الامتحان و المراقبة - أحداث - مشاكل .. عبـّر

[Anas]

السلام عليكم

كيف الامتحان و الدراسة ؟ ارجو ان تكون الامور على خير مايرام :)

و اللي عندو مشكلة او حدث صار او قصة بالامتحان و المراقبة يحكيلنا ليفضفض عن نفسو و يرتاح ..

هاتو لنشوف

[Nonna]

انا صار معي موقف مضحك
اني دائما ببرد بالامتحان
اختكم راحت لبست كل التياب الي بالخرانه يعني
فيك تقول صرت( الخزانه المتنقلة )
بس فوجئت السنة انو الشوفاجات مشعولة :eek::eek::eek::eek:
تخيلوا؟؟؟؟
والقاعة شوووب
:hot1:
لك لك لك لك عمو المراقب ما يشوفني الا عم بكش والناس كاشة من البرد
على كلن شكرا لانكم شعلتو التدفئة بس ان شاء الله ما يطفوها بالمادة التانية واكلها كم مرتب
:Smile1:

[Zaher]

شكراً إلك أنس لاهتمامك بهذه الأمور ، أنا بس عندي مشكلة ضيق الوقت لأني بطيء بالكتابة وخصوصاً أحياناً إني بكتب على المسودة وبعدين وقت بدي أبيض بيكون خلص الوقت وما بلحق أراجع الورقة ، يعني دائماً أنا آخر شخص بيسلم ورقته الامتحان وللصراحة بحس إنو ساعتين ما بيكفوا في بعض المواد ، وخصوصاً بروح 10 دقائق لبين ما يوزعولنا الأسئلة وعدا كل دقيقة شي بدو يسجل أسماء الحضور ، شي بدو يختم الورقة ، شي بدو يلصق الورقة ، . . . . . عدا بعضاً من زملائي بيحبطوني وقت يلي بيسلموا ورقة امتحانهن على وقت قبل نصف الوقت . . . الخ ، وتذمر بعض المراقبين من بقاءنا لآخر الوقت وبيقولولنا : باقي نصف ساعة ، وباقي 10 دقائق واللي عنده شي على المسودة يبيضه لأنو ما بقي وقت رح نسحب الدفاتر . . . . .
بس بشكل عام الحمد لله ، يعني ما في كتير مشاكل .

[حمزة العثمان]

كنت من يومين عم قدم مادة التربية المدنية...وعند ما نتهيت من الحل ...صار هداك الموقف...
اللي صار ...التالي :
أحد الزملاء انتهى من الحل ...طبعا ولما ينسى شو حل طوى ورقة الأسئلة ، وخباها بجيبو { المادة مؤتمتة وممنوع الاسئلة تطلع خارج القاعة }
أنا كمان كان كل همي طالع معي ورقة الأسئلة ... لهيك كمان خبيتها بجيبي ...
زميلي سلم الورقة قبلي بثواني ... وعند ما بدو يطلع طلب منو الدكتوربسام الطويل { رئيس القاعة } ورقة الأسئلة ... { ممنوع...ما بصير ...ومن هالحكي...}
زميلنا حاول كتير مع الدكتور ...بس ...طلع الدكتور أشطر...
المهم ...وهون النهفة...
بعد بثواني طلعت لسلم ورقة الإجابة ... { طبعا الأسئلة بجيبي } ...
كان الدكتور عم يحكي مع المراقب ، ويقلو :
بس بدي أفهم كيف الطلاب بتحسن تطالع ورقة الأسئلة...؟
أو كيف مركز التصوير بيحسن يحصل عالأسئلة ...؟...إلخ
و لأنو الموقف حصل مباشرة ...الدكتور ما توقع أبدا يكررو شي طالب... إلا إذا كان مصيف { متلي }
بلا طول سيرة ... ولو اني كتبت جريدة ...
سلمت ورقة الإجابة ... بكل أدب ...
وكتبت اسمي ... مع التوقيع ... بكل هدو ء ، وبعدو الدكتور مشغول بنفس الحديث ونسى يسألني عن ورقة الأسئلة ...والأسئلة بعدها بجيبي ...وما عدت أعرف إيمت بدي أوصل باب القاعة ، لأني كنت رح افقع ضحكة كانت بدها تشيل القاعة ... بس الله ستر .
وأول ما صرت برة القاعة ... عينكن ما تشوفني و أنا عم
:happy2::happy2::happy2:

لأني حسنت طالع الأسئلة .
انا بحترمو للدكتور بسام بشكل ما طبيعي ... ولو ما كنت مضطر ما كنت عملت فيه هيك مقلب، قولكن إذا اعتذرت منو بسامحني ...؟
:others1::others1::others1:

[أحمد الحلبي]

والله الحمد لله الأمور كلها تمام بس.................

