ممكن مساعدة

[شرشبيل]

يا جماعة ممكن مساعدة في الطبخ
صار كبيت تلات علب معكرونة و ما عم تزبط معي
بدي اعملها بدبس بندورة و ما عم يمشي الحال
من النار مباشرتا على السلة بدون ما تعدي باي مرحلة تانية
و ما مشي الحال معي عم تطلع بعد الطبخ قطعة وحدة متل
العجينة المخمرة

[جودي]

:) ولايهمك بسيطة على حسب معلوماتي وخبرتي في سلق المعكرونة ..

أول الشي بتحط المي بالطنجرة وبتحط معها ملح وشوية زيت مازولا أو أي زيت مابتفرق ( الزيت هو الي مابخليها تنزل قطعة وحدة وتجمع على بعضها )

وبس تغلي المي منيح بتحط المعكرونة وبتخليها تستوي على راحتها ..
مابدا وقت كتير .. وانت على الحالتين دوقها قبل ماتطفي النار تحتها ..
ومن بعدا بتحطها بمصفاية مشان تصفا من المي

وهيك بتكون خلصت طبخت المعكورنة ..

ولهون بخلص دوري .. لأنو مابعرف أعمل الصلصة إلي بدك ياها ..
بتعرف أسهلك جيب كاتشب وحطه فوقها وخلص بلا دبس بندورة بلا صلصة .. انا هيك بعمل :)


خبرنا وطمنا شو بصير معك :)

[شرشبيل]

اها و انا قول ليش تنزل قطعة وحدة لاني ما حطها بمصفاية
وخليها على النار و حط كل شيء فوقها الزيت و دبس
البندورة و الملح بس بدي اسال سؤال الزيت من عندي
و الا من عند الجيران :Smile1:

[loletta]

اذا بتحب انا بقلك كيف تعمل صلصة طيييييييبة...
اول شي بتقلي لحمة مع بصلة صغيرة...وبس يستوو منيح بتحط دبس فليفلة(اذا بتحب الاكل الحاااااااار)
مع شوية دبس البندورة وبتحطلن شوية مي...وبتستنا المي لتتبخر نتيجة الغليان...
(طبعا هالخليط بتعملو بطواية لحالو...مو بطنجرة المعكرونة...)
بعدين بتحط الصلصة على المعكرونة وبتاكلها بالهنا والشفا...وبتعزمنا كمان....

بالنسبة للزيت...مو كتير ملعقة صغيرة بتكفي...

[شرشبيل]

عل كل حال الف شكر الكم و اليوم انا فاضي
لان بكرا عطلة و بعدو و بعدو و الدوام بلش يخلص
الحمد لله و في حال ما مشي الحال لا المعكرونة
و لا الصلصلة انا مطر ارفع دعوة عليكم على لوليتا
و على جودي و رح ادفعهم الخسارة كلها طبعا
مو بس خسارة مادية و خسارة معنوية
((يعني الجوع الي بدي ادوق طعمه اذا ما مشي الحال ))
يعني بشركم اخف حكم انشاء الله رح اخذو عليكم
هو حكم عرفي 6 اشهر بدون محاكمة

[رحمة]

شو فاتحين هون فرع للحقوق والقضاء ولاّ هون محل للطبخ

وخيو شرشبيل ( بتضل بتذكرني بالسنافر )

اذا ما مشي الحال معك ماالك غير الاكل الجاهز وقامت وخلصت

مو هيك صبايا ؟؟؟؟؟

[شرشبيل]

وينك انت يا انسة رحمة
وين مخبية هالافكار من زمان ادخلي و حل الموضوع
على كل حال مشي حال الصلصة منيح اما المعكرونة
اخ من المعكرونة مشي حالها شوية مو كتير يعني احسن
من قبل و انشاء الله بعد الف طبخة رح تطلع منيحة بس
المشكلة مو هون المشكلة رفقاتي كفو يدي عن الموضوع
يعني جمدو عضويتي قال شو هن مو حقل تجارب
على كل حال جاي على بالي اتعلم طبخة خفيفة
هي الكبسة يمكن اسهل من المعكرونة بكتير بس
المشكلة كيف بدي فعل عضويتي مرة تانية :emot154:

[عندي شعور]

اي شو بدك احسن من هيك منيح لغولك عضويتك ريحوك من مهمة الطبخ ومشان المعكرونة في حال رجعو فعلو عضويتك اختصر على حالك وجيب ظرفين اندومي بيشبهو المعكرونة كتير وهي كيف ماطبختها بتظبط لشو اللبكة وصلصة ومدري شو...

[شرشبيل]

اندومي الصبح اندومي الظهر اندومي المسا
ما عد نحس بشي بعد شهر من الاندومي
لانها ما شاء الله قضت على حاسة التذوق عنا
حتى صاير ما عد فرق بين الشاورما و الفلافل
بس ليش الحكي طيبة و خصوصا اذا كانت حدة
زيادة عن اللزوم يعي الظرف الي فيها ما بوفي
بس صاير عندي عقدة المعكرونة بكرا كيف بدي
اتزوج و اكيد بكرا رح تحكي على اهلي لانهم ما علموني
و يمكن هي تطلقني من اول تلات ايام
:happy2::happy2::happy2:

[yasmin]

