الأطفال ولا العفاريت ؟؟

[هيلا]

الأطفااااااااااااال
من مشاهداتي الشخصية لأختي وأخي الصغار اتعلمت شوية أشياء عن فطرة البني ادم بحب تشاركوني فيها
أولا : حب الأول وبعدين منتكلم ، روح الطفل بتعرف بأنه أهم شغلة محتاجتا هي أنو تتحب وعقله الصغير بيقدر يشتغل ويعمل أحسن ماعنده مشان يحصل على الحب
ثانياً : الشقاوة هي أهم نشاط بيمارسه الطفل أوعكن تخنقوا الشقاوة منحطلها حدود بس مو منموتا بالشقاوة بيكتشف الطفل العالم وبيعرف حدوده وبيكون وجهة نظره عن الأشياء بيستشكف وبيكتشف، شقاوة الطفل هية عينيه يلي بيشوف فيها لو اتغطت ماحيشوف
ثالثاً : البني ادم أصلاً أصلاً بيدور على انو يكون حر يملك القدرة على الاختيار ونحن مالازم نجبر الأطفال على أشياء أوقات بتكون تافهة لأنه تعليم الطفل تحمل المسؤولية من الصغر في بعض الأشياء البسيطة بتخليه لما بيكبر يتحمل مسؤولية أفعاله
لما رح أتعلم أشياء جديدة من الأطفال رح شاركم فيها

[Zaher*]

سبحان الله !!!!!
بس يا ريت نكون نحنا بريئين متل الأطفال، حتى بشقاوتن حلوين مو متل شقاوة الكبار .
مشكورة هيلا وأهلا وسهلا فيكي معنا .

[هيلا]

على فكرة اذا بدك تتعلم الفطرة بتتعلما من الاطفال وبس
راقب سلوك الطفل وتعلم الحب والطهارة والرغبة اللا محدودة في مساعدة الغير وعدم الاستسلام الطفل بيوقع على الارض الف مرة ومابيمل ونحن من اول مطب منقول ليش يارب؟
شكراً على الرد أستاذ زاهر

[فـــراشـــة شـــوق]

عنجد مافي احلى من الاطفال
بس احيانا الشقاوه تزيد عن حده
يسلموووووووووووو
تعلمي لنتعلم
دمت بودي

[علي المحمد أبو حسين]

شكرا هيلا على طرحك المفيد
فعلا الأطفال هنن ثروة كبير من الطاقات اللي لازم نحسن توجيهها
بس المشكلة عم نطلع عليهن من وجهة نظر مختلفة وحسب نظرتنا على أنهن كبيرين
لازم نراعي تخيلاتهم وحركتهم ونشاطهم
وشكرا مرة أخرى