيون.....من الجامعة للبيت ..انترنت ودراسة وقراءة كتب...
أي لون مفضل عندك....
شهد العسل
04-08-2010, 09:00 PM
اللون الأزرق
شو هي أكلتك المفضلة ؟؟
محمد الأحمر
04-08-2010, 09:27 PM
رز وملوخية.............
مين العضو المقرب إلك في المنتدى
the king
04-09-2010, 01:18 PM
كلن اصدقائي وبحبن ...بس اكتر شي (بما انو بعرفهن على ارض الواقع )
المتنبي و علاء و وايت انجل
سؤالي :موقف مر معك بالكلية لا تنساه ابداً ؟؟؟
دمعة وابتسامة
04-09-2010, 01:43 PM
أول مرة قدمت حلقة بحث جماعي بالسنة الأولى يلبكت ونسيت عنوان الحلقة وما قلت كلمة صح (مع انو شخصيتي قوية )بس لانو أول مرة
مين من أعضاء المنتدى برأيك عندو نسبة عالية من الذكاء الاجتماعي؟؟؟؟؟؟؟
the king
04-09-2010, 02:48 PM
بعتقد لولي ... من مواضيعها طبعا ما بعرفها على ارض الواقع .
سؤالي للي بعدي : متى تشعر بنفسك أنك غير قادر على التعبير فيما يجول في صدرك ؟
RAIN
04-09-2010, 02:50 PM
عندما اكون بجانب الحبيب
منشان هيك بحياتا ما بتصير معي
هههههههههههه
سؤال
ايمتا اخر مرة اكلت قتلة من الماما او البابا
دمعة وابتسامة
04-09-2010, 03:29 PM
حرام عليك أنا حبابة يمكن أسمع كم كلمة من بابا أو ماما بس أكل قتلة مستحيل لأني أنا مدللة ماما وبابا لاني البنوتة الوحيدة والبكر
سؤالي شو احلى شي صار بحياتك؟
kitty
04-09-2010, 03:29 PM
أنا ما أكلت قتلة ولا مرة
لأني كنت حبابة كتير "كنت" :Smile1:
من هو أكتر دكتور بتحب تحضر محاضراتو بالكلية؟
RAIN
04-09-2010, 03:32 PM
من هو أكتر دكتور بتحب تحضر محاضراتو بالكلية؟
ههههههههههه
اسف
مو بقصدي بس عن اي دكتور قصدك
RAIN
04-09-2010, 03:33 PM
حرام عليك أنا حبابة يمكن أسمع كم كلمة من بابا أو ماما بس أكل قتلة مستحيل لأني أنا مدللة ماما وبابا لاني البنوتة الوحيدة والبكر
سؤالي شو احلى شي صار بحياتك؟
يا حرااااااااااااااااااامم
هههههههههههههههههه
احلى شي صار بحياتي
هوي ضحكة امي كل يوم
سؤال
شو اكتر شغلة بتخاف او بتخافي تعمليها بس بتتمني تعمليها
دمعة وابتسامة
04-09-2010, 03:33 PM
الدكتور أحمد سباهي والدكتور هيثم أبو حمود
سؤالي شو احلى شي صار بحياتك؟
RAIN
04-09-2010, 03:35 PM
تم الاجابة عن هذا السؤال
knightofLight
04-09-2010, 04:48 PM
سؤال
شو اكتر شغلة بتخاف او بتخافي تعمليها بس بتتمني تعمليها
بصراحة ما في عصرت مخي وما طلع معي شي
سؤالي شو احلى شي صار بحياتك؟
صعب حدد في كتير شغلات حلوه بس بعتقد احلى شي كان التخرج
ما هي رياضتك المفضله ؟ :):):)
امينة الجزائرية
04-09-2010, 05:03 PM
افضل رياضة كرة القدم
امينة الجزائرية
04-09-2010, 05:03 PM
ماهي طموحاتك في الحياة
عبد العزيز الجفان
04-09-2010, 05:26 PM
ماهي طموحاتك في الحياة
على صعيد الدراسة انهي الماجستير حاليا
اما على الصعيد العام انتقل من مدرستي البعيدة جدا
سؤالي
ماهو أكثر بيت شعري أثر فيك
knightofLight
04-09-2010, 09:53 PM
أراك عصي الدمع شيمتك الصبر
أما للهوى نهي عليك ولا أمر
بلى ،أنا مشتاق وعندي لوعة
ولكن مثلي لا يذاع له سر
إذا الليل أضواني بسطت يد الهوى
وأذللت دمعا من خلائقه الكبر
تكاد تضيء النار بين جوانحي
إذا هي أذكتها الصبابة والفكر
معللتي بالوصل والموت دونه
إذا بت ظمآنا فلا نزل القطر
حفظت وضيعت المودة بيننا
وأحسن من بعض الوفاء الغدر
وما هذه الأيام إلا صحائف
لأحرفها ، من كف كاتبها ، بشر
من هو كاتبك المفضل ؟
madyan84
04-09-2010, 10:08 PM
كاتبي المفضل
جبران خليل جبران
وسؤالي هو
من هو اقرب عضو في المنتدى الى قلبك
حمزة العثمان
04-09-2010, 10:52 PM
كاتبي المفضل
جبران خليل جبران
وسؤالي هو
من هو اقرب عضو في المنتدى الى قلبك
أكيد الغالي زاهر .
