ماهي طريقتك التي تتبعها في الدراسة"هام"

[عمار @تسونامي@]

بسم الله الرحمن الرحيم
كل واحد فينا له طريقتو في الدراسة
وطبعا هي الطريقة ناجحة بنسبة معينة
ياريت كل واحد يحكيلنا عن طريقتوا
لحتى نستفيد من بعض:comm3:

[حمزة العثمان]

موضوع حلو .

أنا طريقتي بتعتمد على السهر المتأخر .
بس أبدأ بالدراسة بلغي كل شي من حياتي (( الدراسة و بس ))
طبعا في أجواء لدراستي :
المتة ما بتنقطع أبداً ، و كل فترة و التانية بغير بالمشروبات شوي شي عصير ليمون طبيعي ، و شي فنجان قهوة و ...
و الأكل بصير شبه عدم .

بالمختصر المفيد : بس أبدأ دراستي ما بترك الكتاب أبداً ، يومياً شي 18 _ 22 ساعة .
و الحمد لله طريقة مرهقة شوي لكنها ناجحة و فعالة بالنسبة إلي ، يعني السنة الماضية بالفصل التاني ظروفي ما سمحتلي أبدأ بالدراسة حتى قبل الامتحان ب 10 أيام ، و كان عندي 11 مادة ، و قسم منهم مواد صعبة و 3 مواد علمية و أنا طالب أدبي ، و النتيجة نجح معي 9 مواد و التنتين الباقين رسبو بالغلط ، وحدة 39 و التانية 45 ، و الحمد لله على كل حال .

هاتوا لنشوف شو عندكن أنتوا .

[AMIRA]

انا بدرس قبل الفحص بعشرة أيام
ومابقدر افتح كتاب اذا ماكان صوت الميوزك جنبي عالي كتير
وبتنفتح شهيتي على الأكل بطريقة رهيبة عند الدراسة
وبتنفتح شهيتي كمان على النوم :sleeping1:

دراستي مو متل حمزة 22او18 وليييييييييييييييييي
الله يعينك انا بحياتي مادرست هيك
يمكن اذا كترت كترت
دراستي بتستغرق 5أو6 ساعات طبعا متقطعة

والحمد الله هديك السنة ماحملت ولا مادة
هلأ يمكن تكون صدفة
بس انا بطبعي مابحب الفشل أو الرسوب
الله لايدوقني اياهن
ولا يدوقن لحدا
ومن ناحية تستفيد من طريقتي بالدراسة
مابظن فيدك ابدااااااااااااااا
موضوع حلو كتير :emot112:

[بلقيس]

موضوع حلو ...بالنسبة الي ابدأ الدراسة قبل شهر او اكتر لان دراستي بطيئة وما بعرف ادرس شي بدون تركيزواعادة يعني بالسرعة ما بقدر احفظ شي ....والمواد الصعبة والحمد لله بكون مطلعة عليها مع الدكتور غالبا ولما بكون عندي مادة علمية او انكليزي بارتاح كتير لانهم ما بدهم حفظ ..طبعا بدون اي تخطيط مسبق او برنامج بدرس يلي على بالي يعني مزاجية كتير بالدراسة ...الوقت وسطيا 10 ساعات ...موفقين

[ميس الريم]

أكيد البداية بتكون قبل شهر من الامتحان

أول شي بحسب عدد صفحات كل مادة وبقسمن على عدد الأيام

وأبدأ بالدراسة من آخر مادة






أمنياتي للجميع بامتحان موفق

[عبد العزيز الجفان]

أنا اليوم فقت من الخامسة صباحا والحمد لله ما عندي مدرسة
لذلك اليوم بدي أبدأ الدراسة وشو اول مادة تقنيات عجب في وقت ؟
3 ايام تخلص اكبر مادة معي
لاني دراستي سريعة جدا
بس ما بنصح حدا يدرس متلي

[عمار @تسونامي@]

