التطور التربوي يبدأ من عنا

[علاء]

كم أكره التشدق بقول ثم فعل معاكس له

كلنا يدري حجم مصيبتنا بالتخلف التربوي

وقادر على تشخيص عشرات المشكلات وطرح الحلول الجذرية أوالاسعافية على الاقل

ويوما ما سنكون مدرسين أو ماشابه ، لنا دور ربما غير مباشر ولكنه فعال

ولكن هل ستتبدد تلك المشكلات على أيدينا

خاصة أننا نرى ونسمع عن فشل النسبة الكبرى من المدرسين والمعيدين والدكاترة

وأكثرهم كراهة على نفسي من يتشدق بالصواب ويفعل الخطأ

هل سنكون نسخة عنهم ؟؟؟

يتحدث الدكتور أمامنا على أن التطوير فرض علينا ونراه لا يزال يتبع الاساليب التقليدية في التدريس

أو ينتقد البصم والاسئلة التي تعتمد على الذاكرة ولا نتفاجئ باعتماده نفس نمط تلك الاسئلة التي انتقدها

يطالبنا المعيد ببحث علمي أو أكاديمي بينما يرفض مراجع الانترنت

آل يعني بتهمن الامانة العلمية

يا شباب الامي كان الشخص اللي مابيعرف يقرأ ويكتب

وحاليا اللي مابيعرف يشتغل عالكمبيوتر

وبالـ 2010 هو الي مابيعرف يستخدم الانترنت

الانترنت آلة العلم

بعرف أنو في بعض الطلاب بيجوبو البحث جاهز وبيطبعو على حالو

بس الطالب الكسول لما بيشوف المراجع الحديثة وسهولة تجميع الحلقة من النت بيتشجع أكتر لأنو يحررها ويضفلها ويحذف منها ...التحكم فيها بصير أسلس

بينما اذا بدو يرجع للكتب العادية

فهي بحد ذاتها مشكلة تدعوه للتمرد على الاسلوب العلمي

لقلة المراجع وقدمها وصعوبة الحصول عليها .................

وأنا برأيي الطريق اللي ممكن يقلل من اعتماد المواضيع الجاهزة هو تدريب الطالب على اعتماد الانترنت كمرجع علمي بالدرجة الاولى

وليس أداة ترفيه وعلاك


.... وبقولو كمان مالازم واحد يتوتر بالامتحان والمعلم مالازم يوقف فوء الطالب
أيضا لا يفاجئنا قيام مستخدمي الكلية أو دكاترتها ..... بالوقوف أمام خلقة الطالبة والتمحيص الشديد بمعالم وجهه وملاحقة عيناه من سطر الى سطر

شغلة صغير بدي الكن ياها صارت معي بآخر امتحان ..

اجا أحد المستخدمين ليغيرلي محلي منشان يرحرح الطلاب ( بعد نصف الوقت )

بيفكر الدكتور أنو أنا كنت عم أغش بقوم بياخد الورقة وبقلي طلاع ...

ولبين ما اقتنع أنو أنا ما كنت عم أعمل شي ( بشهادة المستخدم )

ألي ببالي أنك كنت عم تنقل على كل طلاع لأنو ورقتك تخربطت

التلو طب عطيني أكتب عالمسودة كلمة مبيضة بقلي خود :

بس العينتين بيعطيني غير ورقة ، التلو هي مو ورقتي ، أم ألي أصبح خود هي : كمان غير ورقة

ولما عصبت ، عيط وآل : طلع لبرا .......

