ماهو رأيكي ورأيك في الشاب المدخن ولماذا؟

[هاني]

انا ومنشان الصراحة بدخن وكمان بأركل وماهو بايدي انو اترك الدخان بالاخص لانو الوحيد اللي بفشلي قهري عند بكون مزعوج وفي متل بالعامية بقول >>الشب بلا سيكارة كالببببنت بلااسوارة>>شوبتقولوا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[لوتس]

ليه هالسوال بس النا ليه مابتسال راي الشباب عن البنات المدخنين وانا بعرف منهم كثير
بس البنت اذا بدها تحسبها هيك بتخرب الدنيا لاني بسوريا اللي مابدخن سيكارة بيكون بياركل

[jalall]

الدخان مضر بس شو منعمل مثل ما قلت فشة خلق الواحد يحرق دخان أحسن ما يحرق أعصاب

الله يبعدنا عنها ويبطلنا ياها

[مايا]

انا بشوف الدخان مضر بكل الأحوال وبكره شي اسمو دخان وما بتحمل ريحتو مع انو بالبيت الكل بيدخنوا بس انا الغريبة بينهم
بس jalall انت عم تقول بتحرق دخان احسن من ماتحرق اعصاب بالعكس الدخان بالنهاية عم يحرقلك اعصابك وجسمك وقلبك ومالك وكل شي بقا حرق الاعصاب لحالها اهون

[مريم]

يعني بالفعل اضراره كتيرة و شو صايرة ظاهرة الأركيلة منتشرة كتير بالمقاصف وخاصة عنا هون بطرطوس (بس أنا تركتها من حوالي السنة)

[زاهر]

الدخان مضر ولكن جميل وله بعض الفوائد فالحرامي لا يستطيع ان يدخل الى منزل المدخن لأن المدخن يسعل طوال الليل فيحسبه الحرامي مستيقظ

[هاني]

انا بقعتقد انو الاركيلة مو منتشرة بس عندكن لانو الاركيلة تغطي سورية شو رايك

[palestine_thaer]

السيجارة عصب الحياة
وهي الصديقة الصدوقة

[knightofLight]

بالعامية بقول >>الشب بلا سيكارة كالببببنت بلااسوارة>>شوبتقولوا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

هل الحكي خطأ لا البنت قيمتها بالإسوارة التي تلبسها ولا الشب قيمته بالسيجارة التي يدخنها

[knightofLight]

و التدخين تدخين سواء كان للشب أو البنت على حدّ سواء وهو شغلة سخصية لا تؤثر في تقيمي للأشخاص :) ..................(هذا رأيي:)).

[Khaledar48]

أنا مابدخن بس مابحب حدا يدخن مكان اللي بكون فيه
أما اذا كان لحالو فهاي حرية شخصية

[عبدالرحمن الفرج]

التدخين براي هو عادة سيئة وانا قول عادة اي ان الشخص يعتاد عليه

[Morhafsyria]

انا بقعتقد انو الاركيلة مو منتشرة بس عندكن لانو الاركيلة تغطي سورية شو رايك
و الله يا صديقي الأركيلة أو " الشيشة " باللهجة المصرية ...... تجتاح العالم العربي......... وحاليا تم تصدير هذه العادة إلى العديد من الدول الأوربية .......... وهون السواح اللي جايين زيارة للقاهرة ....... صاروا يشربوا شيشة ( = أركيلة ) أكتر من المصريين ...........

بكل الأحوال التدخين بكل أنواعه ... مؤذي للصحة والبيئة وهو عادة سلبية ......... إلا أن هذه العادة تعتبر من " أكبر متنفسات التوتر الشائعة " ........ مما سيضمن استمرارها بزيادة توترات الحياة ... مالم تكافح هذه العادة بقوة وحسم ذاتي .

وعلى فكرة الأركيلة أكثر أذى من السجائر ..... لأن السجائر تحتوي على التبغ فقط ....... اما الأركيلة فتحتوي على التبغ بالاضافة للعديد من المواد العطرية الكيميائية التي تعتبر بحق سموم قاتلة .
و حاليا .... صار الشاب أو الفتاة اللي أهلوا معارضين لتدخين السجائر ..... أكثر تساهلا في معارضة الاركيلة ......... والفتاة اللي كانت تخجل تحمل سيجارة ..... صارت بكل بساطة تشرب أركيلة ........ مع العلم أن المواد الموجودة في المعسل ظهرت لها مخاطر جديدة حاليا ..... بالاضافة لأمراض القلب والسرطان ...... أكدت كثير من الدراسات .... بل جزمت ان الأركيلة تؤدي عند الفتيات إلى توضع الجنين في غير مكانه ........ مما يؤدي إلى الإجهاض قبل بلوغ الجنين للشهر الثالث ..... وأحيانا يؤدي هذا الإجهاض إلى عدم قدرة على الحمل مرة ثانية ......

[عبد العزيز الجفان]

انالا ادخن فحسب بل اصبح صدري مدخنة من كثرة التدخين واشتاق الى اليسكارة بين السحبة والسحبة
ومع ذلك ارى ان التدخين عادة سيئة ومزعجة للشخص وللاخرين وللجيب ويجعل الشخص هذا السم يتحكم فيه
اما الاركيلة فهي اسوء لانها لاتشعر الشخص بالضرر المباشر واكثر انتشارا وخاصة بين البنات الصغار وهذا ما شاهدته في رحلة في احدى المداس الثانوية للبنات في حلب
وان شاء الله بدي اترك التدخين ادعولي

[منار]

لا للتدخين اصلا اكبر تحدى بينحط فيه الشب هو الابتعاد عن التدخين لانه مضر ومو هيك وبس والله حرام بيسوي امراض كتير خطيرة وقمة الرجولة ترك التدخين

[عبد العزيز الجفان]

الحمد لله تركنا الدخان عقبال الجميع

[آلاء]

المتنبيالحمد لله تركنا الدخان عقبال الجميع
ألف ألف ألف مبروك
خطوة رائعة جدا
إن شاء الله الثواب عند الله كبير
من ترك شيئا لله عوضه الله خيرا منه
هاد معنى الحديث مو الحديث نفسه

[عبد العزيز الجفان]

الله يبارك فيك الاء