اي فعلا يا شرشبيل صار لازم تتعلم الطبخ لأنيك على وش جواز بس هلأ فيك تمشي حالك
اذا ما بدك تطبخ و ما بدك اندومي روح على شي مطعم و طلوب غراتان او لازانيا الاتنين فين معكرونة(حل ذكي جدا)ما هيك؟:yes1:

[شرشبيل]

شو يا ياسمين شو قلتي عيدي
غراتان او لازانيا شو هاد كمان
لازم تقوليلي كيف بعملهم
لان ما حلوة تطلبهم مني بكرا مرتي
بالايام و ما اعرفهم ضروري تعلميني عليهم

[yasmin]

كنت بتمنى علمك اياهون بس بتعرف الطبخ شغلة الرجال مو شغلتي
اسأل شي شب بالمنتدى بجاوبك لأنو كلن عم يتعلمو الطبخ و حكايتن متل حكايتك

[شرشبيل]

و الله انك ضحكيتي يا ياسمين قال مو شغلتك قال
مو ناقص كمان غير تعلمونا الجلي و الغسيل
و الله شوفي لقلك حسب الشب و البنت
اذا كان الشب محكوم ((متل ما بقولي الشباب))
او ((ديمقراطي متل ما بقولو البنات )) بجوز يصير هيك
شغلات اما اذا كان قبضاي ((متل ما بقولو الشباب))
او راسو يابس متل الـ؟؟؟((متل ما بقولو البنات))
لا يمكن يصير هيك بقا الله يرزقك من النوع الاول
مشان ما ترجعي على بيت اهلك تاني يوم
:happy2::happy2::happy2:

[knightofLight]

شو الطبخة اليوم
وإيمتى العزيمة

[yasmin]

والله اذا الرجال ساعد مرتو بالبيت ما بكون محكوم بكون رجال gentelman
مو هيك شرشبيل ولا انا غلطانة!!!!

[علاء]

والله اذا الرجال ساعد مرتو بالبيت ما بكون محكوم بكون رجال gentelman
مو هيك شرشبيل ولا انا غلطانة!!!!


كلامك ذكرني بأغنية :

اللي بيسمع كلمة مرتو شو منقلو ؟؟؟؟

......

[شرشبيل]

كلامك ذكرني بأغنية :

اللي بيسمع كلمة مرتو شو منقلو ؟؟؟؟

......
و الله يا علاء الي بدو يكتب يكمل او لا يكتب احسن
و الا شو يا علاء خجلان انا رح كمل :
الي بيسمع كلمة مرتو شو بنقلو .....شاطر شاطر
و الي بيسمع كلمة امو شو منقلو .... ؟؟؟؟؟؟؟؟؟
أسف ما بحسن كمل

و الله حلوه الي بساعد مرتو شو بتقولو يا ياسمين
جنتل حلوة والله جنتل تعال اقنعيلي هالشعب هالحكي
صح

[Nonna]

شو الطبخة اليوم
وإيمتى العزيمة

شو قال في عزيمة وين ومين ؟؟؟؟؟؟؟؟؟؟؟؟؟؟؟؟؟؟؟؟؟:Smile1:

[loletta]

الي بيسمع كلمة مرتو شو بنقلو .....شاطر شاطر
و الي بيسمع كلمة امو شو منقلو .... ؟؟؟؟؟؟؟؟؟

اللي بيسمع كلمة امو شو منقلو..مرضي مرضي..
بس لما بدك تتجوز بدك تنسى هالجملة تماما...:emot100:

[شرشبيل]

و الله يا لولي لا قبل الجواز و لا بعدو عم نسمع هالكلمة
وانت يا نونا اذا جاي على بالك تتعلمي المكرونة اهلا
و سهلا صاير عم اعمل معكرونة شيء بشهي على الاكل
بس ماني مسؤول عن النتائج

[رشا خلو]

شرشبيل الطبخ بدو خبرة شوبك المعكرونة اسهل الشي في الدنيا

[رشا خلو]

على كل حال طبق الوصفة اللي قلتلك عليها واشي يلابا ااااااااااااااااااااااااااااااااااااي

[رشا خلو]

بس لا تحرق الطبخة مو تعلم مشان المستقبل

[رشا خلو]

عم امزح لاتزعل

[رشا خلو]

انا اختك حبيت ساعدك

[rose.87]

يالله ياشرشبيل جد زعلتني لهلأ ما عرفت السر....
سماع لكن مني....

بس تغلي المي وتكون حاططلها شوية ملح وزيت بتحط المعكرونة ولما بتستوي طبعا لازم تدوقها بدون ما تحرق تمك...في شغلة كتيييييييير مهمة...لما بدك تحطها بالمصفاية بتكون المصفاية تحت حنفية مي باردة وبتقلب المعكرونة فيها وبتحركها بادك شوي شوي مشان ما تنخبص ولا تحرق ايدك يعني بتبردها تحت المي لأنو أكيد اذا تركتها تصفى لحالها رح تلزق ببعضها...


انشالله ما بتندم

[sara91]

خليك بلا اكل احسن او اشتري جاهز

[برشه برشه]

شو بدك بالمعكرونة وهالحكي الفاضي كله
هي أكلة مساواتها صعبة
يا صاحبي مالك غير تتعلم طريقة طبخ الكبّة المشوية هي أطيب من المعكرونة بألف مرة
ليش انشالله أنت مفكر أنك بس تتزوج رح تطبخ للمدام معكرونة
أي لأ حبيبي
إذا المدام وافقت على الكبة بيكون الله يكتر خيرها