مأساة التربية في تشرين

[zeado]

ما بعرف كيف بدي ابدأ الموضوع من الطلب ولا من الشكوى ولا من الدعاء ولامن ..........

تصوروا ياجماعة بكلية التربية في جامعة تشرين لم يصدر برنامج الأمتحان ولا المواد الأتمتة حتى الان

الطالب مابيعرف شوبدو يدرس ولا شو رح يترك للأمتحان
وبصراحة أنا مابشتري المواد حتى أعرف الاتمتة
لأنو مادة الأتمتة بدها كتاب والعادية بدها محاضرات
ولحد اليوم ماعندي غير مادتين بالبيت

ومن نوادر كليتنا أنو مادة الأتمتة بس بالاساسية يعني إذا حملت مادة أتمتة
يابدك تتركها للسنة اللي بعدها يابدك تقدمها عادي

وكمان المكتبات مابتبيع أسئلة الدورات إلا قبل الامتحان بأسبوع

وشو بدي احكي والله مابعرف

[Zaher]

لأنو مادة الأتمتة بدها كتاب والعادية بدها محاضرات
والله ما طالع من خرج الطلاب غير الدكتور المحترم محمد شاش ، لا محاضرات ولا حذف ، كل ما هنالك إنو الطلاب اللي بيحضروا عند شاش ما في داعي يستوقفهم حدا من المتطفلين الموجودين في المقاصف وبيجوا في آخر محاضرة بدهم شو انحذف وشو دخل وشو أخذنا وشو المطلوب . . . . . . يعني كتير ريحنا الدكتور محمد الله يعطيه ألف عافية من هالشغلة ، طلب الكتاب كله وأي شخص بيسألني لا بقوله انحذف صفحة كذا ولا صفحة كذا ، كل ما هنالك بقله داخل معك من عنوان الكتاب إلى سعره وفهمكم كفاية .
لا تؤخذني أخي زياد على هاللهجة اللي عم أتكلم فيها ، بس أنا كتير معصب من الدكاترة ومن الطلاب ، يعني معقول ما بشوف كتبي إلا كل أسبوع مرة وكل يوم من شخص لشخص وكل ذنبي اللي ارتكبته إني بحضر محاضرات وهنن موجودين في المقاصف وبيجوا آخر الشي بدهم كل شيء ، بس مو الحق عليهم الحق على الدكاترة اللي ما عم يحترموا حالهم ..........
أنا بحترم الدكتور محمد شاش كتير كتير ولو حملت المادة عنده ألف مرة لأنو حريص جداً جداً وبيخاف من الله وبيحسب ألف حساب ، الله يأخذ بيده وبيد كل واحد مثله ................
ولحد اليوم ماعندي غير مادتين بالبيت

بدك الصراحة معهم كل الحق أنا لو بدالهم ما بنزل البرنامج غير قبل الفحص بيوم ، بعدين مو الحق على حدا ، الحق على ؟؟؟؟؟!!!!!!

وفي النهاية بقلك أخي زياد بدك تطول بالك ، والله يوفقك ويوفقنا جميعاً ........

[zeado]

شكراً أخي زاهر على مرورك
وأنا معك وكلامك فيه نسبة من الصح
بس يا أخي أنت محبوب بين زملائك والكل عنده ثقة فيك
والخير اللي عم تعمله مع الطلاب مستحيل يضيع

وبصراحة أنا من جماعة المقاصف اللي حكيت عنهم بس
لما زميل بيساعدني أكيد مارح أنسى المعروف ورح كون جاهز لأي مساعدة
وبعدين أنت عم تحضر وتستفاد الله يعطيك العافية بس غيرك ماعنده قدرة يحضر
و الله يسامحك على هالوصف ((المتطفلين ))
وكمان إذا بدك فيك تفهم الطلاب بطريقة غير مباشرة أنك مزعوج وهيك
أنا متأكد أنو رح يخفوا عنك شوي

[Zaher]

والخير اللي عم تعمله مع الطلاب مستحيل يضيع

أخي زياد أنا بعطي دون مقابل ، وما عم أستنى من حدا شي ، بس مو عيب إني أقدم التقنيات العملي قدام 20 بنت فقط دون وجود أي شب يساعدني أو يقف إلى جانبي رغم كل الخدمات اللي بقدملهم إياها ، ووقت يلي قدموا الله بيعلم المساعدة اللي قدمتلهم إياها .
أنا آسف جداً على استخدام مصطلح (( المتطلفين )) ، بس متل ما قلتلك في البداية أنا كتير معصب من هيك ناس اللي ما بتهمها إلا إنها تحقق مصالحها ولو على حساب كرامتها ، أمور كثيرة لا أستطيع ذكرها هنا حتى لا أخرج عن موضوعك الأساسي ، لكن برجع وبقلك المأساة ليست في الجامعة وإنما في الطلاب اللي بدهم كل شيء على الجاهز .

