الأعمال الاحقة لمؤتمر القمة 1-1

[Anas]

ماجاء في توصيات مؤتمر القمة لمنتدى التربية :

1- التخفيف من المشاركات و المواضيع في قسم الالعاب , لما تعطي انطباعا
لاعلمي عن المنتدى

سنقوم الان بالبدء بالعمل .
ماهي افضل حل لمشكلة الالعاب في المنتدى ؟؟
طبعا انا سميتها مشكلة , لأن الالعاب تعبر من الأقسام الثانوية في أي منتدى , و لله الحمد اصبحت من الأقسام الرئيسية في منتدانا العظيم !!

يا هل ترى بلا ألعاب ماحدا بيدخل المنتدى ؟؟
أم الالعاب بتكون طريقة للتنفيس عن البعض و توصيل رسائل للاخرين بطريقة مبتكرة ؟ رسائل حب , كرة , حقد , اعجاب , دلال , رجولة ....
هل تعلم , ان قسم الاعاب يسبب مشاكل بين الأعضاء ؟
هل تعلم ان قسم الالعاب اقل عدد مواضيع و اكبر عدد مشاركات ؟
هل تعلم ان قسم الالعاب يشكل ثلث المنتدى من حيت عدد المشاركات ؟؟

يا جماعة شايفين مشكلة معاي و لا لأ ؟؟


بريد نتناقش بوضع الاعاب و وضح الحل السليم الها و بحيث يرضي الكل .

[ابوخضر]

ممكن يتم حل هالموضوع بإيقاف كتابة المواضيع الجديدة بهالقسم
بحيث يشاركوا الاعضاء ضمن المواضيع الموجودة
بالاخير رح يملوا من نفس المواضيع
ورح تخف المشاركة ضمنه تدريجيا

مجرد رأي

[one for all]

ماهي افضل حل لمشكلة الالعاب في المنتدى ؟؟

أنا بشوف انو أفضل حل بيكون بتخصصيص الألعاب الموجودة بهالقسم بحيث يكون طابعها ترفيهي تربوي متل موضوع (حلل شخصية العضو...) والألعاب العامة يتم حذفا ، وتعرض المواضيع لهالقسم على Blue أولا وهو بيحدد سواء كانت مناسبة لمنتدى كلية التربية أو لأ وبعدين بيتم وضعا بالمنتدى....

[RAIN]

فعلا يا ون فور اول

ما فينا نحذف كل الالعاب

لازم تنعرض على بلو وهوي يللي بيقرر يللي لازم تضل ويللي لازم تنحذف

[رحمة]

هلء بزمانه حكيتو على هالمشكلة


مدري ليش هالظاهرة مبينة عنا كتير


انا من جهتي يدخل على الالعاب لفش خلقي



بس صراحة انا مع الغاء الالعاب


لانو مو هدف المنتدى هيك شي

[منار]

بصراحة هلق قسم الالعاب ممكن الاستغناء عنه لان في بعض الاحيان بكون الموضوع تافه ولما حد بيدخل عليه ممكن يااخذ فكرة خطأ عن المنتدى بشكل عام (سخيف )
لذلك مابقدم ولا بيأخر
فحذفه افضل

[علاء]

يمكن يكون الحذف كتير

لذلك أنا اطالب بتحديد عدد المشاركات

يعني كل لعبة مثلا بـ500 رد

ولازم الاعضاء تخفف شوي يعني والله شي بملل ..

يعني عم تنزل اللعبة وعم نضحك بداية، ايه ؟ وبعدين ؟؟ ( بتبيخ )

وبالنسبة للتربويين القدامى( اللي أكبر منا : أهل ، معلمين ...) ما ممكن يتقبلو فكرة الاقسام الترفيهية ولا الالعاب في منتدى تربية

يمكن اذا بدي أحكي الحل بصراحة يضحك الغالبية

ومع ذلك رح أحكيه

نقل الاقسام الترفيهية والالعاب من المنتديات الجامعية الى منتدى جديد يتخصص بالصور والالعاب والتسلية

( تعملوا قسم لعيون الشباب ) يعني ما منخسر الاعضاء بس بنكسب بالمقابل الكثير من التربويين

لأنو هاد المنتدى محسوب عالتربية

[RAIN]

والله يا جماعة ما بعرف شو بدي قلكون

بس الغاء قسم الالعاب ما بعتقد انها فكرة سليمة < بغض النظر عن علاقتي بصاحب الموضوع او عدمها منشان ما حدا يفهني غلط >

يعني بصراحة لما كنت باليونان وفتت عالمنتدى كانت الاعضلء المتواجدين تقريبا كل يوم شي 12 الى 18

وبعد فترة تم اغلاق القسم الترفيهي وقسم الالعاب فصار المتواجدون 4 الى 6 بالحالات النادرة ومعلش خلونا نحكي بصراحة كل الناس يللي عم تدخل عالالعاب تربويين ومن كلية التربية

