مشاهدة النسخة كاملة : آدم يسأل و حواء تجيب ، حواء تسأل و آدم يجيب
the king
02-23-2009, 09:05 PM
حواء تسأل وآدم يجيب
آدم يسال وحواء تجيب
نصفي هذه الحياة ينقسمان ويلتقيان وبجعبتي كلاً منهم سؤال للاخر
فرغم انهما يعيشان معاً الا انهما مازالا يجهلان اشياء كثيرة عن بعضهما
تدور في فلك كل واحد منهما عدة أسالة واستفسارات عن الطرف الآخر
قد تكون هناك خفايا لانعلمها في شخصية الرجل والعكس صحيح
وهنا أخترت لكم هذه المساحة الشاسعة
ليجلس هنا آدم وتجلس هناك حواء
ويتبادلان الاسألة
0
0
0
آدم
أعلم ان حواء هي قرارك واستقرارك في هذه الحياة
فلاتتردد بان تسأل حواء عن أي شيء تجهله و تحب معرفته
حواء
أعلم ان آدم أهتمامك الاول ومصدر الأمان لكِ
فلا تتراجعي ابداً في ان تسأليه عن أي شيء
أحبتي اعضاء صرعة
هنا فقط لكم الحرية في طرح السؤال لطرف الاخر وهو يجيب
وسـ أبدأ باول سؤال لادم
ماالذنب الذي لا تغفره لحواء ??????????
Zaher
02-23-2009, 09:20 PM
ماالذنب الذي لا تغفره لحواء ??????????
الخيانة
مشكور the king على هالموضوع ، وإن شاء الله يصير فيو تفاعل .
وأنا رح أعيد نفس السؤال بشكل موجه لحواء :
ما هو الذنب الذي لا تغفرينه لآدم ؟؟؟؟؟؟؟
snow_ white
02-23-2009, 09:42 PM
موضوع حلو كتير......
من طرفي بقوول:
الكذب والخيانة
بس ياريت يتم الجواب على السؤال الموجه لادم
وياريت صاحب الموضوع يجاوب كمان...
oriant roro
02-23-2009, 09:50 PM
موضوع كتير حلو
وكمان انا من جهتي الكذب والخيانة بقول ماممكن ينغفرلن
joury
02-23-2009, 09:52 PM
الخيانة
ما هو الذنب الذي لا تغفرينه لآدم ؟؟؟؟؟؟؟
بتوقع الخيانة والكذب اصعب شي
سؤال ليش دائما ابتهربوا من البنت القوية
ويلي بتكون قد وقتها؟؟؟؟
جوري
the king
02-23-2009, 09:54 PM
بالنسبة الي الذنب الذي لا اغفره لحواء هو الخيانة غير المشروعة .
the king
02-23-2009, 10:06 PM
جوري
اكيد مو كل آدم بيهرب من البنت القوية .......
اكبر مثال انا ( اكتر شي بيعجبني بالبنت انها تكون قادرة وشايفة حالها وما بيعجبها العجب ولا الصيام برجب)
بس برأي انو جبلين ما بيلتقوا وآدم لما رح يشوف حواء قوية رح يبعد *إلا اذا كان متلي*
the king
02-23-2009, 10:24 PM
شؤالي لحواء : ما هو أول شيئ يلفت انتباهك بآدم ؟؟؟؟
Lama
02-24-2009, 04:20 PM
أول شي بيلفت انتباهي بآدم هيي شخصيتو
RAIN
02-24-2009, 04:22 PM
شو سؤالك يا لمى
smilest
02-24-2009, 05:54 PM
شكرا ع الموضوع حلو كتير بس سؤال the kingيعني في خيانة مشروعة وخيانة مو مشروعة
واول الشي بيلفتلي نظري بادم مظهره يلي بيعكس شخصيته واكيد بعد هيك شخصيته
بس هلق السؤال لادم شو بيلفتلك انتباهك بحواء اول الشي؟
the king
02-24-2009, 06:41 PM
smilest : شكرا لمرورك
طبعا في خيانة مشروعة وخيانة غير مشروعة
بس فش شغلة حابب وضحها انو : كلمة خيانة مشروعة لا تعني ان الخائن له الحق في الخيانة ، لكن تعني انه في بعض الاحيان يتوجب علينا ان نعفوا أو نغفر لهذا الخائن لانه ارتكب هذه الخيانة لسبب خارج عن ارادته او انه لسبب راجع لطبيعة الواقع الذي كان يعيشه .