[حمزة العثمان]

أخ zeado لا تشكيلي ببكيلك،صح أنو جدول امتحاناتنا "نزل من زمان" بس بالنهاية كلنا بالهوى سوى.الطالب آخر من يشغل البال،وكأنو كل شي ضد الطالب"مرغوب وبشدة".
أخي zaher بالنسبة للطلاب اللي بدن كل شي جاهز،الصراحة:ولا تزعل مني الحق عليك،انت عاطيهن وجه أكتر من ال {لازم} ،وأنا لو كنت مكانك قلتلهن بدون خجل <دبروا راسكن> لأني معك أنو الأغلبية صحبتهن الك مصلحة وناكرين للجميل.
بالنسبة ل <عملي التقنيات> حقك تنزعج كتيييييييييييييير لأنو ما حدا ساعدك.
أنا بعترف اني أخطأت وما حضرت ،بس <<بجد ظرفي كان أقوى مني>>على كل حال أنا آآآآآآآآآآآآآآآآآآآآآآآآآآسف كتيييييييير.





بالتوفيق للجميع

[حمزة العثمان]

أخ zeado لا تشكيلي ببكيلك،صح أنو جدول امتحاناتنا "نزل من زمان" بس بالنهاية كلنا بالهوى سوى.الطالب آخر من يشغل البال،وكأنو كل شي ضد الطالب"مرغوب وبشدة".
أخي zaher بالنسبة للطلاب اللي بدن كل شي جاهز،الصراحة:ولا تزعل مني الحق عليك،انت عاطيهن وجه أكتر من ال {لازم} ،وأنا لو كنت مكانك قلتلهن بدون خجل <دبروا راسكن> لأني معك أنو الأغلبية صحبتهن الك مصلحة وناكرين للجميل.
بالنسبة ل <عملي التقنيات> حقك تنزعج كتيييييييييييييير لأنو ما حدا ساعدك.
أنا بعترف اني أخطأت وما حضرت ،بس <<بجد ظرفي كان أقوى مني>>على كل حال أنا آآآآآآآآآآآآآآآآآآآآآآآآآآسف كتيييييييير.





بالتوفيق للجميع

[snow-girl]

انا بشكرك يا زيدو على هالموضوع يلي بالفعل بيعبر عن ماساة كل طالب
بس انا بنصحك انو تبلش دراسة لا نو ما في ولا مادة اتمتة....الله لا يوجهلو الخير يلي كان السبب
وبيكفي انو خلونا نداوم بعد العيد عاساس في محاضرات مهمة بعدين بيشرفو الدكاترة وما بيعطو شي وفي منون بلا ذوق ما ايجو بالمرة
وغير امتحانات العملي يلي لسا ليوم الاحد وبعض الزمر خلصت من الاربعاء والباقي ناطر الفرج
وبرنامج الامتحان ليش من ايمت كان ينزل بكير طول عمرون هيك
قال عاسالس نقاش مشروع برنامج...............الله يجعلو نقاش
تخيل اذا برنامج امتحان العملي ما نتزل لبعد االلعيد كيف لكن النظري
زاهر
انما بشكرك لانو زكرت الدكتور محمد شاش لانو هوي الوحيد يلي مصبرني على هيك كلية وهيك جامعة لانو هوي الوحيد يلي عطاني احساس انو نحنا طلاب جامعة
هوي الدكتور الوحيد يلي بيهتم بالعلم وبس
الله يوجهلو الخير وين ما راح
والله اذا بدي ضل احكي عن هالكلية ما بخلص اليوم
برجع بشكرك زيدو كتير

[Anas]

للله بعين يا شباب و يا صبايا :)

[snow-girl]

اااااااخخخخخخخخخخخخخخ بس اخ
الواحد شو بدو يحكي معك حقك الله بعين

[zeado]

يا جماعة أنا بدي أعرف كيف بتقوم رئاسة الجامعة بتعيين عمديد لكليتنا
وهو د.هاني شعبان مع العلم أنه دكتور فيزياء بكلية العلوم
وشو بيعرفوا بالتربية والتدريس
ولا هي سياسة الرجل المناسب في المكان المناسب أم .......... وفهمكم كفاية