نورتو شباب وصبايا
حمزة الدراسة كتير حلوة مع المتة
عبدالعزيز فايق بكير خلصت دوام بالمدرسة
اميرا الميوزك أغاني ولاموسيقى بس

[عمار @تسونامي@]

انا طريقتي بالدراسة بتكون قبل 15يوم من الامتحان
اخر يوم من الدوام بشتري المحاضرات واسئلة الدورات وبجيب الملخصات من رفقاتي
وبشخط المحاضرات يعني يوم مأساوي
طريقتي بتمر يتلات مراحل
الاولى بقرأ المادة قراءة سريعة لحتى كون صورة عامة عن المحاضرة مع تحديد الألوان للفقرات لأميز بين المهمة وغير المهمة
الخطوة التانية بدرس عالماشي مع تركيز أكبر
الاخيرة بكتب الفقرات المهمة عالورق "رؤؤس أقلام"
الحمد لله هي طريقتي وهي ناجحة معي

[عبد العزيز الجفان]

عمار هلئ عطلة للطلاب ليوم الثلاثاء من اجل الامتحان
بس حمزه نسيت الدخان
بيصير دراسة دون دخان مع المتة والقهوة
بس ليمون ودخان ما بيصير

[كليوباترة]

طريقتي بالدراسة بتعتمد على المشي، يعني بضل بمشييييييييييي لحتى يخلص الفحص وما أدراك ماهو التعب بعد الفحص
بالأول كنت بعتقد إنو هالطريقة للدراسة تعتبر خاطئة فسألت الدكتور خالد وقال بالعكس طريقتك صحية مية بالمية لأنك بمجرد عم تقرأي المحاضرة وإنت عم تتحركي فهالشي يعتبر نشاط بحد ذاته هذا ماعدا التركيز في القراءة أثناء المشي
يعني صرلي على هالحالة أربع سنين وأنا عم أمشي والحمدالله النتيجة رائعة وإن شاء الله تكمل معي هالسنة طبعا صحبة إن شاء الله

[عبد العزيز الجفان]

يمكن هذا ريجيم يا كليوباترة
أنا بس أمشي شو بنعس
الا في حالة المراجعة يعني شي بدو بصم

[كليوباترة]

يمكن هذا ريجيم يا كليوباترة
أنا بس أمشي شو بنعس
الا في حالة المراجعة يعني شي بدو بصم

ممكن يكون ريجيم بس صحي مية بالمية للدراسةهي من وجهة نظري
:yes1:

[عمار @تسونامي@]

الدراسة عالماشي شغلة
ريجيم كويس
وسرعة بالدراسة

[حمزة العثمان]

عمار هلئ عطلة للطلاب ليوم الثلاثاء من اجل الامتحان
بس حمزه نسيت الدخان
بيصير دراسة دون دخان مع المتة والقهوة
بس ليمون ودخان ما بيصير

ما ذكرت الدخان اأني عم فكر جدياً أني أتركوا نهائياً هالمرة ، حاجتنا .. السنة الجاية إنشاء الله بدنا نصير مدرسين و ما حلوة طلابي يشوفوني عن دخن ، كبيرة ...

على فكرة ، أنا السنة الماضية درست التقنيات 2 بأربع أيام بس و الحمد لله نجحت معي ، بس لا تخاف من الطلاب اللي بيقولولك أنو الدكتور محمد شاش صعب و .... لأنو الدكتور شاش غير شكل .

طريقتي بالدراسة بتعتمد على المشي، يعني بضل بمشييييييييييي لحتى يخلص الفحص وما أدراك ماهو التعب بعد الفحص

وليييييي ، أيام و راحت ، تنذكر و ما تنعاد .

الحمد لله من البكلوريا ما عدت أمشي و أنا عم أدرس ، كنت كل يوم أمشي شي 12 أو 15 ساعة ، و آخر الليل حس أنو جسمي مكسر ، و بالسنة الأولى ختيرت ... و فضيت بالبيت غرفة لحالي و طاولة و كرسي ، و البكلون بالصيف شي بيشرح الصدر .
قال مشي ..