كان عندي علم اجتماع تربوي والحمد لله كنت دارسها منيح وليلة المادة وحوالي الساعة 09:00 المسا وكنت عم عيد المادة وإذ......الاتصال الصاعق من أحد زملائي عم يسألني عن الكتاب الجديد للمادة وإذا فيه تغيير كتير وأنا.........

:duh1:

قلتلو الحمد لله مانو متغير كتير بس هلق عم اسمع منك إنو اتغير الكتاب

:emot100:

وبقيت حوالي ساعة في حالة ذهول تام بس بعدين قررت إني كمل إعادة والحمد لله كانت الأسئلة من الفصول المشتركة وإنشاء الله بتطلع المادة

بس بدي أفهم كيف الطلاب بتحسن تطالع ورقة الأسئلة...؟
أو كيف مركز التصوير بيحسن يحصل عالأسئلة ...؟...إلخ

الحمد لله من السنة الأولى ولما كانت أول تجربة للأتمتة كنت متعود أنا ورفقاتي نهرب الأسئلة وما التقطنا إلا مرة على إيد الأستاذ محمد العايد أنا ما عملت شي بس أخدت ورقتين من الأسئلة وسلمتو ورقة ولما وصلت الباب كان الأستاذ محمد عم يناديلي وقلي وين بقية الأسئلة قلتلو هاي هية قلي من هيك عم تتهرب الأسئلة

:thinking1:

بس وييييييييييييييين صحي التقطت أنا ورفيقي بس كان في زميلين احتياط والحمد لله نجحت العملية

:yes1:

[علاء]

ايــــــــــــه ........ عالمغامرات الامتحانية

بالمناسبة من أول يوم أجتنا مراقبة عم تبهدل وتعيط عالناس كلها وتخربط أماكن جلوسهم وكأننا ورق شدة ،،،،،،صرت أدعيلها ما تقرب علي لأنو موفارقة معي ... ،، لسوء حظها سمعتني كم كلمة لأنو عرت قلم لبنت قلمها متجمد ، ما أدى الى نشوب ملاسنة اسفرت عن سحب بطاقتي ، أديش ضحكحتني لما أخدت البطاقة ،،، ههههههه من أول عشر دقايق بامتحانات الفصل ، والخير لقدام


رجائي للسيد العميد تنبيه المراقبين على عدم الصراخ والبهدلات العامة وتذكير المراقبين أن ليس من صلاحياتهم تبديل أماكن الطلاب دون ذنب

[loletta]

الحمد لله كلو تمام...يمكن لانو انا مابتفرق معي الضجة
اذا بتخرب الدنيا بالقاعة انا ما بحس على شي..الهدوء اخر همي...:no1:

بس مشكلتي انو اسمي بالاخير وديما بتطلع قاعتي مع الراسبين(اغلبهم متزوجين) والحملة ...
واه من المتزوجين...بدن من الله حدا ينقلن كلمة مشان يطالعو المادة..:no1:
لذلك بسببولي بعض الازعاج..
فوق مالن متزوجين ومرتاحين بدهن العزابية اللي طلعو عيونن بالدراسة ينقلوهن...شو هالظلم هاد:duh1:

[عبد العزيز الجفان]

انا- صرتو تعرفو -مشكلتي (الاحصاء )
اليوم غيرت قاعتي على اساس رفيقي
يساعدني ولسا ما طلعت على اول كم فراغ
حتى جاء المستخدم غير مكان رفيقي
وانا دخت ماعدت اعرف اسلم ام اكتب
المهم كتب من عندي وكنت كاتب القوانين بسرعة
على المسودة
وطبقت القوانين
والحمدلله طلع اكتر حلي صح
اكتر من استاذي يللي هو رفيقي
وانتم شلون الاحصاء معكم
ولنا لقاء مع النمو

