|
أيهما أفضل أصدقاء الأنترنت أم أصدقاء الواقع "دعوة إلى الحوااار"....
أيهما أفضل أصدقاء الانترنت أم أصدقاء الواقع كلنا يعرف مدى أهمية الصداقة ومدى أهمية إحسان إختيار الصديق هناك أصدقاء الدراسة أصدقاء من العائلة أصدقاء الطفولة وأصدقاء الإنترنت والنوع الأخير هو الذي أرغب في التحدث عنه قليلا " أصدقاء الإنترنت " في كل يوم نقابل أصدقاء جدد في كل مكان حتى في الإنترنت لنتذكر كم من صديق تعرفنا عليه من خلال الإنترنت وقف الى جانبنا وساعدنا كثيرا بل قد نحبهم أحيانا لدرجة كبيرة ربما تفوق حبنا لأصدقاء الطفولة او الدراسة بل ونحن لم نرهم أصلاً .. سؤالي هنا .. هل من الممكن أن يكون أصدقاء الإنترنت أفضل وأكثر وفاء من أصدقاء الواقع ؟؟ بدي شوف آرائكم فنحن المقصودين من هذه المناقشة ..
ورح أبدا بحالي بصراحة أنا بفضل رفآت الواقع حتى أنا وهون معكن بالمنتدى في بنات من جامعتنا تعرفنا عليهن وصرنا ئراب لبعض أكتر يعني أنا أكتر مع رفيئ الواقع بس كمان رفآت النت كتير طيوبين وبيقدمولنا نصايح وبساعدونا ..... هدا رأي .. مع فائق احترامي لباقي الآراء ... تقبلوااا مروري jeta :female2: |
الحمد لله أنا أغلب رفقاتي تعرفت عليهن من النت ومو زاعجتني الفكرة
والفكرة الأحلى وجود الرفقة بالواقع وبالنت .. ومن ناحية التواصل : النت أسهل خاصة للي خارج البلد ، الواقع أكثر جدية سلبية النت : لا يمكن أن يحقق المتعة اللي بتكون بسهرة أو رحلة .. موضوع مميز شكرا على الطرح |
انا مع رفاق النت
في الاغلب رفاق الواقع عم منصدم فيون |
موضوع جميل
رأيي: أن النت يجب أن يظل وسيلة اتصال وليس عالم مستقل بذاته... صحيح انه صار عالما افتراضيا يشابه بمتعته الصداقة الحقيقية ... لكن علينا أن نضح حدود... تلك الحدود تسمح بان اتعرف على اصدقاء على الانترنت ولكن ليس كبديل للأصدقاء خارج النت وإلا صار عندنا ازدواجية في حياتنا في الحالات الشديدة... :) لكن لا انكر متعة الغموض والقدرة على الصراحة الاكبر في صداقات النت :) |
وبكل صراحة
رفقات النت بيظلوا يجاملوني |
نورتوا الموضوع أهلا وسهلا فيكن
وشكراا لآرائكم ... مع احترامي للجميع ... jeta |
فكرة حلوة وطرح جميل
أنا أغلب أصدقائي في الكلية تعرفت عليهم عن طريق النت وعلى رأسهم الأستاذ شيخ التقنيات تسلمي على فكرة الحوار |
للأسف تحولنا لزمن فقدنا فيه أعز الناس ... صرنا نحكي فيه مع أصدقاءنا الي تعرفنا عليهم عالنت أكتر من ولاد الجيران الي ربينا وياهم سوا
صارت المشاعر والعواطف تنتقل عبر الأسلاك الكهربائية وإذا دل هالشي على شي فرح يدل على غدر الزمان هلأ منرجع لسؤالك أنا بفضل أصدقاء الواقع لأني أنا اخترتن وحبيتن من قلبي وأصدقاء النت بس بشرط يتحولو لأصدقاء عالواقع بيوم من الأيام كلو منيح ... كان نت ولاّ واقع.. ماببين الصديق الحقيقي غير وقت الضيق مشكورة زميلة |
أيهما أفضل أصدقاء الانترنت أم أصدقاء الواقع شكرا Jeta على طرحك... أنا برأيي نحنا بحاجة لاصدقاء النت والواقع أصدقاء الواقع ,,منتعامل معن ومنحبن وبكوني كل شيء بحياتنا... أصدقاء النت::أنا بالنسبة إلي, أنا وقت بختار أصدقاء النت,بحرص يكونوا محترمين ومثقفين(حتى لو الأعضاء بالواقع غير هيك,بس مهم بيتصرفوا عالنت هيك),يكون عندن هدف ومعرفة,بنفس الوقت بحكي معن وبستفيد وبفيد,ومنتبادل الآراء,ومنغير أحياناً أمور غلط بحياتنا ,وقت منسمع قصص أصدقائنا الافتراضيين بالنت,يعني أنا عندي أصدقاء النت ,شي كتييير حلووو, ومو غلط ,,يعني بحس أصدقاء النت ,نفس أصدقائي بالواقع .,وفي كتيييير أعضاء بالنت بعرفن بالواقع(Jeta<نرجس ,سمر,ندى الربيع...وفي كمان) بس بحسن نفس أصدقائي يلي بعرفن من زماااان... بصراحة عالم النت روووووعة,ومابقدر بلا أصدقاء الواقع والعالم الافتراضي ,وأنا بحياتي العملية بحاجة للأصدقاء جميعاً سواء نت أو واقع...,,..!!!؟؟ شكرا مرة تانية على الموضوووع يا أحلى صديقة آسفة على الإطالة. تقبلي مروري Red Rose Roro |
أنا بأمن أنو كل شي بهالدنيا هو سيف ذو حدين يعني أصدقاء الواقع لهم سلبيات ولهم ايجابيات ونفس الشي مع أصدقاء النت
بس بيضلوا أصدقاء الواقع ايجابياتهم أكتر من سلبياتهن مقارنة مع أصدقاء النت لأسباب كتيرة وأنا بفضل صداقات النت اللي بتعرف عليهن بالواقع |
| الساعة الآن 11:10 AM. |
Powered by vBulletin® Version 3.8.4
Copyright ©2000 - 2015, Jelsoft Enterprises Ltd diamond