تسجيل الدخول

مشاهدة النسخة كاملة : بتقبلوا تحفظوا ؟؟؟

رحمة
02-02-2008, 02:47 PM
السلام عليكم ورحمة الله وبركاته

حابة اقترح اقتراح

شو رايكم نبدا مسابقة لحفظ القران الكريم ؟؟؟

خلص الاقتراح :female2:

ناطرة اراءكم :thinking1:
شهاب
02-02-2008, 03:00 PM
اناااااااااااااااااااااااااااااااااااااااااااااااا ااااااااااا موافق:yes1:
فكرة حلوة بس كيف :thinking1:
تيلااا
02-02-2008, 03:01 PM
الله يجزيكي الخير يا رحمة
اقتراحك كتير حلو بس بدو ارادة
والله يقدرنا على هالشي يارب
رحمة
02-02-2008, 03:08 PM
خيو شهاب

سهلة رح نتفق على الجزء اللي رح نبدا فيه

ومنخصص حفظ شي محدد ( برايي يا صفحة او نص صفحة كل يوم مو اكتر )

طبعا مع تنزيل شرح الايات

ومنتوكل على الله

وحلا

اكيد الموضوع بدو عزيمة انتي رح تقليلي

الله وكيلك كل مرة بحفظ جزأين من سورة البقرة وبيبقى اخر نص جزء

وبرجع بوقف

بقى ادعولنا امااااااااانة

وطبعا بدنا ننطر راي بقية الاعضاء والادارة ....
Zaher
02-02-2008, 03:32 PM
فكرة كتير رائعة ، الله يقدرنا نكون من أصحاب الإرادة والهمة العالية .
مشكورة رحمة على هالفكرة وجزاك الله كل خير .
شرشبيل
02-02-2008, 08:22 PM
:emot100::emot100::emot100:

حطونا بس على حكي تعالو للتطبيق ماحدا بطبق

مشكورة رحمة فكرة حلوة و حتى لو ما حدا طبقها

بس بتوفي انو ذكرتينا فيها

على كل حال اذا لقيتو طريقة حلوة انا موافق
علاء
02-02-2008, 09:06 PM
أنا بصراحة صار دخلت عالموضوع أكتر من مرة بس متردد أعلق ....لأني من الصعب علي أحفظ شي

بس قادر أشارك معكن بالقراءة اذا بتسمحولي
عندي شعور
02-03-2008, 01:10 AM
ممم يتمنى نقدر نحفظ سوا وبكون الله جمعنا على دينو الحمدلله....بس كيف يعني صعبة لانو مافي التزام اكيد ...عكلن فكرة كتير حلوة واذا بيظبط تطبيقها بكون عنجد شي رائع مشكورة رحمة الله يجزيكي الخير يارب
رحمة
02-05-2008, 05:26 AM
الاخوة زاهر

شرشبيل

علاء

والست ام السواسن

http://me9up.me9alo.com/folder1/me9alo_vae4TkOlBj.gif


من شان كيف رح نحفظ

بقترح انو كل عضوين بيحفظوا سوا

وبيسمعوا لبعض

وهيك مافي عدم التزام

ومنطلب من الادارة كتشجيع

كل شهر


تحط تحت اسم الفريق اللي حفظ ( شي لقب )

وشو رايكم ؟؟؟؟؟؟



:thinking1: :thinking1: :thinking1:
زهرة الخريف
02-05-2008, 11:50 AM
بصراحة يا رحمة
انا جربت قبل هالمرة احفظ القرآن من اولو
بس للأسف ما مشى الحال
احفظ صفحات و أترك
واحيانا للي حافظتو انساه
لانو الشغلة بدها ارادة ومتابعة

لذلك انا مكتفية حاليا بالقراءة



مشكورةعالمبادرة الحلوةوالله يجزيكي كل خير
عندي شعور
02-05-2008, 01:58 PM
انا معكن شو مابتقرروا...بانتظارك رحمة وبانتظار مشاركات اكبر حتى نقدر نحقق الفكرة
رحمة
02-06-2008, 06:27 AM
انا ناطرة بقية الاراء

بس سؤال الادارة وينها

كانو ما عجبها الموضوع ؟؟؟

وفداء انا متلك مجرب احفظ شي 20000 الف مرة

بس انسى ... ووقف عن الحفظ

بس لايمتى رح نموت ولسا ما حفظنا شي

وام السواسن

يومين ومنشوف باذن الله شو رح نعمل
Nonna
02-06-2008, 11:39 AM
اكيييييييييييييد موافقة
ممكن اضم صوتي الكم
kind angel
02-06-2008, 10:04 PM
وتي:yes1:


بصراحة أد ما قلت الفكرة رائعة ما بكون وفيتها حقها بس الل يعيننا عالتطبيق...