[snow_ white]

أحلى يوم اول يوم قدمت فيه ,الصبح بكير والبرد على كيف كيفك
والاحلى انو اتذكروا يشغلوا التدفئة والمكيفات لما قرروا يدخلوا الطلاب من الصقيع القاتل
بس ياحسرة طلع جوا ابشع من برا
وطول هالامتحان وانا عم فكر امسك القلم واكتب ولا اخلي ايدي بجيوبي
والله عانيت صراعات خطيرة داخل ذاتي بسبب هي المشكلة وبالاخير انتصر الدفء على الكتابة (مارح تطلع)

بس لسة احلى من اول يوم هو اليوم
ونحن ياإخوانا قاعدين بالقاعة الجميلة (القبو2) عم نكتب بكل امان واطمئنان
وشي بشهي اسئلة الدكتور مرعي بالقياس 2 اشتهيناكن معنا كتيير
ولا حضرة افندي مراقب قاعدلك اخر مقعد وفجأة ببلش موبايلو شي يغني شي ينكت
شي يحكي حكي غير مفهوم , والله فكرنا في واحد نسيان موبايلو معو ومفتوح
قلنا راح فيا , والمراقبين عيونهم جحظت لمكان الصوت بس لما شافوا زميلهم المصون ماحدا فتح تموا بنص كلمة ايييييييييييييه
ولسة كمان ضل شي خمس دقايق عم يلعب فيه وبأعصابنا
بس انشاء الله هي المرة مننفد

[أ. علي الحمادي]

صار دوري بالكلام

وأهل مكة أدرى بشعابها

كل اللي حكيتوا ما بيعبر عن حجم المصيبة والفظاعة والإرهاب
الذي يمارس بالكلية

ومعرفتي بالأمر أفظع بكثير
خليني احكي بصراحة
أنو النظام المتبع بكلية التربية نظام امتحانات إرهاب الطلاب وعرض عضلات
واستعراض مين الأقوى
الشي الغريب اللي ما بصدقوا انو بالكلية بيدرسوا الطلاب
القلق الامتحاني
والتعامل مع البشر والتصرف في المواقف
واحتساب ردات فعل الآخرين

ويأتون إلى الامتحان ويعاملون الطلاب
ك.............بشر
بس مالهن أي حقوق
غريب جداً
انك تدخل امتحان وممنوع انك تحرك جسمك
أو تلتفت أو تطلب شي
أو... أو .... أو
كثيرة هي المواقف التي اصطدمت فيها مع المراقبين باعتباري رئيس قاعة

هاد اللي جاي من شي محل وهاد الموظف بش مكتب
وهاد اللي جاي يصطاد
والأحلى من هيك
فعلاً في ناس ما بتستحي على دمها وكأنوا نغمة موبايلوا سبق اعلامي
وما بيحترم الناس وبيحط الوضع صامت
والله والله بكسر الهاء
أنا كنت أتضايق من المراقبين أكتر مايتضايقوا الطلاب منهن
وياما رجعت طلاب انسحبت منهن الدفاتروأجلستهن بغير محل

وكتير من المراقبين بستعرضوا وبيفرجوا الامتحانات والعميد انن عم يسحبوا دفاتر وعم يصرخوا وعم يضبطوا النظام بس مشان يقولوا انو مراقب شديد
والله عيب هالتعامل مع الطلاب بس بيني وبينكن أنا ما كنت أسترجي أحكي لأن التهمة جاهزة بأنو عم يتهاون مع الطلاب إذا ماكانت شي تاني

وكثيراً هي المرات أعرف انو في ناس بدور عالقاعات مشان يراقبوا المراقبين ويوصلوا الأخبار