[Galaxy]

مع فائق احترامي للجميع
أنتو عمتمدحوا لشاش وأنا كنت عمبستنا المادة لحتى علق على كلامكن
هو كتير منيح بس أسئلة ما بتنفهم
هو ما في منو بس كنا نسألو سؤال يجاوبنا اما بالمسخرة أو جواب ما كنا نفهموا و بتوقع أنت زاهر واحد من اللي سألو و فهم عليك و لا أنت فهمت علي (آخر محاضرة )
هو بخلي واحد يحس حالو طالب و عميدرس 14 يوم للمادة ليل نهار بالأخير يا بتطلع يا ما بتطلع
برأيكن هدا المنيح و لا القط ما بيحب غير خناقو
هو كتير موضوعي وأسئلة اللاذقية كلها مفهومة و متوقعة باستثناء سؤال (طبعا لأني بلدو)
وأسئلتنا ما في و لا واحد واضح غير واحد
اذا بتريدوا حاج تنظير على بعض و خلينا نحكي بموضوعية أكتر من هيك
(أنا بعتذر كتير من صراحتي بس حلوة الواقعية )
أنا ما قصدت أزعج حدا و لازعل حدا
واذا في حدا دتيقتوا بعتذر وقدما

[Zaher]

والله يا Galaxy إذا بدك الصراحة معك حق ، بس كان محسسنا إنو هوي كتير مثالي وأنا كنت فعلاً متأمل إنو لو دخل كل الكتاب ، كنت متأمل إنو بدو فهم ، بس طلع بدو المادة حفظ بصم ، ولو ما حضرتي ولا محاضرة وبصمتيها بتنجحي وبمعدل عالي ، المهم تطبيقاً لسياسة الدكاترة جميعاً البصم ثم البصم ثم البصم ، وليس مهماً الفهم .
على كل حال بيجي الفصل الثاني إن شاء الله ، وإلنا حكي ثاني مع هالدكتور ، ورح أقله إنتي بدك المادة بصم وما بيهمك الفهم متل ما قلتلنا والأسئلة أكبر دليل على ذلك .

واذا في حدا دتيقتوا بعتذر وقدما

بالعكس حلوة الصراحة ، وما حدا تضايق ، بس أنا عم أستنى لتطلع النتائج وأشوف ، لأنو أنا كتبتله شيء من الفهم لأشوف رح يحطلي عليه علامات وإلا لا .
وموفقة إن شاء الله Galaxy ، وإن شاء الله بتطلع معك المادة وجميع المواد .

[حمزة العثمان]

بالنسبة للأسئلة بجامعة تشرين فعلا وللصراحة كانت كتير صعبة ، وأغلبها نكشات وأسئلة ما واضحة ، و وقت شفتها قلت لحالي الله يسترنا من بكرة { يعني اليوم } شو بدو يصير بحالنا ، مع ذلك كنت متفاءل و لو اني كنت كتير متوتر و قلقان ، بس الحمد لله أسئلتنا كانت أغلبها واضحة عكس أغلب أسئلة تشرين .

ومتل ما قال زاهر المادة ما بدها حضور متل ما قال الدكتور ، بدها بس بصم ، بس كمان لازم ننتظر النتائج لنحكم عالدكتور وشو طلبو ، الفهم أو البصم لأنو أكيد أنتو ما خليتو أسئلة بدون إجابة ، والأسئلة اللي ما عرفتوها أجبتو عنها على أساس الفهم ، وإنشاء الله الدكتور ما رح تيراجع عن كلامو ، و يعطي الفهمان أكتر من اللي بصم الكتاب كلو .بالتوفيق للجميع .

[zeado]

والله ياشباب أنا كنت بعرف أنو رح يصير معنا هيك بالتقنيات
ولهيك خصصت للتقنيات يومين بس
وركزت عالمواد التانية وباليومين اخترت عشر أسئلة بس
والحمدلله عرفت سؤالين بالامتحان
يعني الفصل التاني بتنجح بدون تعب وخلو شاش يعمل متل مابدو
بصراحة طريقتي ممكن ماتقنع الطلاب
بس أنا بأغلب المواد الصعبة عم أعمل هيك وعم أترفع وماشي حالي

[THE SUN LIGHT]

لا بس والله كانت اسئلتكم اصعب من اسئلتنا
الله يوفقك