the king
02-24-2009, 06:43 PM
انا بالنسبة الي اول شي بيلفتلي انتباهي بحواء :
جمالها ومن ثم غرورها بنفسها
the king
02-24-2009, 06:46 PM
السؤال لحواء :
ما هو رأيك بآدم الذي لديه الكثير من العلاقات و الصديقات ؟
و هل تفضليه أم لا ؟
وما هو السبب؟
بلقيس
02-24-2009, 07:08 PM
شكرا كتير TheKingعلى الموضوع الحلو والله ما عندي مشكلة بادم يلي علاقاتو كتيرة بشرط انو يشوف فيني شي ما شافو بكل البنات يلي بيعرفن غير هيك مستحيل لانوما بقدر كون حواء مكررة بحياتو ابدا
بلقيس
02-24-2009, 07:10 PM
سؤال كيف بتكون نظرة ادم لحواء الهادئة ؟
Lama
02-24-2009, 10:08 PM
The King
أنا ماعندي مشكلة بالشب اللي بتكون عندو علاقات وصداقات كتيرة بس المهم انو
كون آخر بنت بحياتو أو اني كون البنت اللي بيطمح انو يكون علاقة جدية معا مو مجرد للتسلية
Lama
02-24-2009, 10:12 PM
سؤالي لآدم
منسمع انو كل شب عندو مواصفات لفتاة الأحلام
شو هيي مواصفات فتاة أحلامك ياآدم ؟؟؟
RAIN
02-25-2009, 06:29 PM
الصراحة والأنوثة
سؤالي لحواء
عندما تتعرضين للخيانة ما هو موقفك الانفعالي
بلقيس
02-25-2009, 08:02 PM
الرد النفعالي للخيانة رح يكون الكره لانو في قول بقول (اذاوجدت امرأة تكره رجل لحد الجنون فاعلم انها كانت تحبه الى حد الجنون )
بلقيس
02-25-2009, 08:04 PM
سؤال لادم كيف بتكون نظرتك لحواء الهادئة ؟
joury
02-26-2009, 12:43 AM
الصراحة والأنوثة
سؤالي لحواء
عندما تتعرضين للخيانة ما هو موقفك الانفعالي
الــــــــــــرحيل يعني الانسحاب بكل صمت
وهدوء ماقبل...
وانا نظرتي ابتختلف عن بلقيس
لان يلي بحب ما بيكره....
جوري ابنة الورد
the king
02-26-2009, 07:41 AM
عفوا بلقيس ممكن توضحيلنا سؤالك اكتر ...
يعني في حواء هادئة من الناحية الاجتماعية ( ما بتحكي كتير )
وفي حواء هادئة من الناحية الحركية ( ابرد من طين الشتاء )
وفييييييييييـ
بقى انت كيف سؤالك
the king
02-26-2009, 07:44 AM
بعدين وين الاوادم مالنا شايفينهم
شو شباب في سببين :
1- اما ما عجبكن الموضوع
2- او المقولة المعروفة ( الهريبة تلتين المرجلة )
-----------------------------------------------------------
شو رأيك rain
بلقيس
02-26-2009, 05:48 PM
لا شو حواء الباردة بالحركة انا ما بحبها لا قصدي كمان مو قليلة الحكي يعني الرايقة
سفير الغرام
02-27-2009, 04:37 AM
لا شو حواء الباردة بالحركة انا ما بحبها لا قصدي كمان مو قليلة الحكي يعني الرايقة
هون نوع الشب هو اللي بيحدد هالشي
على الأغلب الشب الرايق بدو وحدة مثل حكايتو
أنا عن نفسي بتعجبني الرايقة أكثر من غيرها ( طبعا مو تكون باردة ) :others1:
و سؤالي الك يا حواء
شو رأيك بالشاب الهادئ _ الرايق على مبدأ ( خير الكلام ما قل و دل ) :thinking1:
smilest
02-28-2009, 02:45 PM
انا ما كتير بحب الشب الهادي خصوصا يلي بكون خجول بس كمان ما بحبه يحكي كتير يعني يكون معتدل يعني يروي تقل وما يكون خفيف
وبما انو نحن عن النت شو رايك يا ادم يكون لخطيبتك او حبيبتك صداقات من الجنس الاخر على النت ؟
الأقرع
02-28-2009, 03:47 PM
الموضوع جميل
شخصيا ما بحس انو في اي مشكلة حتى لو كانت الصداقة خارج النت(((الصداقة فقط )))
والسؤال لحواء
لماذا تعتبر حواء الشرقية انها التي تعطي فقط
بينما حواء الغربية تتعب كالرجل او اكثر ولاتعتبر انها فقط المعطاءة
:shocked1:
بلقيس
03-01-2009, 01:48 PM
سؤالك كتير حلو الاقرع انا من وجهة نظري انو حواء الشرقية تعودت لمدة طويلة انها ما تعطي وانها تقعد بالبيت ولما صارت الحياة صعبة وصار ضروري انها تعطي وتعمل صارت تشوف انو عم تأدم كتير شي عظيم وتنظر لعطائها انو فضل اكتر من انو ضرورة طبيعية لاستمرار الحياة وهذا سبب معظم المشكلات الزوجية بمجتمعنا
بلقيس
03-01-2009, 01:52 PM
سؤال لادم كيف بتكون نظرتك لحواء يلي ما بتحكي مع شباب او ليش نسبة كبيرة من الشباب طبعا مو الكل بينظرو للبنت يلي ما بتحكي مع شباب على انها متحجرة وحتى متخلفة ؟
the king
03-04-2009, 04:12 PM
انا بالنسبة الي
البنت يلي ما بتحكي مع شباب على اساس دين بحترمها وبقدرها مع بعض التحفظ
يعني على زمن الرسول (ص ) كانت النساء تاتي للرسول و تسأله عن كل شيئ
اما البنت يلي ما بتحكي مع شباب لاسباب تانية ( تكبر - شوفة حال ) بقول بالناقص منها .
the king
03-04-2009, 04:14 PM
سؤالي لحواء :
ماذا يعني لك الحجاب يا حواء المتحجبة ؟
وما هي نظرتك للحجاب يا حواء التي لا تتحجبي .