سؤال موجه لنفسي أولاً و لعلاء وللي صعب عليهم يحفظوا:رجاء دعونا نحاول السيطرة على هذه الأنفس الأمارة بالسوء...
بتعرفوا أنو حفظ الصفحة لا يتجاوز ثلث ساعة!!!!
ليش ما منحاول نتغلب ع أنفسنا؟؟؟

برأيي نحدد مثلاً يوم الجمعة الساعة 11 مثلاًأنو نسأل المتواجدين بعضنا كنوع من التعزيز وبدون أي غش...

أرجو منكم التشجيع والدعاء...
ومرة تانية جزاك الله خيراً يارحمة عهالفكرة
Nonna
02-07-2008, 10:44 AM
وينك يا هبوشة خلينا نبلش
جنة الدنيا
02-07-2008, 11:25 AM
السلام عليكم
رحمة انا جاهزة وبضم صوتي معكم بس كيف ؟:thinking1:

لاني الاغلب بعد ما نبدا منتراجع وانا يمكن وحدة منن .........
رحمة
02-07-2008, 04:15 PM
nonna , kind angel , زلفى

شرفتوا

لسا رح ننطر لبكرة الجمعة

وباذن الله منبدا من السبت

ياللــــــــــه يا جماعة مين معنا لسا

والله يثبتنا
kind angel
02-07-2008, 11:52 PM
يا الله إن شاء الله الله يعيننا...
أنا على أحر من الجمر...
رحمة
02-10-2008, 06:08 AM
السلام عليكم

اتاخرت مو

ما بعرف بتوافقوا على هالتقسيم لنبدا بالحفظ سوا ؟؟؟؟

شهاب + زاهر رمضان

رحمة + حلا

عندي شعور + nonna

kind angel + زلفى

طبعا انا حطيتهم حسب المشاركات

واذا بتوافقوا لنبدا بعون الله

طبعا ( شرشبيل , علاء , فداء ) كانو رح يقرؤا بس
تيلااا
02-10-2008, 10:33 AM
انا موافقة :yes1:

بس برأي نبلش حفظ بسور قصيرة تقريباا متل يس ....

عشان نثبت من حفظنا على الاكيد

بعدا مننتقل للأصعب

شو رأيكن ؟؟
RAIN
02-10-2008, 10:41 AM
انا قرات مرة كتاب للشيخ عائض القرني

اهدتني اياه امي قبل ماسافر عاليونان

اسمو مجتمع المثل حاطط فيه موضوع

لطيف عن حفظ القران الكريم


بتمنى من الكل يحاول يقراه
Zaher
02-10-2008, 01:07 PM
مشكورة أنسة رحمة بس أنا ما بعرفوا لشهاب وين بحسن أشوفو ؟
جنة الدنيا
02-10-2008, 02:08 PM
انا موافقة
بس ما بعرف اذا kind angleموافقة ؟؟
رحمة
02-10-2008, 03:35 PM
حلا انا معك برايك

والبقية شو رايهم

انا قرات مرة كتاب للشيخ عائض القرني

اهدتني اياه امي قبل ماسافر عاليونان

اسمو مجتمع المثل حاطط فيه موضوع

لطيف عن حفظ القران الكريم


بتمنى من الكل يحاول يقراه

هلا بالاخ رينبو

اولا سؤال انت موافق لتشارك معنا

تانيا ياريت اذا عندك نسخة الكترونية عن الكتاب تنزله

ومشكور

اخي زاهر

صراحة وانا ما بعرفه للاخ شهاب

بس بعتقد انو فينك تتعرف عليه شخصي اذا انتو من حلب

او فينكم تتفقوا كل اسبوع بتلتقوا ع المسنجر وبتسمعوا لبعض ؟؟؟؟؟؟؟؟

زلفى :: بعتقد بتوافق لانو هي بنت كتييييير حبابة

وطبعا اذا حابب يحفظ مع شخص تاني يقول بلا خجل لانو انا حطيتهم حسب المشاركات بس

والله يوفقنا
RAIN
02-10-2008, 04:33 PM
انا موافق

انا بصراحة والحمد لله حافظ 18 جزء

وعم حاول كمل


اما بالنسبة للكتاب

يا رحمة عجزت وما لاقيته عالنت
RAIN
02-10-2008, 04:37 PM
انا رايي حفظ القران من اول جزء وعن طريقة الاستماع من اجل التجويد يعني انا حفظت اول 12 جزء عن طريق الغامدي وبعدين كملت عن طريق السديس وبب اتشكر ادارة المنتدى لانها حاطة نسخة عن القران بصوت السديس
رحمة
02-10-2008, 05:30 PM
اخي rainbow ما شاء الله

