قدها ولا مو قدها ؟!

[Roseate]

السلام عليكم


جايبه لعبه كتير حلوه


تخليكيم مجرمين و تبينوا على حقيقيتكم :)

يعني دخلنا علم النفس حتى في الترفيه :D

-= طريقه اللعب =-

انت تضع شيء يعمله الشخص و تقول للي بعدك قدها ولا مو قدها مثال :

انا : قدها تسرق بيت جرانكم ^^
انت : تقول قدها و لا مو قدها
و بعدين تكمل للي بعدك قدها تخلي المنتدى اسبوع ....
....
^^

ان شاء الله تكون مفهومه

..
..

يلا نخليكم مع اللعبه

و ان شاء الله تستمتعوا ^^
انا سأبدأ..


:duh1:

قدها تأكل 20 بيضة مرة وحدة

[جومانا]

لا مو أدها بنووووووووووب

أدها ماتقدم فحوص هالفصل؟؟

[Roseate]

لا لا موقدها

يالطيف كل شي إلا الفحص نحنا عم نداوم ليش لكا




قدها تقرأ كل مشاركات المنتدى لليوم السابق ؟

[sara91]

لأ مو قده
قدها تحضر 5 محاضرات ادكتور واحد ورا بعض ومن دومن فواصل

[Roseate]

قدها

بس حسب الدكتور " ......... " وإنت أدرى :)


قدها تطلع درج كليتنا (3 طوابق ) عشر مرات ؟ طبعا طلوع ونزول

[MAX]

قدهااااااااا

قدها تضل يوم كامل بلا أكل

[Roseate]

لا موقدها

أمي بتقتلني :)


قدها تدرس 100 صفحة بيوم واحد ؟

[MAX]

لأااااااااااااااا مو قدها
عندي عشر صفحات ما عبعرف كيف بدي ادرسون

قدها تقضي 3 ايام بدون موبايلك ؟؟؟

[Roseate]

طبعا قدها


طيب

قدها تشرب زجاجتين كولا حجم عائلي ؟؟؟

[سمر]

لأ مووو قدها ،ولاحتى كاسي وحدة ،لأني ماني من أنصارها.....
قدها تفوتك صلاة الصبح بدون تأنيب ضمير؟؟؟

[Roseate]

قدها تفوتك صلاة الصبح بدون تأنيب ضمير؟؟؟




لا أكــــــــــــــيد مو قدها

كتير حلو السؤال سمر

أعيد تحويله إلى من بعدي

[kitty]

أكيد مو قدها "معاذ الله"

قدها يمر عليك يوم دون أن تشكر الله؟؟

[Roseate]

لا موقدها


قدها (إذا كنت مدخن ) أن تترك التدخين , ضعف المدة التي لا تدخن فيها عادة ؟

(وإذا لم تكن مدخنا ) قدها تطلب من شاب cool ويدخن أن يطفئ السيجارة ؟؟؟

[sara91]

انو اطلب منو قدها
قدها انك تعرف في مادة طلعتلك وما تعرف علامتك ل3 ايام

[سوريا]

مو قدها اذا ما بعرف كيف قدمت فيها

قدها او مو قدها؟؟

تصالح شخص جرحتو بالصميم بعد ما عرفت انك غلطان بحقو

[sara91]

قدها وقدود
قدها تتفرج ع اربع مباريات قدم دفعة وحدة

[RAIN]

طبعا قدها وقدود وخصوصا اذا لبرشلونة

طيب قدها تقدم وردة ليلي بتحبوا بالكلية وادام العالم وهوي ما بيعرف انك بتحبو

[sara91]

لأ مو قدها
قدها تروح تزور قريب انت ما بتحبو

[RAIN]

اي قدها لانو بعتبروا عمل قومي

ههههههههه

طيب قدها انو تعترف للتاني بحبك

[sara91]

لأ مو قدها
قدها تنام وانت مو مصلي العشاء

[RAIN]

طبعا مو قدها

طيب قدها

انو تضل 10 ايام من دون مسنجر

[sara91]

اي قدها لان ما بدخل عليه
قدها تلعب مع ولد وتخسر قدامو

[RAIN]

اي قدها

ياما لعبان مع ابن اختي واخسر


قدها تضل 10 ساعات عالنت

[MAX]

لأاااا بنحول
مو قدهاااااا

طيب قدها تعتذر من شخص بدون ما تكون غلطان معو

[RED ROSE RORO]

لا ما بعتذر أبدا اذا مالي غلطانة

وما اعتذرت ولا مرة غير من رفيقتي لأن غلطت معاها

قدها تقول للشخص وتعترفلو بإعجابك؟؟

[MAX]

قدها اذا شفت منو شي بحسسني بإعجابو

قدها تقول لشخص انك بتكرهو

[RED ROSE RORO]

بقول للشخص أنا بكرهك....إذا بدر شيء منو زعجني ودايقني........


