طمنوني ... كيف التقنيات

[هدهد]

لك والله انا توقعت فوت عالمنتدى وشوف موضوع اما كاتبه زاهر او خلود او حدا من السنة الثالثة
عما يحكي عن تقديمنا اليوم للموت الزهري ( تقنيات التعليم )

والله بالنسبة الي ما بعرف ليش انصدمت بالأسئلة وللوهلة الأولى ما عرفت حل شي
بس رجعت ركزت شوي انحل معي اربع اسئلة وفي سؤال الأولى كتبت شوي فيه

بس انشاء الله تطلع والله انا ما بدي غير النجاح بالمادة لانو اعادتها مصيبة

طمنوني عنكم شو صار معكم وليش ما سمعت حسكم لهلا

( انا متوقعة الكل اليوم راح ينام وما يفيق ) لانو التقنيات والله هدت حيلنا 14 يوم دراسة واخر شي بدي بس انجح

[Zaher]

طمنوني عنكم شو صار معكم وليش ما سمعت حسكم لهلا

أنا بالنسبة إلي كنت :sleeping1:

لانو اعادتها مصيبة


والله إعادتها أكبر مصيبة ، يعني هاي المادة عن كل المواد ، بس إن شاء الله خير وأنا متفائل إنها تطلع معي لأنو حليت 4 أسئلة صح والباقي كتبتله شيئاً من الفهم .

على كل حال موفقة هدهد ، وإن شاء الله بتنجحي فيها وبجميع المواد .

[حمزة العثمان]

مبارح كنت متوتر وقلقان بشكل ما طبيعي ، حتى الساعة وحدة بالليل ارتحت كتير لأني سلمت أمري لله سبحانه وتعالى ، يعني كتير تعبت بالمادة وما عاد يطلع معي أكتر من هيك ، وقلت لحالي : إزا نجحت أو رسبت الحمد لله على كل شي وضليت عم ادرس للساعة سبعة و ربع الصبح .
و وقت صارو يوزعو الأسئلة ، و لأني مقضي حوالي < 48 > ساعة بدون نوم و لما اتوتر ما فتحت ورقة الأسئلة لبعد خمس دقايق من بداية الإمتحان .
مع أنو السؤال الأول صدمني ، بس الحمد لله ضلت أعصابي هادي ،و حليت باقي الأسئلة باستثناء السابع بشكل منيح ،اجمالا ان شاء الله علامتي < 45- 50>درجة ،الحمد لله ، الله وفقني ، وخلصت من هالكابوس المزعج .
وإن شاء الله جميع الزملاء يكونو قدمو منيح ، وتنجح مع الكل ، ويقدمو باقي المواد بنجاح .
بدي حدا ينصحني : قولكن قدم التربية المدنية وللا الدراسات الانكليزية....؟؟؟ لأني فايت بالحيط .
تمنياتي بالتوفيق للجميع باقي الإمتحان.
بالإذن من الجميع ، بدي روح كمل نومي لأنو تخيطت عيوني و تشرطت حناكي من النعس ، تصبحو على خير .
هدهد وزاهر إن شاء الله أموركن بخير وما في عليكن خوف.

[نور أحمد]

ألف مبروك زملائي الاعزاء:emot112::emot112:
و ان شاء الله رح تاخدوا على قد تعبكم .

انا بالنسبة الي كنت حاذفتها و بعدني لليوم مزعوجة و لهي اللحظة.:sad1:

بس ان شاء الله عالفصل الثاني بتطلع معي وهلأ بدي تشجيعكم لباقي المواد


موفقين كلكم:female2:

[نور أحمد]

أنا لو محلك زميلي حمزة بقدم التربية المدنية لأني ما بحب قدم المادة أكتر من دورتين و بمل حياتي منها..
بس والله شكلك بتحسن تقدم المادتين...بدون حسد يعني..

والله يوفقنا كلنا.

[Zaher]

بدي حدا ينصحني : قولكن قدم التربية المدنية وللا الدراسات الانكليزية....؟؟؟

ليش أنا كم مرة نصحتك بها الموضوع ؟ ادرس الدراسات ، وقدم المدنية بدون دراسة لأنو أنا بضمنلك إياها للتربية المدنية فوق الـ85 بدون دراسة ، كرمالي هالمرة يا أخي حمزه بلا 100 وانجح بالدراسات ، بيكون أفضل .