بالتوفيق للجميع .

[steefo]

شوفو يا شباب كيف بدرس:
اولا : ما بحسن ادرس حتى يبقى للامتحان 3 ايام
لان ما بحسن احفظ اذا ما حسيت في رهبت الامتحان:duh1:
وكل مادة ببدا فيها قبل 3 ايام من موعدها
لان كل شي بوقتو حلو

اما عندما ببدا ادرس بلخص الكتاب اول مرة
وكل مرة بدرسو فيها بلخصو .... هيك حتى في الاخير
ما يضل غير العناوين العريضة
بحفظها وبروح عالامتحان

[أسمر الساحل]

أنا من ناحيتي بجد مافيني ادرس اذا ماعملت جو يعني أهم شي ورقم واحد الاركيلة
يعني عن جد بحسا بتساعدني بالدراسة وخصوصا اذا كنت عم حل مسائل بالاضافة للمتة أو الشاي
والميوزك بس المشكلة انو ما بركز اكتر من ساعة متواصلة وبدي استراحة ساعة بعدا
وبشرد كتير وأنا عم أدرس
بعرف انو طريقة كلا على بعضا غلط بس ماشي حالا معي والحمدالله عم نشيل هالمواد

[عمار @تسونامي@]

بالتوفيق للجميع في امتحاناتهم

[سكر]

قبل كل شي بطلع على أسئلة الدورات وبعرف بعدا اسلوب الأسئلة لادرس على نمطا .
ولما بلش بالدراسة بقرأ بتركيز و الدر اسة السريعة ما بتعجبني ابدااااااااااااا
وبعدين بالمراجعة أيام الامتحان بلائي المادة عم تمشي معي بسرعة .هي طريقتي .
والتوفيق للجميع ومابعد الضيق إلا الفرج و العطلة .

[RED ROSE RORO]

موضوووووع حلووو


طريقتي بالدراسة:

بدرس من أول أسبوع دوام بالجامعة........


يعني مابراكم ولا مادة إلّا يلي دراستن سهلة....

بمسك الكتاب أو الملخص وبقرأ الدرس أو المحاضرة وبحدد الشيء المهم وعلى الغالب كلشي مهم...

تاني شيء بدرس الدرس يلي حددتو وبحفظوا......

ووقت بيجي وقت العطلة قبل الفحص,,بعيد المادة مرة تانية وبركزها

وقبل المادة .,,براجعها مرة تالتة,,لأن بكون قبل المادة شيء 4 أيام

وعندي قاعدة :

وقت بيجي وقت الجامعة بلغي كلشي زيارات و رحلات

بس دراسة ونت,,يعني ما بطلع من البيت أبداً,غير عالجامعة والمشوار الضروري

وأنا عبدرس بشرب قهوة كتيييير (بالكاسة مو الفنجان)بمووووووت بالقهوة:yes1:

وبس مليت باخد استراحة نص ساعة انترنت.....


يعني دراستي اهم من أي شي تااااااني ,,هي والنت....

[جنات]

[QUOTE=
الدر اسة السريعة ما بتعجبني ابدااااااااااااا:happy2:

.[/QUOTE]مرحبا سكر كيفك أنادراستي كلا سريعة من الصف الأول والله موفقنيني لحد الآن وبالنسبة لطريقة دراستي هلا أنا بجيب المحاضرات قبل 10 ايام من الأمتحان وبدرس دراسة كتير سريعة يعني بال؟أول باخذ رؤؤس اقلام عن كل مادة وقبل ايام المادة برجعها والحمد لله طلعت موادي بالفصل الأول وبنمنى التوفيق للجميع :emot112:

[عمار @تسونامي@]