بلقيس
03-04-2009, 06:44 PM
الحجاب بيعني كتير اولا بذكرني دائما باني مسلمة والحجاب دائما بيحسسني باني جوهرة وبيكون دائما متل رادع 000 وبعدين يمكن تستغرب 0000 الحجاب بيحسسني بالأنوثة
بلقيس
03-04-2009, 08:14 PM
سؤال لادم ليش دائما الوسامة عند ادم بترتبط بالغرور ؟ يعني ليش دائما الشب الوسيم كتير بكون مغرور كتير
the king
03-05-2009, 12:57 PM
انا بعتقد انو الشب الوسيم اكيد ما صار وسيم عن كبر ( يعني ) هو وسيم من صغره
ومن خلال حياته سواء مع الاهل او مع الاصدقاء او مع المعلمة ومدحهم له ولجماله اكتسب شعور بانه رائع الجمال ( على قولة امه : تقبرني على هالعيون .... وتقبرني عاى هالتم وعلى هالشعرات .... وتشكل آسي ......)
ومن شب على شيئ شاب عليه
the king
03-05-2009, 01:04 PM
كل منا له مشاعر و احاسيس ومن الطبيعي جدا ان آدم بحواء والعكس صحيح في اي لحظة
الؤال لحواء لماذا اذا قال لك ادم اني معجب بك او قال احبك وانت تملكين نفس الشعور ..... تتجاهلينه واحيانا كثيرة تعتبرين نفسك قد حققتي انجازا بأنك قد كسرتي كبريائه.
Batoul
03-05-2009, 01:32 PM
كل منا له مشاعر و احاسيس ومن الطبيعي جدا ان آدم بحواء والعكس صحيح في اي لحظة
الؤال لحواء لماذا اذا قال لك ادم اني معجب بك او قال احبك وانت تملكين نفس الشعور ..... تتجاهلينه واحيانا كثيرة تعتبرين نفسك قد حققتي انجازا بأنك قد كسرتي كبريائه.
بكل بساطة بتكون مريضة وبحاجة لإرشاد ..لأني مشاعر الأشخاص مو لعبة
the king
03-05-2009, 03:01 PM
بكل بساطة بتكون مريضة وبحاجة لإرشاد ..لأني مشاعر الأشخاص مو لعبة
بس للاسف انا يلي شفتو الاغلبية هيك
the king
03-05-2009, 03:01 PM
شو بتول 89 ما عندك سؤال لادم
Batoul
03-05-2009, 05:01 PM
صراحة ً ما في سؤال ببالي ....
شو أكتر اكلة بحبها آدم ؟؟؟
بلقيس
03-05-2009, 06:29 PM
يمكن معظم البنات اذا مواغلبهم بيعملو هالشي شوف في قاعدة انو القط ما بحب غير خناقو وهيك في كتير بنات يعني الا شوي بتكون رح تلحقو على بيتو وبس اجا قلها بتتكبر واذا ما قلها بتموت من الغيظ
بلقيس
03-05-2009, 06:31 PM
سؤال لادم ليش ادم بكون عندو كتير علاقات وصداقات بالجامعة وغيرها متحرر ومتفهم ويا سلام عليه وبس اجا ليخطب بصير بدو (قطة مغمضة)
smilest
03-06-2009, 07:25 AM
the king هلق انت من فترة قلت انك بتحب الفتاة المغرورة بحالها ويلي ما بيعجبها العجب صح ؟
والبنت يلي بتجاهل ادم ( طبعا رح يكون تجاهل مؤقت ازا عندها نفس الشعور نحوه ) هو نوع من العفة والتقل والرزانة بس انو تشعر بانو حققت انجاز بانها كسرت كبريائه فهادا يعتبر مرض
السؤال لادم هل تؤمن بالصداقة بين الشب والبنت ؟
حمزة العثمان
03-06-2009, 12:19 PM
the king
السؤال لادم هل تؤمن بالصداقة بين الشب والبنت ؟
بالدين الاسلامي ما في أي شي اسمو صداقة بين الشب والبنت من ناحية ،
من ناحية تانية و من خلال معرفتي بالشباب ، أغلب الشباب بعدوا اللي بتنادي بالصداقة
بين الشباب والبنات بنت رديئة ، وما بتملك أي أخلاق ، بقصد بيعد البنت سلعة : طبعا الأغلبية مو الكل .
و لي عودة .
... الثعلب ...
smilest
03-06-2009, 03:09 PM
انا بحترم رأيك حمزة بس مو كل بنت كان عندها اصدقاء شباب بتكون رديئة ( مع اني ما بحب استخدم هيك مصطلح ) هلق انت بشو بتصنف علاقتك بزميلاتك بالكلية مثلا وانا ما عم احكي من منطلق الدين انا عم احكي من واقع حياتنا مو من منطلق الدين لاني موضوعنا لوبدنا ننظرلوه من منطلق الدين ما كنا حكينا في لاني كلنا منعرف شو حكمه بس مع الاسف عم يصير تجاوزات من هالناحية وانا حبيت شوف اصداء هالشغلة عند الاوادم بس وينن غاطين ما بعرف وعلى فكرة انا مومن دعاة الصداقة بين الشباب والبنات لاني مع الاسف ما عم لاقي هالصداقة بين البنات حتى لاقيها مع الشباب ما بعرف هادا رأي
وعلى فكرةنحن لازم نلاقي تعريف محدد للصداقة لاني عم تختلف من شخص لاخر وكل واحد بطالع تعريف شكل
بلقيس
03-06-2009, 04:27 PM
بقناعتي انو ما في صداقة بين الشب والبنت لانو مو هو الوضع الطبيعي بين البنت والشب ولا الصداقة هي العلاقة الطبيعية بيناتهم وهادا شي فطري
حمزة العثمان
03-07-2009, 12:19 AM
انا بحترم رأيك حمزة بس مو كل بنت كان عندها اصدقاء شباب بتكون رديئة ( مع اني ما بحب استخدم هيك مصطلح ) هلق انت بشو بتصنف علاقتك بزميلاتك بالكلية مثلا وانا ما عم احكي من منطلق الدين انا عم احكي من واقع حياتنا مو من منطلق الدين لاني موضوعنا لوبدنا ننظرلوه من منطلق الدين ما كنا حكينا في لاني كلنا منعرف شو حكمه بس مع الاسف عم يصير تجاوزات من هالناحية وانا حبيت شوف اصداء هالشغلة عند الاوادم بس وينن غاطين ما بعرف وعلى فكرة انا مومن دعاة الصداقة بين الشباب والبنات لاني مع الاسف ما عم لاقي هالصداقة بين البنات حتى لاقيها مع الشباب ما بعرف هادا رأي
وعلى فكرةنحن لازم نلاقي تعريف محدد للصداقة لاني عم تختلف من شخص لاخر وكل واحد بطالع تعريف شكل
أنا ما قلت رديئة إطلاقا ، أنا قلت من خلال معرفتي بالشباب : الشباب هيك بيحكو ،
أصلا أنا ما بحقلي قيم أي شخص على أنو رديء أو جيد لأن بالأصل أنا ما عندي القدرة لاجراء أي تقييم بالصدد ، وإذا بدك رأيي بوضوح فأنا ضد وبقوة ، ورغم وجود عدة زميلات الي إلا أني إطلاقا ما قلت عن أي وحدة أنها سيئة بالعكس تماما بحترم الجميع .