الله يزيدك من علمه

بس ما بعرف نحنا اتفقنا انو نبلش من جزء 30 يعني بيعطي دافع وحماس

ويا رب

ومن شان الكتاب مشكور والاّ ما نلاقيه
علاء
02-10-2008, 09:13 PM
طيب خلوني أأدم اقتراح

شو رأيكن نترك أريحية للحفظة ( اللي بدهن يحفظو )

كل واحد بيدخل بيكتب اسم جزء أو آية أو أكتر ( حسب وقتو ومقدراتو ..)

وبعدين بروح يحفظو

وهيك منضمن أكتر التزام كل شخص بحفظ حصته


اعتمدوا عالطريقة لنبلش

بالنسبة لرينبو :

طريقتك كتير حلوة ومفيدة وبتخلينا نحفظ الآية مع التجويد .....
Nonna
02-11-2008, 12:03 AM
بس سوسن مسافرة على مصر منشان تشجع الفريق المصري
ولسه بدها اسبوع لترجع في بدل ضائع ...... قصدي في الوقت الحالي بنوته لوحدها
رحمة
02-11-2008, 05:02 PM
طيب خلوني أأدم اقتراح

شو رأيكن نترك أريحية للحفظة ( اللي بدهن يحفظو )

كل واحد بيدخل بيكتب اسم جزء أو آية أو أكتر ( حسب وقتو ومقدراتو ..)

وبعدين بروح يحفظو

وهيك منضمن أكتر التزام كل شخص بحفظ حصته


فكرة تماااااااااااااااام انا موافقة عليها

وبعتقد البقية كمان


بس سوسن مسافرة على مصر منشان تشجع الفريق المصري
ولسه بدها اسبوع لترجع في بدل ضائع ...... قصدي في الوقت الحالي بنوته لوحدها




هي ما بترجع من هلء ليوم الجمعة الجاي ؟؟؟؟؟؟؟؟؟

لانو انا وحلا ما رح نحفظ ليوم الجمعة هيك اتفقنا
Nonna
02-11-2008, 09:54 PM
لأ ان شاء الله بترجع
طيب فيني دخل ناس بعملية الحفظ بس ما فيون يدخلوا على المنتدى
يعني رح يتم التواصل عن طريقي ولا شو ؟
DG2008
02-11-2008, 10:04 PM
ياجماعة لاتنسوني بالاخص رحمة
انا جاهز و بالانتظار
kind angel
02-12-2008, 09:46 AM
أحسن فكرة أنو كل اتنين عم يحفظوا سوا يتفقوا ...
لأنو كلياتنا سوا صعب نتفق,هذا اللي بدو من الأول وهذا من الأخير وهذا وهذا وهذا..
رحمة
02-12-2008, 03:49 PM
طيب فيني دخل ناس بعملية الحفظ

اكيد ست nonna والله يجزيكي كل خير

والله يرجع ام السواسن بالف خير وسلامة


ياجماعة لاتنسوني بالاخص رحمة
انا جاهز و بالانتظار



شرفت اخي

بس ليش بالاخص انا

بتعرفني ؟؟؟؟؟

أحسن فكرة أنو كل اتنين عم يحفظوا سوا يتفقوا ...


اكيييييييييييييد

وبالنهاية رح نشوف كل شهر اي ثنائي حفظوا مزبوط

الله يثبتنا
عندي شعور
02-13-2008, 06:54 PM
اسفة كتيييييييييير عالتاخير بس والله مسافرة وبكرا باذن الله راجعة ونشالله بحكي مع نونا ومنتفق ومنبلش بس بتمنى هالموضوع مايتسكر ونضل عمنقول شو حفظنا واذا ظبط المشروع او لا حتى نضل على تواصل ويضل في افكار جديدة...برجع بكرر اسفي...جزاكم الله خيرا كلكم
علاء
02-13-2008, 08:22 PM
شو اعتمدتو ؟؟؟؟؟؟
جنة الدنيا
02-20-2008, 04:35 PM
من وين رح نبدا؟ انا عم استنا
Nonna
02-20-2008, 05:43 PM
وانا ...............................
عندي شعور
02-23-2008, 01:05 AM
ليش نمتوا؟؟؟؟
علاء
02-23-2008, 01:56 AM
ألو.........!!
عندي شعور
02-23-2008, 02:01 AM
مافي تغطية نهائيا...
رحمة
02-23-2008, 09:26 AM
للللللللللللللللللليييييييييييييش رجعت التغطية