قدها تشرب تحضر كل محاضرات النظري والعملي بنفس اليوم؟؟

[White Angel]

قدها. .. اذا ما كانوا معي رفقاتي ولعبوا بعقلي ..


قدها تركب بالقلابة وتبقى فوق ربع ساعة ؟؟؟

[zeado]

لاااااااا موقدها بنوب
إذا فقت من النوم ولقيت ع موبايلك 4 مكالمات من رقم جديد قدها أنك ما تتصل معو أو تعرف مين

[امل]

إذا فقت من النوم ولقيت ع موبايلك 4 مكالمات من رقم جديد قدها أنك ما تتصل معو أو تعرف مين


اي طبعا قدها واضحة لانو اكيد رح يجرب يحاكيني بعدين يعني هو يخسر احسن ما انا اخسر ههههههههههه
طيب قدها انو ما تحكي ولا تبعت مسجات للشخص اللى بتحبو لمدة 15 يوم

[محمد الأحمر]

لا موقدها...........

تقدر تعطي اخوك او اختك اللي اكبر منك كف

[سمر]

أكيد مستحيل ...لأني أكبر الشي بين أخواتي ...
قدها ...ما تعصب إذا ،انهيت درسك وسألت طالب شو عنوان الدرس وقلك مابعرف؟؟؟؟؟

[لولي]

أكيد مستحيل ...لأني أكبر الشي بين أخواتي ...
قدها ...ما تعصب إذا ،انهيت درسك وسألت طالب شو عنوان الدرس وقلك مابعرف؟؟؟؟؟

الله مو قدها انا كتير عصبية
قدها ولا موقدها
تكون بمكان كله ولاد عم يبكو ومو قدران تسكت حدا منن:happy2:

[MAX]

هههههههههه
لا مو قدهااااااااااا
والله يمكن تجيني جلطة

قدها يطلعو كل رفقاتك على مكان وما تروح معون

[RED ROSE RORO]

قدها يطلعو كل رفقاتك على مكان وما تروح معون

قدها....كل رفقاتي راحو للرحلة وما رحت

قدها تدرس طوال اليوم ولا تشعل النت أو تروح لمحل

[MAX]

لا والله موقدها

قدها تعزم رفقاتك بكل المصاري اللي معك

[RED ROSE RORO]

قدها بعزمن ......

قدها ما تحضر ولا محاضرة كل اليوم ....وما تتأثر ويأنبك ضميرك؟؟

[MAX]

قدهااااااااااااا وقدوووووووووووود

قدها ما تلمس الماوس والكيبورد لمدة 7 دقايق

[White Angel]

لا مو قدها ..

قدها انك تسبح وتغمق كتير لحتى ما تعود تشوف الشط ؟؟؟

[jeta]

مستحيل بصراحة مو ئدها

ئدا تزعل ماما 5 دئايئ....؟؟

[White Angel]

لا مو قدها ولا ثانية ...

قدها تطلع ع الجمل وتمشي فيو دورة كاملة...؟؟؟

[RAIN]

هيييييييييييهييييييييييييي جربتا كتير


قدها انك تفوت لهون وما تكتب رد من بعدي

[MAX]

قدها
ههههههههه
طبعا مو قدها

قدها تطلع من المنتدى هلأ فورا

[zeado]

لااااااااااااااااااااااا مستحيل ومو قدها قبل ما تخلص البطاقة
قدها تشوف عندك رسالة واردة وتنطر يومين بدون ما تقراها

[White Angel]

اي قدها ...

نفس السؤال

[MAX]

لأاااااااا مو قدها ابدا

قدها تعزمني ع الغدا لأني جوعان كتير ولسا ما اتغديت

[Roseate]

راحت عليك أخ Max

اتغدينا



قدها إنك ما تهجر القرآن اكتر من 3 أيام ؟؟

[nasora]

لا مو قدها ابدا
قدها تقوم بنص المحاضرة وتطلع من القاعة بدون سبب

[zeado]

بصراحة مو قدها
قدها تقول لحدا بتحبو
لازم نبعد عن بعض فترة

[RED ROSE RORO]

لا موقدها ويلي بحبوو ما ببتعد عنو......

نفس الموقف

[RAIN]

اي قدا وقدود

هههههههههه


قدا تشوف 5000 ليرة عالارض وما تاخدها

[White Angel]

باخدها وبتبرع فيها ..

