Zaher
02-13-2009, 07:18 PM
* أصول التدريس :
مادة سهلة كتير وحلوة كتير وأول مادة تتعلق بإختصاصنا ، تعطيها الدكتورة عهد حوري ، والدكتورة عهد كتير حبابة وبتسأل أسئلة كتير أثناء المحاضرة مما يجعل المحاضرة غير مملة للطلاب اللي داخلين بدن يفهموا ، أما الطلاب اللي داخلين يتسلوا فرح يملوا كتير لأنو بعض الأحيان بتمنع الحكي ، لذلك نصيحتي للي بدو يحضر وما ينتبه ما يحضر بيكون أفضل ، ونصيحتي لزملائي في السنة الثانية أن يركزوا على هذه المادة جداً جداً ليس من أجل النجاح في الامتحان لأنه لا يرسب بها أحد ، والسنة الماضي طلعت نسبة النجاح فيها فوق 80% ، ولكن ينبغي التركيز عليها لأنها تتعلق باختصاصنا ومن يفهمها فهماً دون بصم بيرتاح كتير بمواد السنة الثالثة .
وطبعاً المادة لها حلقة بحث وهي من أهم حلقات البحث في هذه السنة لأنها لها علاقة باختصاصنا وهي عبارة عن كتابة بحث حول إحدى طرق التدريس ومن ثم تطبيق درس عملي لأي مادة من مواد التعليم الأساسي ( من الأول . . . الرابع ) وإعطائه أمام الطلاب واعتبارهم تلاميذ ، وبيطلع العملي فيها كتير حلو .
* علم النفس التربوي :
السنة الماضي كان يعطيها الدكتور مصطفى طيفور ، المادة صحيح ضخمة ، بس أكيد مو داخل الكتاب كله ، طبعاً الأبحاث المهمة تحذف وتعطى الأبحاث اللي دارسينها بالمواد السابقة مثل ( علاقة التربية بعلم النفس وعلاقة التربية بالعلوم الأخرى . . . ومن ثم أبحاث النمو واللي درسنا كتاب كامل عليها ) ، ولكن أنا أرى أهم بحثين بيتعلقوا باختصاصنا في هذه المادة ( الأهداف التربوية + التعلم ونظرياته ) ، المهم : المادة مع ذلك سهلة وما بتخوف متل ما بتتصوروها والسنة الماضي كانت نسبة النجاح فيها عالية والدكتور أعطى علامات حق الطالب وزيادة وما نقص لحدا ولا علامة .
وطبعاً المادة لها حلقة بحث كأي حلقة في أي مادة أخرى واللي عنده حلقة علم النفس العام يقدمها وما يعذب حاله ويعمل حلقة لأنو اللي بيكتب حلقة واللي ما بيكتب واللي بيقدم واللي ما بيقدم كله بيأخذ فوق الـ15 لذلك لا حدا يعذب حاله إلا المقتنع إنو بدو يبحث ويستفيد وبيكون أفاد نفسه .
* اللغة (4) :
مادة مؤتمتة : أسهل شي بمواد اللغة السابقة وأصعب شي بمواد اللغة السابقة ، طبعاً أكيد المسألة مو حزيرة ، ولكن تكون سهلة إذا درسها أي أستاذ ما عدا الأستاذ جميل عقيل اللي خرب بيت الطلاب ووقفلن ترفعن على علامة وعلى هالمادة ، ولكن هذه المادة تحتوي فقط على أربع وحدات ، ولكن الصورة والفاصلة والنقطة والحرف مهمين جداً لأنو بيجيب نفس الخمس احتمالات ولكن أحدها لا يضع لها نقطة وأحدها يغير فيها حرف ، يعني باختصار بدها دراسة بالتفصيل الممل وحتى الأسئلة اللي قبل كل بحث تحت الصور بيجيب منها ، لذلك ادرسوها بالتفصيل .
* الأنشطة المدرسية :
السنة الماضي كان يعطيها الدكتور معلى أحمد ، وأكتر شي بيخربط بالمادة هو إنو فيها تعداد كتير ، بس الدكتور معلى ما بيطلب حفظ غير 5 تعدادات من كل سؤال واللي ممكن يتضمن 15 تعداد ، وأسئلة الدكتور معلى كتير حلوة ، يعني أغلبها موضوعية ، والمادة لها عملي ، وهو عبارة عن عمل وليس حلقة بحث ، وإذا أعطاكن إياها الدكتور معلى بيصعبها عليكن والسنة الماضي كتير عذبنا ، أما طلاب غير فئات أعطاهن إياها الأستاذ أنس شكشك وما عذبهن ، وكانت عليهن كتير سهلة ، بقى إنتوا وحظكن .