أنا لو محلك زميلي حمزة بقدم التربية المدنية لأني ما بحب قدم المادة أكتر من دورتين

ليش مين قلك يا نور إنو حمزه قدمها دورتين ؟ السنة الماضي ما قدمها ، مع العلم لو بدو ينجح فيها كان نجح ، وهلق لو بدو ينجح فيها بدون دراسة بينجح ، بس هوي بدو فيها معدل .

[THE SUN LIGHT]

مرحبا زملائي الاعزاء بالنسبة للتقنيات الحمدلله ولباقي على ربنا
واخي حمزة قدم المادتين وباذن الله بدك تنجح في الاتنين لاتخاف انت رجل وقدها وقدود
الله يوفق الجميع يارب
اختكم خلود

[إيمـــي]

السلام عليكم ورحمة الله وبركاته
معظم يلي قدم التقنيات بطالعها على الحد فانشاء الله يكون تصحيح الدكتورررررررررر مو صعب حتى ننجح
بهالمادة لانو فعلا اعادتها مصيبة كبيرة
اخ حمزة بما ان المدنية اتمتة فالافضل تقدمها وتخلص منها لانو معظم معلوماتها مارة معنا فادرس اللغة واقرا المدنية قراءة
وان شاء الله بتطالع المادتين سوا

[إيمـــي]

اخ زاهر اذانزلت على الكلية وشفت علامات باقي مواد العملي نازلة فياريت تخبرنا
ولك جزيل الشكررررررررر

[هدهد]

زاهر وخلودوايمي وحمزة موفقين كلكم بالتقنيات وانشاء الله كلنا نطالعها ونرتاح منها

بعرف انو انا هلكت زاهر بالأسئلة عن مادة التقنيات ( عنجد لازم اتشكرك من كل قلبي )

نور لا تدايقي ولا تنقهري ركزي على باقي المواد والفصل التاني انتي قدها وقدود

حمزة انا برايي تقدم الدراسات وتخلص منها والمدنية اقرأها وبتنجح فيها بكل سهولة معلوماتها مو كتير صعبة
وانشاء الله بطالعها كمان

[حمزة العثمان]

طولو بالكن شوي.... ، خجلتوني..... ، حاسس أنو راسي عم يكبر ....و كني رح قدم مادة تالتة من السنة الرابعة عالأغلب الإدارة الصفية.
شكرا جميعا لوقوفكن معي وتشجيعكن الي ، ودعولي الله سبحانه وتعالى يوفقني بالمادتين .
شكرا إيمي رح اعمل بنصيحتك .
شكرا كتير خلود تشجيعك دبحني بسكين متلمة .
كمان زاهر ما قصر ، كسر ضهري ، شكرا زاهر ، واني طلبت النصيحة ما يعني أبدا اني متجاهل رأيك ، بالعكس رأيك أهم شي عندي ، هي من ناحية ، من ناحية تانية مانك شايف انك عم تبالغ شوي بال100 أو ال 85 ، خلينا بال 50 أحسن .

أما نور :
أول شي: شكرا عالتشجيع لأنو عطاني دفع معنوي كبير كتير.
تاني شي : معك حق تنزعجي عالتقنيات لأنك حزفتيها بس هالشي ما يعني انك تبقي مزعوجة ، في مواد تاني كلها سهلة ولازم تنتبهيلا منيح ، يعني لازم تبقى اعصابك باردة و معنوياتك كتير عالية .
بعدين تعي لنشوف ، انت مؤمنة بالله تعالى واللا لأ ...؟ مانك مؤمنة انو الله سبحانه وتعالى ما بيضيع تعب ...؟ وانو كل الإمتحانات توفيق الله ...؟ وانو الرسوب بالمادة هوي بس اختبار من الله للإنسان ...؟
أنا رح جاوب عنك: {قال يعني انت اللي عم تحكي } { أكيد ، الحمد لله ، ورح اثبتلك يا حمزه أنت وكل الزملاء اني قد هالمسؤلية ، واني بإذن الله بدي طالع كل المواد الباقي ، والفصل التاني إلي حساب تاني مع التقنيات ، معقول شقفة مادة تعلم عليي ، وإزا تقنيات يعني ، الأيام جااااااي ، ومنتواجه ، ورح تعرفو مين أنا ، وأنا عم اتحداكن كمان } .
هلق أنا عم احكي : هه ، هاد الحكي اللي بينحكى ، وبيجيب نتيجة
:comm3::emot112:، هيك خليكي جبل ما تهزو الريح ، فعلا يا شباب ، متل ما قالت نور : الإنسان بيتحكم بالظروف ما الظروف بتتحكم بالإنسان .
قلتيلي لكان عم تتحدينا.... إيه شو علي.... ، انا قبلت التحدي.
بدعيلك الله يوفقك بالمواد الباقي ، نسيت ادعي لحالي.... ، كمان الله يوفقني ، يالله صاير عم أنسى كتير ...نسيت الزملاء .... الله يوفقكن جميعا .
وينكن يا شباب ، يا صبايا ، احكو شي كلمة ، ليش ساكتين ...؟