قبل كل شي بطلع على أسئلة الدورات وبعرف بعدا اسلوب الأسئلة لادرس على نمطا .
ولما بلش بالدراسة بقرأ بتركيز و الدر اسة السريعة ما بتعجبني ابدااااااااااااا
وبعدين بالمراجعة أيام الامتحان بلائي المادة عم تمشي معي بسرعة .هي طريقتي .
والتوفيق للجميع ومابعد الضيق إلا الفرج و العطلة .
نورتي سكر
الدراسة السريعة كتير مفيدة جربيها وفقها أسسها وراح تلاقي فرق

[عمار @تسونامي@]

مرحبا سكر كيفك أنادراستي كلا سريعة من الصف الأول والله موفقنيني لحد الآن وبالنسبة لطريقة دراستي هلا أنا بجيب المحاضرات قبل 10 ايام من الأمتحان وبدرس دراسة كتير سريعة يعني بال؟أول باخذ رؤؤس اقلام عن كل مادة وقبل ايام المادة برجعها والحمد لله طلعت موادي بالفصل الأول وبنمنى التوفيق للجميع :emot112:
نورتي جنات كل واحد الو طريقتو وهي ناجحة أكيد ودليل أنو وصل عالجامعة
الدراسة السريعة كتير مفيدة
بس مابيعني أنو هي الطريقة الوحيدة

[عمار @تسونامي@]

موضوووووع حلووو



طريقتي بالدراسة:

بدرس من أول أسبوع دوام بالجامعة........


يعني مابراكم ولا مادة إلّا يلي دراستن سهلة....

بمسك الكتاب أو الملخص وبقرأ الدرس أو المحاضرة وبحدد الشيء المهم وعلى الغالب كلشي مهم...

تاني شيء بدرس الدرس يلي حددتو وبحفظوا......

ووقت بيجي وقت العطلة قبل الفحص,,بعيد المادة مرة تانية وبركزها

وقبل المادة .,,براجعها مرة تالتة,,لأن بكون قبل المادة شيء 4 أيام

وعندي قاعدة :

وقت بيجي وقت الجامعة بلغي كلشي زيارات و رحلات

بس دراسة ونت,,يعني ما بطلع من البيت أبداً,غير عالجامعة والمشوار الضروري

وأنا عبدرس بشرب قهوة كتيييير (بالكاسة مو الفنجان)بمووووووت بالقهوة:yes1:
هههه بس مضرة شوي
وبس مليت باخد استراحة نص ساعة انترنت.....

أكيد بالمنتدى........

يعني دراستي اهم من أي شي تااااااني ,,هي والنت....

نورتي red rose roro

[selena]

حلو الموضوع كتير عمار
أنا كنت أدرس دائما وأنا عم أمشي يعني متل كليوباترة
بس وين المشكلة أنه بالفصل الأول صرت أدرس بالمكتبة مع أخي يعني عالقاعد
بس هلق ماعدت أعرف أدرس لا الماشي ماشي معي و القاعد فشو الحل لحقوني:thinking1::thinking1::thinking1:

:anxious1::anxious1::anxious1::anxious1:

[جنات]

[QUOTE=عمار @تسونامي@;131153]نورتي جنات كل واحد الو طريقتو وهي ناجحة أكيد ودليل أنو وصل عالجامعة
الدراسة السريعة كتير مفيدة
بس مابيعني أنو هي الطريقة الوحيدة[/QUOشكراً الك عمار @تسونامي @ منور بوجودك بس أنا بعتقد الدراسة السريعة أفضل طريقة لنحسن نطلع موادنا لأنها كتيرة 16 مادة بالسنة الأولى و شكراً الك مرة تانية على الموضوع الزكي الي بيخلي نعرف طريقة كل عضو بالدراسة حتى نعرفهن كلن وبتمنى التوفيق للكل:emot112:
وأن شاء الله تتخرج السنة يا أخ عمار @تسونامي @

[White Angel]

موضوع كتير حلو ....

انا اول شي ما بحب ادرس وانا قاعدة ع كرسي بحس حالي كأني بالسجن...