ورسبت المادة معي رغم أنو اللي كاتبو بالمبيضة كافي لنجاح المادة بس خطي ما حلو لذلك رسبها الدكتور التاني




مئات الاخطاء التربوية عم نشوفها

رجائي من الجميع ما تتكرر الاخطاء ويكونوا الحد الفاصل بين التخلف التربوي

آســــــــــــــــــــــــف لأني طولت عليكن

بس بدي رأيكن بالمشكلات التانية واللي عم تعانو منها

[Nonna]

عنجد يا اخ علاء زعلتني على هي المادة الي رسبت فيها بالغلط
بس انتا طرحت الموضوع بشكل كتير حلو بهنيك كل كلمة وكل حرف ذكرتوا
نحنا مالازم نكون نسخة عن هيك دكاترة او اساتذة لازم يكون في تجدد وفهم للطالب او الطالبة
ومو ضروري يقعد الطالب الف سنة عم بيدور على مراجع لحلقات البحث وحتى لو اخدها من الانترنيت او من اي شخص تاني المهم يستفيد منها ويعرف قيمتها ......... ومو ضروري الاستاذة او الدكتور كمان بنشوف اخطاء تربوية بتصدر وللاسف من الاهل
انا مرة كنت ماشية بالسوق وام وابنها بالطريق(ولد يعني صغيرون ) ئام الولد عم يركض ويلعب تفشكل ودركل ويا حرام انا احترق قلبي علية شوفو تصرف الام الواعيييييييييييييييييييييييييييييي نزلت فيو ضرب بالشاااااااااارع وبهدله ولييييييييي بقى شو رأيكم
اسفة لاني طولت وصحيح انا صغيرة بس بتمنى يكون ردي اغنى الموضوع

[أ. علي الحمادي]

سيد علاء من قال لك أن الأنترنيت ليس مرجعاً
وإلا كيف اعتمد في التوثيق
ومعظم الأبحاث الآن توثق بالإنترنيت
لكن المؤسف أن الطلاب لا يريدون حتى الدخول إلى النت وأخذ ما يحتاجونه
وكيفية الاقتباس منه
القصة أن الخطوة الأولى غلط
والطلاب يريدون حلقة بحث بساعة تكون جاهزة ( لديهم جلسات طويلة في بهو الكلية )
وأمر الكتب يمكن أنك لن تدرك الآن أهميته
يكفي أن تمر على الكتاب وتعرف فهرسه ومحتوياته ويبقى في ذاكرتك
تصور أنك تخرجت من الكلية ولا تعرف محتوى 200 كتاب على الأقل هذا كيف إذا أكملت الدراسات
وسف تفجأ بفداحة العملي الذي تلقيته
وتشتم وتلعن عندها ........ أما الآن فعند إعطاء الطلبة الخطوات الصحيحة للبحث التربوي
تراهم يقومون بثورة وتنديد وهتاف ولو كان بيدهم لنسفوا الأستاذ
وهذا حقيقة ما ألاقيه لطلاب السنة الثالثة والرابعة والخامسة

وللجميع أن يعلموا : أن العلم لا يقف عند دكتور أو أستاذ أو ......
عليك أن تفتش عنه بنفسك وهنا لذة التعلم ، الجامعة تعطيك مفاتيح وأنت ادخل الباب الذي تشاء
وأمر آخر
إن الكثير من الطلاب يطلبون إذن لحالات طارئة جداً ( الله أعلم )
وبعيني رأيت حالتين كانت لملاقاة ......... وأخرى لتناول القهوة في الميكانيك وأيضاً للتسكع في الآداب
آسف على الرد
لكن عليك أن تحتل مكان اطرف الآخر وتبدي رأيك

[علاء]

nona

عالمرور مشكورة


ali-hammadi

أنا ما قصدتك ، و ما جمعتني صدفة حلوة لتكون معيد لسنتنا

ولا حتى قصدت أي معيد ...

بس سمعت أنو أكتر من معيد هالسنة عم يرفضو الحلقات الموثقة الكترونيا ،

لأ ووحدة منهن مابتقبل الحلقة الا اذا كانت مرفقة بصور فوتوكوبي عن كل مرجع ....... وياويلو اللي بيكتب فقرة من دون ما يجيب الدليل القاطع على مصداقيته ، وعندها استعداد لتجريم أي شخص ماببيرفق حلقتو بالمراجع وتعطي صفر ( ومساكين طلاب الاولى انقطع قلبهم رعبة وخافو تاخدهم شوي تاية على جب الفار ...)


