لوعة فراق ولا ارتحنا منن

[علي يسين]

واخيرا انتهت السنة الدراسية الاولى النا بالجامعة بكلية التربية وقضينا سنة رائعة وبأخر السنة في عالم بكت على فراق بعضها وفي عالم ما صدقت ايمت خلصت من بعضا انا بالنسبة الي كان عندي كتير رفقات وتأثرت كتير بالوداع وخاصة اللي رح ينتقلوا عالجامعات التانية وما رح يبقوا بحلب السنة الجاية ومن هالمنتدى الغالي برسل اطيب ايات السلام لكل الشباب والصبايا اللي كانوا معنا بالكلية وبقلن الله يوفقكن ويكون معكن واحلى تحية لابو حسن ولمنهل وفادي وباقي الشباب وكل الصبايا والله يوفق الجميع:sad1:

[mollto]

ميرسي علوووش .... هي الميرسي عن فادي ومنهل وأبو حسون ملك الغابة .


أبو محمود زعيم سبع حارات فاضية ..

بااااااااااي ...

[كريم7]

والله أنت بالقلب يا أبو عبدو فعلاً أنك صديق ممكن الإعتماد عليه و حبيتك من كل قلبي و أنشاء الله أنشوفك سنة ثانية موفق.................عبد الكريم قدور

[طَموح جداً]

لاتفكر يوم أنو الصداقة بتجي برفقة دراسة الصداقة مواقف وأوقات بتكون بحاجة لحدا يسمعك بتلاقي حدك
ونصيحه دور حواليك منيح لأنو صديقك هو السخص البعيد يلي ما بتتوقع أنو بيهتم فيك بس عند الجد بتلاقي أول واحد جنبك لاتزعل علي على اللي راحو لأنو الحياة رفقة طريق ودعي ربك تلاقي حدا يحترمك لشخصك وبس مو من شان شي تاني

[علاء الياسين]

من المؤلم يا شباب انو واحد يترك اصدقائه وبتعد عنهم بهل السهولة و خصوصا بعد ما انتهت السنة الاولى هو صح ترك الاصدقاء صعب بس كيف لو كان الكون حبيبة كل يو تتصبحو بوجها بنفس الكلية يعني هي حبيبتك و زميلتك و منافستك دراسيا طوال العام كيف ممكن اتركها ؟الله الوكيل يا شباب قلبي عم يعتص الم على فراقها و انا و هي كنا من اشطر طلاب الكلية :sad1::sad1:

[علا]

هاي اصلا الفراق مكتوب علينا كل العمر منودع ناس ومنلاقي ناس والدنيا ماخلصت عند رفيق اوحبيب راح وتركنا انا هاد راي موفقين علا

[lucky]

لاتفكر يوم أنو الصداقة بتجي برفقة دراسة الصداقة مواقف وأوقات بتكون بحاجة لحدا يسمعك بتلاقي حدك
ونصيحه دور حواليك منيح لأنو صديقك هو السخص البعيد يلي ما بتتوقع أنو بيهتم فيك بس عند الجد بتلاقي أول واحد جنبك لاتزعل علي على اللي راحو لأنو الحياة رفقة طريق ودعي ربك تلاقي حدا يحترمك لشخصك وبس مو من شان شي تاني
كلامك حلو كتير أخي (طموح جداً):emot112:

[theangel2010]

انتوا سنة أولى وهيك شو نقول احنا السنة الرابعة اللي تخرجنا وتركنا بعض للأبد بعد ما قضينا مع بعض أحلى أيامنا وخصوصا بالدوام الطويل آآآآآآآآآآآآآآآآآآآآآآآآآآآآآآآآآآآآآآآآه يا زمن