بدرس ع ...تختي... وبفرد كل وراق المادة واقلامي الملونة ع الفرشة ...



واول شي بقرا اسئلة الدورات

وبعدين بحدد الصفحات لكل مادة مع عدد الاايام يعني بحط برنامج بس مو دائما بكمل فيو....

واغلب الاوقات بدرس مادتين مع بعض ...

شو رأيكن.....

موفقيييييييييين..

[عمار @تسونامي@]

حلو الموضوع كتير عمار
أنا كنت أدرس دائما وأنا عم أمشي يعني متل كليوباترة
بس وين المشكلة أنه بالفصل الأول صرت أدرس بالمكتبة مع أخي يعني عالقاعد
بس هلق ماعدت أعرف أدرس لا الماشي ماشي معي و القاعد فشو الحل لحقوني:thinking1::thinking1::thinking1:

:anxious1::anxious1::anxious1::anxious1:
نورتي سيلينا
الحل ........................... عندك
ادرسي بكل الطرق
أنا كل شوي بدرس شكل وتقريباً نفس النتيجة

[عمار @تسونامي@]

موضوع كتير حلو ....

انا اول شي ما بحب ادرس وانا قاعدة ع كرسي بحس حالي كأني بالسجن...

بدرس ع ...تختي... وبفرد كل وراق المادة واقلامي الملونة ع الفرشة ...



واول شي بقرا اسئلة الدورات

وبعدين بحدد الصفحات لكل مادة مع عدد الاايام يعني بحط برنامج بس مو دائما بكمل فيو....

واغلب الاوقات بدرس مادتين مع بعض ...

شو رأيكن.....

موفقيييييييييين..
حلو
أنا الكركبة وأنا عبدرس بحسا بتساعدني عالدراسة
وخاصة الأقلام الملونة يعني شي 6ألوان
بس بخصوص المادتين حسب المادتين شرط أنو يكونوا ما متشابهين

[kitty]

بصراحة أنا مابقدر ادرس إلا وأنا عمبمشي وإذا كانت المادة صعبة وبدا حفظ كتير بصير بركض ركض....ولازم يكون صوتي عالي كتير لحتى اقدر ركز

وبحب كل يوم غير الغرفة اللي عمبدرس فيا يعني لحتى ما حس بالملل

وببدأ عادة قبل 15أو20يوم من الامتحان

وطبعا بصير باكل كتير نتيجة للصرف الكبير للطاقة بسبب الركض المكثف

هي الطريقة نافعة جدا بالنسبة الي بس مشكلتا الوحيدة اني بضطر زور طبيب العظمية بعد انتهاء الامتحان:Smile1:
والقهوة مابقدر استغني عنا كمان:yes1:
وموضوع حلو كتير:others1:

[سحر المحبة]

شكراًالك على الموضوع انا طريقتي بجيب المحاضرات فبل ب15 يوم من الامتحان وبلش دراسة طالما عم ادرس لازم يكون الشاي جنبي لاني بدونو مسيحيل ادرس طبعا دراستي سريعة

[عمار @تسونامي@]

kitty
سحر المحبة نورتواااااااااااا
الشاي شغلة مع الدراسة

[sana]

الموضوع مشوق بنسبة الي مابدس الا قبل الامتحان بيوم وبعرف انو موصح بس هيك للاسف عودت حالي

[sana]

انا سنى مسا الخير للجميع
الموضوع الي بتحكو في كثير اله صدى قوي بين الطلاب وكيف ندرس وكيف يجيبو علامات واحنا كمان كنا زيهم ومازلنا

[عمار @تسونامي@]

انا سنى مسا الخير للجميع
الموضوع الي بتحكو في كثير اله صدى قوي بين الطلاب وكيف ندرس وكيف يجيبو علامات واحنا كمان كنا زيهم ومازلنا
هلا sana نورتي
أكيد وبيضل المتخرج الو تجربتو الخاصة فيه وأكيد ناجحة باعتباروا تخرج
:yes1: