تسجيل الدخول

مشاهدة النسخة كاملة : مسخرة انتخابات الهيئة

مدرس الحب
10-23-2009, 05:19 AM
حيث تم سحب قوائم الاقتراع بالقوة والعنف ناهيك عن الشتائم وخاصة للبنات في الكلية مع الأسف
:sleeping1:الكلية في سبات عما يحدث
مدرس الحب
10-23-2009, 05:22 AM
الله يسترياشباب
عبد العزيز الجفان
10-23-2009, 07:30 AM
فعلا مسخرة والموضوع يحتاج إلى معالجة على أعلى مستويات
حمزة العثمان
10-23-2009, 10:33 AM
أنا تواجدت بالكلية بالصدفة يوم الانتخابات و لمدة ساعة تقريبا و سمعت أنو المشاكل وصلت للسما و صار في أمن و جنائية و ... بالنص ، بس ما متأكد إذا هالحكي صح أو لأ .








... الوسط ...
علاء
10-23-2009, 10:58 AM
ضمن واجبات الهيئة لا أرى داعي لأن يستميت المرشح في الوصول ... فمن استمات للوصول فذلك لأسباب واضحة فاضحة

وشخصيا ما بشرفني كون في الهيئة

يرجى عدم ذكر أي من الطرفين أو الاطراف لا بالايجاب ولا بالسلب
عبد العزيز الجفان
10-23-2009, 11:08 AM
أنا رشحت نفسي للهيئة بس الحمد لله
ماحضرت بل نسيت الانتخابات كلها على بعضها
أحلى تربية
ابووديع السلطان
10-23-2009, 11:09 AM
هلق صح اجى الامن بس للاسف ما عملوا شي ولا اخدو حدا معون
كان لازم ياخدوا كم كبش فدا مشان الباقي يتربوا ويعرفوا حالون انو هنه في كلية محترمة مو بسوق خضرا

يس احلى الشي منظر الوسخ يلي تركوه لعلمل النظافة يلي يمكن لهلق عم ينظف

ياخساره ياجماعة ياريت كانوا عم يتقاتلو على شي محرز

بس فعلآ في مجموعة من الطلاب عجبون كتير لاني ما كانوا عم يعرفوا شو عم يصير ولا انتخبوا حدا

ولا راحو ولا اجوا من المحاضره للبيت من البيت للمحاضره
hibahh
10-23-2009, 11:16 AM
يا جماعة انتخابات شو ؟؟
مبارحة بالصدفة تواجدت بالكلية لاجل مشروع التخرج تفاجأت بالزحمة ولسى ما دخلنا على حرم كليتنا واذ اشخاص عم يسألونا انتم أي قسم فكرنا في شي
لذلك اختصرنا الطريق كل ما حدا سألنا نقول انتخبنا
بس عن جد سؤال شو يعني هيئة ادارية ؟؟ يعني شو شغلتهم صرلي 5 سنين بالكلية بسمع فيهم بس ما بعرف شو مهامهم
محمد الأحمر
10-23-2009, 11:20 AM
شفت المنصب اش بيساوي والله يجعله منصب قال : هيئة
ع كل حال الانتخابات كشفت عن وحشية وهمجية الشباب

شفت المنظر ع خليوي واحد من الشباب الله يعطيه العافية
وكانت المسبات معبية الكلية للآسف ......الله يجعلها تربية
Zaher
10-23-2009, 11:57 AM
تقول كأنوا بسوق خضرة على هالهمجية ( ضرب وعياط ) ، لك ما احترموا المكان اللي هنن فيو .
كل البنات وقفوا يتفرجوا على هالمسخرة ، فعلاً موقف مخجل ، وبقول يا آسف عليكي يا تربية إذا هيك المربين اللي فيكي ، هنن بدهم تربية ، وبحب أقول للعميد بإنو كان لازم يتخذ موقف حاسم ويفصلو كم واحد من هالهمج لأنو ما بيلزمونا بالتربية .
وأ آسفاً إذا هيك بتصير الانتخابات ، وكل المرشحين وللآسف مترشحين لأغراض ذاتية وشخصية ، ما في ولا واحد بيخدم حدا أو بيساوي شي يفيد الكلية ، يا عيب الشوم بس !!!!
بحمد ربي إني ما بيصير أنتخب لأنو بكل قائمة إلي بما لا يقل عن ثلاثة أسماء من أصدقائي .
حمزة العثمان
10-23-2009, 04:49 PM
هلق صح اجى الامن بس للاسف ما عملوا شي ولا اخدو حدا معون
كان لازم ياخدوا كم كبش فدا مشان الباقي يتربوا ويعرفوا حالون انو هنه في كلية محترمة مو بسوق خضرا

