وينك يا هيئة ؟

[علاء]

في كل امتحان وبعد منتصف الوقت نرى موظفو الكلية ( المراقبين ) يقومون بـ "رحرحة" الطلاب اي زيادة المسافات التي بينهم ، وكلما غادر البعض أماكنهم أعاد المراقبين توزيع الطلاب وبدون دواعي وأعتقد أننا جربنا التنقل وبدون أي محاولات لرفع أعيننا عن الورقة خشية التسلط الذي يمارسه المراقبون والاهانات . ليس كلهم انما الغالبية

نوه الزميل مصعب العبي على أنه لا يحق لغير رئيس القاعة تغيير أمكنة الطلاب ، أتظن يا صديقي أن الطالبة ( بحكم الاكثرية ) تستطيع أن تناقش موظف ؟ وهل علينا نحن نشر تعليماتكم الامتحانية ؟ وان فعلت سوف يأتي رئيس القاعة ويغير مكانها بطلب من نفس المراقب وبدون اي مبرر

السادة رؤساء القاعات أغلبكم كان طالبا ويعرف معنى الامتحان ، لتحرصوا على كل ما هو لكم وما هو عليكم فأنتم المسؤولون عن تسلط الموظفين

الزميل مصعب :
هل يوجد تعليمات امتحانية حول وجوب مباعدة الطلاب كلما أمكن ؟

ومتى سيتم توعية المراقبين وتحذيرهم ؟

أرجو المتابعة والقضاء على هذه العادة ، فنحن في كلية تربية أولى بتطبيق ما جاء في كتبنا عن احترام الطالب والجو الامتحاني ... كي لا نكون معلمين موظفين .

[فـــراشـــة شـــوق]

فاضلي
لقد ناقشت موضوع
هام للكل
وغير ذلك كله صوت كعب المراقبات تك تك رايحه جايه
وفي الساعه الاخير ه
يبدءو التنبيه باقي نص ساعه ربع ساعه 10 دقايق خمسه
يبدء التوتر وعدم التركيز
وكما ذكرت ينقلوا الطلاب يكون شخص غرقان بالتركيز والاجابه
وينقلوا ع مكان تاني بدك خمس دقائق للتتكيف بالمكان الجديد
عنجد احيانا بيوتروا اكتر من الامتحان

أشكرك فاضلي
أسعدني ذلك
يسلمووووووووووو
دمت بخير

[عبد العزيز الجفان]

لا يحق إلا لرئيس القاعة نقل الطالب
هذا الامر سيد علاء مكتوب خلف تكليف المراقب
يعني بيعرف بس بدها قوة من الطالب
والتجاوز من موظف الكلية الدائم انما من هم خارج الكلية
والموظف المؤقت

[Zaher]

أنا أكتر شغلة زاعجيتني هوي مسألة الوقت ، لك تقول عم يراقبوا عن روح أبوهن وبس بدن يخلصوا وما بيعرفوا مستقبل الطلاب قائم على هالساعتين .
بأول مادة كل لحظة نسمع صوت المراقب باقي نصف ساعة ، باقي ربع ساعة ، باقي 10 دقائق أحبطونا كتير ، وسحبوا الأوراق قبل خمس دقائق ، ووزعوا الأوراق بعد خمس دقائق ، يعني هاي 10 دقائق ميتة من حساب الطالب ، ناهيك عن اللي بدو يلصق واللي بدو يختم واللي بدو توقع ، يعني صفى من الامتحان 1.30 مع إنو أول مادة كانت عنا الأسئلة استنتاجية وبدها تركيز ، يعني مو حل من الكتاب وإمشي . . . . .
يرجى النظر في هذه المسائل ومعاملة الطالب على إنو طالب . . . . .

[kitty]

والله موضوع في غاية الأهمية
المباعدة بين الطلاب والتنقل من مكان لمكان عمتزعجنا كتير وتمنعنعا من التركيز
ولسا نحن صار عنا مرة بمادة اللغة العربية نقل للطلاب من أماكنن بس من نوع تاني ولغاية مختلفة عكس المباعدة
يعني واحد من اللي كانوا عمراقبونا صار كل مايشوف حدا ماعميعرف يكتب ينقلوا من مكانوا ويحطوا جنب طالب تاني لحتى يتساعدوا وهادا الشي زعجني كتير ...يعني بصير هيك

وكمان مسألة الوقت متل ماقال الأخ زاهر يعني بحق للمراقبين يضلوا كل خمس دقايق يذكرونا بالوقت وبانو ماعاد تلحقوا وكتبوا بسرعة ولحقوا حالكم ومابعرف شو

آسفة عالإطالة بس عنجد الموضوع يستحق الطرح

[مصعب العبي]

صديقي علاء شكرا لك أولا وأخيرا ولكن اذا رجعت على قسم الهيئة الادارية سوف ترى التعليمات الامتحانية التي كتبتها بهذا الخصوص هذا بالنسبة للموقع وأما على صعيد الواقع العملي فقد قمت أنا والسيد رئيس شعبة الامتحانات بجولة في بداية الأمتحان بهذا الخصوص وبالنسبة للزميلات اكثر من الزملاء اللواتي يقفلن أجهزتهن النقالقة ووضعها في الجيب الخلفي فعند خروج الزميلة من القاعة باعتقادها انها انهت الامتحان فيشاهد المراقبون الهاتف رغم أنه مقفول فيقوم بحرمانها دورة كاملة من أجل هذا الموضوع واما بالنسبة لنقل الزميل من مقعده كما قلت لك موضوع غير قابل للحل لان ذلك متوقف على ضمير المراقب اذا كان يتلاعب بالطلاب أو حرصا على سير العملية الامتحانية بشكل صحيح وفورا يقولون لك وأقولها بالعامية :
(لو ماهو عم يحاول ينقل ماكنت نقلتوا من مكانو ) والله على ما أقوله شهيد
وشكرا مرة ثالثة زميل علاء

[علاء]

الشكر لك زميل مصعب عالرد ، معك حق فيما ذكرت ، ورغم ذلك أتمنى أن يكون هناك توجيهات مباشرة حول هذه النقطة