عليك أن تفتش عنه بنفسك وهنا لذة التعلم ، الجامعة تعطيك مفاتيح وأنت ادخل الباب الذي تشاء
وأمر آخر

هالكلمة حقها دهب بس أنا ما طالبت بقبول الجاهز

بس ممكن توضح أكتر نقاط المعارضة

مشكور كتير على الاهتمام وياريت كل المعيدين يناقشو الطلاب بمشاكلهن

[أ. علي الحمادي]

سيد علاء
بالنسبة للكوبي أنا استعملته ويمكن الأول ربما كطريقة لكسر الجاهز
لكن بخطوات البحث النظامية تظهر قدرة الطالب وهل هو فعلاً أنجزها أم أنها جاهزة
وأعتقد أن هذا أمر لا يجب أن يخفى عن الأستاذ
لأني أعطيت الخطوات لكني طالبت بالقليل والشيء المهم الذي يدرب
والطالب الذي يأتي ببحث جاهز يقع في هفوات لا ينتبه إليها
وهنا تكمن المصيبة .......

سيد علاء أنا لا أعارض على أي فعل لكن ما يصدر عن الطلاب
يجعلك تستاء من وجودك من كيانك وأنت مدفوع بكل قواك كاستاذ يرى نفسه يقدم شيء جديد يتفرد به
مع أسفي لعدم وجود منافسة علمية في هذه الكلية وعدم اهتمام أولي الأمر بتجديد العلم أو حتى ترجمة الجديد منه
هل سمعت بكتاب جديد لأحد في الكلية إلا نادراً مع أن المطلوب أن يكون كل سنة ثلاثة أو أربعة كتب جديدة للدكاترة كونهم المعنيين والمسموح لهم بالتأليف . لكن لا جديد على الزوايا إلا طحالب البحر منذ الثمانينات
ونحن نتغنى بالنظريات وغيرنا تحولت كلية التربية عندهم إلى ورش عمل
سيد علاء ( كما يقول أحدهم ) همك كبير ياقلبي ومين بيسمعك ، هناك طرائق حديثة وتقنيات جديدة وأمور رائعة جداً في التعلم
واقفة على أبواب من يسمحون لها بالدخول غي تعليمنا
وأنا مثلك لا أقدر عمل شيء
لكن أحاول أن أقدم شيء لا اقول جديد إنما هو ضروري والمطلوب
وبالنسبة للطلاب أنا أعرف أنهم يعيشون ضغط كبير هذه السنة وخاصة في تأخر الدوام وقرب الامتحان
وعندهم هموم أخرى كالسكن والنقل والتنظيم و(التعارف) لكن الطالب لا يعرف الموقع الذي يكون فيه مثلاً( يتصرف في القاعة وكأنه بالمقصف ) لا أظلم الجميع أنا أعترف أن هناك أناس جداً أحترمهم من كل قلبي رغم أني لا أكلمهم كثيراً .
والبعض الآخر أزعل عليهم لأنهم ضائعون في أروقة الكلية
آسف عالإطالة ......... وأظن لا تحتاج إلى غيضاح أكثر

[عندي شعور]