بفس السؤال؟؟؟

[RAIN]

لا مو قدها نفس السؤال

[MAX]

لا مو قدها

قدها تقلنا عن سلبياتك و ايجابياتك

[عبد العزيز الجفان]

قدها
على طول عندي امتحانات
ودائم الشكوى والمرح الشديد تناقض
قدها
ما حدا ينزل مواضيع اسلامية
ابوالفدا رح يطق

[جومانا]

إي أدها لأنو كل واحد صار يتفصحن ويحرم ويحلل على كيفو
بتوصلن رسائل من إميلاتن بنزلوها بدون ميعرفو صح ولاّ غلط هالحكي .. ولا بيتأكدوا من المصدر .. مفكرين الشغلة تسلاي
وأغلب الرسائل تأليف
بس شو بدو يحكي الواحد
بس إذا الواحد حب ينزل يتأكد

نفس السؤال

[دمعة وابتسامة]

أنا بحترم المكان اللي موجودة فيه واذا المشرف ما بدو انزل مواضيع اسلامية رح احترمو واكون قدها وما انزل

قدها أنك تشوف موضوع حلو بالمنتدى وما ترد عليه

[لولي]

لا موقدها
نفس السؤال

[نرجس]

لاموقدها
قدها توقف بمكان عالي كتييييييييير وتصرخ من وهلة العلو؟؟

[ندى الأيام]

لا مو قدها .... أنا ما بصرخ من الأماكن العالية
قدها يكون عندك بكرا مادة وتسكر كتابك وتقعد إما لأنك مليت
أو لأنك خلصت ....

[MAX]

قدها

قدها تبقى سهران اليوم للصبح .....؟؟؟

[ندى الأيام]

قدها .....
قدها أنك تضل سهران للصبح وأنت عندك تاني يوم دوام الساعة 8 وضروري تحضر

[MAX]

قدها ...........
رح ضل سهران اليوم وبكرا عندي بال8

قدها ما ترف بعيونك لمدة دقيقة ؟؟؟؟

[ندى الأيام]

لا طبعاً مو قدها
قدها بكرا بمحاضرة الساعة 8 تضل رافع راسك وما تحطو على المقعد

[MAX]

هههههههههههههه
هي ما بظن قدها

بس اتفقنا ضل سهران للصبح يعني لأدان الصبح مو هيك
وانتي كمان رح تضلي سهرانة ( هيك على اساس ) بس بكرا عندك دوام الصبح؟

اذا عندك...
نفس السؤال ؟؟؟؟

[ندى الأيام]

لا ما عندي دوام الساعة 8 ........
ولما بيكون عندي دوام ولو كنت نايمة 10 ساعات بقلك أنو مو قدها أبداً بدي نام بالمحاضرة يعني بدي نام

[ندى الأيام]

قدها انو تحضر 3 أفلام بايخة ورا بعض

[MAX]

بدي نام بالمحاضرة يعني بدي نام

هههههههههههههههههههه
هههههههههههههههههه

انا مشان هيك ما بحضر
أشرفلي ما نام بالمحاضرة

وين سؤالك ندوش ؟؟

[MAX]

لك الله يسامحك انا 3 افلام مثيرة ما بقدر تابع
بقا كيف بايييييييييييخة ............

مو قدهااااااااااااااااااااااااا


انتي قدها ؟؟؟

[ندى الأيام]

لا مو قدها فلم واحد بيكفي إن كان حلو ولا بايخ ....
قدها تحضر فيلم بايخ شايفو من قبل ....

[MAX]

لا مو قدها

انتي شو قصتك مع الأفلام
كنيتك سهرانة عم تتفرجيلك ع شي فلم

قدها تدق هلأ لواحد من رفقاتك اللي صرلك فترة ما شفتون ؟؟

[ندى الأيام]

القصة أنو صرلي كتير زمان ما تفرجت على فيلم .....
أكيد مو قدها ... أي رفيق بدي دقلو هلأ بهالوقت بس إذا بتستنى لبكرا بقلك قدها وقدود ....
قدها تروح على فحص شي مادة وما بتعرف شي عنها أبداً ....

[MAX]

قدها ...
رح روح ع فحص التربية الصحية
لأن بدي احملها للسنة الجاية

قدها تفيق اي حدا من اهلك هلأ بأي حجة ؟؟

[ندى الأيام]

لا مو قدها لأنو الكل فايق
قدها تشغل اغاني هلأ على الصوت العالي كتيييييييييييير

[MAX]

ههههههههه
لا موقدها لأن الكل نايم

قدها تجاوب عن اي سؤال بتنسئلو بكل صراحة ؟؟

[لولي]

قدها
قدها تقرأكتاب كامل بيوم واحد وتناقش افكارو

[Roseate]

طبعا قدها وقدود


قدها تربي قطط ؟!!

[نرجس]

لاموقدها ابدا لاني بموت خوف منهم ...
قدها تركض شي 2ك متر بدون توقف ابدا؟؟؟؟؟؟؟؟

[لولي]

لا مو قدها
قدها تكتب 50صفحة بشكل متواصل وبدون استراحة

[نرجس]

قدها
قدها توقف محامي لانسان مظلوم بكل ماتملك حتى لوخسرت ناس بتحبن؟؟؟

[Roseate]

مممممم مابعتقد إني قدها


طيب قدها تصرح برأيك أمام مديرك "وليس مدرسك" بأنك لست مع طريقته أو رأيه ؟؟

[عبد العزيز الجفان]

قدها وعلى طول هيك
نفس السؤال

[RED ROSE RORO]

قدها وعطول بقول الصراحة ورأيي لأي شخص

نفس السؤال

[سمر]

وحتى مع عميد الكلي .....بس أكيد بشكل محترم ، بس يمكن عصب شوي إذا الأمر بيخص شي اسمه مبدأعندي


متل ما قالوا ....نفس السؤال ؟؟

[فارس]

كوني المدير فما رح أعصب إذا حدا صرّح برأي مخالف لرأيي
وصارت كتير
طيب سؤالي هلأ
قدها إنك تبقى متمسك برأيك بعد ما عرفت رأي المدير المخالف لرأيك ؟!