وصارت كمان شغلة غريبة يعني صارت العالم تحط العاب باقسام تانية
وهيك انتزعت اقسام تانية وخصوصا المنوعات مع الاسف من كوووووووووووول
بس قسم المنوعات صار يضم بهديك الفترة كل شي الا منوعات

انا ضد الغاء الالعاب ودمتم بود

تقبلوا مروري

[RAIN]

هلء بزمانه حكيتو على هالمشكلة



مدري ليش هالظاهرة مبينة عنا كتير


انا من جهتي يدخل على الالعاب لفش خلقي



بس صراحة انا مع الغاء الالعاب


لانو مو هدف المنتدى هيك شي




عفوا انسة رحمة اسمحيلي علق شوي عكلامك

انا ما بنكر شو هوي هدف كلية التربية العظيم ببناء جيل شاب قادر على مواجهة المشاكل الاجتماعية والنفسية

بس كمان بيقدر واحد ينكر انو 98 بالمية من المشاركات والمواضيع مني وجر هي عبارة عن قص لصق فاين التميز والتفرد بكتابة المواضيع

وشكرا

تقبلي تحيتي

[RAIN]

طيب ازا كنتوا بدكون تسكروا الالعاب

ليش عملتوا استفتاء من اساسو


عفوا

تقبلوا مروري

[Anas]

طيب ازا كنتوا بدكون تسكروا الالعاب

ليش عملتوا استفتاء من اساسو


عفوا

تقبلوا مروري

لأن و لا واحد بمن اللي صوتو " نعم " من كلية التربية

[RAIN]

لأن و لا واحد بمن اللي صوتو " نعم " من كلية التربية





؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟

[Nonna]

أنس فيا وجهة نظر

[jaafar]

وبعد فترة تم اغلاق القسم الترفيهي وقسم الالعاب فصار المتواجدون 4 الى 6 بالحالات النادرة ومعلش خلونا نحكي بصراحة كل الناس يللي عم تدخل عالالعاب تربويين ومن كلية التربية

انا ضد الغاء الالعاب ودمتم بود

تقبلوا مروري

اهلين اخي ونحنا بنحترم رِأيك ووضحنا هالقطة بالذات بقصد نقطة عدد التواجدين الان او عدد الاعضاء الي عم يدخلو على المنتدى و تم التوضيح انه سوف يتم التركيز على النوع وليس الكم
وشكرا لك

طيب ازا كنتوا بدكون تسكروا الالعاب

ليش عملتوا استفتاء من اساسو


عفوا

تقبلوا مروري

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟

بالتأكيد مو مناسبة ناخد برأي اعضاء قامو بالتصويت بدون ان يكون لهم اي مشاركات بالمنتدى

وبالتأكيد ايضا لم يتم احتساب صوت اللهو الخفي الذي صوت لابقاء قسم الالعاب

ولا شو رأيك نعتبر اللهو الخفي كمان عضو و نحسب صوته

تقبل مرورنا

[Blue]

بعد التحية والسلام


حكينا كتير بموضوع اغلاق قسم الالعاب

وتم طرح اكتر من موضوع بهالصدد

وقبل فترة حكت معي الادارة وللامانة سالتني رايي بما اني مشرف القسم


واقترحو علي اشراف اقسام تانية و فعلا صار


وانا ابديت حيادية بالموضوع



وطرح بالفترة الماضية موضوع التصويت


طبعا شكرا لكل من طالب باخد رأيي


من وجهة نظري

الادارة


افتتحت القسم

سلمتني اشراف // مع الشكر //

طبعا بعد فترة تسبب القسم ببعض المشاكل

واعطى للمنتدى طابع بعيد نوعا ما عن الموجه اليه

ومنه وحرصا على الحفاظ على الطابع الاساسي للمنتدى تقرر اغلاق القسم






وحتى ما يصير التباس بموضوع التصويت


في 4 اصوات باسمي


ليش وكيف كانت مسالة رهان بيني وبين رينبو

على مسالة ماني بصدد ذكرها



طبعا هالامر سبب ازعاجات للادراة


وانا اعترف بالخطأ اللي صار بسببي عن غير قصد



شكرا لكل من أبدى برأيه


شكرا للادارة التي خاطبت Blue واخذت برايه قبل اي قرار


وبالنهاية انا مؤيد للقرار ...

واسحب الاصوات الاربعة واضيف صوت لاغلاق القسم


فتصبح النتيجة 3 نعم و 5 لا و2 محايد





مع اعتذاري الشديد لما جرى


تقبلو مروري


شكـــ Blue ــــــرا





.
.
.