انا معك علاء بلي قلتو وللاسف انو المادة ضاعت بغلط ذكي وكلو خير والله بيعوض....بس بصراحة دايما بحس انو شوماكان المعيد او الدكتور مابيعجب الطلاب ومابيقدرو مايحكو الحمدلله لهلأ ماصار عندي اي مشكلة مع اي معيد وماحسيت انو في حدا طلب المستحيل
والحمدلله لحد الان عميقبلو من الانترنت ووين المشكلة اذا الطالب صور واجهة الكتاب شو بينقص منو يعني خلي يتعذب شوي انا لو معيدة بطلب هالطلب لانو تلت ارباع الحلقات مو متعوب عليها والطلاب عمياخدوها من سنوات سابقة واكيد هاد الشي غلط بحق المعيد قبل الطالب الشي اللي بقدر بنتقدو هو نظام مكتبتنا الفاشل واللي بصراحة ماشفت متلو نظام باي دولة بالعالم....يوم بتاخد الكتاب ويوم تاني بتقدم طلب بارجاعو ولليوم اللي بعدو لتقدر تاخد غيرو وبلاخر شو بيطلع معار....يعني مو معقول بطء وبرادة بيخوفو وبيخلو الطالب يلجا لطلاب سنوات سابقة حتى يجيب الحلقة....مابعرف هو مجرد راي يمكن لانو من المدرسة وهلا الجامعة دايما معي في سلم ومابيصرلي مشاكل لذلك مابحس انو في نقد لطريقة تعامل المعيدين او الدكاترة الا اذا ماعندو اسلوب بالاعطاء فهي مشكلة للاسف مالها حل....شكرا لهلموضوع

[زهرة الخريف]

عندي شعور
شو هالتفاؤل
بصراحة أنا كنت متلك
بالسنة الأولى
متفائلة كتيييييييييييير
بس اصطدمت بالواقع
عما شفت علاماتي بالعملي
مع أني تعبت عليهون كتيييييييييييييير
وكان عندي حلقات جاهزة وحلوة كتييييير وما قبلت آخد جاهز
قلت للي بيتعب بيلاقي نتيجةد
بس للأسف
كانو علاماتي 15أو 16
ما عدا الاحصاء20

وأنا مع علاء بكل اللي قالوا

[أحمد المالاتي]

لك ياجماعة نصيحة المجرب أنا كنت بالكلية التربية الأرشاد النفسي من لما كانت الكلية عم تجهز لحتى أتخرجت كل الدكتور بيقلكم بدي الفهم بالأجابات الأمتحان اعمل العكس أحفظ البصم الحلقات البحث ظل قدم تقليدي حتى توصل السنتين الأخيرة لأنوا بتكون العملي هون بتصير أبداعك يشتغل وبعدين لا دققوا لكل الحكي اللي بيقولوا خلال السنة أسمع وسطح ماعدا الحكي قبل الأمتحان ظل هيييييييييييييييك لحتى تخلص

[عندي شعور]

بس يااحمد بهلاسلوب عمرنا مامنتطور...مابعرف مين المسؤول عن تغيير هلي عمبصير؟؟؟الدكاترة والمعيدين؟؟؟ولا نحنا....؟؟؟ولا شو؟؟

[أ. علي الحمادي]

كلنا مسؤولون
لن ننتظر الصيف ليمطر الشتاء
والله لا يقدم حلول سريعة للمواقف
الحياة تسير بقدرته
وعلينا أن نفتش بأنفسنا
وكقول نساء الألمان :اعمل ولا تنتظر الأجر

[jaafar]

يوم بعد يوم

مشاركة بعد مشاركة

اعجب بطريقة الاخ علاء اكثر فاكثر

أقرأ مشاركاتك وأحس اني اكتبها معك شكرا اخي علاء على هذه الطرح


الموضوع من وجهة نظري بالاضافة الى ما ذكرته :

- المشكلة الاولى :هناك خلل في العملية التعليمية بالاساس ففي جامعتنا فقط يعتقد الدكتور انه انتهى من التحصيل العلمي بمجرد الحصول على شهادة الدكتوراه ناهيك عن الحصانة والقدسية التي يتمتع بها في ظل القوانين القديمة التي تعطيه سلطة غير محدودة بالتحكم بمصير الطلاب ومصير المادة التي يدرسها

وهذا خطأ فادح : لأنه بمعظم جامعات العالم تقييم الدكتور و اشغاله المنصب و الراتب الذي يناله يتوقف على عدد ونوع ابحاثه المنشورة و على مشاريعه اللتي يقدمها فهنا(اقصد ليس بسوريا) لدينا مقولة شائعة ان الطالب بعد حصوله على الدكتوراه يقول في نفسة بلشنا الجد على عكس ما يكون في جامعة حلب يظن الدكتور انه انتهى ووصل لقمة العلم بمجرد الحصول على الشهادة حتى لو كانت فخرية او من روسية

المشكلة الثانية : خوف الكادر التدريسي من كل ماهو جديد قالانسان عدو ما يجهل لذلك ترى المحاربين للأتمتة بحجج مختلفة (علما ان الاتمتة لم تعد مجرد خيار ) و عدم اعتمادهم على الاترت كمصدر توثيق لنفس السبب والشي الاسوء هو تفسير هذه المعارضة (احدهم يتحدث عن سلبيات الانترنت و غيرها )

المشكلة الثالثة : الكتب التربوية وغيرهافي باقي الكليات قديمة لماذا :
لأنه ببساطة لدينا قانون لا يحق لأي دكتور ان يقوم بتأليف او اعتماد اي كتاب للتدريس قبل ان تتنتهي عدد النسخ من الطبعة القديمة بمطبعة الجامعة وهيهات ان تنتهي

لماذا لا تنتهي الجواب ببساطة بالقصة التالية :
عندما كنت رئيس الهيئة احد الدكاترة اراد طباعة كتاب و يريد ان يطبع الف نسخة من الكتاب علما ان متوسط عدد الطلاب بكل سنة بكليتنا لا يتجاوز المئة طالب , عندها قمت بحساب المعادلة البسيطة بمجلس الكلية (اذا اعتبرنا انه من بين المئة طالب نصفهم يشتري الكتاب من المطبعة اي كتاب جديد و النصف الاخر يستعيره اويصوره او يدرس من ملخص متى تنتهي الكتب الموجودة كي يسمح بطبع كتاب جديد .. بعد عشرين سنة ) شو عليه المعلوماتية ما بتتغير بعشرين سنة .. طبعا لايخفى عليكم ان مكافئة المؤلف تتناسب طردا مع عدد النسخ المطبوعة .

والمشاكل كثيرة احببت فقط التركيز على هذه النقاط :

جدير بالذكر :
- العالم الان يتجه الى مفهوم جامعة بلا ورق (من التسجيل للامتحان جامعة الملك فيصل مثالا ) ونحن ما نزال على لسان رئيس الجامعة نطلب ونطالب الدكاترة بإعتماد الاتمتة و الشرح من سلايدات البوربوينت لاحظو معي نطلب ما احلاها

- هنا بماليزيا لا يمكن القبول او التخيل انك طالب بدون اشتراك انترنت علما انك اينما تذهب تجد الانترنت اللاسلكي وكل محاضر مطالب بتحديد مقرر دراسي حديث

على الهامش :
ذات مرة فصل النت بالجامعة واستمر يومين الطلاب توقعوا انو الجامعة رح تعطل و مارح يكون في دوام او تسليم وظايف اذا استمر الانقطاع بالنت

ودمتم ودام المحدثووووووووووون

[علاء]

ali-hammadi

أنا طلبت منك توضح نقاط الخلاف بس حضرتك أصريت تقوم باسقاط على الطلاب أو على بعض الطلاب على أساس هن سبب التخلف التربوي ...

أنا مابنكر وجود نسبة من الطلاب الاتكاليين ، الفوضويين ....

بس من المشين أن نعامل الجميع على هذا الاساس ،


ولو بدي أنظر من منظور المعيد أنا مابعتمد هالأسلوب التقليدي أبدا

لسبب أنو النسبة الكبرى من المعيدين لا يناقشون الحلقة ، بيتسمعوا للطلاب تسميع ، وبصيروا بقارنو بين حكي الطلاب والمكتوب بالحلقة ...