و إذا ذكرت سابقا و قلت اغلب الشباب شو بيحكو على البنت ، ما يعني انو هاد رأيي ،
على العكس أنا حكيت لأن البنت دائما أو غالبا ما عم تعرف شو عم يصير أو شو عم يطلع عليها حكي من الشباب اللي حكو معها أو حكت معن ، بقصد أن البنت على الغالب ضحية وما
عندا فكرة انها وقعت بين ايدين ذئب او مجموعة من الذئاب عم ينهشوها .
أنا دائما أمنيتي أن البنت تصحى للواقع حتى ما تخسر .
... الثعلب ...
Lama
03-07-2009, 12:40 PM
أنا برأيي الصداقة بين البنت والشب بالكلية لازم ماتتعدى حدود الدراسة
واذا تعدت هالشي مارح يكون اسما صداقة
حمزة العثمان هلأ انت قلت انو البنات اللي بتحكي معن مابتقول عنن انن سيئين بس أكيد بتحكي عليهن شي اذا ممكن تجاوب بصراحة
وسؤالي لآدم شو رأيك بالبنت اللي ماالا صداقات أبدا مع الجنس الآخر ؟؟؟
جنة الدنيا
03-07-2009, 09:44 PM
حبيبتي لما انا ما بتوقع في شب بيصدق انو في بنت ما الها صداقات لاني الشب بطبعوااااااااااااا شكاك حتى بحالوا
طبعا في بنات كمان شكاكين مابنفي هالشئبس بيضل السؤال لآدم؟؟
قصدي سؤال لما اللي طرحتوا
تقبلواااااااا مروري
حمزة العثمان
03-07-2009, 10:52 PM
حمزة العثمان هلأ انت قلت انو البنات اللي بتحكي معن مابتقول عنن انن سيئين بس أكيد بتحكي عليهن شي اذا ممكن تجاوب بصراحة
بكامل الصراحة ، بقول :
لو عرفتي أصدقائي بالكلية كنتي ما حكيتي هيك شي ،
لاحظي : أصدقائيييييي مو رفقاتي ،
أصدقائي : زاهر ، حسين
بتعرفي ليش هدول أصدقائي مو غيرهن ؟؟
لسببين :
الأول : بيستحقو الاحترام
التاني : حتى هالوقت ما سمعت حدا منن حكى على أي بنت
أصلا بحتقر كل شخص بيحكي على أي بنت أي كلمة مو منيحة
لأنو شخص ما بيخاف من الله سبحانه وتعالى و ما بيخاف على عرضو .
صح أنا ما عندي أي أخت بس هالشي ما بينفي وجود بنت عمي و خالي ...
و لو يوم من الأيام حدا جاب سيرتهن بكلمة وحدة مو منيحة ،
ما توانيت للحظة وحدة أني ما أدفنو بقبرو ، فكيف بدك إياني
أحكي على بنت زميلتي أيا كانت .
أو بالأصل مين أنا لأحكي على البنت .
يا لما : أنا انسان بخاف الله ، وبخاف على عرضي.
و هاد أنا إذا حبيتي تصدقي أو لأ ، أنتي حرة .
... الثعلب ...
Lama
03-07-2009, 11:10 PM
هلأ نحن مانا بموضوع تحدي حتى تقلي بتريدي تصدقي ولا لأ نحن فاتحين موضوع نقاش وكل واحد عم يعطي رأيو
على كل بتشكرك على الكلام الرائع اللي حكيتو
وبتمنى كل الشباب يفكرو متل ماانت حكيت انو زميلاتن متل أخواتن
لأنو بصراحة في شباب شغلتن وعملتن الحكي اللي بلا طعمة حتى لو كانو واقفين مع البنت بارادتن
smilest
03-07-2009, 11:56 PM
يا جماعة ما بدو كل هالتعقيد خلص كل واحد عم يعطي وجهة نظره وما بدو تاخدو الامور على منحى شخصي وخلوا الموضوع ماشي هيك مشان كل واحد يكون حر بوجهة نظره
طيب هلق خلونا بالموضوع ليش ما عم تسألوا حوا ؟ طرحوا شي سؤال لحوا يعني كله لادم
the king
03-08-2009, 09:05 AM
والله اسئلة حلوة مطروحة بهاليومين .......