[RAIN]

يعني انا خسرت الرهان وصار عليي عشا

ههههههه

غياث بيمشي الحال بصندويشة فلافل


على كل انا اعتذر من الادارة كمان

انو سببنا بهالشي


ونحنا منتحمل اي نتائج للعمل هاد

شكرا للادارة لانها سمعتنا

ونرجو قبول اعتذارنا

[jaafar]

السلام عليكم

اولا شكرا لكم لبيان الرأي و لكني احب ان اتناول الموضوع بمزيد من النقاش كي يزول الغموض

البارحة بعد كلامنا المطول (اي نحن جعفر و انس وبلو ورينبو) انتهت القصة على انكم قمتم بالرهان على ان الادراة تستطيع مشاهدة من قام بالتصويت ام لا

وانا لدي بعض التساؤلات على موضوع هذا الرهان وهي

1- ما الفائدة من هذا الرهان طالما ان جميع الاعضاء و حتى الزورا يستطيعون مشاهدة من قام بالتصويت.

2- مالحكمة من تصويتك يا بلو باربع اسماء تملكها غير اسمك (blue)طالما ان الموضوع مجرد رهان فيما اذا كانت الادارة تستطيع مشاهدة من قام بالتصويت او لا تستطيع الا يكفي برأيك صوت واحد ليتبين ذلك

3- طالما ان الموضوع هو مجرد رهان و على علم و معرفة رينبو ما الداعي من ادراج مشاركات تشكك بنزاهة الادراة والتوضيح بانها قامت بادراج تصويت ولم تأخد بنتيجته الواضحة 8 مقابل 4

4- لو اننا كادارة لم نناقش الموضوع معك ولم نسألك يا بلو عن هذه العضويات المزيفة المسجلة بتواريخ مختلفة يا ترى هل كنت تنوي كشف القصة و مصارحتنا بأنها مجرد رهان

5- الا ترى معي اننا جادون بتطوير المنتدى و توجيهه بالشكل الذي يتناسب مع كونه منتدى جامعي هل من الوارد ان يتم التعامل مع موضوع التطوير بهذه الطريقة الرهان من قبل مشرفين اكثر الاقسام حساسية بالمنتدى ام ان لكم وجهة نظر اخرى



للمعلومات حول التصويت الذي جري و الاصوات

الاعضاء الذين صوتوا مع وجود منتدى الالعاب حتى تاريخ تنزيل هذه المشاركة هم

آلاء (http://www.ed-uni.com/ed/member.php?u=779), , سارة. (http://www.ed-uni.com/ed/member.php?u=1469), سوري أصيل* (http://www.ed-uni.com/ed/member.php?u=945), rainbow (http://www.ed-uni.com/ed/member.php?u=1001),
علما ان الاء قامت بالتصويت اليوم اي مناشقتنا القديمة كانت الاصوات 8 4 4
بالاضافة الى :
smsom66 (http://www.ed-uni.com/ed/member.php?u=571), Blue (http://www.ed-uni.com/ed/member.php?u=492) , سماهر (http://www.ed-uni.com/ed/member.php?u=622), سعاد عيد (http://www.ed-uni.com/ed/member.php?u=603), اللهو الخفي (http://www.ed-uni.com/ed/member.php?u=727) وهم جميعا يعتبرو صوت واحد لأن هذه العضويات لشخص واحد



من قام بالتصويت على خيار محايد هم


ابوخضر (http://www.ed-uni.com/ed/member.php?u=674), Nonna* (http://www.ed-uni.com/ed/member.php?u=633), one for all* (http://www.ed-uni.com/ed/member.php?u=70), وسيم (http://www.ed-uni.com/ed/member.php?u=3)



من قام بالتصويت لالغاء القسم هم


Anas (http://www.ed-uni.com/ed/member.php?u=2), منار (http://www.ed-uni.com/ed/member.php?u=214), jaafar (http://www.ed-uni.com/ed/member.php?u=1), رحمة (http://www.ed-uni.com/ed/member.php?u=83)

ملاحظات :

طالما ان الادراة قامت بالتشاور معك يا بلو حول القسم و مستقبله و خلصنا لنتيجة ان تتسلم الاشراف على اقسام غير الالعاب كي لا نجد احراجا منك بحال قمنا باغلاقة

- كنت تستطيع سؤالي بشكل مباشر كونك صديق ومشرف فيما اذا كانت اسماء من قام بالتصويت واضحة للادراة عندها كنت ستجد الجواب الصريح



وبالنهاية ارجو ان يعلم الجميع اننا نسامح و نتغاضى ولكن نحب ان نتعلم من الاخطاء

وشكرا لكم

[knightofLight]

انا مع بقاء منتدى الألعاب و لا أرى أي ضرر من وجوده فبوجوده او عدمه لن تزيد المشاركات البناءة ولن تنقص
بل هو دعاية للمنتدى و سبب لإنتشار إسمه على النت

تقبلوا رأيي