سوالي : شو هدفك بالمنتدى !!! و لي أنت موجود فيه ؟؟؟
السؤال التاني : برأيك شو قدمت للمنتدى !!! ؟
kitty
04-10-2010, 12:45 PM
هدفي بالمنتدىأن أفيد كل من فيه بما تعلمت وبما أتعلم وبما سأتعلم وبالمقابل أستفيدأنا مما تكتبه الأيدي الكريمة فيه
السؤال التاني : برأيك شو قدمت للمنتدى !!! ؟
لازلت حديثة عهد فيه ولاأعتبر نفسي قدمت سوى القليل القليل واتمنى مع الأيام أن أكون ممن أعطوا وقدموا وأفادوا أن تكون لي بصمة في هذا المنتدى
سؤالي للي بعدي:
ما ذا ستفعل لو أخبرك أحدهم أن رسول الله صلى الله عليه وسلم عاد وسيزورك في بيتك وماهو الوضع الذي تحب أن يراك فيه؟
sara91
04-10-2010, 05:45 PM
افرحكتير بس اخاف لان انا مقصرة بعدة جوانب
الوضع الامثل ان يراني وانا اتلو القران
سؤالي :هل انت متقن لعلم التجويد ام لا وهل فكرت بالخضوع لدورة تدريبية
عبد العزيز الجفان
04-10-2010, 05:53 PM
هل انت متقن لعلم التجويد ام لا وهل فكرت بالخضوع لدورة تدريبية
إتقان, الأمر صعب لأنه يحتاج إلى إجازة شفهية عن عن عن العلماء
بس فيك تقولي إجادة تمام بحكم دراستي ثانوية شرعية واللغة العربية
سؤالي :
عندما يصاحبك شعوربالفراغ ما تفعل ؟
سوريا
04-10-2010, 06:02 PM
من فترة ولهلق باستغفر ربي
شو اكتر شي بس تسمعو بتروق ولو كان جواتك براكين عم تثور؟؟
aous_d
04-10-2010, 06:03 PM
لافراغ طالما أن الانسان مع الله في كل لحظة والكل يعرف أن الله اذا أراد بعبد خيرا" ساقه اليه وبرأيي الفراغ نتيجة ولاسبب للقيام بشيء لكن احتراما" لقواعد اللعبة أجاوب
أذكر الله دوما" فلا أشعر أبدا" بأي فراغ
سؤالي للصديق_ة القادم_ة هو:
أتستطيع أن تحافظ على حبك لشخص رغم أن هذا الشخص لا يريدك الا صديقا" وماذا تفعل و أنت تحبه؟؟؟؟؟؟
aous_d
04-10-2010, 06:06 PM
بس اسمع صوت أمي بنسى هموم الأرض
سؤالي هو موجود فوق وبتمنى الاجابة
sara91
04-10-2010, 06:13 PM
والله ما بعرف يمكن يقدر غيري يجاوبك ع سؤالك بس حسب اعتقادي
رح تكون ردة فعلي انو احاول ابتعد لانسى لان من الصعب ان يتحول الحبيب لصديق
سؤالي هل تتحفظ شيء من القران وماهي اكتر الايات صعوبة برايك
عبد العزيز الجفان
04-10-2010, 06:17 PM
سؤالي هل تتحفظ شيء من القران وماهي اكتر الايات صعوبة برايك
الحمد لله ولكن أنسى لقلة المراجعة
وسورة النساء وجدت فيها صعوبة من حيث الأحكام الفقهية
سؤالي:
ما من أكثر تابعي أثر فيك ؟
aous_d
04-10-2010, 06:22 PM
كن مع الله ولا تبالي
هو شعاري وعندها الكون كله لاشيء فيه صعب فكيف بالكتاب الذي بعثه لنا الله لنعيش به ومن خلال تعاليمه
أعيد القرآن قراءة" كلما استطعت
أجد سورة التكوير أكثر سورة كلفتني الوقت لحفظها
سؤالي ما الصفة التي تكرهها بشخصيتك؟؟؟ ما تقولو ما في شي ؟؟؟ لأن الانسان فطرة مو هيك؟؟؟؟
sara91
04-10-2010, 06:23 PM
يمكن يكون عبد الله ذي البجاذين
اكتر صحابي انت معجب فيه
سوريا
04-10-2010, 06:27 PM
اكتر شي بكرهو بحالي هوي اني بضل حاطة الزورة بجبيني ومهما حاولت فكا ما بتنفك
هالشي بيعطيني منظر المعقدةو الشايفة حالا وهاد المنظر مو حلو
سؤالي : ايمت بتحس حالك كتيرفايت بالحيط وشو ما قلت عم تعبر
عنو غلط ؟
aous_d
04-10-2010, 06:33 PM
عندم أسمع كثيرا"للأخرين وأنسى نفسي بفوت بستمية حيط مو بس بحيط واحد بس أم كلثوم قالت : واثق الخطوة يمشي ملكا" فما تهتمي يا سوريا
وبزيادة لم بزاعل أمي أو أخي الكبير
سوريا
04-10-2010, 06:40 PM
aous_d
شكرا بس وين راح سؤالك
sara91
ما في حدا محدد
سؤال : بتحب اغاني كاظم الساهر الجديدة ولا متلي بتفضل القديمة؟
aous_d
04-10-2010, 06:43 PM
سؤالي هو :الى أي درجة أنت أنانية في حياتك حتى مع الشخص الذي تحبيه؟؟؟
أنا بفضل الأغاني القديمة لكاظم وأعشق أغنية كثر الحديث عن التي أهواها
Green Eyes
04-10-2010, 08:21 PM
أنا مو أنا نية أبدا على العكس أحيانا بدايق أنو ما في بقلبي مجرد ذرة أنانية عنجد
سؤالي: شخص مر بحياتك مثل النسمة ..بس مرورك غير فيك أشياء كتيرة حلوة ...ورحل لمكان انت مابتعرفيه{ شو بتقول لإله}.
RED ROSE RORO
04-10-2010, 08:25 PM
سؤالي: شخص مر بحياتك مثل النسمة ..بس مرورك غير فيك أشياء كتيرة حلوة ...ورحل لمكان انت مابتعرفيه{ شو بتقول لإله}.
شخص هو بنت مرت بحياتي وغيرت كتيييير أشياء وأفكار .....وما شفتا غير أسبوع وسافرت .........
وياريت ارجع شوفا ..........كتييييييير مشتاقتلا........والله يوفقا
RED ROSE RORO
04-10-2010, 08:27 PM
سؤالي:بتسمع أناشيد......ولأي فرق.......؟؟
kitty
04-10-2010, 09:53 PM
بسمع لفرق كتييييير
منهم فرقة أبو شعر والفرقة الفلسطينية للمدائح النبوية وبسمع لنور الدين خورشيد
وفرقة طيور الجنة:Smile1:
سؤالي للي بعدي:
ماهي قناتك المفضلة على التلفاز وتحب برامجها وتتابعها باستمرار؟
Batoul
04-10-2010, 10:49 PM
مافي قناة محددة وإن كان ولا بد ولازم أختار فبختار قنوات ال mbc
ماهي أكثر شخصية سياسية تعتبرها قدوتك ( يمكن رح تنحذف هالمشاركة !!) ؟
shadi2010
04-10-2010, 10:55 PM
مافي قناة محددة وإن كان ولا بد ولازم أختار فبختار قنوات ال mbc
ماهي أكثر شخصية سياسية تعتبرها قدوتك ( يمكن رح تنحذف هالمشاركة !!) ؟
ههههههه لا في حرية حبتين
السيد حسن نصر الله
سؤالي للي بعدي
متى تكون بأشد الحاجة إلى صدر حنون تبكي وتشكي له همومك؟
Batoul
04-10-2010, 11:05 PM
أنا بالنسبة لي دايماً احتاج لمن أشكي لهم همومي أو حتى لما بكون سعيدة يعني ع الحالتين سعيدة أو مهمومة .
