لم اعد احتمل ؟؟..

[سنفور]

نحن طلاب قسم الارشاد السنة الثالثة عم نعاني كتير من الامور اللي عم تكرهنا في قسمنا وعم تخلينا محبطين بدل ما نكون متفائلين ومسرورين لانو عملية الارشاد بتطلب تكون ع لطول متفائل وبتنظر للحياة نظرة تفاؤلية , لكن من وين راح يجي التفاؤل واليكم الاسباب:


الدكاترة ع الاغلب عم ينظروا الينا نظرة طفولية وحتى معظمهم معاملتهم مع الطلاب ع اساس هم الصح ونحن الغلط فينا وفوق هيك بيطلب منك طلبات تعجيزية لا بتنحط لا بميزان ولا بقبان.

الدكاترة بيحكوا للطلاب انو شو بدو يطلع منكن وانتوا ما خرجكن شي وانتوا وانتوا وانتو.....وعلى تحطيم بهالمعنويات هي اذا تم منا شي .......؟؟؟

محاضرة العملي وتقديم حلقات البحث ... ياعيني ع حلقات البحث بتشبه كل شي الا حلقات البحث ......تركوني مابدي احكي ....احسن شي

لسه ماحكينا عالقاعات ولا البرنامج ولا الدوام ولا الطلاب .....ااااخ راسي:anxious1:

[abo alfedaa]

له يا سنفور انت عم تحكي هيك

وبكل قدراتك السنفورية ما قدرتك تتأقلم

بس أقلك شغلة ماتخبر حدا ......؟؟؟؟؟؟؟

معك حق

[البهاء]

حبيبي سنفور كلامك كلو صح 0في واحد من الاساتذة قال شو بدو يطلع منكم واحد بدو يفتح بسطة سكنر واحد بدو يفتح محل فلافل واطسن فروج ادلر مكياج فرويد 0عبخلونا نتفائل احلى تفاؤل في هالحياة شو منا نساوي هيدة الجامعة0

[البتول]

لاااااااااا يا شباب شو هالتشاؤم ما حبيتها منكم خالص
طبيعي الدكتور يحكي هيك .. وبجوز انت لما تصير دكتور تحكي نفس الكلام لطلابك ..
المهم لازم هاد الشي يخلق عندك تحدي و تحاول تثبت العكس .. وهاد اللي انت لازم تعلمو لغيرك لانك ارشاد (التحدي والتفاؤل..)
والكلام اللي ما بيعجبك اعتبره مزحة .. وبالنسبة لحلقات البحث كتير ممتعة بس انت اشتغل فيها على هالاساس .. بدي اعمل حلقة بحث لاستمتع ولأن انا حابب ..
والبرامج وال... لو تأخرت لصالحك بضل غيابك مبرر بأخطاء الادارة وعمهلهون ليش مستعجل ..
آخر كلمة وآسفة كتيييير عالطولة بس بدي قلك ان فرعك كتير حلو بجد وانت اللي بتخليه أحلى فرع بالدنيا بس ادرس بمتعة و حب دراستك ..

[محمد الأحمر]

يا حبيبي ع هيك دكاترة ..........معقول بيكسروا فيكن


شي طبيعي من شان ما تصيروا دكاترة وتفكروا تصيروا محلون
:happy2:

[كليوباترة]

أكيد يا سنفور هاد الكلام منه كتييييييير و كلنا عانينا من هالأمور يلي ذكرتها من قبل لكن نصيحة كونك كمرشد مستقبلي حاول إنك ما تتأثر بهالكلام ويكون تأثيره معاكس على ذاتك وتفكر وتخطط لقدام وأهم شي يكون في عندك تطابق بين ذاتك الواقعية و ذاتك المثالية (المستقبلية)
فأنت أعمل يلي عليك وأكيد ما في شي بيضيع ،وعلى قولة المثل القائل ( عندما تطرق الباب بإخلاص يأتيك المدد والخلاص )
وبالنهاية بقلك
(أحبب ما تعمل تعمل ماتحب)
والله ولي التوفيق ..........

[موج البحر]

معك حق ياسنفور شي بيجنن
بس شو بدنا نعمل قدر ومكتوب

[ranooosh]

أنا عم اعمل زينة العقل ما بورجيون وشي للدكاترة بزورون بالمناسبات السعيدة وبس يعني الفحص

[عبد العزيز الجفان]

كلية تفتقد للتخصص
واحزناه على الأيام
تمضي الأيام دون فائدة
ما بقي غير أبو عبدو الحجي يدرسنا علم نفس

[بلقيس]

طبيعي الدكتور يحكي هيك .. وبجوز انت لما تصير دكتور تحكي نفس الكلام لطلابك ..

عفوا... غير طبيعي ابدا بل قمة التخلف ان ينسى الدكتور انه كان في يوم من الايام طالب وانه يحتاج الى ابسط كلمة تعزيز من مدرسه ليبدع ...
آخر ابداع سمعته هذا الاسبوع في مادة عملية هو (بامكانكم ان تتدربوا على التحضير القديم وبعد اتقانه ننتقل الى الحديث) السؤال ما الفائدة التي سنجنيها من التدرب على التحضير القديم ...لا اعرف ...لكن كل ما اعرفه ان الانسة لاتريد ان تضيع وقتها هي في الاطلاع على التحضير الجديد ...

[عبد العزيز الجفان]

تم تعديل التحضير الجديد
مرة أخرى
اليوم وقع بين يدي