* التربية الإسلامية :
أصغر كتاب في كلية التربية لا يتجاوز 120 صفحة ، وسهل جداً ولكن الدكتور محمد ماهر قدسي لا يستهان به ولا بأسئلته ولا بتصحيحه ، ودائماً بيغير نموذج الأسئلة ، والعديد من زملائي نجحوا في جميع المواد ولكن حملوا فقط التربية الإسلامية ، ولكن هناك العديد من العلامات فوق الـ90 وفي علامة 100 وطبعاً لكون الدكاترة بيطلبوا البصم بإمكان اللي بيبصمها يجيب الـ100 وبكل سهولة وطبعاً الدكاترة بيركزوا على إعطاء المادة حسب اختصاصهم وبينسوا إنو عم يعطوا كلية تربية ، يعني بدال ما يعطينا الدكتور طرائق تدريس مادة التربية الإسلامية لطلاب الابتدائي أعطانا المادة كأننا طلاب شريعة وأنا حالياً ندمان على كل حصة حضرتها ، لأنو قلت بيجوز يغلط الدكتور ويفيدنا شي باختصاصنا ، طلع متلو متل أي دكتور بكلية التربية ، بصم ثم بصم ثم بصم ، لذلك نصيحتي لا حدا يحضر هالمادة ويضيع وقته إطلاقاً لأنو الدكتور ممل كمان ، وكان عدد الحضور لا يتجاوز الـ20 طالب في المدرج .
* التربية المدنية :
مادة مؤتمتة : مادة تشبه مادة الثقافة في السنة الأولى ، لكن أسئلتها بتيجي صعبة شوي ، والمادة حلو حضورها لأنو الدكتور بيحكي شي إلو علاقة بالثقافة العامة ، ولكن في النهاية مادة حفظية وبصمية 100% واللي عندو شوية معلومات بيطالعها من دون دراسة ، والمادة ما إلها عملي ، والسنة الماضي أعطانا إياها الدكتور مصطفى نعوس + د.أمل .
* اللغة العربية (2) :
السنة الماضي كانت مؤتمتة وبعد ما طلعت نسبة النجاح عالية ما عادت مؤتمتة هالسنة على ما أعتقد ، وبيعطيها الأستاذ سمير حلوي ، وطبعاً المادة ما إلها كتاب .
لا تأخذوني طولت عليكم ويمكن مللتكن بس حبيت أعطيكن شوية معلومات .
وبالتوفيق للجميع .
مادة سهلة كتير وحلوة كتير وأول مادة تتعلق بإختصاصنا ، تعطيها الدكتورة عهد حوري ، والدكتورة عهد كتير حبابة وبتسأل أسئلة كتير أثناء المحاضرة مما يجعل المحاضرة غير مملة للطلاب اللي داخلين بدن يفهموا ، أما الطلاب اللي داخلين يتسلوا فرح يملوا كتير لأنو بعض الأحيان بتمنع الحكي ، لذلك نصيحتي للي بدو يحضر وما ينتبه ما يحضر بيكون أفضل ، ونصيحتي لزملائي في السنة الثانية أن يركزوا على هذه المادة جداً جداً ليس من أجل النجاح في الامتحان لأنه لا يرسب بها أحد ، والسنة الماضي طلعت نسبة النجاح فيها فوق 80% ، ولكن ينبغي التركيز عليها لأنها تتعلق باختصاصنا ومن يفهمها فهماً دون بصم بيرتاح كتير بمواد السنة الثالثة .
وطبعاً المادة لها حلقة بحث وهي من أهم حلقات البحث في هذه السنة لأنها لها علاقة باختصاصنا وهي عبارة عن كتابة بحث حول إحدى طرق التدريس ومن ثم تطبيق درس عملي لأي مادة من مواد التعليم الأساسي ( من الأول . . . الرابع ) وإعطائه أمام الطلاب واعتبارهم تلاميذ ، وبيطلع العملي فيها كتير حلو .
* علم النفس التربوي :
السنة الماضي كان يعطيها الدكتور مصطفى طيفور ، المادة صحيح ضخمة ، بس أكيد مو داخل الكتاب كله ، طبعاً الأبحاث المهمة تحذف وتعطى الأبحاث اللي دارسينها بالمواد السابقة مثل ( علاقة التربية بعلم النفس وعلاقة التربية بالعلوم الأخرى . . . ومن ثم أبحاث النمو واللي درسنا كتاب كامل عليها ) ، ولكن أنا أرى أهم بحثين بيتعلقوا باختصاصنا في هذه المادة ( الأهداف التربوية + التعلم ونظرياته ) ، المهم : المادة مع ذلك سهلة وما بتخوف متل ما بتتصوروها والسنة الماضي كانت نسبة النجاح فيها عالية والدكتور أعطى علامات حق الطالب وزيادة وما نقص لحدا ولا علامة .