على كل مالي نصيب .....
رغم اني معارض لاكثر الاجوبة من كلا الطرفين وخاصة موضوع الصداقة بين الشب والبنت.
the king
03-08-2009, 09:25 AM
سلام على الدنيـا اذا لـم يكـن بهـا صديق صدووق صادق الوعد منصفا
وكلامي هذا سواء كان الصديق شاب او فتاة
الصداقه هي..
كلمه تجمع في طياتها..معاني كثيره..
الصداقه كنز ثمين ...
ارض خضراء... مثمره بعطااء صاحبها...
الصداقه رباط تعاهد عليه اشخاص مدى الحياة.. بالوفاءو الحب والاخوه وعلى ان يصونها كل منهما
فالصداقه هي اساس بناء الحياة وكل إنسان منا يحتاج الى الصديق الوفي المخلص الذي يقف معه في الازمات
الصداقه تعلمك وتعلمها ... تعلمك الحفظ والستر .. وتعلمها الايثار
من هو الصديق؟!!!
صديقي من يقاسمني همومي ويرمي بالعداوة من رمانـي
وينصرني إذا ما غبت عنه وأرجو وده طـول الزمـان
ويحفـظ حبـه ويفيـظ وده يحب الخير مفتاح الأمانـي
صديقي من أصارحه فيبقـى ودود القلب عف في اللسـان
صديقي من يرى الإيمان بحرا عزيز النفس مشبوب الجنـان
فلا الأهواء تجـرء تشتريـه ولا الإعجاب يسبي ذا الجنان
ولا النزوات تنسـج بردتيـه ولا الأحقاد تسكن في الكيـان
حيا ..مخلصا..عفيفا..جريء السليل الهدي يعبق بالحنـان
الصديق من تجده .. يآزرك في الفرح والحزن وفي السراء والضراء .
هو الذي يؤثرك على نفسه و يتمنى لك الخير دائما
هو الذي ينصحك .. ويشجعك للعمل الصالح... ويجنبك ويبعدك عن المعاصي..
الصديق هو الذي يكون كما تكون انت ... جسدا واحد لا يفترقان
الصديق الحقيقي لا تسلبه الاهواء... اوالمصالح
الصديق هو الذي يحب الخير لاخيه كما يحبه ويتمناه لنفسه
الصديق من يدعو لك في ظهر الغيب .. حاظرا او غائبا
الصديق من يرعاك في غيابك
الصديق من يصون سرك ... ولا يفشيه ..
ولكن
في عصرنا الحاضر .. انعدم هذا الصديق ...
فاصبح مصالحه تطغو عليه.. فلا يأبه لصديق صادقه
تغير مفهوم هذه الكلمة في زماننا واصبحت هناك صداقة واحدة
فأصبحت الصداقه مجرد عباره تنساب من افواه الناس... دون فهم معناها الحقيقي ..
the king
03-08-2009, 09:27 AM
عفوا منّك يا حمزة العثمان
كيف انت بترفض وبشدة الصداقة بين الشب والبنت وعندك صديقات بالكلية ؟؟؟؟!!!!!!!!
the king
03-08-2009, 09:29 AM
على كل.... وحتى ما يصير تصعيد رح انتقل لسؤال جديد لحواء :
ما هي الاسباب التي تجعلكي تغارين بشكل جنوني على آدم ( المحبوب )
حمزة العثمان
03-08-2009, 09:56 AM
هلأ نحن مانا بموضوع تحدي حتى تقلي بتريدي تصدقي ولا لأ
آسف اذا فهمت كلامي على شكل تحدي ، ما قصدت .
بس لو حكيت بصيغة عادية ، الأغلبية رح يقولو مثاليات .
و كلامك أبدا ما سببلي أي مشكلة أو حتى أزعجني ،
بالعكس تماما .
عفوا منّك يا حمزة العثمان
كيف انت بترفض وبشدة الصداقة بين الشب والبنت وعندك صديقات بالكلية ؟؟؟؟!!!!!!!!
ليش أنا قلت انو في عندي صديقات ، ما بذكر .. !
أنا قلت زميلات ، و في فرق ، كبير .
... الثعلب ...
the king
03-08-2009, 10:20 AM
لا هيك بدي ازعل منك يا حمزة
ليش ما قريت المقولة يلي كتبتها عن الصداقة ... صحيح انو المفهومين مختلفين عن بعض
بس بالنهاية نفس الشي .................. برأيي
اذا ما اقتنعت اقرا المقالة السابقة .
حمزة العثمان
03-08-2009, 11:18 AM
صحيح انو المفهومين مختلفين عن بعض
بس بالنهاية نفس الشي .................. برأيي
برأيك ما برأيي .
لاحظ الانسان عندو ألف ، ألفين ... زميل ، بس :
عندو صديق واحد ، تنين ، ما أكتر .
سؤال لحواء :
ليش حواء دائما تثق بآدم أكتر بكتير من ثقتها بحواء ؟
... الوسط ...
