لإغناء المنتدى , إلى الإدارة .

[ريم الحاج]

مسالخير

بدي أسال إذا في امكانية تضيفولنا قسم بيتضمن آخر الأخبار الثقافية والسياسيّة

برأيي هاد الشي رح يغني المنتدى ويخليه يصير أكثر أهميّة .

وشكرا .

[Anas]

ريم الحاج,

يوجد ضمن قسم المنوعات , قسم فرعي للاخر المستجدات و هذا القسم مخصص لهكذا مواضيع , اخبار بشتى انواعها تحذث حاليا و من من فائدة منها بعد انقضاء وقت مرورها , و أذن ان هذا كافيا مالم تأتيني بحجة أقوى

شكرا للاهتمام

[ريم الحاج]

مسا الخير

شكرا سيّد أنس للتوضيح , بس برأيي هاد شي مش متخصص أنا بقصد أنّه يكون في قسم لآخر الأخبار السّياسيّة والثقافيّة بيتضمن مقالات سياسية وآراء وأخبار عن شخصيّات وغيرها , يعني كل شي أله علاقة بالسّياسة إضافة للثقافة فقط .

أو على الأقل , إذا كان برأيك أنّه آخر المستجدّات كافي ، أنّه ينحط بشكل مستقلّ عن المنوّعات .

وشكرا للاهتمام . بالنهاية الإضافة رح تكون لزيادة تنوّع المنتدى وغناه , ولإضفاء أهمّيّة واقعيّة وتحويله إلى منتدى شامل لكل الاهتمامات , يعكس وضع الجامعة " على اعتبار انّه منتدى لكلّيّة التربية ومرآة لها " برأيي أنّه من الضروري أنّه نهتم بالسياسة والثقافة متل ما منهتم بأمور تانية .

سلامي للجميع .

[قرعيش]

انسة ريم الحاج بتوقع انو منتدى التربية بتغضري تقولي عنه منتدى تربوي ثقافي اجتماعي ثقافي ولكن مش ممكن يكون منتدى سياسي ولا رح يكون منتدى سياسي ... وبتوقع اغلب منتديات الكليات بشكل عاااااااام تعتبر حالها لاتمت بالمقالات السياسية لا من قريب ولا من بعيد ...
سلامي للكل

[knightofLight]

أظن إنو رح يكون في مشكلة في الضبط الأمني لنوعية الأخبار وصحتها
وأظن إنو رح يسبب عدة مشاكل للإدارة والأعضاء في نفس الوقت
ولا شو رأيكم

[ريم الحاج]

يبدو أنه حضراتكن ما فهمتوا أصدي , أوّلا أنا مش أصدي أنّه يتحوّل المنتدى لسياسي ( آنسة قرعيش ) بس مجرّد إضافة قسم بيتناول المواضيع السّياسيّة بمختلف أشكالها من مقالات لأخبار لشخصيّات ما رح يتحوّل المنتدى من " تربوي ثقافي اجتماعي " متل ما حضرتك تفضلتي إلى سياسي إطلاقا , هاد الشي بس بيزيد تنوّع المنتدى وبيستقطب أعضاء جدد بيهتمّوا بهالموضوع .
ثانيّا أنا ما عم قول أنّه يتناول آراء شخصيّة أو ترويج لأي من الأفكار سيّد ( knightofLight ) هو فقط عرض لآخر الأخبار مع ذكر المصدر .
بالنهاية أنا وضحت بأكثر من مناسبة رأيي في أهمّيّة هيك قسم وما بتوقع أنّه رح يسبب أي مشكلات أمنيّة . وبكلّ الأحوال الموضوع بالنهاية عبارة عن اهتمام .
شكرا لاهتمامكن .
سلامي للجميع .