شكر لكلية التربية بحلب

[لارا]

صدقوني اذا بقول اني طلعت من شان اسجل على الماجستير بالشام وانا عم بقدم الاوراق فتحت الموظفة وراقي ( وخاصة طلب بيان المعدل ) وقالتلي انت من حلب قلتلها ايه وطلعت بالموظفة اللي جنبها وقالت ( انا ما شفت حدا بريحنا غير جامعة حلب ) يعني كلية التربية بحلب
انا كتير انبسطت لانه هيك حكوا على كليتنا وما بدي اقول اديه حسيت اي بحب كليتي ونيالنا على كليتنا ودكاترتنا وموظفينا وكل شي عنا وحتى انو معنا مقصف وهنن عندهم بس جد نحن احلى
تصوروا انه شفت بنات وشباب واقفين قدام غرفة كتير صغيرة وسألت شو عم بيعملوا بصراحة قلقت انه كل هالطلاب بدن ماجستير بعدين سألت وطلع انه بدن يعرفوا علاماتن اي علامة ما عرفوا شو هي بس بيدفعوا على كل علامة 50 و الموظفة قدامها اوراق اوراق وكل المواد ما بعرف كتير استغربت حسيت انه منيح نحن مننزل منشوف علامتنا او حتى صرنا نشوفها بالموقع كمان .....
فشكر للكلية والدكاترة واهم الشي الموظفين وتعاملهم الجيد .......

[Zaher]

يا هيك الكليات يا بلا

[دينا]

والله شي بفرح القلب
وبخليك تشعر بالفخر
وعنجد الله يعطي العافية لابو ربيع لانو جبلي مواد كتير من الامتحانات من دون خميسن

[knightofLight]

يلا شي شي منصير متلون يعني لاتنسي إنوا كليتنا جديده

[وسيم]

لاتنسوا انو كليتنا صغيرة وعلى قدها بس لو كانت كبيرة شوفو التخبيص

[دينا]

يعني شو جديدة ؟؟؟؟؟؟؟
صارلا 10 سنين؟؟؟ داخلة بل 11
يعني براي شي كتير منيح
انو لهلا محافظة على اسم كتير محترم من هالناحية
من ناحية المواد والنجاح والعلامات وكل شي يعني وفهمكم كفاية ما بدنا نحكي اكتر

[black heart]

وأنا كمان كتير مبسوط لأني طالب بكلية التربية وشكراً كـــــــــــــــــــــتير الكم

[سلاف]

أنا مع يللي حكاه وسيم ....بكرا شوفو لما بيصير الاقبال أكتر على كليتنا شو بدو يصير؟؟؟؟