قسم التوظيف

[علاء]

هالمرة حابب أعرف رأيكم بقسم للتوظيف

الهدف منه:
1- تأمين فرص عمل للطلاب التربويين والخريجين
2- سد حاجات المجتمع التعليمية
3- صقل المهارات التربوية لدى الطلاب والخريجين الجدد




مثال 1

الاسم : ******

خريج أو غير خريج : سنة تالتة

القسم : معلم صف

مستعدة لأعطاء الدروس الخصوصية لطلاب المرحلة الاعدادية في المواد التالية ( **** / **** )
في منطقة الجملية و الاسماعيلية

للاناث والذكور

للاستعلام **********




مثال 2

اسرة تبحث عن مدرس لغة انكليزية للصف الحادي عشر

3 ساعات بالاسبوع

للاستعلام هاتف ************


بالنسبة للشروط وباقي التفاصيل بتنزل بس تعتمدوا

[رحمة]

فكرة حلوة موفقين

[Anas]

طيب علاء
برأيك فكرة سوق كتب التربية مشي حالها و اخدت قبول ؟ ؟

----------------------

بيمشي حال فكرتك بشرط واحد بس انو يكون المنتدى منتشر انتشار كبير بين اوساط الشعب , و بكل مستوايتون , يعني منتدانا اصلا بين طلاب التربية مو منتشر , و اصلا 45 بالمية من رواد المنتدى من خارج سوريا يعني 55 بالمية من سوريا , و على نشاط الاعضاء اللي موجود حاليا منلاحظ انو بس جزء صغيير من طلاب التربية هني المشاركين بالمنتدى ,

حاول تقنعني اكتر .. مابدنا نحط اقسام ما الهلا نشاط

---------------

لابد من البيروقراطية ههههههههه

[رحمة]

لابد من البيروقراطية ههههههههه


بيروقراطية !!!!!!!!!!!!!!!!!!


كانو عم تخالف السياسة العامة ؟؟؟


رح اشتكي عليك


بس صراحة معك حق بكلامك


بس بركي هيك فكرة بتجذب اعضاء جدد


وبتنعنش اعضاؤنا الاعزاء

[jaafar]

انا برأي انها فكرة لا غبار عليها و لها فوائد

ولكن اخشى ان تصبح وسيلة سهلة للتعارف ي

يعني بكلام اخر كل عضو يسجل عنا و يكتب مثلا مستعد لاعضاء دروس في كذا و يكتب طريقة الاتصال به

لذلك انا مع هذه الفكرة بعد ايجاد الية التطبيق السليمة لهذا القسم

[علاء]

رحمة

شكرا على الدعم

أنس

يمكن تكون الاستفاد 1 بالمية للاعضاء وبعتقد نسبة لا بأس بها

جعفر

معك حق و بهيك موضوع مالازم يكون في مزح أو علاك

واللي بدها تتعرف الله لايقيمها ...

مشكورين جميعا

[علاء]

بعض الشروط المقترحة للأعلان في قسم التوظيف

قبل طرح اعلانات التوظيف نرجوا من الاخوه والأخوات الأعضاء الالتزام بهذه القوانين :


* أي شخص يسجل كعضو بهدف التلاعب والتسلية فنسأل الجبار سبحانه وتعالى أن يكفينا فيه بما شاء انه عزيز قدير وبالاجابة جدير .

* يمنع طرح الاعلان في القسم الا اذا كان صاحبه متأكداً من رغبته وجديته في التعليم

* يمنع اضافة رقم جوالات الفتيات نهائيا ... حتى لو هي طلبت .. يعطى فقط هاتف ولي أمرها ( أباها ، أخاها ، زوجها )

* لايجوز لعضو أن يضيف أي اعلان لأي كان ابن جيرانه ، أبن عمه ، رفيقه ، ... مهما كان السبب (
يستثنى من تلك الاعلانات وضع العضو أعلان لأخته أو زوجته حصريا ( تحذف اعلانات العضو لخطيبته أو ماشابه )

* القسم لا يقدم وظائف و لا يتحمل مسؤولية الاعلانات ومصداقيتها

* للادارة الحق في حذف أي اعلان دون الرجوع الى صاحبه

* نحذر مرة أخرى : اتق الله ولا تعبث بقسم لا يخصك وذلك بالتسجيل كعضو من باب اللهو أوالتسلية أو الترقيم .. وتأكد أنك لن تنال الا الخســـران في دنياك وآخرتك .. وحسبك الله ..


بانتظار اقتراحاتكم

[the king]

انا براي فكرة رائعة كتير ومفيدة
الله يعطيك العافية علاء ومشكور

[لقاء]

مشكور فكرة جيدة بس وين بدنا نكتب الاعلان

[علاء]

the king

لقاء

العفو ،، ومشكورين انتوا عالمرور والدعم


... بس وين بدنا نكتب الاعلان ؟

بس يتم افتتاح القسم لأنو الفكرة قيد الدراسة

[mansour.ash]

فكرة حلوة كتير ومفيدة للجانبين, وملاحظات الزملاء حلوة ممكن تستفيد منها علاء.

[علاء]

مرورك أكبر دعم

مشكور


______________________

شو رأي البقية ؟؟؟ مالن علاقة ؟؟

والله انا كمان مو عاطل عن العمل وشغلي ماعم لحقله ( والحمد لله )

والفكرة للنقاش يعني عبر وافق أو عارض أو صوت على الاقل !!!!!!!

[آلاء]

هي الفكرة حلوة
بس لازم نتقيد بالشروط