Lama
03-08-2009, 12:17 PM
the king
أنا بغار على آدم وقت بتطلع علي حوا لسه اذا اطلعت علي وهوي كمان
بادلها نفس التطليعة ساعتها بجنجنوني وبصراحة بطئو الفيوزات
حمزة
بس عفوا الثقة من أنو ناحية
smilest
03-08-2009, 03:57 PM
the king سؤال حلو بس بصراحة مالقيتلو جواب يمكن بالفطرة الغيرة موجودة عند ادم وحوا بس السبب يمكن يكون انو الطرفين بشعروا بانو ممتلكين بعضن يعني ما بصير حدا يتعدى حدود هالملكية
وانا برأي الغيرة مو محصورة بين شب وبنت ممكن تكون اوسع من هيك يعني انا بغار كتير على اخواتي يمكن من حبي فين لذلك عنجد الغيرة مرتبطة كتير بالحب بمفهومه الواسع
حمزة ممكن توضح السؤال ما استوعبته
smilest
03-08-2009, 03:59 PM
the king شكرا كتير على المقولة يلي كتبتها فعلا هادا هو الصديق الحقيقي بس مع الاسف عم يكون وجود هيك صديق كتييييييير نادر
the king
03-08-2009, 04:10 PM
the king شكرا كتير على المقولة يلي كتبتها فعلا هادا هو الصديق الحقيقي بس مع الاسف عم يكون وجود هيك صديق كتييييييير نادر
:anxious1::emot154::sleeping1::shocked1::no1::sad1 ::others1:هذه لكِ
smilest
03-08-2009, 04:16 PM
:anxious1::emot154::sleeping1::shocked1::no1::sad1 ::others1:هذه لكِ
شكرا الك بس ليش كل هدول :thinking1:
the king
03-08-2009, 04:25 PM
شكرا الك بس ليش كل هدول :thinking1:
ما بيغلوا عليكي كم وردة
رغم انو الورد احلى شي بهالدنيا
smilest
03-08-2009, 04:34 PM
شكرا الك مرة تانية بس انا ما قصدت الورد قصدت هدول:anxious1::shocked1::emot154::sleeping1::no1:
ميس الريم
03-09-2009, 12:12 AM
سؤالي لآدم:
إذا أعجبت ببنت وحسيت(بدون ما تحكي معها) إنها من طبقة اجتماعية أعلى ..
يعني ممكن ما تكون متل ما انت مفكر!!!
ياترى بتفضل تنسحب بدون ماتحكي معها وبتقول أكيد ما رح ترضى فيني؟؟ وشو السبب؟؟
أو بتغامر وبتعبر عن مشاعرك ؟؟ وكمان شو السبب ؟؟
عبد العزيز الجفان
03-09-2009, 10:20 AM
اااخ على هالسؤال الحساس
مشكلة العنوسة والعزوبية من هذا السبب
اغلب الشباب بيفضل ينسحب حفاظا على مشاعره
والبنات ما باليد حيلة يخضعن لسياسة الاهل
اما انا لم اتعرض لمثل هذا الموقف
ولكن اذا تعرضت لاانسحب واعبر دون اي تراجع
لاني اتقدم لانسانة من نفس الجنس البشري ولست اخوض في تجارة
اوبضاعة اساوم على تسعيرتها اذا كانت تظن هي او اهلها سلعة
فلا تلزمني بقشرة بصلة
the king
03-09-2009, 12:30 PM
انا بالنسبة الي اذا حسيت انها بتحبني ما عندي اي مشكلة بروح وبحكي معها مو اذا بتكون من طبقة اجتماعية عالية اذا بتكون من السما
وخاصة اذا كنت انا بحبها
حمزة العثمان
03-10-2009, 04:02 PM
the king
حمزة ممكن توضح السؤال ما استوعبته
بقصد على سبيل المثال لا الحصر :
لو وجد طبيب وطبيبة تراها تثق بالطبيب أكثر
ياترى بتفضل تنسحب بدون ماتحكي معها وبتقول أكيد ما رح ترضى فيني؟؟ وشو السبب؟؟
أو بتغامر وبتعبر عن مشاعرك ؟؟ وكمان شو السبب ؟؟
قضية انسحب أمر مرفوض تماما بالنسبة الي ،
السبب :
اني ما شعرت يوم من الأيام اني من طبقة أدنى من حدا
و لأني اذا انسحبت بكون استهنت بنفسي وامكاناتي وهالشي
بالنسبة الي شيء مرفوض.
... الوسط ...
renad
03-14-2009, 05:52 AM
سؤال0000000000
هل ترتبط بشخص له ماضي ( السؤال موجه لأدم وحواء)؟؟؟؟؟؟؟؟؟؟؟؟؟؟
the king
03-14-2009, 09:17 AM
سؤال حلو كتير وواقعي ...
هلق انا بالنسبة الي ( ويمكن لغيري غالبا ) حسب الماضي
اذا كان الماضي عادي وتوقف عند حدود مقبولة حسب اعتقاداتي وافكاري
( لانو كل شخص بيكون الو حدود خاصة فيه ) مافي اي مشكلة
ممكن اي واحد يستغرب من هاد الحكي .....
انا بالنسبة الي مؤمن بان كل انسان يملك مشاعر واحاسيس ومن الطبيعي جدا انو يشوف حدا يعجب فيه
سواء شب يعجب في بنت او العكس ومن الطبيعي ايضا انو يشيئ القدر وما يرتبطوا ببعض ....
وبالتالي براي انو ما لازم تكون او يكون ضحية علاقة ما اكتملت لاسباب معينة .
وهاد بيبقى رايي انا ...... the king ......
joury
03-14-2009, 10:46 PM
المـــــــــــاضي هو ماضي
ما بهمني انا بهمني الحاضر....
