قصيدة في اسماء لاعبين الاتحاد
 

قصيدة للاهلاوية

بوجودك يا حج عثمان المرمى الأهلاوي بأمان

حارسنا واسمك خالد بالقلب وكل الأذهان

لما بتوقف بالجوول بتفجر فيني بركان

**********

يا حمصي يأ احلى مجد وعدت ووفيّت الوعد

انت الكابتن والقائد وبوجودك ايامي سعد

لما بتلمع متل البرق و بحّة صوتك متل الرعد

**********

عبودي يا أحلى دكة كلّك خير وكلّك بركة

بوجودك بدفاع الأهلي الكويتي صار ع السكة

**********

وحميدي واسمك عمر وجهك متل ضو القمر

بتستاهل مني بوسة وفوقها سيارة هَمَر

**********

ويا احمد يا كلاسي يا منسيني المآسي

لما بشوفك عم تلعب بنسى أهلي وناسي

وبقلّك من كل قلبي يا ريتك تشكل آسي

**********

ويا طه يا أحلى دياب لعبك حلو وما بينعاب

وبدي اهديك هدية مني انا اسمي إيهاب

غنيّة اهلاوية رح بيغنوها الشباب

ويقولو بأعلى الأصوات طه مهضوم وحباب

**********

ويا أحمد حاج محمد من فنّك عم نتزوّد

وإن شا الله من ه الفوز ع الفرح رح نتعوّد

**********

وحمودي يا حمودي مدفع ولا باردودي

وبيقلّك علي الديك اسمر انت الحاصودي

لا تهتم ولا تحتار معك الكاميروني جودي

بدنا نعلي بدنا نطير والفرحة مو محدودي

**********

ويا تامر ويا رشيد فرحتنا فرحة العيد

عيد الأضحى المبارك هلّ علينا من جديد

ولمّا قرب لعندنا نادالو الأهلي من بعيد

قلو اشتقنالك يا عيد وفزنا من بعد التمديد

وبضربات الجزاء ومن القلعه جي بالتحديد

18 سنة ولسا ما صار بعمر التجنيد

عم بيقدم بكالوريا ناجح وان شالله ما يعيد

بيكفي انو خلّـــــــــــــى الشعب السوري كلو سعيد

**********

وما بنسى محمد فارس وردة بقلبي غارس

فرح كل قلوب الناس بالجامعات والمدارس

ما بعرف شو بدي قول ما بعرف انا شو حاسس

حاسس اني بدي طير وعلّي متل النوارس

وقول باعلى صوت وإنده يا عفش انت الفارس

الله يحميك من العين وللأهلي تبقى الحارس

ياعيني عليك .. أشو هل قصيدة الروعة ..
بتجنن ..
نيالو عمر حميدي أنو طلعلو سيارة همر ..:emot112:
راااااااااااااااااااااائع ..
وألف مبروك لأبطال آسيا ..
سلمت يداك

مبروك لكل الأهلوية الفوز
عنجد فرحنا وقت فازالاتحاد
وكانت أول مرة بحياتي بشجع الاتحاد:female2:

على الاقل صرت بعرف اسماء الاعبين .
القصيدة حلوة كثير
مرسي

قصيدة ولا أحلى 0000 وألف ألف مبروووك للأهلي , وعقبال فوز منتخبنا بنهائي كأس آسيا 000

إيه شو هالفخامة ...

بس مشكلة أغلب المشجعين لا يفهم إلا أن يربح فريقه

فلا يقدر ظرف يمر به أو حالة طارئة

يعني بعد فترة إذا خسروا كم مبارة بتشوف الحكي في المنتديات مو طبيعي