شو يعني ؟ للجريئين فقط

[القيصر إبراهيم]

إسمحولي هالمرة أتجرد من تعقيدات الفصحى واحكي بالعامية وقول شو يعني؟؟؟؟؟؟
هاد السؤال إلي كذا يوم عم فكر فيه؟؟
أكيد أنا مو ضد إحساس الإنسان بذنبو وغلطو ولا ضد توبة إنسان صحي ضميرو بس شو يعني ؟؟
شو يعني لما رجال يرمي مرتو سنين بكلمة أنتي طالق ويرجع بعد كم سنة ويقول غلطت بحقك سامحيني ؟
شو يعني لما أب يحس بتقصيرو تجاه ولادو بعد ما يتشردوا ويصيروا بين سجون وخمارات وبارات و...و...الخ
وفهمكن كفاية
شو يعني إنسان عاش طول عمرو حرامي فجأة يقول ندمان؟...شو يعني...؟ شو يعني آسف ؟ شو يعني ؟؟؟
لما إنسان بفوت سنين سجن وفجأة بقولوا لا تواخذنا غلطانين شو يعني ؟؟؟
لما تجرح بشخص مستقصد وبدون سبب مرة ومرتين وعشرة وفجأة تقلو لا تواخذنا
شو يعني ...؟؟؟؟
شو يعني لما تبكي بوقت في عيون وعيون عم تبكي من تحت راسك ...وبسببك
شو يعني ..؟؟؟
شو يعني لما تقول ما عم بقدر أنسى عمايلي بالماضي؟
والماضي مطبوع براس كتير ناس لأنو قلب حياتهن بسبب عمايلك شو يعني...؟؟؟

شو يعني لما تقول مو فادر نام من ذنوبي بوقت أنت حارم ناس وناس من النوم شو يعني؟
شو يعني لما تقتل وتنهب وتغلط وتغتصب وتسكر وتيتم ولاد صغار وتشرد غيرهن
وفجأة تقول بدي توب شو يعني ...؟؟؟

لك شو يعني حدا يقول شو يعني؟؟؟؟؟؟؟؟
لما تنسى رفقة عشر سنين وتغيب قدهن وفجأة تقول والله إشتقتلك شو يعني ....؟؟؟
شو يعني لما حبيبتك أو حبيبك تخونك وتروح مع غيرك وفجأة تحس بغلطها
وتقلك إرجعلي... وإغفرلي بليز سامحني وكنت طايشة وغبية شو يعني ...؟؟؟؟

أكيد ما بيعني ولا شي """"

شو يعني لما تطرأ راسك بالأرض قدامي ذليل بلا كرامة لأنك حسيت بغلطك وبخبثك وندالتك شو يعني ...؟؟؟؟
مفكر إذا فشيت قهري رح فش قهري ببساطة بإني أضربو أو سبو أو أشتمو
أو رد بنفس الأسلوب ورد الأذى بالأذى طيب إذا قلت سامحتك شو يعني...؟؟؟؟

شو يعني الواحد يعفو ويسامح الشخص يللي كان سبب في تدمير حياتو تشويه صورتو أو تغيير طريق مستقبلو؟؟؟؟؟ أكيد هاد بيعني وبيعني وبيعني
بس يا ترى يا قلب فيك تسامح؟؟؟؟؟؟

دخلك في تقللي إذا عجبك الكلام وما قيمتني شو يعني ؟؟
يعني شكراَ لمرورك
نورت بوجودك وتعبيرك برأيك الخاص
سامحوني إذا كنت جريء زيادة عن اللزوم أو فظ بس عنجد شو يعني؟؟؟؟؟؟

أخوكم القيصر إبراهيم

[rozalinda]

هلا فيك قيصر شكرا الك كلامك اثر فيني بس انا بشوف انو مافي حدا ما بغلط وخير الخطائين هم التوابون واكيد اذا لقيت اعتذار من حدا غلط بحقك أحسن بكتير من النكران والتطنيش والاصرار على الخطأ...بالعكس انا بتشكر كل انسان غلط معي واعتذر لانو فتحلي مجال أحس بشعور المسامحة وبالنسبة الي كان اجمل شعور.. ومرة تانية بقلك يسلمو كتير موضوعك حلو

[لولي]

موضوع حلو كتير واسلوب طرحك رائع...بس شو يعني؟؟؟
ما بكفي كلمة شكر على موضوعك ....وشو يعني؟؟
يعني كتير كتير