لاني نحن عايشين بالحاضر
والماضي هو عبارة عن نبش بالقبورة
مارح انلاقي غير العضام البليانة
جوري
نسرسوريا
04-08-2009, 05:54 PM
بكل تجرد وواقعية وشفافية
يعني مو لانه كل الناس عم يشوفو الرد بس اذا كان الماضي بأسر على الحاضر اكيد ما برتبط
بس اذا كان ما بأسر على سير الحياة بشكل او بأخر فما عندي مانع
بس بضل بسمع حواء بماضيها حتى تركن وما تعزبني يعني بلحلبي (بنخر عضمها )
ولكم تحياتي
the king
04-09-2009, 03:40 PM
سؤال للاوادم ( رغم انو انا من الاوادم )
عندما تريد ان ترتبط بحواء بالتاكيد سوف يكون لديك عدة امور لا تستغني عنها ( تريدها في حواء )
متل الدين و الثقافة و البيئة الاجتماعية و المستوى المادي و اشياء كتيرة .....
السؤال ما هو اكثر شيئ يهمك في حواء التي سوف تعيش معها كل عمرك ؟
the king
04-09-2009, 03:42 PM
انا بالنسبة الي اكتر شي بهمني الجمال ( رغم اني بعرف انو هالشي غلط )
بس هاد رايي .....
وهلق يا اوادم ابدعوا واعطونا اراءكم
سفير الغرام
04-13-2009, 06:24 PM
يا صديقي بفضل تكون ذكية و جميلة في نفس الوقت ( الأنوثة في ذلك أهم شيء )
يعني بتفهم عليّ على الطاير
لنشوف رأي باقي الشباب
ميس الريم
04-18-2009, 04:15 PM
بما انو هلأ صار في تطور وتقدم ( انترنت. ديجيتال. أفكار جديدة كل يوم..)
وبما انو لازم يرفق هلشي تغير (ولو بسيط) بالأفكار ...
هلأ سؤالي للأوادم:
يا أوادم بتعتبرو حالكن منفتحين, متحررين.. يعني (Free)
the king
04-18-2009, 06:42 PM
ميس سؤالك واقعي كتير
انا براي انو كل انسان عم يعيش بهالزمن وعم يشوف الامور بالواقع طبيعية ( رح يكون فري )
لانو قبل عشر سنين الوضع كان كتير مختلف عن قبل 20 سنة
والوضع هلق غير الوضعين وما يسبقن ... ربما تقولو من اي ناحية عم تحكي
انا عم احكي من كل النواحي
سواء من ناحية اللباس للنساء او الرجال
او من ناحي الاخلاق لكل الناس
او من ناحية القيم
او حتى من ناحية التقاليد الاجتماعية ...
نحن بعصر تغير كل شي فيه عن قبل ...
وبما انو نحن ( تعصرنا ) يعني مشينا مع التغيرات فنحن اكيد فري لكل شي يتناسب مع الواقع .
the king
ميس الريم
04-18-2009, 06:50 PM
فنحن اكيد فري لكل شي يتناسب مع الواقع .
عجبتني هالجملة بس ممكن توضيح أكتر
يعني انت أقرب للرجل الشرقي أكتر أم للرجل الغربي؟
وكيف بتشوف شباب اليوم؟
the king
04-18-2009, 07:00 PM
انا برايي يا ميس انو اليوم ( ومتل ما قلتي صار في تقدم وتطور )
ما عاد في شي اسمو رجل شرقي ورجل غربي
الا في شغلة وحدة هي قضايا الشرف .... هههههه ( عم امزح ) بس هاد الواقع
يعني في فرق بس ضعيف كتير بي الرجل الشرقي والرجل الغربي
والدليل اليوم انزلي عالجامعة عم تشوفي الرفيق اذا بدو يسلم على رفيقه عم يقوله ( هاي )
او اذا ما قال هاي عم يقول مرحبا .....
اكيد في ناس بيقولو ( السلام عليكم وهنن كتار ) بس نفسن اذا سلم على بنت عم يقول هاي او مرحبا
------------------------------
وبالنسبة لشباب اليوم يعني هنن عم يتعولمو بكل بساطة بس للاسف العولمة الها كتير وجوه هنن ما عم ياخدو منها غير الاشياء يلي فيها صرعات ... متل البنطلونات وقصات الشعر وووو.... بتعرفي الباقي.
ميس الريم
04-18-2009, 08:45 PM
سؤال عالماشي:
ليش آدم أحياناً بيكون جبان؟؟
the king
04-19-2009, 01:16 PM
رح اجاوبك بس مو قبل ما تقليلي كيف اكتشفتي هالاكتشاف العظيم
ميس الريم
04-19-2009, 01:46 PM
مع اني ما لازم أحكي بس رح قول (تجربة واقعية)
يا ريت تجاوب بسرعة لأن الموضوع شاغل بالي
ومشكور على صراحتك
RAIN
04-19-2009, 01:56 PM
انا باعتقادي انو ادم بيكون احيانا جبان لانو محكوم بتقاليد وعادات ما بيقدر يشرحها لمين ما كان حتى لو يللي بيحبها بس الطرف الاخر يعني حواء ما بتقدر تفهم لانو بتفكر بعاطفتها وبس
سؤالي ليش حواء بتبكي بسرعة وطرح السؤال من تجربة واقعية
أمورة في دنيا مأمورة
04-19-2009, 02:11 PM
السلام عليكم
سؤالي :
لماذا يتلذذ ادم برؤية حواء تتألم وتتعذب ؟
مع تحياتي
ميس الريم
04-20-2009, 06:21 PM
انا باعتقادي انو ادم بيكون احيانا جبان لانو محكوم بتقاليد وعادات ما بيقدر يشرحها لمين ما كان حتى لو يللي بيحبها بس الطرف الاخر يعني حواء ما بتقدر تفهم لانو بتفكر بعاطفتها وبس
وصلت الفكرة مشكور RAIN :others1:
سؤالي ليش حواء بتبكي بسرعة وطرح السؤال من تجربة واقعية
أظن أنت جاوبت على سؤالك بنفسك (لأنو بتفكر بعاطفتها)
snow_ white
04-22-2009, 09:19 PM
لماذا يتلذذ ادم برؤية حواء تتألم وتتعذب ؟
باختصار:
الذي يفعل مثل هذا الأمر (وليس الكل) يكون شخص ناقص ,يرى في هذا الأمر رجولته ويرضي غروره ويعتقد انه حقق ذاته (وهو بالأخر عم يضحك على حالو مو أكتر)
حمزة العثمان
04-23-2009, 12:17 AM
ليش آدم أحياناً بيكون جبان؟؟
و لو أني ما فهمت قصدك تماما ، إلا انو آدم بيكون جبان إذا كان الجبن من طبيعتو
سؤالي ليش حواء بتبكي بسرعة
حواء الناصحة أجابتني عن السؤال قائلة:
يا حمزه إياك تثق بدموع بنت ، لأن دموعها دموع التماسيح
]لماذا يتلذذ ادم برؤية حواء تتألم وتتعذب ؟[/quote]
رغم غموض السؤال { ممكن توضيح أكثر } ، آدم لا يقسو إلا على حواء التي يحب و كلما إزداد قسوة ازداد حبا لها .