موقف زعلت عليه كتير
في بداية الامتحان في البهو العلوي _ساحة الحرب المكشوفة_ كنت رئيس قاعة
وعم توزع ورق الإجابة والأسئلة بعد ما وصلت
ورن موبايل إحدى الطالبات وهي بذاتها فزعت من الرنة
ما كان مني إلا أن أخذت الموبايل ووضعته على الطاولة فأتت مراقبة جزاها الله خير
وقالتلي دير بالك ودي للامتحانات
قلتها ما صار شي وهاي الموبايل قدامي والأسئلة بعد ماتوزعت
قالت بالحرف الواحد والله بكرى بتلاقي حالك برى الكلية
وما كان مني إلا أن اعطيتها الموبايل وذهبت لمركز العمليات
وإذ هي راجعة وبيدها ورقة التقرير
صعقت
شو بسوي أعرف أن الطالبة مظلومة
وكتب التقرير وحرمت دورتين
وخطيتها برقبة صاحب الأمر
وبتمنى تعذرني لأن السطة هي اللي تت بالأمر

وكتير وكتير
شي بينحكا وشي ما بينحكا
وقد ما كتبت ما أشفي روحي من الظلم اللي بيصير بالإمتحانات
ونصيحة للطلاب لا تزعلوا حدا من جوا لأنو بالإمتحانات بتطلع
وماحدا بيرحم حدا

[عبد العزيز الجفان]

كلامك يااستاذ علي كله صحيح
انا عندي تجربة في الاداب كنت عم اراقب السنة الماضية
والاحسن في من يراقب علينا وتعرف من هم ( المستخدمون )
ومع هذا الغش الذي رايته في الاداب يفوق التصور
ولااستطيع ان ابوح ما رايته سواء لما كنت طالب ام مراقب
خليها بالقلب تجرح ولا تطلع لبرا وتفضح

[هدهد]

انا والله ما صار معي مشاكل خلال الامتحان ابدا والحمد لله ( كله تمام )

بس انا مشكلتي مع عمو الحجي( الشيخ هيك نحن سميناه ) الي بيوقف عند باب الدخول وببلاش صريخ وعياط لا تفوتو الشناتي بدي كبهم برا
ولك حتى اليوم انا ورفيقتي دخلنا الشنتة ( يعني طبعا دخلنها بس جوا الكلية وحطينها على الارض مو اكتر والله ) واذا بسمع صوت اوقفلي دقات قلبي عما يقول شو ما عما تسمعوا لبرا

لك حتى انو كان في غرفة امانات من قبل وهي كمان لغوها

مع انو بغير كليات الموبايلات جمب الطلاب والله ( بالاداب )

اووووووووووه فشيت خلقي

[علاء]

صار دوري بالكلام

وأهل مكة أدرى بشعابها

كل اللي حكيتوا ما بيعبر عن حجم المصيبة والفظاعة والإرهاب
الذي يمارس بالكلية

ومعرفتي بالأمر أفظع بكثير
خليني احكي بصراحة
أنو النظام المتبع بكلية التربية نظام امتحانات إرهاب الطلاب وعرض عضلات
واستعراض مين الأقوى
الشي الغريب اللي ما بصدقوا انو بالكلية بيدرسوا الطلاب
القلق الامتحاني
والتعامل مع البشر والتصرف في المواقف
واحتساب ردات فعل الآخرين

ويأتون إلى الامتحان ويعاملون الطلاب
ك.............بشر
بس مالهن أي حقوق
غريب جداً
انك تدخل امتحان وممنوع انك تحرك جسمك
أو تلتفت أو تطلب شي
أو... أو .... أو
كثيرة هي المواقف التي اصطدمت فيها مع المراقبين باعتباري رئيس قاعة

هاد اللي جاي من شي محل وهاد الموظف بش مكتب
وهاد اللي جاي يصطاد
والأحلى من هيك
فعلاً في ناس ما بتستحي على دمها وكأنوا نغمة موبايلوا سبق اعلامي
وما بيحترم الناس وبيحط الوضع صامت
والله والله بكسر الهاء
أنا كنت أتضايق من المراقبين أكتر مايتضايقوا الطلاب منهن
وياما رجعت طلاب انسحبت منهن الدفاتروأجلستهن بغير محل

وكتير من المراقبين بستعرضوا وبيفرجوا الامتحانات والعميد انن عم يسحبوا دفاتر وعم يصرخوا وعم يضبطوا النظام بس مشان يقولوا انو مراقب شديد
والله عيب هالتعامل مع الطلاب بس بيني وبينكن أنا ما كنت أسترجي أحكي لأن التهمة جاهزة بأنو عم يتهاون مع الطلاب إذا ماكانت شي تاني

