محتوى,تقنيات,الخط,والرسوم,التعليمية [الأرشيف]

Dewdrops

02-13-2010, 01:53 PM

ما هو محتوى مقرر تقنيات الخط والرسوم التعليمية النظري والعملي لطلاب السنة الرابعة تقنيات ولكم جزيل الشكر ....

أحمد حافظ

02-13-2010, 04:24 PM

مادة تقنيات الخط والرسوم التعليمية
أسهل مادة على وجه الكرة الأرضية
هاد الشي طبعا بكون اذا كان مدرس المقرر هو
الاستاذ: أحمد القاسم المحترم
المادة بتتضمن أنواع الخطوط العربية وشرح عنها وبعض الأمثلة
وكمان بتتضمن مواضيع عن الإعلان وكيفية الرسم والتلوين وانواع الألوان وبعض الرسوم والتكوينات الخطية
طبعاً هاد القسم النظري انشالله ماأكون نسيت شي:thinking1:
أما القسم العملي فهو ممتع جداً جداً جداً
طبعاً مع الأستاذ أحمد القاسم
كان عبارة عن قسمين
أول قسم منتعلم فيو الخط العربي والكتابة بالقصبة والحبر على دفتر خط خاص
وبعدين منقدم عمل على لوحة منكتوب عليها بأحد الخطوط حسب رغبة الطالب
أما القسم التاني فهو رسمة
بيطلب منا الاستاذ أحمد نرسم أي شكل من أي منهج تعليمي أو أي شي بريدو الطالب
مع تلوين هاد الشكل
ولكل رسمة علامة مشان علامة العملي
وأنا برأي انو الاستاذ أحمد ما ظلم حدا أبدا
لا بالنظري ولا بالعملي
بس على فكرة الاستاذ أحمد قال انو بدو يغير المنهاج هالسنة بقى الله أعلم
بس بالنهاية المادة كتير حلوة وسهلة
والأستاذ أحمد صاحب الفضل في ذلك
طبعاً وأنا اخذت بالمادة 90 وأنا أكسل طالب في قسم التقنيات سنة خامسة
:yes1::yes1:
أنشالله ما يتغير المنهاج
بتمنى التوفيق لكل طالب تقني بهالمادة
:others1::others1:

عبد العزيز الجفان

02-14-2010, 05:25 PM

لازم نحضر معكم
مادة رائعة
أحمد اذا انت أكسل طالب من بقي شاطر
منور