نهفات البنات في الكمبيوتر

[Anas]

منقول عن منتدى الحقوق
ايه يا شباب اسمعو نهفات الكمبيوتر اللي صارت معي ومع الشباب بالصيانة
لما كنت اشتغل بالكمبيوتر بسنة 97 (كان الكمبيوتر شي جديد )
وحدة فاتت لعندي قالتلي :

لو سمحت بدي ويندوز اكس بي ملون
(على اساس الويندوز ابيض واسود لاني كرت الشاشة مو متعرف )


في وحدة اتصلت فيني وقاللتلي سي دي الراديو ما عم يشتغل
طبعا انا ما فهمت بالاول بعدين عرفت
قصدها سي دي الاوديو


وحدة قال بدها تعرف شو ها الانترنت
ضليت ساعتها اشرحلها بعدين قالتلي :
مين احسن الانترنت ولا الهارد ديسك



مرة وحدة كانت عم تشتغل ع الكمبيوتر قالتلي اختفت الماوس وينها
قلتلها هية فوق
قام طلعت ع السقف
قالتلي : وين فوق ؟؟؟؟؟؟؟؟؟؟؟؟؟؟؟؟؟؟



وحدة فاتت ع المحل قالتلي لو سمحت
بدي حبر لشاشة( ال جي فلاترون )
(مفكرة الشاشة بتطبع الوان )

مرة وحدة الطابعة عندها ما عم يتعرف عليها الكمبيوتر
قلتلها الكمبيوتر ما عم يشوف الطابعة
قالتلي حطها ادام الشاشة
(مفكرة الكمبيوتر بشوف من الشاشة )


وحدة اتصلت قالتلي
الكترون اللعبة ما عم يشتغل
انا فتت بالحيط بعد شي ساعة وهية عم تشرحلي طلع قصدها
كونترول اللعبة

وحدة اشترت سي دي قالتلي كيف بيشتغل قلتلها قوليلو سيت اب
اتصلت تاني يوم ومعصبة قالتلي ربع ساعة وانا عم قلو سيت اب
سيت اب سيت اب ما اشتغل
(والله القصة حقيقية)


مرة وحدة اتصلت قالتلي الشاشة عم تعطي لون ازرق
قلتلها يمكن كبل الشاشة من ورا
بس فكيه ورجعي وصليه بتشتغل
راحت الاخت لورا الكمبيوتر شافت تحويلة البور من 220 الى 110
قامت حولتها والكمبيوتر شغال و بووووووووووووووف
انفجرت البور و صار وشها اسود يا حرام
(يا اخي بنت فضولية قال بدها تعرف لشو هي التحويلة )


وحدة اتصلت قالتلي عندك نساخة وطباعة (على وزن مساحة )
قصدها ناسخة وطابعة


وحدة اتصلت ع الصيانة قال الكمبيوتر ما عم يشتغل
قالولها شو السبب
قالتلن كان فيو فايروس و بخيتو بيف باف
(على زمة اهل الصيانة )


وحدة اشترت طابعة من المحل تاني يوم اتصلت
قالتلي ما عطيتني البفلات تبعها
(مفكرة الطابعة بتدق وبترقص)


مرة وحدة جابت الكيس ع الصيانة
لما فتحوه الشباب طلعت صورتها خلفية
قام قالت ياي شو جاب صورتي لهون انا حطيتها بشاشة البيت
(مفكرة الشاشة بتحفظ الصور )

مرة وحدة اشترت جهاز كمبيوتر جديد اتصلت فورا فيني
قالتلي كيف بيشتغل الجهاز قلتلها في فوق زر كبسيه بيشتغل
(طبعا كان الكيس عندها زر التشغيل من فوق )
قالتلي ما اشتغل
ضليت ساعة ونص عالتلفون عم اشرحلها وهي تقلي اشتغل ضو اخضر
بس ما اشتغل الجهاز المهم طلعت لعندها ع البيت
طلعت عم تكبس زر الشاشة


سمعو هالنهفة :
مرة فاتو لعندي تنتين اشتروا سي دي
قالتلي وحدة منن كيف بيشتغل
قلتلها عن طريق الست اب
قام قالت لاختها في عنا بالبيت ست اب
جاوبتها اختها : ايه في
(مفكرة الست اب جهاز )




طبعا في كتير نهفات صارت معنا بس ما بتذكرهن
اللي عندو شي نهفة يا ريت يحطها



وهاد الموضوع خاص لحلا