الرز البخاري:

[لالا]

الرز البخاري:

المقادير:


3حبات جزر مبشور


علبة فطر مقطّع.


علبة بازاليا.


4بصلات مبشورين.


حبتين بندورة(تخلط بالخلاط مع ملعقة صغيرة من صلصة البندورة)


ملعقة صغيرة بهارات كبسة.


10حبّات هيل.


10حبّات قرنفل.


قطعة قرفة غير مطحونة


كيلو رز طويل(كبسة)


دجاج مسلوق حسب الرغبة(ويمكن استبداله باللحم).


مكسّرات(لوز،صنوبر،كاجو) حسب الرغبة.

طريقة التحضير:


يحمّر البصل قليلاً بزيت المازولا على النار ثمّ يُضاف الجزر المبشور والفطر والبازاليا مع عصير البندورة (الذي خلطناه بالخلاط مع ملعقة صغيرة من صلصة البندورة) ونضيف أيضاً بهارات الكبسة والقرفة والقرنفل والهيل بعدها نضيف من مرقة الدجاج الكمية المناسبة لكمية الرز ثم ّننتظر حتّى تغلي المكونات مع بعضها البعض ثمّ نضيف الرز حتى ينضج ثم نضع الدجاج في صينية ونحمّره بالفرن بعدها نسكب الرز في صحن زجاج مدوّر الشكل ونصف قطع الدجاج على وجه الرز ونحمّص المكسرات ونوزعها فوق الصّحن.


ملاحظة:يمكن تزيين الطبق بأشكال مختلفة من الخيار والليمون والبندورة


وصحتين وعافية

[joury]

هيئتها طيبة كتيــــــــــر لنجربها
مشكورة لالا

[حمزة العثمان]

طريقة التحصير صعبة ، بس باين أن الأالطبخة طيبة ، عشان هيك اللي بدها تطبخ الرز لا تنساني بسكبة صغيرة.

... الوسط ...

[ميس الريم]

لتكوني عم تحكي عن الكبسة!!

بس الكبسة ما بدها جزر ولا فطر ولا بزاليا

رح جربها ... شكراً لالا

[لالا]

شكراً لمروركم نورتوا الموضوع
بس أنا ما عم أحكي عن الكبسة هي أكلة سعودية بس مو كبسة

[العارف]

لالا دوختينا ولله

المشاركة الأصلية كتبت بواسطة ميس الريم

لتكوني عم تحكي عن الكبسة!!

بس الكبسة ما بدها جزر ولا فطر ولا بزاليا

بالظبط لا تكوني كبسة ؟؟؟
والكبسة مابدها كل هاد !!!

[كليوباترة]

أنا بعرف إنو هالطبخة بيقولولها مقلوبة البازلاء
مشكورة لالا فعلا شي طيب

[لالا]

يا جماعة أنا ما عم أحكي عن الكبسة أو مقلوبة البازلا هي الأكلة مختلفة تماماً عنهم والمكونات تظهر الاختلاف جربوها وما بتندموا.
شكرا لمشاركاتكم وآرائكم

[العارف]

المشاركة الأصلية كتبت بواسطة لالا

جربوها وما بتندموا.

طيب ممكن عينة منها قبل ما نتورط

[Zaher]

يا عين شي رائع ولذيذ !!!!!!!
مشكورة لالا