رحلة الى قرية السمراء (ضيعة ضايعة)

[العارف]

السلام عليكم
يوم الاثنين الماضي
كان في رحلة مصغرة جدا

ترافقنا فيها كل من

Anas - علاء - المتنبي - رفيق انس - وانا طبعا
المهم
الطلعة كانت رائعة جدا جدا جدا
والمخطط تبعها كان كتير حلو
طبعا الانطلاقة من حلب الساعة 4 صباحا
الفطور في منطقة القساطل ع طريق للاذقية في قرية اسمها كنسبة وبالظبط في مزار النبي ايوب
منطقة جبلية مرتفعة فيها قعدة كتير حلوة بين الشجر وجنب نبعة المي مع اطلالة رائعة
منطقة بتاخد العقل وهي صورة منها


المهم بعد كنسبا كملنا الطريق لحتى وصلنا اول موقف وهو ام الطيور طبعا


وبعدين تاني موقف كان براس البسيط
وثالث موقف كان بالبدرويسة
وبعدين بقا مشيت بطريق اول مرة بمشي فيه باتجاه كسب
اما شو طريق ممممم شي بيدوخ ولله
المهم كسب شغلة من شغلات الزمان
هويات رااائعة ومناطق بتجنن
وهي كم صورة من كسب






بعد كسب بنص ساعة تقريبا
وصلت لضيعة ضايعة
قرية اسمها السمراء
طبعا اذا حدا منكن راح عليها او مفكر يروح عليه رح يتفاجئ
لانو فعلا ضيعة ضايعة وحتى ما فيها اكتر من 5 بيوت
بس مناطق رائعة جدا
والطعجة الكبرى انو لازم تصف السيارة وتنزل تتفرج لانو مافي طريق تمشي فيه السيارة
وكلو بكفة والزحمات للي فيها بكفة
لك تقولو كل سوريا بضيعة ضايعة
المهم هي كم صورة منها
اول شي بين سلنغو المحامي


تاني شي المخفر



تالت شي صورة بيت بيسة المختار للي عاملينو مطعم


وهلأ بقا صور البحر تبع ضيعة ضايعة





بس بالغلط انحذفت صورة بيت جودة للاسف ولله
لمهم
بعد هيك كان الغدا باحضان الطبيعة بكسب
وبعدين رجعنا ع البدروسية وراس البسيط وام الطيور
وبالاخير رحنا عللادقية
طبعا بعد جولة بللادقية وبشوطئ اللادقية والكورنيشات
وبالصدفة كان في احتفال والعاب نارية وما بعرف شو كمان
وبالاخير رجعنا ع حلب مدينة المحاشي والكبب
والحمد لله عالسلامة
مع ملاحظة انو الاسبوع القادم رح يكون في رحلة جديدة بس هالمرة ع طرطوس وضواحيها
جهزو حالكن يا اهل طرطوس