سؤالي لمن بعدي : هل أنت مغرور ؟؟
حمزة العثمان
04-10-2010, 11:05 PM
مافي قناة محددة وإن كان ولا بد ولازم أختار فبختار قنوات ال mbc
ماهي أكثر شخصية سياسية تعتبرها قدوتك ( يمكن رح تنحذف هالمشاركة !!) ؟
شارل ديغول (( هيك بقولولي أني كتير متأثر بأفكارو و أني بشبهو كتير ))
مع أني بشوف حالي متأثر كتير بأفكار نيلسون مانديلا .
متى تكون بأشد الحاجة إلى صدر حنون تبكي وتشكي له همومك؟
حتى الآن ما شعرت متل هيك شعور .
السؤال : شو هي أنواع الكتب اللي بتفضل قرائتها على غيرها ؟؟
madyan84
04-10-2010, 11:18 PM
بفضل قراءة الروايات العربيه والعالميه
وسؤالي
كيف اشتركت بالمنتدى
Soul_Whispers
04-10-2010, 11:32 PM
ممممممم
لعبة حلوة كتير مشكورين
اشتركت بالمنتدى لحتى اقدر شوف علاماتي بالمواد
سؤالي :
شو أكتر كلمة بترددها ؟
ملاك
04-10-2010, 11:45 PM
ما بعرف ولشوف ..
وسؤالي
هل انت راضي بما وصلت اليه ؟؟
shadi2010
04-10-2010, 11:48 PM
هل انت راضي بما وصلت اليه ؟؟
مممممممم مو راضي بس مرتاح والإنسان طموح بطبعو
سؤالي للي بعدي
متى تكون في قمة السعادة ؟؟؟
ملاك
04-10-2010, 11:57 PM
وقت بكون مع رفيقتي وحبيبة قلبي sos
وبتمنى ما نتفارقن أبداً
وسؤالي
ليش دخلت الفرع اللي انت فيه؟؟؟؟
shadi2010
04-11-2010, 12:00 AM
الله لا يفرقكن عن بعض
ليش دخلت الفرع اللي انت فيه؟؟؟؟
اي واحد بالضبط ؟ عا كلاً واحد كان طموح من الطموحات والتاني كان ...............................طموح تاني ههههه
سؤالي للي بعدي هل تستطيع أن تعترف لشخص بحبك أو كرهك له ببساطة أم بصعوبة؟
Soul_Whispers
04-11-2010, 12:02 AM
ببساطة لكن بلباقة
Soul_Whispers
04-11-2010, 12:03 AM
سؤالي :
أين تأخذك ذروة الغضب ؟
the king
04-11-2010, 09:46 AM
الى الصمت في اغلب الاحيان ..... والحمد لله
سؤالي : كيف تصنف حالتك النفسية هلق
دمعة وابتسامة
04-11-2010, 04:13 PM
رايقة بس مو كتير
سؤالي مين أكتر عالم أو فيلسوف بتأمن بأفكاره وبتصدقها؟
sara91
04-11-2010, 04:31 PM
فرويد
سؤالي:باي سنة من عمرك بتتمنى تموت (اديش يكون عمرك)وليش
دمعة وابتسامة
04-11-2010, 04:56 PM
بين (60-70) لأنه كما قال رسول الله(ص) أعمار أمتي بين الستين والسبعين
شو كان غداكن اليوم (صحة سلفا)
aous_d
04-11-2010, 06:10 PM
أنا أكلت مقلوبة اليوم
سؤالي هو:هل أنت راضي عن حالك هذي الأيام؟؟؟
the king
04-11-2010, 07:56 PM
للاسف مو كتير ..... بس اكيد الحمد لله على كل حال
سؤالي :من أقرب أعضاء المنتدى إلك ؟ وكيف العلاقة معو؟ وكيف بلشت؟
سوريا
04-11-2010, 08:00 PM
ما حدا على اعتباري بعدني جديدة
شو اخر اخبارك على اي صعيد بدك ياه؟؟
aous_d
04-12-2010, 01:09 PM
أنا بخير طالما الله سبحانه عم يبعت هالحلا كلو بوجهي سواء من الناس أو من الطبيعة أو غيرو
بس بتبقى حالتي العاطفية سيئة لأني ما بعمري حاكيت بنت الا و فورا"قالت خلينا أصدقاء وكأني أريد أكثر من هيك أو لا بس ما حلو التعامل هيك
سؤالي:هل أنت اخترت الفرع الذي تدرسه أم أنه فرض عليك ولو أنه لم يفرض جدلا" ماذا كنت ستختار؟؟؟؟؟؟؟؟؟
sara91
04-12-2010, 01:23 PM
انا اخترت دراستي (الارشاد النفسي)ع الرغم من معارضة البعض من اهلي
لو ما كنت بقبل ارشاد كنت مباشرة ع الحقوق دون تردد
سؤالي:هل انت من محبي الورد واي نوع بتحبه؟
RED ROSE RORO
04-12-2010, 01:25 PM
كتييييييير بحب الورد وبحب كل أنواع الورد وخصوصا الجوري ..........
