كلية التربية عملية أم نظرية
 

السلام عليكم
إذا عدنا إلى اللوائح الداخلية لكليات التربية في شتى أنحاء العالم نجد أنها كليات عملية وليست نظرية ........ قد يتخرج منها المعلم بالاختصاصات المختلفة والمرشد النفسي وخبراء تصميم المناهج ومبتكري طرائق التدريس (هذا ما يفترض)
بحيث تهدف كليات التربية إلى إعداد أشخاص ليقوموا بمهام تربوية محددة في ميدان العمل التربوي .
والسؤال الذي أطرحه ...............
هل كليتنا عملية أم نظرية ؟؟؟؟؟؟؟؟؟؟؟
فإذا كانت نظرية ....... وهذا للأسف ما نراه ...... مجرد حشو هائل للمعلومات التي لا يدري المتعلم أين يستخدمها وكيف يوظفها .... فكليتنا تؤدي واجبها على أكمل وجه .... على الرغم من أن معظمها معلومات قديمة أكل الدهر عليها وشرب .
وإذا كانت عملية .... فأريد ممن جرب العمل التربوي في أي ميدان أن يطلعنا على مدى استفادته من المعلومات الكثيرة التي حصل عليها من الكلية ......وعن تجربته العملية ..........أو حتى ما قرأه أو سمعه عن تجارب الآخرين من البلاد العربية أو الغربية والتي يمكن تطبيقها في بلدنا الحبيب وضمن مناهجنا.
وهنا أرجو من أخوتي في إدارة المنتدى فتح زاوية تتحدث عن التربية العملية طبعا لا أقصدها بها التدريس بالمدارس فقط بل في أي مجال من مجالات العمل التربوي.
وطبعا سأكون ممن يشارك في هذه الزاوية ضمن المستطاع
ولكم جزيل الشكر

قبل أن نحلم بتطبيق الجانب النظري عمليا علينا أن نحلم في اعطاء العملي حقه

بكل شفافية : 60 % من العملي أعتمد به على بحوث جاهزة أكتفي بتنسقها ...

وأتحدى أي دكتور أو معيد يقدر يشتغل بنسبة 50 % مما بكلف به أي طالب في كلية التربية

المكتبة صار عليها شوية زحمة قامو عملولها آلية للاعارة بحيث تخدم ما يقارب أقل من 10 % من الطلاب

وممنوع اعارة المراجع والموسوعات والكتب التي تقع في أجزاء ... والكمبوترين عاملينن تلفزيون وسوليتر ... الحديث يطول عن مكتبتنا ال

والنت أغلب المعيدين ما بيعترفو عليه ... وتركيزهم على الكم وعلى التنسيق الذي تختلف معاييره من معيد لأخر وكل واحد دولة بحد ذاته لا يقبل أي

يعني بيطلبو على الاقل لكل مادة 5 مراجع

خلونا نحسبها :

5 مراجع × 5 مواد بالفصل = 25 كتاب مطلوب من الطالب تأمينه !!!!

هل من الطلاب من يستطيع استعارة كتاب واحد حتى يفكر بالثاني والثالث والـرابع .......!!!!!!

الجو العام بعيد عن الأكاديمية كل البعد في البحوث

كل تلك الملاحم التي عل الطالب خوضها مقابل 18 علامة ، في المقابل الجامعات الخاصة علامة العملي عندها من 50 ( وهو حد النجاح )

هل أصبحت الشهادة تليق بالأرستقراطية أكثر من الطبقات الأخرى يا وزارة ؟

يا آنسة الحديث يطووووووووووول في حضرة الادارات الفاشلة

--------------

بخصوص القسم ممكن شوي معلومات عنو أكتر ؟

تسلم ايديك علاء فشيتلي خلقي شوي بكلامك لاني والله الوضع عنا ببكي ومع الاسف نحن صرنا عم نطمح انو ناخد هالشهادة ونخلص من هالوضع وخاصة وضع المكتبة يلي بخلي الواحد بحرم يدخل عليها

