HI

[سوزي]

مرحبا يا شباب ويا صبايا
أنا جديدة في المنتدى وطالبة سنة أولى بكلية التربية
ما بعرف شيء وخايفة كتير من الجامعة
1. حلقات البحث بكل المواد ما بعرف أكتبها
2. دراسة الكتب صعبة بدي مساعدتكن شو بدي أدرس شو بعمل ما بعرف
3. الدكاترة في الإرشاد كتير صعبين
4. رفاقي في السكن الجامعي كتير مزعجين

Pleas شو الحل وشكراً كتير لكل واحد رح يقدم مساعدة

[شرشبيل]

ماك حل يا سوزي غير تبطلي
هاد احسن حل
:Smile1:

بدك تطولي بالك شوية لانو مرحلة جديدة
و حياة جديدة و كل شي جديد
ديري بالك على رفقاتك بالسكن لازم تعلميهم
لعب الشدة و شرب المتة
و اهلا وسهلا فيكي سوزي

[aloooosh]

ماك حل يا سوزي غير تبطلي

هاد احسن حل
:Smile1:

بدك تطولي بالك شوية لانو مرحلة جديدة
و حياة جديدة و كل شي جديد
ديري بالك على رفقاتك بالسكن لازم تعلميهم
لعب الشدة و شرب المتة

و اهلا وسهلا فيكي سوزي



ياعين يا هيك النصائح يا بلا

ثابر وإلى الأمام شرشبيل

الله يقويك يا رب

خرب بيت البنت

[Zaher]

مرحبا يا شباب ويا صبايا

أهلين وسهلين

أنا جديدة في المنتدى وطالبة سنة أولى بكلية التربية


أهلا وسهلا فيكي بالكلية وبالمنتدى .

ما بعرف شيء وخايفة كتير من الجامعة

أمر عادي وشعور أي شخص مستجد .

1. حلقات البحث بكل المواد ما بعرف أكتبها


ليش بقي حدا لهلق ما كتب حلقات البحث ؟ رح يصير التقديم الإفرادي ، على كل حال إذا هالفصل جبتيهم جاهزين مو مشكلة ، وبالفصل الثاني بتتعلمي تكتبي ، ما حدا خلق متعلم .
. دراسة الكتب صعبة بدي مساعدتكن شو بدي أدرس شو بعمل ما بعرف

إذا عندكن مواد مؤتمتة ولا يهمك بتدرسي المادة بكل سهولة ، وإذا في نماذج سابقة بس حليهم لأنو أغلب الدكاترة بعيدوا نفس الأسئلة ، وإذا مو مؤتمتة بعينك الله بدك تقرأي الفقرة وتفهميها وتحددي النقاط الهامة فيها وتحفظيها ، وإذا بتلخصي بإيدك بكون أفضل ما تجيبي تلخيص جاهز .

4. رفاقي في السكن الجامعي كتير مزعجين

أغلب طلاب السكن عم يعانوا من هالمشكلة ، ما إلك غير تطولي بالك .

Pleas شو الحل وشكراً كتير لكل واحد رح يقدم مساعدة

أهلا وسهلا فيكي ، ونتمنى أن نشاهد منكي مشاركات ونشوفك عضوة مميزة .

[oriant roro]

سوزي انت سنة اولى وانا كمان كلياتنا بالهوا سوا بس بوجود الرفقة بشجعوا بعض وبتهون كل هالامور ولسة لانو مرحلة جديدة هيك عم تحكي
بس صدقوا وقت قالو مادة من الجامعة بتسوا البكالوريا
واهلا وسهلا فيك

[black heart]

اها
طيب اهلا وسهلا فيكي سوزي نورتي القسم
رورو بسيطة ليش ما جبتي سيرتي بالحديث بس مو مشكلة
منتواجه