وطبعاً المادة لها حلقة بحث كأي حلقة في أي مادة أخرى واللي عنده حلقة علم النفس العام يقدمها وما يعذب حاله ويعمل حلقة لأنو اللي بيكتب حلقة واللي ما بيكتب واللي بيقدم واللي ما بيقدم كله بيأخذ فوق الـ15 لذلك لا حدا يعذب حاله إلا المقتنع إنو بدو يبحث ويستفيد وبيكون أفاد نفسه .
* اللغة (4) :
مادة مؤتمتة : أسهل شي بمواد اللغة السابقة وأصعب شي بمواد اللغة السابقة ، طبعاً أكيد المسألة مو حزيرة ، ولكن تكون سهلة إذا درسها أي أستاذ ما عدا الأستاذ جميل عقيل اللي خرب بيت الطلاب ووقفلن ترفعن على علامة وعلى هالمادة ، ولكن هذه المادة تحتوي فقط على أربع وحدات ، ولكن الصورة والفاصلة والنقطة والحرف مهمين جداً لأنو بيجيب نفس الخمس احتمالات ولكن أحدها لا يضع لها نقطة وأحدها يغير فيها حرف ، يعني باختصار بدها دراسة بالتفصيل الممل وحتى الأسئلة اللي قبل كل بحث تحت الصور بيجيب منها ، لذلك ادرسوها بالتفصيل .
* الأنشطة المدرسية :
السنة الماضي كان يعطيها الدكتور معلى أحمد ، وأكتر شي بيخربط بالمادة هو إنو فيها تعداد كتير ، بس الدكتور معلى ما بيطلب حفظ غير 5 تعدادات من كل سؤال واللي ممكن يتضمن 15 تعداد ، وأسئلة الدكتور معلى كتير حلوة ، يعني أغلبها موضوعية ، والمادة لها عملي ، وهو عبارة عن عمل وليس حلقة بحث ، وإذا أعطاكن إياها الدكتور معلى بيصعبها عليكن والسنة الماضي كتير عذبنا ، أما طلاب غير فئات أعطاهن إياها الأستاذ أنس شكشك وما عذبهن ، وكانت عليهن كتير سهلة ، بقى إنتوا وحظكن .
* التربية الإسلامية :
أصغر كتاب في كلية التربية لا يتجاوز 120 صفحة ، وسهل جداً ولكن الدكتور محمد ماهر قدسي لا يستهان به ولا بأسئلته ولا بتصحيحه ، ودائماً بيغير نموذج الأسئلة ، والعديد من زملائي نجحوا في جميع المواد ولكن حملوا فقط التربية الإسلامية ، ولكن هناك العديد من العلامات فوق الـ90 وفي علامة 100 وطبعاً لكون الدكاترة بيطلبوا البصم بإمكان اللي بيبصمها يجيب الـ100 وبكل سهولة وطبعاً الدكاترة بيركزوا على إعطاء المادة حسب اختصاصهم وبينسوا إنو عم يعطوا كلية تربية ، يعني بدال ما يعطينا الدكتور طرائق تدريس مادة التربية الإسلامية لطلاب الابتدائي أعطانا المادة كأننا طلاب شريعة وأنا حالياً ندمان على كل حصة حضرتها ، لأنو قلت بيجوز يغلط الدكتور ويفيدنا شي باختصاصنا ، طلع متلو متل أي دكتور بكلية التربية ، بصم ثم بصم ثم بصم ، لذلك نصيحتي لا حدا يحضر هالمادة ويضيع وقته إطلاقاً لأنو الدكتور ممل كمان ، وكان عدد الحضور لا يتجاوز الـ20 طالب في المدرج .
* التربية المدنية :
مادة مؤتمتة : مادة تشبه مادة الثقافة في السنة الأولى ، لكن أسئلتها بتيجي صعبة شوي ، والمادة حلو حضورها لأنو الدكتور بيحكي شي إلو علاقة بالثقافة العامة ، ولكن في النهاية مادة حفظية وبصمية 100% واللي عندو شوية معلومات بيطالعها من دون دراسة ، والمادة ما إلها عملي ، والسنة الماضي أعطانا إياها الدكتور مصطفى نعوس + د.أمل .
* اللغة العربية (2) :
السنة الماضي كانت مؤتمتة وبعد ما طلعت نسبة النجاح عالية ما عادت مؤتمتة هالسنة على ما أعتقد ، وبيعطيها الأستاذ سمير حلوي ، وطبعاً المادة ما إلها كتاب .
لا تأخذوني طولت عليكم ويمكن مللتكن بس حبيت أعطيكن شوية معلومات .
وبالتوفيق للجميع .