وكثيراً هي المرات أعرف انو في ناس بدور عالقاعات مشان يراقبوا المراقبين ويوصلوا الأخبار

موقف زعلت عليه كتير
في بداية الامتحان في البهو العلوي _ساحة الحرب المكشوفة_ كنت رئيس قاعة
وعم توزع ورق الإجابة والأسئلة بعد ما وصلت
ورن موبايل إحدى الطالبات وهي بذاتها فزعت من الرنة
ما كان مني إلا أن أخذت الموبايل ووضعته على الطاولة فأتت مراقبة جزاها الله خير
وقالتلي دير بالك ودي للامتحانات
قلتها ما صار شي وهاي الموبايل قدامي والأسئلة بعد ماتوزعت
قالت بالحرف الواحد والله بكرى بتلاقي حالك برى الكلية
وما كان مني إلا أن اعطيتها الموبايل وذهبت لمركز العمليات
وإذ هي راجعة وبيدها ورقة التقرير
صعقت
شو بسوي أعرف أن الطالبة مظلومة
وكتب التقرير وحرمت دورتين
وخطيتها برقبة صاحب الأمر
وبتمنى تعذرني لأن السطة هي اللي تت بالأمر

وكتير وكتير
شي بينحكا وشي ما بينحكا
وقد ما كتبت ما أشفي روحي من الظلم اللي بيصير بالإمتحانات
ونصيحة للطلاب لا تزعلوا حدا من جوا لأنو بالإمتحانات بتطلع
وماحدا بيرحم حدا


ماتشوف اليوم شو عملو " الدكاترة و المستخدمين "

ما عم أعرف حالي بكلية ولا مفرزة !!!!

للمرة الثانية :


رجاء من العميد ينبه على المراقبين والمراقبات عدم الصراخ والبهدلة ( شوية احترام )


( الشيخ هيك نحن سميناه )

هاد اللي ينفذ قرارات منع التجول في الكلية وطرد الطلاب من الكلية وكأنهن طلاب قدامو

[أ. علي الحمادي]

حبيبي علاء
انا عم قلك
ما رح يغيروا شي
هاد اسلوب متبع
وأي واحد بيتساهل مع الطلاب
ورقته جاهزة ومكانه مهدد بالخطر
كلما قسوت أكثر هابوك اكثر
هيك هيييييييييييييك
افهمني علاء

[فاتنة]

بصراحة أنا قرأت كل تعليقاتكم شي بيضحك وبيزعل بنفس الوقت

بس بحب أحكي شغلة صغيرة أنو أنا عنجد بحياتي وعمري وكل امتحاناتي مابهتم لأي مراقب مين ماكان ولا لحد الان حدى سببلي ازعاج أو غيرلي محلي وأحيانا كتير بدخل وبطلع ومابشوف وجه المراقبين بشكل صحيح لاتقولو أني عم نظرعليكم بس والله هاد الواقع

[bilsan]

بأول مادة بعد ما فكينا شيفرة هالمادة وعانينا بدراستا بسبب أزمة الكتاب المترجم و التصوير السيء
كانت فيروزنا في ذلك الصباح ( إحدى المراقبات ) تطربنا عأنغام كعبا الطنان و موبايلا الرنان اللي يرتفع عويله كل دقيقتين ومرافقة موسيقى تصويرية دج الباب اللي بزقزق من أئل حركة
و رئيسة القاعة ما حكت معا شي بس تراقب كيف عمبتركد من آخر القاعة لبرة لحتى ترد و اكتفت بالاشغال كل 5 دقايق بترديد اسطوانة ( الاسم عورقة السؤال ) و ممارسة سلطتها عالطلاب المساكين بسحب دفتر كم طالبة بحجة الشوشرة عالطلاب .

ومن أول يوم لهلأ يتكرر ما سبق مع زيادة العياط و البهادل و التهديد و شيلوا هاللفاحات شو مفكرينا ما منعرف طرئكون الملتوية حاطينا مشان تنئلوا ما ؟؟!!!!!!!!!!!!!!!!!!!!