والحل متل ماقلت

لن ننتظر الصيف ليمطر الشتاء


عندي شعور
الآنسة اللي بدها الكوبي ليس فقط عن غلاف انما عن الصفحات اللي أخد منها أيضا ... مو معقول هالاسلوب


فداء

أنا كمان هيك بصير معي باستثناء بحث أدمتو كلحقة عم أشتغل عليه من 2005

وجبت فيها 20 مع انو أدمتها بلا توثيق وكانت الطباعة سيئة بس ما بجبي عليكي وعي المعيد الشديد وخبرته بالتدريس

أحمد المالاتي

أنت طالب نموذجي بالنسبة للوضع


أما عزيزي جعفر

كلامك بدل على خبرة طويلــــــــــــــــــــــــــــــــــــــــــــــ ــــــــــــــــــة

وببشر بتطور رح نعيشه بس ترجع

وأكتر من هيك مو قادر أعلق وحضرتك كفيت ووفيت



انشاء الله ما أكون أسئت لحدا من المدرسين

ali-hammadi
ألف مبروك الاشراف وان شاء الله ما تكون زعلت منا بس تذكر حالك وانت طالب ، وأكيد رح تتذكر تلقائيا الاخطاء التي تمثل أساس الخلل


الجميع مشكورين

[أحمد المالاتي]

الزميل علاء كيف يعني أنا الطالب نموذجي بالنسبة للوضع يعني انا تقليدي كنت بتعاملي مع الموضوع بدي أوصللك شغلة لما دخلنا باحماس هاد للكلية وما عجبنا التقليد بالمواضيع واسلوب الحلقات البحث مع العلم أحنا اول دورة الأرشاد النفسي بالكلية كلها النتيجة أني تأخرت لحتى أتخرجت موبس أنا في كتير من رفقاتنا تأخروا وأنظلمنا سواء بالعلامات أو بالمواد لحتى ملينا وبالأخير أنخضعنا لنفس الأسلوب اللي شاركت في قبل هيك لحتى تخرجنا وبحب قلك أنوا الكلية بالوقت الحالي أفضل بكتير من قبل سواء بالتدريس أوبالعلي أو بالأمتحان كان الطاب لمل يقدم بحثوا مهما كان عظيم ياخذ 15 حتى مكتبة التصوير مافي ظلينا أربع سنين المكتبة ما تبيع غير أقلام وبسكويت

[علاء]

أسف اذا فمتني غلط

كانت مزحة لا أكتر ولا أقل

وأنا كمان بعتمد أحيانا الجاهز ( حسب وعي المعيد )


تأثرت كتير بكلامك حول المعاناة وأكيد منحمد ربنا على كل حال

بس ما التلي حضرتك شو عم تعمل هلأ ( توظفت ، عم تكمل ، ...

ممكن تحكيلنا أكتر عن تجربتك

[jaafar]

أما عزيزي جعفر

كلامك بدل على خبرة طويلــــــــــــــــــــــــــــــــــــــــــــــ ــــــــــــــــــة

وببشر بتطور رح نعيشه بس ترجع

وأكتر من هيك مو قادر أعلق وحضرتك كفيت ووفيت




الجميع مشكورين

أهلا وسهلا اخي علاء و بتعرف لما بنواجه اي مسألة صدقني اذا كان قصدنا من الاجابة هو حل المشكلة رح نهتدي للصواب و اذا كان لمجرد الدفاع عن وجهة نظرنا ساعتها رح نوصل للي موصلينلو هلق
وبجد هي القصة الي حكيتها كنت سنة رابعة وبسببها الدكتور انزعج لأني اتخفض عدد النسخ المطبوعة .