[نرجس]

اي ببقى متمسكة برايي بس باحترام واذا كان طبعا صحيح
قدها توقف ادام اثنين خانوك وتبهدلون؟؟؟؟

[RED ROSE RORO]

قدها توقف ادام اثنين خانوك وتبهدلون؟؟؟؟

قدها لكا ما قدهاا......بهدلن وبعدين بتركن للأبد.......

نفس السؤال؟؟

[MAX]

لا مو قدها

اذا غاليين علي ... بعاتبون ومنحل القصة

بس اذا لا ... فما بيستاهلوا مني ان كلف نفسي و بهدلون
بتركون و كل واحد بحال سبيلوا

س :
قدها ما تدرس طول اليوم

[RED ROSE RORO]

قدها ما تدرس طول اليوم

لا والله .... الدراسة من أول اليوم .....وإذا ما درست بيتعكر كل يومي

نفس السؤال؟؟

[لولي]

قدها
قدها تكون مع اطفال مشاغبين في غرفة وحدة لمدة يومين

[فـــراشـــة شـــوق]

مو قدها
تبطل تدخل ع النت اطلاقا

[RED ROSE RORO]

تبطل تدخل ع النت اطلاقا
موقدهاا أبداا ........مستحيل ما أدخل عالنت كل يوم ....

نفس السؤال؟؟؟؟

[RAIN]

اكيييييييييييييييد مو قدها

قدها تاكل 15 بيضة مسلوقة وتنام

[نرجس]

لالالالالالالالالالالامو قدها ابدا يالطيف 15 بيضة ونام؟؟؟؟؟؟؟؟؟
قدها تخلي انسان بتحبو يغير من علاقاتو يللي انت ماراضي عنا؟؟؟؟

[RAIN]

اكيييييييييييييييييييييد قدها مو بكيفوووووووووووو

هههههههههههههههههههههه

قدها تشرب 20 كاسة عصير دبل وتروح تسافر ببولمان ما بيوقف لمدة 20 ساعة

[نرجس]

شو قصتك rainمع الاكل باينتك جوعان كتير هلأ
طبعا موقدها ابدا
قدها تحكي على المنتدى مين الشخص يلي حبيتو بحياتك؟؟

[RAIN]

اي قدها

انا حبيت بالجامعة بنت اسمها رادا وهيي مسيحية معنا بالمعهد التجاري وضلينا سنتين وبعدين تركنا بعض لظروف

بس هالحكي من 10 سنين


والسؤال مكرر ليلي بعدي

هاتو لنشوف

[نرجس]

لاموقدها
لاني ماحبيت حدا بحياتي لحد الان هادا الحب يللي بيحكوا عنو
قدها تعطي رقم موبايلك لانسان كتيييييييير صايع؟؟

[RAIN]

اي قدها

ما انا رقم موبايلي منتشر ماشاء الله بكل المحافظات والاقاليم المحلية و العربية والدولية

دقو عالخشب يعني

والسؤال مكرر مع انو بعرف شو الجواب

[نرجس]

اكيد لأ موقدها
قدها تحكي بصراحة اذا خنت حدا بتحبو بحياتك ؟؟؟شو نوع الخيانة؟

[RAIN]

اي طبعا بحكي

بس مو هون طبعا

احسن ما ننفضح

هههههههههههههههههههههه

ونفس السؤال

[نرجس]

لا موقدها
لاني بنت كتير بقدر المودة ومابعرف خون ابداااااااااا
مومدح بحالي بس كل يلي بيعرفوني باكدوا هالشي
قدها تستقبل اكتر من ضيف بنفس اليوم بدون مايوجعك راسك

[RAIN]

اي مو مستعد استقبل حالي اذا امكن

ههههههههههههههههههههههههه

ناقصني وجع راس انا

ونفس السؤال

والله لاهلكك اليوم انتي اسالي وانا بوجهلك نفس السؤالل الك

[نرجس]

ليش مستقصدني ؟؟؟؟؟؟؟؟
لا موقدها لاني رح موت وخاصة اذا كان عندي دراسة او شي تاني بيشغلني
قدها مابقا تسالني نفس السؤال ؟؟؟؟

[نرجس]