هاد غير الصدمات بعلامات الحلئات

منشتغل و منتعب بس

أحد المعيدين : يضع أمامك العلامة قبل ما تئدم حتى بس لأنو فردي من دون ما يفتحا حتى و يطلع عمستوى الحلئة .
أحد آخر : بدي تحكيلي بالفصحى كمان من دون ما يفتح الحلئة .
أحد آخر بقولوا إنو في قبل اسمو ( د .) بعد ما شبعنا تمنين طول الفصل إنو أخدلنا العملي بالزور ومو فاضيلنا و آخدنا عالفضلة يضع علامة معينة نظرا لأصل الطالب أو منطقة سكنه ( مع إنو 3 بكونو مئدمين نفس البحث و بنفس سوية التئديم )



ياريت العميد يطلع على هالأمور و يذكرون إنو نحنا طلااااااااااااااااااااااااااااااب ولسنا موضع تفريغ للعقد .

[princess]

أنا ماعم يصير معي شي بس عم أتبهدل كل مادة


صار قدمت 3 مواد ولا مادة بتطلع

والله كنت شاطرة والسنة الأولى ما حملت ولا مادة بس ما بعرف شو عم يصير معي

لاء وأحلى شي أنو أخدت بالأعداد 8 بالعملي مع أنو كتبت بشي 18 علامة كيف ماكان.......

ومع العلم أنو أنا علمي وجايبه بالبكالوريا 57 بالرياضيات

:sad1::sad1::sad1::sad1::sad1:

[عبد العزيز الجفان]

اليوم كنت عم اراقب صف تاسع
والله احيانا لطلاب بيموت الواحد
حتى ضربت طالب لانو عنا في المدرسة
بيصير تضرب الطالب بس ما بيصير تسحب الورقة
هيك قال المدير
مثال في طالب اعطيته اكثر من عشرين تنبيه
وما فهم شي يفتح وصفة طبية وشي بيحكي مع زميله
وشي وشي ....... وشو بدي اعمل مافي غير الكف

[snow_ white]

وشي بدي اعمل مافي غير الكف

والله مابتقصر

[شرشبيلة]

انا اول يوم والله كنت حافظة الكتاب بس فصل واحد ما حفظتو ورحت عالفحص مابعرف شو صلي جمدت ما بقى اتذكر ورجعت عالبيت متل المجنونة وبالنسبة للنقل جاري بدمي بس مع الاسف بالجامعة ما ممكن بس هذا لايعني انني لا اجنن المراقبين في طرق كتيرة للنقل والمراقبين مابخاف منون

[ranooosh]

bilsan
لك عيوني انت معاناتنا مشتركة يا احلى رفيئة

أحد آخر بقولوا إنو في قبل اسمو ( د .) بعد ما شبعنا تمنين طول الفصل إنو أخدلنا العملي بالزور ومو فاضيلنا و آخدنا عالفضلة يضع علامة معينة نظرا لأصل الطالب أو منطقة سكنه ( مع إنو 3 بكونو مئدمين نفس البحث و بنفس سوية التئديم )

شايفة شايفة

انا بطلب من المراقبينم يا اخي مابدنا ينئلونا بس يخففوا من صواتون والضجة اللي بيعملوها

بس بشكل عام ماشي الحال

بس

[dodo87]

شو واحد بدو يساوي بهيك كلية المنيح فيها برا والظالم إلو علو المكان كرهنا حياتنا منها وصار همنا نتخرج ونخلص منها ومن موظفيها من 1_معتمد الرسوم (الوزيرممنوع مناقشته)
2- جماعة المكتبة والعياذ بالله بتطلع روحك لتاخد كتاب(هدول الحكي عن أفضالهم ونصف الساعة يلي بيعطوا فيها كتب كتيرة ورح نحكي فيها عما قريب)
3- جماعة الإمتحانات وماأدراك ماجماعة الإمتحانات الله يسترعلي بيستر
بس عندي نداء خاص للعميد أو حتى رئيس الجامعة لماذا التاخر في علامات المواد المؤتمتة أخي أسبوع مقبولة بس شهر (الله مابيريدا)منسأل الدكتور بيقول تصححت والنسبة 86% منروح للإمتحانات بيقولوا بعتناها للرئاسة طاعت النسبة مرتفة بدنا موافة ولما بتجي العلامااااااااااااااااااااااااااااااااااااات
بتكون النسبة مخفضة يعني لاتتجاوز 60% والعلامات شي بيشهي سؤالي ياسيدي العميد او سيدي رئيس الجامعة:
هل طلاب التربية إلى هذا الحد من الغباء في نظركم حتى لايحق لهم النسب المرتفعة من المعدلات ولكم جزيل الشكر

