استفسار
 

مسا الخير لكل الزملاء
عني سؤال اذا حدا بيعرف
ايمت رح ينزل برنامج الدوام للسنة الرابعة ياريت اذا حدا عندو اي معلومة يفيدنا فيا
وسؤال تاني اذا ماي مانع
بالنسبة للاختصاص ادارة أو تقنيات شو الفرق بين الاختصاصين وشو المستقبل المهني لكل واحد...... عم نسمع كتير حكي وما عم بعرف شو الصح.......... ياريت تفيدوني:thinking1::thinking1::thinking1:

وينكم يا جماعة التقنيات و المناهج ؟؟؟؟
البرنامج بدو لبعد بداية الأسبوع الجاي .

الكلام يعود لك
انا بدي أسجل إدارة
السبب ما عندي وقت للعملي
ولو عندي فراغ كنت سجلت تقنيات
لان مجمتع التربية ينحو نحو التقنيات

أنا من خلال أسألتي لطلاب السنة الرابعة تبين لي
قسم من طلاب التقنيات عم بيشتكو من موضوع العملي انو الاعمال اللي بيطلبوها كتيرة
المواد اكتر من نصفها مشتركة بين الادارة والتقنيات
واكتر من هيك ما بحسن احكي
انا حتى الان محتار بين الادارة والتقنيات

توظيف الاختصاصين بالاخير رح يكون بمديريات التربية ووظيفتهم رح تكون اداريين .
الادارة هي عبارة عن حلقات بحث وبصم للمواد بينما التقنيات عمله كله عالكمبيوتر يعني تصميم برامج يستطيع الواحد من خلالها تصميم دروس وتقديمها .
طلاب الادارة بالعادة عددهم اكتر من التقنيات .
التقنيات فيها شغل اكتر واحيانا رح يكون فيها سفر لكن احلى واروع وبالاخير الامر بيرجع لرغبة كل طالب وين بيرتاح .
يعني الطالب اذا بيرغب العمل الروتيني وحلقات البحث فورا ادارة وهي الاسهل ومعدلاتهم بالعادة تكون اعلى من التقنيات . واذا الطالب بيرغب وبيحب الشغل كتير وخاصة الشغل عالكمبيوتر وتصميم البرامج وعنده قدرة مالية لانو التقنيات مكلفة ماديا يتوجه لقسم التقنيات وان شاء الله اكون قد قدمت شيئا مفيد .
بخصوص البرنامج ان شاء الله الخميس رح ينزل والاحد الدوام .
بالتوفيق للجميع التوفيق للجميع

نسيت مشان التوظيف يوجد مسابقة للاختصاصين وبالاخير الناجحين رح يتعينوا بمديريات التربية او حسب الحاجة .

شكرا الك هوني ولمعلوماتك القيمة بس سؤال
يعني مافي تعيين بالمدارس كموجهين او امناء مكاتب
وشكرا الكن