[حمزة العثمان]

آسف هدهد ، يظهر انا وأنت كنا داخلين عالمنتدى بوقت واحد ، شكرا لاهتمامك ونصيحتك ، والله يوفقك وويفقنا بباقي المواد ، خصوصا الزميلة نور .

[Zaher]

مانك شايف انك عم تبالغ شوي بال100 أو ال 85

أكيد ما عم أبالغ ، وأنا بعرف إمكانياتك ولو يا أخي حمزه .

خلينا بال 50 أحسن

هيك بزعل منك ، يعني لو بدك الـ50 كان من السنة الماضي طلعت معك .

[نور أحمد]

شكرا لك أخي المتفائل (اسمح لي بقولها) ,و انا كمان متفائلة بس مو دائما:female4:

راودني شعور بالغبطة ...


مو معقول انت :others1::others1:

الله يوفقك يا رب.

[Zaher]

اخ زاهر اذانزلت على الكلية وشفت علامات باقي مواد العملي نازلة فياريت تخبرنا
ولك جزيل الشكررررررررر

نزلت التقنيات + الفيزياء .
وعلامات التقنيات كلها ممتازة ، بس الفيزياء :no1:

[THE SUN LIGHT]

طمنا يازميل حمزة كيف قدمت التربية المدنية انشاء الله كويس

[حمزة العثمان]

شكرا عالاستفقادة أخت خلود
الحمد لله ماشي الحال ولو انو الأسئلة كانت نارية وكتير صعبة
إن شاء الله علامتي < 75 > درجة
بالتوفيق للجميع .

[حمزة العثمان]

ولو انو الموضوع بخص التقنيات بس ما في مانع نتعرف كيف قدمتو الدراسات
أنا الحمد لله بتطلع معي إن شاء الله تعالى
بالضبط ما بعرف قدي العلامة بس المهم انها بتطلع
و الأسئلة كانت كتير سهلة ...صح...؟

[Zaher]

و الأسئلة كانت كتير سهلة ...صح...؟

بهاي معك حق ، الأسئلة كتير سهلة ، وأنا حليتها كلها دون ترك أي سؤال ، بس ما بحسن أقدر العلامة لأنو عندي أخطاء إملائية وأخطاء قواعدية ، بس مهما حذفلي علامات بتطلع معي ، وأنا حاسبها تطلع بمعدل فوق الـ65 إذا ما حاسبني كتير على الإملاء والقواعد .

[نور أحمد]

و انا كمان ان شاء الله بتطلع معي الدراسات....

ع كل مبروك لكم كلكم زملاء و زميلات .

معناها منيح اللي قدمت المادتين حمزة...بهنيك

[اشراق]

شو زميل حمزة حامل كتير مواد وله عم تسعى للمعدل

[حمزة العثمان]

شو زميل حمزة حامل كتير مواد وله عم تسعى للمعدل
ههههههههههههه....
يا ناس ...يا عالم ... يا هو...
تعو سمعو ....قال معدل ....
بدي خلص وبس ما شايفتيني جنيييييت ...
صرت عم حاكي حالي ...
مجنون لا تعتبي عليي .
:emot100::emot100::emot100:

[اشراق]

والله مادة التقنيات كتير عزبتني لدرجة انو بعد ما درستها قررت ما قدمها
بس نزلت قلت بشوف حظي
وإنشاء الله خير ومتفائلة لانو رب العالمين ما بضيع تعب إي شخص
يارب تكون النتائج منيحة للجميع