المبادرة أولاً
 

أخي علاء أنا متلكن طالبة وحاسة بمعانات الطلاب وفعلا أنا ما بطلب المستحيل الشي بيبدا خطوة خطوة .
بس ما فينا نوقف ونكتف ايدينا ونقول هذا واقع ونسكت .......... ع الأقل خطوة المنتدى خطوة جدا ممتازة وأكيد وراها خطوات كتيرة ......... لا الدكاترة رح يعملوها ولا المعيدين انتو الطلاب رح تقوموا بالخطوة الجديدة ومتل ما اتفقنا نحن أصحاب المشكلة وبايدنا الحل
يمكن أنا عم برسم أحلام بس مو غلط نحلم ومو غلط نسعى
يمكن أنا ما عندي أفكار محددة عن قسم التربية العملية
بس الشي اللي عم فكر فيه أنو اللي جرب العمل في الميدان في مدارس في مراكز تعليمية خاصة أو حكومية أكيد اكتسب خبرة معينة تعلم شي (مر بمشكلة لاقالها حل نافع ) أو حتى سمع عن تجربة معينة (عملية ) كانت جدا مفيدة في حل مشكلة ما
متل ما أنا عندي معلومات منيحة عن تجربة مدارس الأنروا أو عن المدارس الخاصة التي بتسبقنا تربويا أكتر من 10 سنين مع أنو المعلمين اللي فيها خريجين تربية أو في دروس التربية العملية اللي جربت أكون مشرفة عليهايمكن يكون بهالتجارب افادة الي قبل ما تكون الكن
وانتو ممكن تعرضوا تجربة معينة مريتو فيها
ممكن نماذج عن تحضير الدروس بطريقة الكترونية أو بطرائق حديثة جدا
أو ممكن تجربة مع احد الأطفال اللي كان متأخر دراسيا استخدم معه طريقه معينة نفعت أو تجارب من البلان العربية أو الجنبية سمعت عنها
وأشياء أخرى انتو بتقترحوها......
والله يعينا ويعينكن على فعل الخير
وتذكروا أنو هدفنا مو العلامات هدفنا نحسن ونطمح للأحسن

معك حق بخصوص الأمل في التغيير

واقتراحاتك حلوة وضرورية رغم ضيق الوقت :)

الله يسلمك أخي

بعرف أنو لست المعاني الوحيد وبعرف أنو مارح يغيرو الوضع من ورا كلامي

بس المهم التفريغ :yes1:

مزبوط حكيك وشو بدي رد ماعندي حكي غير اني مقتنع بالفكرة

الواقع اني ادرس على قدر الراتب
ومن دون مثاليات افلاطونية
ولا اعذب نفسي
يا انسة الاونرا يقبض الاستاذ راتب غير شكل لازم
تعرفي كم الفرق بينا وبينهم
ولي بقية حديث معكم لاني طفران من التدريس

مثاليات
 

شكرا علاء وشكرا وسيم كتير على اهتمامكن
أنا فعلا حابة تكونوا مقتنعين مو تقبلو الفكرة لاني انا اللي طلبتها وفعلا لو كانت مومقنعة انا بشارك بالأشياء اللي عندي بزوايا تانية ما عندي أي مشكلة
فعلا لما دخلت المنتدى باسمي زهرة فلسطين كان بدي تتذكروا اني طالبة وخريجة وبس .....
وبقول لكل الطلاب العلامات جدا مهمة بس نحن مو طلاب علامة بس .. يمكن نكون طلاب علم(بعرف هالحكي مثالي)
نحن هدفنا الأفضل ومتل ما قلتلكن اول شي الأمل طبعا فيكن وباللي عم يعينوكن بالمنتدى وغيره والشي التاني الاتقان (ان الله يحب اذا عمل احدكم عملاً فليتقنه) وانتو بتعرفو بحياتها ما كانت العلامة دليل على نجاح شخص
وبقول لاخي المتنبي أنا اللي بعرف الفرق بين رواتب معلمي الأنروا ومعلمي المدارس لأني جربت الاتنين (صدقني أنا وحدة من اللي تركت الانروا لتلتحق بمدارس الدولة فلا يغرك الراتب)وتذكر انو في رب انت عم تعمل شي لأجلوا وهو الرزاق
(أنا آسفة بعرف اني بحكي مثاليات )بس لو تفكروا بجدية باللي عم بحكي
أكيد ربنا ما رح يضيعلنا تعب

أفضل و أحسن اقتراح سمعتو
ولو حصل هيك شي بتكونو كتير خدمتونا ونفعتونا ،
لأن صرنا بالسنة التالتة وبعدنا { عدم المؤاخذة } متل الطلطميسات ،
منفهم بكل شي إلا بالتربية .
السبب متل ما ذكر : مافي تطبيق فعلي ، و الحشو النظري شغال .
و بتمنى تعملو جهدكن لإنجاز متل هيك مشروع ،
و اللي بظن أنو رح يكون ناجح.