:others1::others1::others1::others1::others1:
شو بيعنيلك كل من (البحر ..... النجوم....... القمر)
aous_d
04-12-2010, 01:26 PM
أنا بحب الورد وبحس أنو هاد الشيء فطري
أكتر ورد بحبو هو القرنفل الأبيض
aous_d
04-12-2010, 01:30 PM
البحر هو الأمل البعيد والنجوم هي رفاق الدرب الطويلة أما القمر فشيء تاني مابيطلع معي هلق شو بيعنيلي
سؤالي :متى حسيت حالك حققت انجاز ولو لمرة واحدة بحياتك ................لو في يعني:thinking1:
sara91
04-12-2010, 01:55 PM
يمكن اكبر انجاز لما نجحت بالبكالوريا وجمعت منيح المد لله
سؤالي:اذا صار عندك اي مناسبة شو بتتمنى الناس يقدمولك هدية
(اكتر هدية بتعجبك) انا مثلا ساعات اليد
RED ROSE RORO
04-12-2010, 01:59 PM
اذا صار عندك اي مناسبة شو بتتمنى الناس يقدمولك هدية
بحب يهدوني شموووع لأن كتييير حلوة وأشكال بتجنن
وبنفس الوقت بضل ذكرى .... ومو الشيء بسعرو
شو ماركة ساعتك؟؟
aous_d
04-12-2010, 02:08 PM
abluxممكن ماكتير مشهورة
أنا أكتر شيء بحب الورد والكتاب كهدية
سؤالي أنت من وين وهل بتحب بلدك ولا بتتمنى تنتقل لبلد تاني للسكن؟؟؟؟؟:yes1:
RED ROSE RORO
04-12-2010, 02:11 PM
أنا من ادلب ...... بحبها كتيييير ....بس ما بعرف شو مخبي الزمااااان...... يمكن انتقل .....
أديش عمرك بالضبط مع الساعات؟؟
aous_d
04-12-2010, 02:19 PM
أنا عمري 24 سنة وشهر وخمس ساعات بالتمام والكمال أما الدقائق فبدك تصبري علي حتى اسأل أمي :Smile1: سؤالي هو:ليش دخلت أول مرة على المنتدى وهل أنت سعيدة اليوم لهذا الشيء؟؟؟
RED ROSE RORO
04-12-2010, 03:17 PM
أنا دخلت أول مرة عالمنتدى من كتر ما حكولي عليه صديقاتي ........
واليوم كتيييير سعيدة لأان بلاقي بالمنتدى فائدة ومتعة ومكان للترويح عن النفس ..........
the king
04-12-2010, 03:59 PM
ريد روز رورو انشالله على طول ايامك سعيدة .... شو نسيتي تسألي
انا بسأل عنك : كم ساعة بتقعد بتفكر كل يوم بينك وبين حالك قبل ما تنام ؟
RED ROSE RORO
04-12-2010, 04:02 PM
والله بفكر كتييييير وبطول بين ما نام ساعتين................
والله متحيرة شو بدي اسأل............ شو بيعنيلك المطر؟؟
knightofLight
04-12-2010, 04:10 PM
المطر يبيعني الي الخير و الكرم وبتفائل كتير فيو وبحس بهدوء نفسي كبير وبتمنى امشي واركض والعب تحت المطر
ما هوى الفصل المفضل عندك ؟
the king
04-12-2010, 04:13 PM
عقلي بس ما فصل عالاخير ..... لسى معو مجال شوي
ايمتى اول مرة حبيت
madyan84
04-12-2010, 04:24 PM
اول وآخر مره حبيت كنت بالبكالوريا
سؤالي :شو الشرط الاساسي لزواجك
RED ROSE RORO
04-12-2010, 04:26 PM
شخص يكون عندو ثقة بحالو ,, ومثبت شخصيته,, ويكون عندو كمان إحساس ........
ليش اتغيرت الدنيااا وما بقي شيء اسمو حب؟؟؟في تفسير ......
the king
04-12-2010, 04:32 PM
لا انا عندي مافي تفسير للاسف
اذا حدا غيري عندو جواب يتفضل
White Angel
04-12-2010, 05:12 PM
بالدنيا في حب بس لازم الانسان يعرف مين يحب !!!
سؤالي : شو ههو الشي اللي بتدايق منو من أهلك ..؟؟؟؟
Soul_Whispers
04-12-2010, 06:02 PM
ما في شي بدايقني من أهلي
أهلي هني دنيتي كلها
سؤالي :
هل حققت جزء من أحلامك أو طموحك بالحياة ؟
the king
04-12-2010, 07:13 PM
انا بالنسبة الي وصولي للمرحلة الجامعية هو شيئ كان من طموحاتي .....
بس الطموح الاكبر اكيد لسى ...
سؤالي :ما رأيك بانسان درس وما نجح
وانسان ما درس ونجح.............؟؟؟؟
ما السبب برأيك..................
kitty
04-12-2010, 07:27 PM
إذا كان فعلا درس بجدية وأدى ما عليه ثم لم ينجح فهذا قدره
أما الذي لم يدرس ثم نجح هذا أكيد اعتمد بدرجة كبيرة على الغش والاعتماد على من درس
ما رأيك بالرياضة وهل تشكل جزءا من حياتك؟
RAIN
04-12-2010, 07:28 PM
طبعا وخصوصا بحب نكد على جارنا لانو هوي ريال وانا برشا
شو هوي لونك المفضل
سوريا
04-12-2010, 08:02 PM
الاسود
شو رأيك بالحياة ؟؟
kitty
04-12-2010, 08:22 PM
الحياة جميلة لمن عرف سر وجوده فيها و غاية وجوده وتعلم كيف يديرها ليترك لنفسه أثرا فيها
الحياة راااااااااااائعة مع الله ومع من عرف الله
هل أنت راض عن مكانتك وقدرك في الحياة؟
RAIN
04-12-2010, 08:31 PM
الحمد لله على كل شيء
الحمد لله الذي لا يحمد على مكروه سواه
شو اكلتك المفضلة
madyan84
04-12-2010, 08:44 PM
اكلتي المفضله المقلوبه
وسؤالي
اذكر سلبيه واحده لمنتدانا
وما تقلي ما في ولا سلبيه
لولي
04-12-2010, 11:19 PM
من سلبياته انو في كتير مواضيع عن جد تستحق المشاركة بس ماحدا بشارك فيها
سؤالي:
شو اكتر شي سببلك الم ؟
دمعة وابتسامة
04-13-2010, 07:54 AM
رفيقتي المقربة اللي دامت صداقتنا بحدود (6) سنين خانتني ببساطة .....................
اذا عرضو عليك يسلموك منصب بالجامعة شو بتختار ......وليش.......