وبالنسبة لأنو كلامي ببشر بتطور الله يسمع منك وشكرا كتير بس لاتنسى الشرط الاهم
بس ترجع (اذا الله راد هههههههه)

وبرجع بشكرك على طرح المواضيع الحساسة والي معظمنا ان لم يكن جميعنا نحس بها

[علاء]

ولو جعفر

نحنا من بعدك

بس انشاء الله رح تلاقي فرص كتيرة بسوريا

[أحمد المالاتي]

ولو الزميل علاء ما صار شي بالنسبة اللي الوظيفة ما في بس عم أستنى القرار التخرج ليطلع لأني راح أكمل دراستي المجاستير برا البلد وين لسا ماتحدد حسب القبول اللي بيجيني بس مهما بأي البلد كان راح أتابع بالمنتدى حتى ولو بالمريخ

[علاء]

هاد شرف النا

وعلى طول بهمنا نسمع منك عن خطواتك وتجاربك مابعد التخرج

مشكور

[شرشبيل]

.... وبقولو كمان مالازم واحد يتوتر بالامتحان والمعلم مالازم يوقف فوء الطالب
أيضا لا يفاجئنا قيام مستخدمي الكلية أو دكاترتها ..... بالوقوف أمام خلقة الطالبة والتمحيص
الشديد بمعالم
وجهه وملاحقة عيناه من سطر الى سطر






علاء بهنيك على طرح هالموضوع قريت الردود كلها الي بتبشر بالخير
بس عندي ملاحظة صغيرة عن نفسية الطالب وقت الامتحان
وقت بيدخل الدكتور و بقول (حدا عرف يحل شيء يا طلاب)
القصد وين بدي اعرف ؟
هل هو تلبيك الطالب و تحطيمه
ام في مقصد تاني خفي عنا
(في الحالتين بقول انو المقصد معروف)
على كل حال انا توصلت لشغلة انو العلم بسوريا
ما بدو ذكاء ابدا و انما بدو الطالب يتحول من بني آدم
الى الة تصوير فوتوكوبي يعني يطبع الحكي الموجود بالكتاب
في مخه و يلصقه على ورقة الامتحان وقت الفحص
بالنسبة لأسئلة الاتمتة عنا الحمد لله تحولت من نظام امريكي الى
نظام يهودي بحت (ما بعرف بغير كليات)
اما عن التظيم و لا احلى من هيك
مادة مسائل تحول الى اتمتة و مادة نظري بحتة تبقى بالنظام العادي
تركها لله يا زلمي ما بدي طول
مشكور علاء على هالطرح القوي

[علاء]

مشكور أنت عالمرور القوي ،، مدري أضحك مدري أبكي !!

وبخصوص هالمقولة (حدا عرف يحل شيء يا طلاب)


برأي أنو الكلمة مطابقة للمقولة ( قم ياصلاح الدين ، هاقد عدنا )


واللي بحب النبي يخلي ،، هاهاهاها

[شرشبيل]

علاء بدي اقلك انو المادة لهلء حاملها بتعرف ليش مشان الدكتور

الواثق من حالو كتير بس بدي اقلك شغلة سمعتها من رفقاتي الي عم

يدرسو بروسيا و عجبتني كتير هنيك بروسيا في عندهم مثل بقول

(الدراسة للجميع و للعلم لمن اراد)

عجبني كتير دقق فيه بتلاقي هون الابداع بدك طب روح ادرس طب

و اطلع دكتور فاشل ماعنا مشكلة بس هون الشخص المبدع بيعرف

وين يختار الفرع المناسب الي بيقدر يبدع فيه بس هالحكي مو عنا طبعا

هالحكي باوروبا لانو لو كان عنا كانت الدنيا عبت دكاترة و كان لكل فرد بيطلعلو

10 دكاترة

[علاء]

نحنا عنا لعبة حظ اسمها المفاضلة بتغنينا عن الاختيار ( الدراسة قضاء وقدر )


مابعرف شو بدي أألك غير الله يوفقك وتطالع كل موادك