طفل فقير يهدي أمه هدية في عيد الأم

[Rani]

دار الحديث أولا بين الأب و ابنه على انفراد :

الابن : بابا ... بدي إشتري هدية لماما .. اليوم عيد الأم ..

الأب : يا بابا .. بتعرف إني صرلي قاعد 7 تيام بلا شغل .. و الله يا بابا ما معي غير هالــ 250 ليرة بجيبتي .. و بعد شي أسبوع عندي دفعات بحدود العشر تالاف ليرة ..

الابن : و الله كنت حابب جبلها هدية بسيطة .. ولو بخميسن ليرة ..

الأب : بعرف إنك حابب تشتريلها هدية ... بس بتعرف ... هادا وضعنا ..

الابن : (ابتسم ابتسامة صفراوية .. تحمل الكثير من الحزن و الألم ..)

الأب : ولا يهمك .. أنا بس ليصير معي مصاري ... بخلليك تشتري هدية لإمك ...

الابن : إن شاء الله ...

بعدين راح الولد لعند أمه ... و ضل ساكت شي نص صاعة .. عم يتفرج عليها كيف عم تشتغل بالمطبخ .. و ساكت ..

بعدين قررب منها ... و قلها : هاتي إيدك ... و مد إيدو و مسك إيدها ... و باسها و حطها على جبينو ... 3 مررات ... و قلها : كل عام و إنتي بخير ...

ابتسمت .. و قالت .. إنت على طول يللي بتتذكرني بعيد الأم من بين إخواتك ...

كانت عم تتطللع على جيبتو ... كانت مفكرة إنو مخبيلها فيها هدية ...

ما كان عرفان كيف بدو يفاتحها بالموضوع ... كان متلبك كتير ...

الابن (كتير خجلان و صوتو عم يرجف و عم يتطللع بالأرض) : ماما ... أنا طلبت من بابا مصاري مشان جبلك هدية ... بس .........

قالتلو مو مشكلة يا أمي ... أنا بعرف أبوك حالتو مو كتير منيحة هالكم يوم ... أنا ما بدي شي ... بس بدي شوفك كبير و بأعلى المراتب ...

قلها (و كانت الدمعة عم تغرغر بعينو) سامحيني لأني ما حسنت جبلك هدية ...

بعدين سكت شوي ... و قال : بحبك ... و الله يخيلينا ياكي ...

قالتلو الله يرضى عليك يا ابني ...