سؤال لحواء : ليش حواء كتيييير بتحب الحكي و ما فيها تسكت دقيقتين متواصلات .
... الوسط ...
جنة الدنيا
06-29-2009, 07:07 AM
في دراسة بتقول انو حواء تكون اول من يبدا بالكلام في عمر الطفولة
وبالتالي هي مابتحب آدم يسبقها بالحكي لذلك بتخاف اذا سكتت يبقها
ههههههههههههههههههههههههههههههه
عم امزح
انا برأي لأنها بتحب كمان آدم اللي بدو يكون معها كمان يبادلها بذات الأسلوب من حيث الحديث والكلام وسرعته
فهي ترغب إن صمتت أن يصمت معها وان تحدثت ان يتحدث معها ايضا"وبنفس الوتيرة
طبعا أنا جاوبت عن لما بتكون مع آدم
ولما بتكون مع مجموعة بنات {{اذا سكتت معنها مابتعرف تحكي كلمتين على بعض، لذلك بتشوف البنات بيحكو شئ بطعمة وبلا طعمة }}
sara91
07-28-2009, 11:36 AM
مع اني من طرف حواء بس البكاء السريع برأي دليل على ضعف الشخصية
the king
07-28-2009, 02:45 PM
وشهد شاهد من اهله.....
Nasma
07-28-2009, 08:52 PM
شفت الموضوع طويل
بس برأيي إذا شي بيتعل ببكاء حواء أمام آدم فهذا خطئ كبير
لأني بيستصغرها مهما كان
taifour7
08-09-2009, 05:37 AM
اااااااااااااااااااام
ليس لهذه الدرجة
فبكاء حواء لا يعني انتصار ادم
برايي ان بكاء حواء
هو نهاية انتصار ادم
وشكرا على الموضوع الرئع
اسال حواء
مامقومات الشاب الناجح في رايك
لولي
05-08-2010, 10:33 AM
القوي الذي يعرف ماذا يريد وكيف يصل الى ما يريد
سؤالي
من هي حواء التي تعجب ادم؟
RAIN
05-08-2010, 10:46 AM
الواثقة
الحنونة
الرومانسية الى ابعد الحدود
لولي
05-08-2010, 10:54 AM
تمام شو سؤالك لحوا
RAIN
05-08-2010, 10:56 AM
سؤالي لحوا
اذا بيتقدم شب منك بوردة
بتقبليها
لولي
05-08-2010, 11:12 AM
حسب الشب وشو بيعنيلي
شو بيكره ادم بحوا
RAIN
05-08-2010, 11:14 AM
الغرور
الغيرة الزائدة
الندية مع الطرف الاخر
ماذا تكره حواء في ادم
لولي
05-08-2010, 11:18 AM
الكذب
الشك
كيف بتقرب ادم من حوا
RAIN
05-08-2010, 11:22 AM
اعتقد بالصدق
الصراحة
الجراة
والرومانسيةوالحب
وكيف تتقرب حواء من ادم
لولي
05-08-2010, 11:33 AM
بالصدق واالاحترام
كيف ينظر ادم لحواء
RAIN
05-08-2010, 11:34 AM
نظرة احترام
تقدير
حب
عطف
كيف تنظر حواء لادم
دمعة وابتسامة
05-08-2010, 06:43 PM
نظرة حب وحنان ومودة وألفة
لماذا يخون أدم حواء
حسب رأي ......
لا يخونها من دون سبب
فلتحسن معاملته
ما أول ما يلفت نظر حواء في آدم ؟؟؟؟
RED ROSE RORO
06-10-2010, 02:25 PM
أول مرة بشارك بالموضوووووع.....حلو كتيييييير
ما أول ما يلفت نظر حواء في آدم ؟؟؟؟
أنا حسب رأيي: شخصيته القوي ,,العيون
ما أول ما يلفت نظر آدم في حوا؟؟؟؟
حسب رأي .....
العيون
الطول
شو اكتر شي يزعج حوا من آدم ؟؟؟؟
the king
06-30-2010, 02:34 PM
ليش البنات اغلبهن بيشجعو ايطاليا .
vBulletin 3.8.4 diamond