[oriant roro]

والله يادودو هي اول سمعة شو يعني اذا نسب مرتفعة لازم ينزلوها
والله مابصير حراااااااااااااااااااام

[ماريا]

اي شو هاد والله امتلى قلبي من هالكليه المعفنه,
وانا بصراحه بشوف انو بما انو كليتنا مو بالمستوى المطلوب(شعب ومبنى)فلاتستغربو من هيك معامله
روحو شوفو الكليات التانيه متل الهندسه والاقتصاد والطب والصيدله كلن راقين وعلى مستوى وحتى الموظفين يللي فيها أحسن من عنا
والمعامله كمان نفس الشي,وكل شي من أحسنو,
ولك حتى الموظفين يللي عنا بالكليه عيونن زايغه...أأأأخ ولك مين مفكرين حالن.يروحو يبصبصو على بنات متل أشكالن

[عبد العزيز الجفان]

والله يوم مادة التربية البيئية والسكانية
كتير تبهدل المتنبي
ولااستطيع التصريح لحين نزول النتائج
اسباب ليست خاصة فيني بل بغيري

[آلاء]

حال الكليات نفس الشي
مافي كلية احسن من كلية
بعدين لما عم نروح عم نقدم فحص نحن عم نقدم خدمة للمراقب لانه عم نسمحله بفرغ عقده النفسية علينا
:Smile1::Smile1::Smile1:
لانه جد هيك عم يصير بالامتحان
وبدخل المراقب وياريته شي شغلة ببلش بالموشح تبعه وبدخل التاني وبعيده الحكي نفسه
وعم يصير عنا بطالة يعني بصير عدد المراقبين زيادة مشان هيك بشددوا الحراسة
يعني مرة وصل عدد المراقبين ل13 مراقب بقاعة وحدة
هدول لحالن بدن حدا يراقبن

[عبد العزيز الجفان]

آلاء السبب بسيط
انا راقبت في الاداب وبعرف
والسبب الرئيس هو ان جماعة المعلمين " صف خاص "
ما عندهم شي في العطلة وعلى عالفترة عم ياخدو 100 ل س
وبنفس الوقت بيظنوا نفسهم انهم في مركز اجتماعي
منشان يقولوا والله عم نراقب هالطلاب وعندي مراقبة
نسوا انو بعض المراقبين من المستخدمين
وتعرفيهم اكيد
وخليها على الله

[آلاء]

عفوا أخي المتنبي
بس هاد مو ذنب الطالب
أصلا المسؤلين عن الامر مالازم يجيبوا مين ما كان ويخلو يراقب
يعني لما المستخدم عم يجي ويبهدل الطالب على شي يمكن ما عمله لمجرد الاحساس
شو رح يكون موقف الطالب
طبعا حرصا على انه هو رح يكمل الفحص لازم يسكت وما يعمل شي
لا بكون شادد ضهلره بقوله روح اشتكي
هاد ماعدا شغلات كتيرة افظع من هي بكتير بتصير عنا بالاداب حصرا

بس يا حسرة على هالزمن

[عبد العزيز الجفان]

الاء بعرف كل شي وخاصة امور انت لاتعرفيها عم تصير وراء الكواليس
حتى انا مع خلصت من المستخدمين
بعد تخرجت مباشرة نزلت على المراقبة
اول دخلت صاح المستخدم علي وصار ينبح
لتحت ياطالب وسكت حت خلص قلت له خير
قال لتحت قلت انزل انت لتحت
انا مراقب وهلق بدي اطلع لعند العميد
قام بعدين صار يعتذر
وحسبي الله ونعم الوكيل

[ماريا]

لا والله اسمحيلي فيها يا ألاء,,حال الكليات مو متل بعض
هلأ مااختلفنا عن الاداب,ممكن معكن حق فيها
بس الكليات التانيه معامله تانيه وأنا متأكده من كلامي وعندي مصادري ومعارفي