ليش مستقصدني؟؟؟؟؟؟؟؟؟
لاموقدها بموت وخاصة اذا كان عندي دراسة او شي تاني ملتزمة فيه
قدها مابقا تسالني نفس السؤال؟؟؟؟؟؟

[RAIN]

لا والله مو قدها لانو ما بعرف اسال انا

ونفس السؤال الك

[نرجس]

قدها تروح عند انسان غالي عليك بس جرحك وتسلم عليه بكل حنان؟؟؟

[RAIN]

اكيد انا قدها وعملتا كتير

ونفس السؤال الك

[نرجس]

لا موقدها لانو الاسى مابينتسى مهما كان الانسان غالي عليك بس ممكن عاملو شوي بقساوة موكتير
قدها تفوت على الفحص بدون ماتكون خايف ابدا؟؟

[RED ROSE RORO]

أي قدهااااااا

ونفس السؤال

[RAIN]

اي قدا لانو انا خالص امتحانات من زمان

هههههههههههههههه


قدا انو تاكل عشر صحون فول مع كيليين بصل من الصبح وتروح عالجامعة

[نرجس]

لا موقدها طبعا بصل وفول؟؟؟ومن الصبح كمان؟؟
نفس السؤال

[RAIN]

لا والله ليش الكذب مو قدها

قدها تقوم هلا وتطفي النت وتنام

[نرجس]

لا موقدها لاني انا كتير بحب السهر وبعمري مانمت بكير
قدها تقول اسمك الحقيقي على المنتدى هلا

[RAIN]

اي طبعا

اسمي محمد نور محمد الشيخ

ونفس السؤال يللي بعدي

[نرجس]

لا موقدها مابحب حدا يعرف اسمي على المنتدى الا اذا كنت بعرفو منيح
قدها تشوف فيلم رومانسي كتير وماتبكي

[RAIN]

لا مو قدها
انا اذا بشوف توم وجيري ببكي

ههههههههههههه


ونفس السؤال

[نرجس]

لا موقدها كتير بتاثر من اي شي بصير معي وبعبر عنو بصراحة فكيف اذا شفت شي حلو ورومانس؟؟؟
قدها تتمشى هلا لحالك بحارة مافيا حدا؟؟

[RAIN]

اكيد قدا

لانو طرطوس بعد الساعة 8 المسا منسميها مدينة الاشباح

هههههههههههههه

ونفس السؤال ليللي بعدي

[نرجس]

لا طبعا اولا لاني بنت وتانيا لانو ادلب غير طرطوس وانا بخاف امشي لحالي حتى لو بالنهار بمكان معزول
قدها توجه تحية هلا عالمنتدى لشخص فيه ؟

[نرجس]

ومين هو؟؟ هلا الجواب

[RAIN]

اي اكيد

وبوجه تحية كبيرة معطرة بياسمين الك نرجس

لانك الوحيدة السهرانة معي

هههههههههههههه

ونفس السؤال ليللي بعدي

[نرجس]

نفس الجواب الك rain
قدها تقلنا عن عمرك الحقيقي؟؟

[RAIN]

اكيد عمري


29

ونفس السؤال ليللي بعدي

[نرجس]

18 عمري
قدها تقول شو اكتر شي بتحبو بالبنت يلي بدك ترتبط فيها

[RAIN]

اهم شي الاخلاق

الثقافة

الاستيعاب

والجمال

هلا في شغلة انا طولي 191 يعني بتهم شوي شغلة الطول شوي مو كتير

ونفس السؤال ليللي بعدي

[نرجس]

ماشاء الله 191
اهم شي انو يكون خلوق وبحبني كتييييييييييييييييييييييييييييييير

[نرجس]

قدها تسبح مسافات كبيرة بالبحر

[RAIN]

طبعا قدا ليش انا بحار عالفاضي

مقضي اكتر من 10 سنين بالبحر

والسؤال

قدا ولا مو قدا

تقول للشخص يللي بتحبوا بحبك علنا بوشوا

[نرجس]

انا كتبت موضوع عن هادا الشي
وراي اذا كنت متاكدة 100% انو بحبني عالاغلب اولها
نفس السؤال

[RAIN]

طبعا اذا كنت متاكد بقولا

قدا ولا مو قدا

توقف عالبلكون هلا وتصرخ بصوت عالي كتير وتفوت لجوا بسرعة

[نرجس]

لا طبعا لانو هادا الشي غلط
قدها تروح عالجامعة بمنظر موظابط لانو السبب تاخرت على المحاضرة

[RAIN]

لا والله

انا ما بطلع من البيت الا بكون اكل بهدلة من ابي شي 5 دقايق محاضرة منشان ساعة الوقفة عالمراية واللبس والعطر والذي منو
ههههههههههه

نفس السؤال

[نرجس]

لا مو قدها بحب كتير الرتابة ومابطيء اطلع مو ظابطة
قدها تسمع هلا اغنية بتحبا وتهديا لحدا على المنتدى

[RAIN]

اي طبعا

وهلا عم اسمع غنية كاظم

واني احبك

وبهديكي ياها


ونفس السؤال الك

[نرجس]

عمبسمع اغنية لكاظم
حافية القدمين
قدها تقوم تنام هلا

[RAIN]

اكيد لا رح انطر الصبح صلي ونام

بعدين سهران

ما بقدر اتركك لحالك بالمنتدى


قدا ولا مو قدا

تقوم هلا عغرفة امك وابوك تفيقون وتققلون انو ما عم تقدر تنام وجايي عبالك تنامي معهون

[نرجس]

وبهديا لحالي
ههههههههههههه

[نرجس]

لا طبعا لانو موجاي عبالي نام معون
ههههههههههههههههههههه
قدها تخفف شوي من الاحراجات؟؟؟؟

[RAIN]

وبهديا لحالي
ههههههههههههه

هههههههههههههههههه

كتر خيرك خيتو

[RAIN]

لا طبعا لانو موجاي عبالي نام معون
ههههههههههههههههههههه
قدها تخفف شوي من الاحراجات؟؟؟؟

لا مو قدا

ههههههههههههههههه


قدا ولا مو قدا

تروح عالامتحان ومو دارس شي

[نرجس]

طبعا لا بعمري ماعملتها
قدها تقوم تصلي لانو حاج بقا؟؟

[RAIN]

لسه ما ادن

انتي قدا تقومي هلأ

[Roseate]

أنا مصلية من خمس ساعات , لذلك مارح قوم :)

سؤال للجميع

قدها تطبق اليوم كل شيء كنت مجاوب عليه بـ " قدها "

[MAX]

قدها

قدها ما تنام غير 3 ساعات وتفيق صاحي

[RED ROSE RORO]

قدها ما تنام غير 3 ساعات وتفيق صاحي

اي قدها....يوم فحص فلسفة التربية ما نمت أبدا ورحت صاحية عالفحص

نفس السؤال

[ندى الأيام]

قدها ... لأنو أيام المعسكر كنا ننام 3 ساعات ونفيق صاحيين غصب عنا مو بكيفنا
ههههههههه
قدها توقف تحت مطر قوية كتير لمدة ساعة ؟؟؟؟

[RAIN]

رووووووووووووووووووووح قلبي الوقفة تحت المطر

اصلا انا بقوم من رشحة بوقع برشحة بالشتوية منورا المطر

عندي هوس بالمطر


نفس السؤال ليللي بعدي

[ندى الأيام]

أكيد قدا ........
قدا تلعب بالتلج من دون كفوف ؟؟؟؟

[RAIN]

لا بصراحة مو قدا

ونفس السؤال ليللي بعدي

[ندى الأيام]

قدا وقدود ...... بس بالاخير بحس مابقى عندي ايدين
قدها تشوف أكلة بتحبا كتييييييييييير وما تاكل ؟؟؟؟؟؟؟؟؟؟

[RAIN]

اكيد مو قدا

ونفس السؤال ليللي بعدي

[ندى الأيام]

أوف ..... وبعدين معك أنا بدي ضل حط الأسئلة وانت تجاوب على الجاهز
انا طبعاً مو قدا .....
قدا تاكل من اكلة ما بتحبا أبداً ؟؟؟؟؟؟؟؟

[Roseate]

اكيد مو قدها

قدها تتعلم اليوم طبخة أو أكلة لو كانت سهلة " المهم بتتاكل :) "

[نرجس]

اي اكيد قدها شو هالشغلة لانو بصراحة انا كتير بحب الاكل
قدها تضل عبتضحك يوم كامل بشكل متواصل لانو في شغلة فرحتك؟؟؟

[Roseate]

وقدها ابكي كمان :)


قدها تواظب على الأكل الصحي لمدة شهر ؟؟؟

[ندى الأيام]

لا ... مو قدا
قدا تضل عم تضحك بس انت من جو كتير حزين ؟؟؟؟؟؟؟

[RED ROSE RORO]

قدهااااا وعطووووووول هيك

نفس السؤال

[MAX]

قدها

قدها انك تكون مبسوط و مرتاح مع ان كل العالم الي حوليك ما حدا عم يفهمك ولا عم يقدر ظروفك؟؟؟

[kitty]

قدها وقدود

قدها يرزقك الله زيارة لقبر الحبيب المصطفى صلى الله عليه وسلم وماتوصلوا سلامي

[MAX]

قدها لأن ما بظن اني اتذكر وصلك السلام بهداك الوقت
الله يطعمنا ياها جميعاااااااااااااااا

قدها تضل اليوم سهران للصبح ع المنتدى

[ندى الأيام]

لا مو قدها ........ لأنو بدي اسهر للصبح بس بدي ادرس
نفس السؤال ....

[عبد العزيز الجفان]

لا مو قدها
لاني عندي شغل الصبح
نفسو للسؤال

[Roseate]

سهرانة ؟! وعلى المنتدى ؟!

يالطيف

لا موقدها

قدها تفطر فول لمدة شهر ؟

[ندى الأيام]

لاااااااا مو قدا
انا ما بفطر فول أبداً ولا حتى ليوم واحد

نفس الشؤال .......

[عبد العزيز الجفان]

فول امممممممممممم بس المشكلة ما بفيق الصبح يو م العطلة
وباقي الايام عندي دوام وما بلحق البس مو افطر
قدها ما تشرب قهوة ليوم

[ندى الأيام]

لا مو قدا أبداً .......القهوة بدمي
نفس السؤال ..

[سمر]

عادي .....طالما إني مافي امتحان بكرى .....


قدها عندك امتحان وما تدخل على المنتدى؟؟؟؟....يا جماعة يلي قدها يقلي شو الحل .

[فـــراشـــة شـــوق]

قدها
بس حل ماعندي

قدها تعطي حل للمشكله

[Roseate]

طبعا قدها ماادخل

والحل :

المهم انك سألت إنك لازم تدخلي ولا لأ , وخصوصا إذا كان فعلا مافي وقت..

لكن بصراحة احيانا الدخلة على النت ضرورية كترفيه , خصوصا اذا عيرنا ساعة أو منبه أوموبايل على عدد دقائق محدد , (طبعا لا ننسى التعزيز بعد النجاح في اغلاق النت بعد رنين الجهاز :) ) ..

أما اذا كان عندنا وسواس بالدخول على المنتدى وتفقد المواضيع او الردود , فهذا بحاجة لتدقيق حتى لو ما كانت ايام امتحانات

لكن بعتقد ان الدخول على المنتديات بشكل عام امر صحي , إذا ضبط الوقت وتحدد , خصوصا أنه يتم في البيت وفي الوقت الذي نرغب به , يعني يقل دوره كمضيع للوقت أحسن من الهاتف والمحادثات التي لاتنتهي مثلا " إذا استخدم بحكمة "



السؤال
قدها تعترض على كلامي؟؟؟ ههههه

[MAX]

لا مو قدها لأنو كلام كتير مفيد ومنطقي

قدها تقول عن أسوأ طبع فيك بكل صراحة

[ندى الأيام]

قدا ... وليش يعني ما قول
أنا أبشع شي فيني اني عصبية كتير وبس عصب ما عاد بشوف بعيوني

نفس السؤال .....

[MAX]

عصبي مع اهلي و أغلب الأحيان ما بستحمل كلامون

قدها تسأل سؤال بدالي ؟؟؟

[Roseate]

لا مو قدها

رح حط سؤال بدل حالي :)


قدها تقرر تعدل الصفة السيئة فيك خلال شهرhttp://ed-uni.net/ed/image.php?u=906521&type=sigpic&dateline=1274357137

[MAX]

لا مو قدها
لأني حاولت بس ما قدرت يمكن بخفف منها شوي

نفس السؤال

[RED ROSE RORO]

لا مو قدها لأن العصبية والصراحة مستحيل أقدر .............اتخلى عنن صاروا بدمي

قدها تشرب 5 كاسات قهوة باليوم.......؟؟؟

[ندى الأيام]

قدا ..... بشرب 5 وبشرب 10 كمان
نفس السؤال ......

[Roseate]

لا مو قدها

مالي من معجبين القهوة ابدا


لكن قدها تشرب لتر كوكتيل بهالشوب ؟!

[RAIN]

مو قدا

وبالنسبة للقهوة 10 فناجين بالنسبة الي قليل

ونفس السؤال ليللي بعدي

[Roseate]

يمكن قدها


سؤال:

قدها تختم ختمة قرآن في يوم ؟!

[kitty]

بصراحة ماصارت ولامرة أكتر شي بقرا 4أجزاء ...يمكن لما خلص حفظو صير قدها

نفس السؤال؟

[Roseate]

بصراحة قدها , لأني جربتها في يوم من أيام رمضان الماضي

9 ساعات كانت الختمة خالصة


نفس السؤال

[MAX]

لا مو قدها

قدها تضحي بأغلى شي عندك كرمال رفيقك

[Roseate]

أغلى شي أغلى شي ؟! , ولا شي غالي ؟! :)

بعتقد مو قدها

قدها تعمل جهدك تاخذ علامة 100 بشي مادة ؟!

[عبد العزيز الجفان]

قدها تعمل جهدك تاخذ علامة 100 بشي مادة ؟!
قدها بالتقنيات 2 يمكن اخدو 100
نفس السؤال

[ندى الأيام]

لا أكيد مو قدا .....

نفس السؤال .....

[dano]

أصلاً مالي مصلحة آخد 100 بعدين بيحكو علي الناس 000
نفس السؤال

[حسين الدروبي]

إنسى الأمر لا مو قدها.....
يادوب بدورة الحملة لحتى طالعتها.....
نفس السؤال.