[القيصر إبراهيم]

روزاليندا أتحفني مروروك وتعليقك الرائع جداَ والراقي بس بصراحة الإعتذار مو كل شي حتى الإنسان يكفر عن ذنبه أنا برأيي لازم يكون في بوادر وإيجابيات حتى تتلاشى السلبيات المؤثرة على الشخص التاني

[القيصر إبراهيم]

لولي شكراَ لمرورك بس عنجد شو يعني ؟؟؟؟؟؟؟

[Mohammed89]

موضوع حلو ومشكور كتيرواسلوب رائع وتقبل مروري

[jojo-katy]

قيصر موعوضوعك كتير حلو وعنجد شو يعني انا بظن هاد اللي عبيصير بهالزمان بعد ما الانسان بغلط بحقك كتير كتير بيرجع بيقلك اسف وندمان بس وقتها شو يعني؟؟؟
شكرآ الك ع هالموضوع

[القيصر إبراهيم]

جوجو هيك صايرة الدنيا شو بدنا نعمل مالنا غير نسكت ونقول بيننا وبين أنفسنا شو يعني؟؟؟

[القيصر إبراهيم]

شكراَ لمرورك أخي محمد نورتني

[lucky]

بس شو يعني ؟؟؟؟؟؟؟؟؟؟؟؟؟؟؟؟؟

[rand kador]

قيصر أولأ أرجو تتقبل مروري تانيا إن الله عفو غفور فمن نحن حتى لانسامح ومن نحن حتى نحاسب على أخطاء غيرنا رح قلك متل شعبي شوي (الأرض الواطية بتشرب ميتها ومية غيرا بس الأرض العالية بتضل عطشانة)أنا برأي المسامحة هو أحلى شعور ممكن نحس فيه أرحمو من في الأرض يرحمكم من في السماء:female2:

[master4]

شو يعني؟؟
يعني إذا سامحت انت غبي
ليش ....؟؟
مممممممم .. لأنو أهل أول ماخلو شي إلا وقالو
شو قالو؟؟
قالو يللي في طبيعة ماببيعا
وقالو دنب الكلب أعوج لو حطوه بالقالب 100 سنة
وقالو الحمار بيوقع بالجورة مرة وحدة والمرة التانية بعدي عنها ....وهو حمار!!
وقالو من شب على شيئ شاب عليه
وشو قالو كمان؟؟
لاتنسى( المؤمن لايلدغ من جحر مرتين)
والقلب الطيب ؟؟؟
بس بالأغاني
إي شو يعني؟؟
يعني عطيها كرت أحمر و....go out

[theangel2010]

شكرا إلك على هل الموضوع
بصراحة انت وضعت إيدك عالجرح بس ما بطلع بإيدنا شي
" إن لم تكن ذئبا أكلتك الذئاب "
ونحن هيك عايشين القوي عبيعتدي على حق الضعيف والضعيف مالو غير رحمة الله

[عاشق الاطفال]

مشكور اخ قيصر موضوع حلو وجميل................بس ؟؟؟؟؟؟؟!

[فـــراشـــة شـــوق]

الحكي بالعامية أو الفصحى رح يعطي الجميع نفس المشاعر
ذكرت أشياء تحدث لكثير منا في هذا الزمان
لقد لامسني طرحك كثير
شو يعني ؟؟؟؟؟؟؟؟؟؟
يعني أتجردنا من المشاعر اللي منحكي عنها
أتجردنا من الانسانيه
اللي نصف حالنا فيه
يعني أنا قلبنا ذئاب بشريه
يعني ويعني كتيرررررررر
سيدي
لاأعلم مالذي يدور في خلدي بعد أن قرأت كلماتك ولكن لا أخفيك أزعجتني ولكن أكثر من رائعه
قد أكون مما ذكرتهم
سلمت وسلمت أناملك الذهبيه
على هذا الطرح
يسلموووووووووووو
دمت مميز

[الحزينة]

يعني انا مافهمت شي ............اي شو يعني
هههههههههههههههههههههههههههه
لازم الانسان يكون عندو تفهم ويسامح لانو نحن دينا الاسلام ومبني على التسامح هيك يعني
موضوعك حلو كتير ولو قريتو بوقت متاخر بس هو بصراحة بينقر بكل وقت لانو قيم يسلمو كتير