يس احلى الشي منظر الوسخ يلي تركوه لعلمل النظافة يلي يمكن لهلق عم ينظف

ياخساره ياجماعة ياريت كانوا عم يتقاتلو على شي محرز

بس فعلآ في مجموعة من الطلاب عجبون كتير لاني ما كانوا عم يعرفوا شو عم يصير ولا انتخبوا حدا

ولا راحو ولا اجوا من المحاضره للبيت من البيت للمحاضره

كنت بالبيت و نزلت على حلب لأمر طارىء ، و بعد ما خلصت قلت بدي مر شوف شو صار مع رفقاتي بالانتخابات (( يعني شي عشر دقائق )) بس اضطريت أبقى أكتر من ساعة و ربع لأني قلقت عالشباب وقت عرفت أنهم عند بيت خالتهم ، و اللي عرفتوا أنو كان مجموعهم أكتر من خمسين شخص بين شباب و بنات .
بس يا شباب لهلق ما عرفت مين فاز و تسلم الهيئة :emot100:.









... الوسط ...
Zaher
10-23-2009, 05:59 PM
بس يا شباب لهلق ما عرفت مين فاز و تسلم الهيئة :emot100:.




والله يا أخي حمزه ما كتير مهم ، لأنو مين ما فاز النتيجة وحدة
( تعددت الأسباب والموت واحد )
بس بدي أعرف شو استفدنا من هيئة السنة الماضي رغم إنو كان رفيقنا ، إذا بتتذكر وقت إجو يناقشوا برنامج الامتحان كان بدو يحط البرنامج على كيفو وحسب المواد اللي حاملها ، يعني بحياتها مواد الحمل ما بتتناقش ، بس كونو رئيس الهيئة حامل التقنيات (1) فناقشها قبل المواد الأساسية ، بس بما إنو أغلب الطلاب اعترضوا فصار متل ما بدنا ، يعني يا شباب الهيئة شكلية وإرادة الطلاب أقوى من الهيئة ، وكان إذا بدنا شي نخدم حالنا بحالنا ، واتصالنا مع العميد مباشر دون الحاجة إلى الهيئة .
بلقيس
10-23-2009, 08:16 PM
ما حدث مخجل بالفعل يعني مسخرة ..انا كنت عم بنتظر لاعرف وين صارت محاضرة علم الاجتماع بما انو المدرج مشغول بالانتخابات و ما شفت غير الطلاب طلعت اصواتهم واشتغل الضرب وكعادة الشجعان ببلدنا بس تصير علقة ما في اشطر منن بالكفر والمسبات والاحلى يلي واقفين فوق يشقو القوائم ويرموها على العلقانين تحت ...رجعت تكررت العلقةمرة تانية بس الحمد لله كنت بالقبو لانو المحاضرة انتقلت لتحت ..وبنص المحاضرة سمعنا ضجة كبيرة وعرفنا انن علقو مرة تانية والدكتور هيثم صار يقول :...ديمقراطية ..سكرو الباب هلق بيوصلو لهون ..والحمد لله لم انتخب ولن انتخب باذن الله
Ledy
10-24-2009, 05:28 AM
بالظاهر ياجماعه نحنا ما بيلبقلنا نطور
وننعطى حريه وديمقراطيه
كل عمرنا رح نضل هيك همجيين
المشكله انو نحنا طلاب التربيه فينا نغطي علا بعضنا
بس طلاب الكليات التانيه شو رح يحكو عنا
وعلى اساس ......... تربيه
فعلا الموضوع مالازم ينتهي هيك بهالبساطه
والله يسترنا من الاعظم
سيزيف
10-24-2009, 08:44 AM
انتخابات الهيئة كانت دليلي على أن الهمجية ليست مناطة فقط بغيرالدارسين ، وأن الثقافة ليست بالضرورة أن تلازم طلبة الجامعة ، وأسأل نفسي لماذا يتناحرون على مقاعد الهيئة ، ؟؟.؟
من السخافة أن نؤمن بأنهم يريدون خدمة أحد .. إنما لخدمة مصالحهم و تحقيقا لمكانة فقدوها بسبب عجزهم على الحصول على مكانة اجتماعية لسبب ما ..
البعض يرى أن الهيئة ستضفي إلى هيئته بريقا ما وستمنحه القدرة على التعالي على الآخرين ..
أناكإنسان طبيعي أود دائما أن أسير متساويا في الحقوق والواجبات مع الآخرين ...
أبو صالح
10-24-2009, 11:04 AM
والله أنا مع إزالة هالهيئة المهمة هي وإذا مافي إمكانية لإزالتها
بلا الديمقراطية هون لأنو بتضر ما بتفيد متل ما شفنا
يعينوهن تعيين عالمعدّل أو على أي مقياس تاني