[RED ROSE RORO]

اي قدهااااا ليش لأ.......

نفس السؤال

[حسين الدروبي]

اي قدهااااا ليش لأ.......


مو لحتى تشوفي المادة بالأول...

هل سبق و أن حدث لك موقف محرج أثناء عزيمة(دعوة) أيّ شخص؟

[RED ROSE RORO]

[quote=حسين الدروبي;134403]مو لحتى تشوفي المادة بالأول...


ليش حتى ما شوفا.....الحمد الله عطوول الله بييسرلي ويلي بحط ببالو بشوفا......؟؟!!!

[حسين الدروبي]

ليش حتى ما شوفا.....الحمد الله عطوول الله بييسرلي ويلي بحط ببالو بشوفا......؟؟!!![/quote]
الله يسرّك و ينولك إللي ببالك على طول....

[Roseate]

هل سبق و أن حدث لك موقف محرج أثناء عزيمة(دعوة) أيّ شخص؟


طبببببعا , لأن المواقف المحرجة ما تحبك إلا في العزايم :)




سؤال
قدها ماتتابع المونديال خااااالص لنهاية الامتحان

[Mohammed89]

قدها ماتروح على الفحص وخصوصا اذا كنت مادة مصيرية

[ملاك]

قدها ماتتابع المونديال خااااالص لنهاية الامتحان

أي أكيد اقدها
الحمدلله ما بتفرج على رياضة ومباريات ابدا

قدها ماتروح على الفحص وخصوصا اذا كنت مادة مصيرية
لأ مو قدها أبدا
بالعكس بدرس مشان ححد مصيري


قدها انك تتفرج على فلم لأحمد حلمي وما تضحك ابدا

[حسين الدروبي]

قدها.... إذا كان فلم (زكي شان) لأنو مابعرف كم مرّة شفتو

قدها أنّو تضلّ أسبوع بلا نوم؟

[امل]

لا مو قدها الله يسامحك اسبوع بحالو
قدها انك تعرف انو طلعت مادة وتظل اسبوع ما تعرف النتيجة

[Green Eyes]

قدها أكيد ... لأن بعرف اذا المادة رح تطلع ولا لأ....
قدها تشوف دمعة أمك ... وتمشي وماتهمك....

[حسين الدروبي]

لالا مو قدها شو انا ماني إنسان........
قدها تبقى سنة من دون ما تدخل على منتدى التربية؟!!!!!!!!!!!!!1

[Roseate]

قدها تبقى سنة من دون ما تدخل على منتدى التربية؟!!!!!!!!!!!!!

ما بعتقد قدها

قدها تتصرف عكس طبيعتك تماما لمدة اسبوع ؟!

[RED ROSE RORO]

قدها تتصرف عكس طبيعتك تماما لمدة اسبوع ؟!

مستحييييييل.......موقدهاااا

نفس السؤاااااال

[Roseate]

يمكن احيانا بتمنى كون قدها


"تغيير شكل وتحدي جديد يعني"

قدها كل يوم تغير/ي ترتيب غرفتك لمدة اسبوع

[jeta]

قدها كل يوم تغير/ي ترتيب غرفتك لمدة اسبوع




لا موئدها نهائيا بينكسر ضهري

ممكن كل شهر بمساعدة ماما

فيك/ي تزعل/ي ماما ولو ساعة بصراحة ..؟؟

تقبلوا مروري

jeta

[Roseate]

فيك/ي تزعل/ي ماما ولو ساعة بصراحة ..؟؟هلأ أنا وأمي كتير نتناقر , وكتير نختلف

لكن مافي زعل أبدا


سؤال : ملطوش من طيور الجنة

قدها تكونـ/ي صريحـ/ة وتقولـ/ي مين بتحبـ/ي أكتر ماما ولا بابا ؟ :) ولماذا؟؟

[ملاك]

مممممممممممم
سؤال كتييير حلو
أنا بصراحة بحب
ال
.
.
.
.
.

التنين
بس
بابا أكتر شويتين
بس ما بعرف ليش
هيك
نفس السؤال؟؟؟؟

[Roseate]

أنا بحب ناقش ماما وافضفضلها , وبحب امزح مع بابا فكل واحد له جزء من حبي :)

سؤال :

قدها تعمل/ي 49 تمرين ضغط , 49 بالتحديد , لأني أكيد دائما الخمسين رح يكون أصعب الشي لذلك سامحناكم فيه

[حسين الدروبي]

إذا بس 5 تمارين ضغط .... قدها و قدود ...

أمّا إذا 49 تمرين ... لسا ما جربتها ( مو بتظنوا انّي ما بحسن ساويهن!!)

[Roseate]

أين السؤال ؟!

[madyan84]

رح جاوب على آخر سؤال

49 مره ضغط!!!!!!!!!!
اي لا والله مو قدها لحد ال 25 وبس

قدها او مو قدها ما تحضر ولا محاضره بوحده من موادك بالجامعه؟