اعلانات لمنتدى كلية التربية

[Anas]

مرحبا

بما انو بلش الدوام و الطلاب بلشو يسجلو فلازم يعرفو انو عندون منتدى فيهون يتابعو اخبار الكلية و يفتحو باب نقاشات مهمة لدراستون و مشان يتعلمو و يعرفو شي عن الكلية قبل ما ينصدمو بالواقع :D

مشان هيك بدنا نبلش بحملة اعلانية للمنتدى , و بدي اخد رأيكم .
المرة الماضية كنا عم نوزع اعلانات و بظن كتير من الاعضاء شافو الاعلان ( البروشور الصغير) و للأسف وقتها وزعناه بوقت كتير متأخر يعني بأخر ايام الفحص و بكمية قليلة خلال الدوام .

بالمرفق بتشوفو البروشور القديم . و عم فكر ساوي غير تصميم مع شوية اضافات ..

بتمنى تساعدوني بأفكاركن , و عند التوزيع بدي متطوعين مشان نقدر نطرش الكلية اعلانات . أنو بجوز نساوي شي 2000 بروشور .. شو رأيكم . قليل و لا كتير ؟

يرجى التفاعل

peace

[Anas]

ممكن تعطوني رأيكن بالبروشور ؟ لأنو بدي نزلو عالمطبعة بأسرع وقت !!

[noor]

البروشور حلو بس غير لونو بما انو تغير تصميم المنتدى

[KOKIA]

أنس ليش ما منكتب بأول البرشور شي جملة تشد الطلاب إلو متل00متل000 موجاي على بالي هلأ ولاجملة بس شو رأيك بالفكرة؟

[Zaher]

فكرة كتير رائعة لأنو هاي أفضل طريقة ليتعرفوا على المنتدى بس بالنسبة للبروشور ما بيأثر لونه المهم إنو يصل لأيدي الطلاب ويعرفوا إنو ها الكلية إلها منتدى خاص فيها .
وشكراً كتير إلك Anas على ها الفكرة الرائعة اللي رح تزيد عدد أعضاء المنتدى .

[زهرة الخريف]

شكرا انس البروشور كتير حلو
وبظن انو مابدو أي تعديل
بالتوفيق

[Anas]

شكرا الكن شباب و صبايا .
كوكيا , شو عندك اقتراح و جملة حلوة خرج تنحط انا جاهز . و مشان الاوان بظن انو بدها تغيير ليصير متل لون المنتدى الحالي

peace

[Anas]

رح حاول غير اللون بما يتناسب مع اللون الحالي للمنتدى .
كوكيا , شو عندك اقتراح و جملة حلوة خرج تنحط ؟؟
و رح غير اخر جملتين ..
شو رايكن ؟؟

في اقتراحات تانية ؟


peace

[Anas]

مرحبا

انا رح غير الخلفية و ساويهاتتماشى مع لون المنتدى الحالي
و رح شيل اخر جملتين
و اذا عندك اي كلام مشان نضيفو kokia قليلي

في اي اقتراحات تانية ؟؟

خبروني بسرعة بليييييز


peace

[knightofLight]

ليش ما ببلش بصيغة

"أخيراً صار عنا منتدى خصوصي لطلاب كلية التربيه "

يعني بجمله بتشد الطلاب

[Anas]

ممكن كتير
شكرا الك يا فارس الليل

[فلفلي]

البرشور كتير حلو
وما بيلزمه الا تعديل بسيط و هو انه جملة " النتائج الامتحانية " وهي اهم جملة تتكبر شوية لانه الاغلبية بيهمهم اخبار العلامات

[Anas]

شكرا فلفلي

كمان بساويها

[KOKIA]

مثلا إذا لم تزد على الحياة شيئا كنت أنت زائدا على الحياة
دعوة لجميع طلاب كلية التربية ليشاركوا في جعل منتدى الكلية من أجمل المنتديات

[Anas]

اقتراح حلو كوكيا
شكرا الك

[knightofLight]

شي 2000 بروشور ..


برأي إنو العدد كبير شوي ما هيك

بعدون بدون عدد كبير للتوزيع

[Anas]

طيب ممكن تخبروني مين ممكن يساعدني بتوزيع البروشورات ؟
المرة الماضية انا و زعتون بأخر يوم بالامتحانات . و قبلها و سيم و رفقاتو مابعرف مينون وزعو الله يعطيهون العافية

[THe Lord]

له يا انس زعلتني منك ليه نحن وين رحنا

[تيلااا]

انا برأي انو تحدد شخص لكل سنة او اكتر
عشان نضمن انو كل الكلية تعرف عن المنتدى
يعني متل واحد يكون مسؤول عن التوزيع للسنة 1 والتانية ارشااد فرضا
وهيك

[Anas]

طيب حلا . مافي مشكلة ..
بس قانونيا مابصير توزيع اعلانات داخل مبنى الكلية . و لأي جهة كانت ! مشان هيك مضطرين انو نوزع البروشورات خارج مبنى الكلية

على كل الطلاب بتخبر بعضها ..

انتو شو رايكون ؟

[Nonna]

على فكرة استاذ انس ما نعذب حالك انا لحاي بنش رالخبر بكل الكلية
ههههههه عم بمزح
انا شايفة انا الاعلان حلو كتير بس بيحتاج لجملة تشجيعية

[Anas]

شو هي الجملة ؟ ممكن تقليلي نونا . ؟ لأنو انا ضعيف بالتعبير :(

[KOKIA]

بس أنس مافرجيتنا البرشور في اخر صورة

[علاء]

فكرة حلوة أنس

وأنا برأيي أنو فراس ( مركز التصوير ) بامكانو يساعدنا وأنا رح أطلب منو يحط كمية من البروشورات عندو بحيث يمكن للطلاب ياخدو نسخة


بيني وبينك أنا عندي فكرة بتخلينا نضمن أنو كل اللي رح ياخد بروشور يدخل على المنتدى

.


.


.


.


.

.

اكتب رقمك على البروشور:D:D:D