RAIN
04-13-2010, 09:03 AM
بستلم مدير الجامعة لالغي كل هالمقررات يللي عم تتدرس عنا وبدلها بمقررات تكون لايقة بعقول بشر
لو اعطوك السلطة يوم واحد سلطة مطلقة على كل العالم ماذا تفعل
لولي
04-13-2010, 12:35 PM
برجع الارض المغتصبة لاصحابها وبحاكم الطغاة
شو احلى ذكرى بحياتك؟
madyan84
04-13-2010, 01:59 PM
ايام الجامعه واصحاب الجامعه هي الذكرى يلي ما بتتركني
وسؤالي
شو أسوأ ذكرى بحياتك
aous_d
04-13-2010, 08:16 PM
أسوأ ذكرى بحياتي لما خبرت أهلي أني ما رح كفي دراسة بس تعدلت الأوضاع بعدين
سؤالي : لمن تحفظ الود والشعور بالعرفان لما حل بحياتك_ من غير أهلك طبعا"_؟؟؟؟
RED ROSE RORO
04-13-2010, 08:19 PM
سؤالي : لمن تحفظ الود والشعور بالعرفان لما حل بحياتك_ من غير أهلك طبعا"_؟؟؟؟
بصراحة مافي غير أهلي.... والكل كانوا ضدي وما حدا وقف معي
RED ROSE RORO
04-13-2010, 08:22 PM
شو الصفة يلي فيك وبتحبها؟؟
aous_d
04-13-2010, 08:24 PM
وين سؤالك يا red rose roro ؟؟؟؟؟
على كل حال رح أسأل عنك:الى أي حد أنت صريحة ع النت؟؟؟
RED ROSE RORO
04-13-2010, 08:27 PM
سألت
صريحة بكل الأمور ما عدا الشخصية فيني
aous_d
04-13-2010, 08:28 PM
أنا مابهتم بالناس مطلقا" وكأنني أعيش لذاتي ومع ذلك شعبيتي وبرأيهم قوية جدا" ولا أحد ينكرها
ممكن هذه هي الصفة اللي بحسها حلوه:others1:
سؤالي:بتتمني ترجعي بعمرك لورا أو لأ؟؟؟؟ واذا بتتمني لأي سنة ؟؟؟؟ بالتحديد.....
RED ROSE RORO
04-13-2010, 08:32 PM
لا ما بتمنى أبداااا ........
شو رأيك بالشخص يلي بيحكي الصراحة؟؟
aous_d
04-13-2010, 08:41 PM
أنا أحس أنو الحياة لا تحتمل الخجل ولا بد للشخص من الصراحة ليعيش لذلك أحب التعامل مع أشخاص صريحين في أي زمن ومكان......
أريد منك كلمة واحدة فقط هل أنت خجولة لدرجة بعيدة كما أحس ام أنك غير ذلك؟؟؟؟
RED ROSE RORO
04-13-2010, 08:43 PM
لا خجولة ولا شيء........بحكي كل شيء بصراحة
وأحيانا صراحتي بتجرح
aous_d
04-13-2010, 08:46 PM
وين السؤال يا red rose roro؟؟؟؟؟
RED ROSE RORO
04-13-2010, 08:49 PM
والله ما عندي سؤال.....
يلا روحوا ادرسوا حاجتنا نت.........
aous_d
04-13-2010, 08:50 PM
شو بتعمل لما بتمل من شخص قريب عليك؟؟؟؟ ولو لفترة صغيرة؟؟؟بتتركيه ؟؟؟ بتستحمليه؟؟؟؟تطلبي المساعدة ؟؟؟؟ ولا أي شي أخر؟؟؟
the king
04-14-2010, 03:31 PM
بحاول اعمل اي تغيير ..... على اي صعيد
سؤالي :هي السنة بتعتبر حالك درست وتعبت ولا التهيت؟
دمعة وابتسامة
04-14-2010, 03:36 PM
درست كتيييييييييييير ورح خلص حلقات البحث والتدريب العملي ومكافأة علة جهودي طالعة بكرا رحلة مع رفقاتي
شو أكتر مادة درستها وحسيت أنها مفيدة فعلا لاختصاصك
RED ROSE RORO
04-14-2010, 04:23 PM
شو أكتر مادة درستها وحسيت أنها مفيدة فعلا لاختصاصك ........
التربية الصحية
شو أكتر أغنية بتحبهاااااا
sara91
04-14-2010, 05:43 PM
نظرة عينك للدنيا عمر الصعيدي
سؤالي:مين اكتر شاعر بتحبه
RED ROSE RORO
04-14-2010, 05:57 PM
أنا أغنية نظرة عينك.....هي رنة وغنية لموبايلي....كتييير بحبااا
مافي شاعر محدد بقرأ للكل
RED ROSE RORO
04-14-2010, 05:58 PM
شو بتسمي كتاب حياتك......؟؟؟
madyan84
04-14-2010, 11:08 PM
كتاب حياتي بسمّيه
فاشل حتى اليوم
اما سؤالي للعضو يلي بعدي
شو بدك منّي
Green Eyes
04-14-2010, 11:16 PM
بدي سلامتك............. وترجع لنا بسرعة..
سؤالي: شو هو أكبر حلم لسى ماوصلتله
ملاك
04-14-2010, 11:18 PM
أنا ما بدي شي منك غيييييييير سلامتك
وسؤالي
شوالشي اللي كنت تحلم يصير ومع انو بسيط ما تحقق؟؟؟؟
madyan84
04-14-2010, 11:27 PM
شكلو في سؤالين
اكبر حلم ما وصلتلو هو الحب الحقيقي الذي يجمعني بمن احب ويحبني لآخر العمر
اما حلمي البسيط يلي ما تحقق انو ادرس واشتغل بالمجال يلي بحبو
وسؤالي
مين انت باختصار
Green Eyes
04-14-2010, 11:29 PM
عضوة رقيقة بالمنتدى
سؤالي: أنت مين باختصار
madyan84
04-14-2010, 11:31 PM
انا
مدين ابراهيم
وسؤالي
شو اكتر شي بيشدك بالشخص اول ما تشوفو
Green Eyes
04-14-2010, 11:35 PM
لباسه...أناقته يعني.... وبرودة أعصابه كتييييييير
سؤالي: وأنت ِو بيشدك بالبنت أول شي...
madyan84
04-14-2010, 11:41 PM
عيونها بعد ما تكوون نحيفه وطويله
وسؤالي
شو رأيك بالحب
Green Eyes
04-14-2010, 11:43 PM
شي بيجنن بس عنجد لسى لهلأ ماجربتو.......
قصتك شأد صار لها....
madyan84
04-14-2010, 11:47 PM
نظريا من سنتين وعمليا من سبع شهور
وسؤالي
اذا حبيت من قبل شو كان عمرك ساعتها
واذا ما حبيت لحد الآن شو ناطر
Green Eyes
04-14-2010, 11:52 PM
ماحبيت لهلأ.......... مابعرف بس ماحسيت تجاه أي انسان باحساس الحب ...لفترة بالسنة الاولى حسيت بش تجاه شخص.. بس بعدين راح وماكملت يعني فبحس أنو لهلأ ما حبيت
أنت كام سنة كنتوا مع بعض...
madyan84
04-14-2010, 11:55 PM
بس ست سنين
وسؤالي
شو مواصفات الشريك يلي بدك ياها
Green Eyes
04-15-2010, 12:01 AM
أنا بدي شخص اذا طلعت فيو حس إني رح أعطي عمري كلو وبالمقابل بدي هيك منو
أنا بحب الشب الأسمر...عيون سود--خضر..الطول أكييييد
وقت بيجي الحب مابتطلع على المواصفات.......ولا شو..
ملاك
04-15-2010, 12:03 AM
أكيد نحنا مو متل ما منقول بيصير
بس أول شي هلق الشكل الخارجي بدي ياي مقبول واذا حلوووووووووووو فيا ريت
وبدي يكون كتيييييرررررررررر رومنسي
وما معقد وأكيد يكو ن دارس والحالة المادية تكون ميسوررة يعني والله ما بدي شي
وسؤالي
شو احلى شي صار معك بحياتك؟؟
Green Eyes
04-15-2010, 12:06 AM
إني دخلت الجامعة وقدرت عيش اللحظات الحلوة يلي فيها
سؤالي: شو الامنية يلي بتتمناها هلأ...
madyan84
04-15-2010, 12:06 AM
اصدقاء الجامعه احلى شي صار معي
وسؤالي
وين
كيف
ليش
ايمتى
والله ما بعرف
بس
مين معك على طول
ملاك
04-15-2010, 12:12 AM
اصدقاء الجامعه احلى شي صار معي
وسؤالي
وين بالبيت
كيف عبحوس
ليش هيك
ايمتى كل يوم الهمة ما عدى بنزل عدوامي وبرجع
والله ما بعرف وأنا كمان
بس
مين معك على طول
اكيد البابا والماما
Green Eyes
04-15-2010, 12:12 AM
ظلي يلي مابيتركني ......ليش في غيرو أوفى رفيق..مابظن
وين الأمنية................
madyan84
04-15-2010, 12:16 AM
بتمنى اسهر معكن كل يوم
وسؤالي
شو حالك
ملاك
04-15-2010, 12:30 AM
انا مارح أكتب شي لأنو green eyes
عم تكتب أنا واثقة بس على كل حال
انا انسانة كتيير عفوية وما بحب أفكر شو ممكن يصير ببكرة غير أنو بخاف أني أفقد اعز رفقاتي
رومنسية كتيييييييييييير هيك بيقلولي وطيبة القلب كتيير
شلون دخلت على المنتدى؟؟
madyan84
04-15-2010, 12:36 AM
اخي عضو بالمنتدى وهو اقترح عليّ الاشتراك
سؤالي
من وين جاي
ملاك
04-15-2010, 12:47 AM
أنا بكل بساطة
من منطقة بالقرب من حدود تركيا
ما الحياة بدون حب بالنسبة لك؟؟؟
madyan84
04-15-2010, 12:51 AM
حاليا انا بدون الشخص يلي بيملا حياتي حب لهيك ما بعتبر حالي عايش
وسؤالي
هل جربت الحب
ملاك
04-15-2010, 01:06 AM
لأ بس I wish
بس ما عمقدر أعطي ثقتي لحدى أو يمكن ما شفت الشخص المناسب لسا
شو هواياتك المفضلة وشو أكتر شي بتحب تعمله؟؟
madyan84
04-15-2010, 01:18 AM
انا بتابع مباريات كرة القدم بس ما بعرف اذا اسمها هوايه
واكتر شي بتمنى اعملو انو اسهر مع اصحابي لانو منعمل احلى جو
وسؤالي
ليش سهرانه لهلأ
ملاك
04-15-2010, 01:32 AM
لأنو الحمد لله رجعت من الكلية والسفربيتعب
قام حطيت راسي ونمت وفقت ع12
وما جايني نوم هلق
طيب وأنت ليش لسا سهران؟؟؟
the king
04-15-2010, 08:53 AM
انا مالي سهران ..........
لانو هلق الساعة 12 الضهر
سؤال :شو اللي مو عاجبك بمنتدى التربية ؟
Batoul
04-15-2010, 11:25 AM
سؤال :شو اللي مو عاجبك بمنتدى التربية ؟
ممممم شو هالسؤال الملغوم :)
المنتدى مميز لكن بصراحة نحن كتير مقصرين بسبب ضغط حلقات البحث و .... و ..... ما بدي أقلب الموضوع لدراما
سؤالي :
أي فصل من فصول السنة تحب \ تحبي ؟؟؟
لولي
04-15-2010, 01:25 PM
بحب الصيف و الشتا والربيع والخريف
كل فصل وله ميزاته
سؤالي
لماذا اشتركت بالمنتدى؟ ما هدفك؟
RAIN
04-15-2010, 01:31 PM
اشتركت بالبداية للتسليه
بعدين حبيت المنتدى واعضاؤووو
مين هيي الشخصية العالمية القريبة منك
لولي
04-15-2010, 01:40 PM
ما حدا
شو اكتر شي بيعجبك بصديقك \ تك ؟
madyan84
04-15-2010, 01:44 PM
ما يكون متشائم والبسمه عوجهو عطول
وسؤالي
عمين كذبت اكبر كذبه بحياتك وليش
لولي
04-15-2010, 01:50 PM
ما بعرف ماكذبة كذبة كبيرة من قبل كل كذباتي صغنونات
شو احلى شي بحياتك
RAIN
04-15-2010, 01:57 PM
وجود اقرب الناس الي بجنبي
مين انت بكلمة
madyan84
04-15-2010, 01:59 PM
ياسين بقوش
وسؤالي
ليش انت لوحدك
لولي
04-15-2010, 01:59 PM
انسانة طموحة
شو احلى كلمة سمعتها ومن مين
madyan84
04-15-2010, 10:39 PM
بحبك وسمعتها من
خيي!!!!!
لك لاه لاه
وسؤالي
مع مين بدك تروح عالبحر بيوم حلو وقت الغروب
RAIN
04-15-2010, 10:42 PM
معك
مين هوي مثالك بالحياة
madyan84
04-15-2010, 11:02 PM
ما حدا
وسؤالي
شو بدك تكون
RAIN
04-15-2010, 11:17 PM
ولا شي
اذا بدك تبكي شو بتعمل
madyan84
04-15-2010, 11:29 PM
ولك ولاش بدي ابكي
وسؤالي
لوين رايح
RAIN
04-15-2010, 11:38 PM
عالمريخ
شو اكتر شي بيضحكك
madyan84
04-15-2010, 11:42 PM
الموضوع يلي عم نكتب فيه
وسؤالي
ايمتى رح تنام
RAIN
04-15-2010, 11:47 PM
بكيييييييييييييييييييير
وسؤالي
شو عم تعمل هووووووووون
madyan84
04-15-2010, 11:49 PM
عم العب معك
وسؤالي
بدك تلعب معي بكره؟
RAIN
04-15-2010, 11:50 PM
اكييييييييييييييييد
والسؤال
شو بتحب تاكل
madyan84
04-15-2010, 11:53 PM
ما عدا الكوسا والملوخيه اي شي
بس اكتر شي بحب المقلوبه
وسؤالي
بما انك كاتالوني
ايمتى اول مره شجعت برشلونه
RAIN
04-15-2010, 11:57 PM
من 8 سنين لما كان ريفالدو
وانت مين بتشجع
madyan84
04-16-2010, 12:00 AM
برشا برشا
ليش في غيرو بيتشجع
سؤالي
ليش شو عمرك
RAIN
04-16-2010, 12:01 AM
28 بلا فضايح
وانت
madyan84
04-16-2010, 12:04 AM
26
وسؤالي
وقبل ايام ريفالدو مين شجعت
RAIN
04-16-2010, 12:15 AM
كنت شجع البايرن ولهلا بشجعو
سؤالي مانك نعسان ولا شوووووو
madyan84
04-16-2010, 12:17 AM
حتى مطلع الفجر كل يوم
وليش غيرت عن البايرن
روزالين
04-16-2010, 12:18 AM
والله كتير نعسانة
سؤالي ::: لو رجعت بالزمن شوي لورا شو أكتر شي ندمان عليه ومابتعملوا اذا رجعوك للوراء شوي ؟؟؟
RAIN
04-16-2010, 12:19 AM
رح جاوب عالسؤالين
انا لهلا بشجع البايرن واذا بتلعب البرشا مع البايرن انا مع البايرن
والسؤال التاني
صدقيني بحياتي ما بندم عشي عملتوا
السؤال ياشاطرين
رقم 7 بشو مرتبط باللاعب ميسي
روزالين
04-16-2010, 12:22 AM
رين أنا مابحب الرياضة
كان اسأل سؤال ماله علاقة بالرياضة لأنو مابعرف فيها شي
RAIN
04-16-2010, 12:23 AM
ههههههههههههه انا بجاوب
لانو لحالو مسجل 7 كوال بكاسياس
السؤال الك روزي
لو خيرتي بين شب فقير ورومانسي وحنون وبين شب برجوازي وغني ومتسلط مين بتختاري
madyan84
04-16-2010, 12:25 AM
والله ما بعرف
وسؤالي
مين خلاك احلى
روزالين
04-16-2010, 12:25 AM
أكيد الفقير الرومانسي الحنون لأنو المال مو كل شي
وصعب كتير تلاقي اللي بحبك وبيعطف عليك
ومدين مافهمت عليك شو سؤالك يعني
سؤالي شو أكتر شي بتحبه بهالحياة ؟؟؟؟؟؟؟؟؟؟؟؟؟
RAIN
04-16-2010, 12:26 AM
يللي خلاني احلى
انو ما بندم عشي بحياتي عملتوا
واكتر شي بحبو بالحياة المرح واللعب
هههههه
السؤال
وينك انت هلأ
روزالين
04-16-2010, 12:30 AM
انا هلأ بالبيت وعالكمبيوتر
كيف بتقضي وقتك باليوم ؟؟؟
RAIN
04-16-2010, 12:31 AM
اذا ما في سفر
بقضيه عالنت او بالكافتريا او عالكورنيش او بالسباحة متل اليوم
اوصف نفسك بكلمة
روزالين
04-16-2010, 12:34 AM
ببكي عالسريع
شو أكلت اليوم ؟؟؟
RAIN
04-16-2010, 12:35 AM
كريسبي من عند روتانا فوود
شو اكتر شي بيلفت نظرك بالجنس الاخر
madyan84
04-16-2010, 12:35 AM
وين يعني بالبيت ولوحدي كمان
ليش انت مو هون
RAIN
04-16-2010, 12:36 AM
وين يعني بالبيت ولوحدي كمان
ليش انت مو هون
صح النووووووووووم
هههههههههههههههه
madyan84
04-16-2010, 12:41 AM
الطول النحف والعيون
شو اسمك
RAIN
04-16-2010, 12:43 AM
محمد
شو لون عيونك
ههههههههههه
madyan84
04-16-2010, 12:48 AM
شرنوقي
شو طولك
RAIN
04-16-2010, 12:54 AM
نخلة 192
اديش وزنك
madyan84
04-16-2010, 01:01 AM
بالعاده 77
وحاليا 66
شو بتشتغل
ملاك
04-16-2010, 01:05 AM
حالياً طالبة
ودائماً جلي وغسيل وكوي ..............الخ
شو احلى كلمة بتحب تسمعها؟؟
madyan84
04-16-2010, 01:09 AM
اي كلمه طالعه من قلب يلي قالها
وين بدك تعيش
ملاك
04-16-2010, 01:17 AM
بصراحة بحب البحر كتتتتيييييييير وبتمنى عيش قدام البحر وما برضى غير هيك
واذا ما عالبحر بحب عيش بحلب
بس وين بدي عيش لسا ما بعرف
يمكن أعيش جنب اهلي ووقتى بيكون هادى قسمتي ونصيبي
شو المكان اللي بتحبو ولهلق ما رحت عليه؟؟
madyan84
04-16-2010, 01:29 AM
انا عايش عالبحر وضيعتي بالجبل على ارتفاع 950 متر
وزرت حمص وحلب والشام
حاليا بتمنى زور تركيا
شو حلم حياتك
ملاك
04-16-2010, 01:38 AM
يعني كان حلم حياتي
بس بتمنى انو حققو وهو أني أدخل علوم فرع كيميا
بس هو صعب كتييييييييييرر وعبفكر أنساه
شو أصعب لحظة عدت عليك وبتتمنى ما تنعاد؟؟
RAIN
04-16-2010, 01:43 AM
لحظة غرقت فينا الباخرة باسطنبووووووووووول
مات اعز رفيق عندي
شو احلى كلمة سمعتها بحياتك
RAIN
04-16-2010, 01:46 AM
بالعاده 77
وحاليا 66
شو بتشتغل
ضابط ملاح اول
خريج مصر
لولي
04-16-2010, 11:27 AM
لحظة غرقت فينا الباخرة باسطنبووووووووووول
مات اعز رفيق عندي
شو احلى كلمة سمعتها بحياتك
بحبك وما بحسن اعيش بلاكي:yes1:
سؤالي
شو اصعب كلمة سمعتها وحسيت حالك كتير مدايق؟
shadi2010
04-16-2010, 12:38 PM
سؤالي
شو اصعب كلمة سمعتها وحسيت حالك كتير مدايق؟
وداعاً
من ترى من المشاهير يشبهك بالطبع أو بالشكل؟؟؟
Green Eyes
04-16-2010, 12:45 PM
كتير بيقولولي نسرين طافش......وبسمع نانسي عجرم ..أنا بحب نسرين أكتر***
شو أحلى كلمة سمعتها لهلأ.....
احلا كلمة سمعتها
كرمالك.....
سؤالي : لو سبحك أعز اصدقائك شو بتعمل ؟؟
madyan84
04-16-2010, 10:52 PM
شوووووووووو
شو السؤال
والله ما فهمت
بس
رح اسأل
مين انت؟
ملاك
04-16-2010, 11:37 PM
احلا كلمة سمعتها
كرمالك.....
سؤالي : لو سبحك أعز اصدقائك شو بتعمل ؟؟
اذا قدملي عزر وبررلي تصرفو أكيد رح قدر ظروفه
بس الحمد لله أنا رفقاتي ما بيتأخرو علي أو بيفكروا يتأخروا ألا بعذر
ملاك
04-16-2010, 11:40 PM
شوووووووووو
شو السؤال
والله ما فهمت
بس
رح اسأل
مين انت؟
انا ملاك
شو أكتر شي بيخليك متفائل بالحياة وبيحسسك انك عايش؟؟؟
روزالين
04-17-2010, 08:39 AM
انا ملاك
شو أكتر شي بيخليك متفائل بالحياة وبيحسسك انك عايش؟؟؟
أبي وأمي أكتر شي بحبهم وبخلوني أتفائل بالحياة
شو عم تعمل هلأ ؟؟؟؟؟؟؟؟؟؟؟؟؟
knightofLight
04-17-2010, 10:40 AM
عبسمع غنية لفيروز وعبجرد الصندوق
شو عبتعمل هلئ ؟
سوريا
04-17-2010, 11:07 AM
ولا شي
كيف بتعرف انو في شخص بيحبك ؟؟؟؟
shadi2010
04-17-2010, 12:04 PM
كيف بتعرف انو في شخص بيحبك ؟؟؟؟
أكيد من عن طريق الكلام والجمل المعسولة
أكتر شي عن طريق العيون فالعيون لغةٌ أذا ما أنصت إليها جيداً أختصرت نصف مسافات الدنيا وألاف ألاف الأميال
سؤالي
ماذا لديك لتعطيه لشخص أعطاك كل ما يملك من أحاسيس وشعور ؟
the king
04-17-2010, 12:16 PM
لدي قلبي ......
هل انت متفائل ام لا
هل تتوقع الرسوب
White Angel
04-17-2010, 12:20 PM
الثقة والاخلاص ..شو كنت بتتمنى يصير وناطر انو يتحقق ...؟؟؟؟
Roseate
04-17-2010, 01:58 PM
السلام عليكم
أتمنى أروح العمرة , ولازلت انتظر
سؤال:
شو اللي جذبك لهذا الموضوع أكثر شي؟
the king
04-17-2010, 02:05 PM
هلق انا يلي كتبته ........ بس اكيد مو من اختراعاتي ..... يعني منقول
جذبني الو بغير منتدى ........ كتر مشاركاته
سؤالي :
بتعتبر حالك مغرور ......
Roseate
04-17-2010, 02:10 PM
ممممممم!!
لا واثقة بقدراتي وليس مغرورة
سؤال:
كم رحلة رحت مع الجامعة؟ إذا لم تذهب مطلقا : فلماذا؟
RED ROSE RORO
04-17-2010, 02:36 PM
ولا رحلة ما رحت مع الجامعة بصراحة بحس أجواء الرحلة ما بتناسبني ....ومابحب هيك جو
RED ROSE RORO
04-17-2010, 02:37 PM
بأي مجال بتشوف حالك ....أي مجال بتأبدع فيه
kitty
04-17-2010, 03:11 PM
ما في مجال معين
أتمنى أن أكون مبدعة في كل المجالات
هل زرت قبر المصطفى صلى الله عليه وسلم وماذا كان شعورك إن كان الجواب نعم
RED ROSE RORO
04-17-2010, 03:19 PM
لا والله وانشاء الله زوروا يا رب العالمين
انا وين سؤالي
يلا أمري لله
بدي اسأل اللى بعدي (انا عندي قوة خارقة وفيني اخذك لعند شخص انت بتحددو وين ما كان) والسؤال مين هذا الشخص وشو بدك تقلو؟
Roseate
04-17-2010, 04:13 PM
عمرو خالد وبقلو شغلني معك :)
(سؤال جميل)
سؤال:
شو بصير بتعابير وجهك لما تتذكر موقف محرج؟
vBulletin 3.8.4 diamond