ااااااااااااااااااااااااسفة كتير بس بصراحة كنت منقطعة عن العالم الاسبوع اللي مضي

وحاليا رجعت عشت

بس طلب صغنطوط من الكل

ممكن كل تنين يحددوا ويكتبوا ع شو اتفقوا لنفتح موضوع بقسم اسلاميات

وهنيك ننظم الحفظ

واماااااااااااااااااااااااانة سامحوني
علاء
02-23-2008, 11:25 PM
شو ؟شايف الموضوع طول ؟؟

أنا رح أحفظ بداية سورة الواقعة ان شاء الله
عندي شعور
02-23-2008, 11:48 PM
الحمد عالسلامة رحمة وبسيطة ولا يهمك...على اعتبار انو طلع فرزي مع نونا فبكرا نشالله بشوفها ومنحكي وبخبرك...الله يجزيكي الخير ويارب يظبط عالمشروع
رحمة
02-24-2008, 07:09 PM
الحمد عالسلامة رحمة وبسيطة ولا يهمك...على اعتبار انو طلع فرزي مع نونا فبكرا نشالله بشوفها ومنحكي وبخبرك...الله يجزيكي الخير ويارب يظبط عالمشروع



عجبتني هي طلع فرزك

يالله ان شاء الله بيمشي الحال

وخيو علاء موفق بس شوف رفيقك شرشبيل بركي بيحفظ معك
علاء
02-24-2008, 10:26 PM
شو رأيك شرشبيل ؟
شرشبيل
02-24-2008, 10:39 PM
شو لهلء ما بلشتو الله يسامحكم

و الله انا فكرتكم طلعتو هلء من تلات ارباع القران

على كل حاااااااااااااااااال انا

مووووووووووافق و خصوصا انا حفظان الواقعة

يعني بس رح اراجعها مراجعة بس مو اكتر

بس كيف و من وين بدي ابلش

الحمد لله طلع فرزي كويس و بدون واسطة
علاء
02-24-2008, 10:54 PM
شرشبيل أنت اختار آية واحفظها لبين ما أخلص سورة الواقعة
شرشبيل
02-24-2008, 11:24 PM
اذا على كيفي اكيد رح اختار سورة الكوثر

على كل حال بكرا بخبرك يا علاء شو بدي احفظ
آلاء
02-25-2008, 11:53 AM
فكرة كتير حلوة
وليش با اخ علاء ما بتقدر تحفظ
اذا مشان الدراسة فا اتأكد انه مارح يأثر عليه
لأنه الدراسات العلمية أكدت انه هناك جزء خاص بالدماغ لحفظ القرآن
ومافي شي باثر على شي
بتمنى نبدى بالفكرة عالحارك
علاء
02-25-2008, 12:37 PM
شكرا آلاء

بس انا كان قصدي أنو ذاكرتي الحفظية كتير ضعيفة
آلاء
02-25-2008, 05:02 PM
عفوا أخ علاء
بس الفتوح يلي الله بيفتح فيه
على الشخص ماله علاقة بالذاكرة
سواء كانت ضعيفة أو قوية
كتير منشوف أشخاص ذاكرتن ضعيفة بس ما شاء الله عليهم
حفظن كتير منيح
:female2:
رحمة
02-25-2008, 06:10 PM
الثنائي المرح مو انفرزتوا مع بعض

حتى ما تجلطوا غيركم

يعني عملت متل الدولة العثمانية ( وقت ضربت محمد عى مع الدولة السعودية .......)

واخت الاء شرفتي

رح نزلك معنا انا وحلا لبين ما تجي شيمتبرعة تانية
رحمة
02-25-2008, 06:21 PM
اخوانا الكرام

انتقل منزلنا الى حي اسلاميات ( قسم مواضيع اسلامية عامة )

على العنوان التالي

هناااااااااااا (http://www.ed-uni.com/ed/showthread.php?p=36543#post36543)

تفضلوا بزيارتنا