ليش الشباب بيلحقوا البنات بالشارع ؟؟ ( للنقاش )

[القلب الطيب]

ليش الشباب بيمشوا ورا البنات فى الشارع؟استخلصنا هذه الاسباب

1- يمكن خايف عليها انها تضيع فى الشارع

2- يمكن خايف عليها من اولاد الحرام ومن الشباب الصايعين.

3- يمكن مشبه عليها.

4- يمكن بدو يعرف وين بيتهم علشان يشتريه.

5- يمكن يكون سكران وما عرفان الله وين حاطو .
6- يمكن البنت تعبانة وحب يعطيها حبة لوجع الراس.

7- يمكن بدو يعرف وين بتروح البنت .

8- يمكن تتعب البنت فى الشارع فلازم يكون موجود علشان يساعدها

9- يمكن تندهس... يعني تخبطها سيارة , فلازم يكون موجود علشان يتصل بالاسعاف بسرعة.

مافي اي سبب فى الدنيا بخلي شاب يلحق بنت على البيت الا سبب واحد!
بدكم تعرفوه؟

السبب هو..شو رأيكم لو تشاركونا انتم بآراءكم عن السبب؟

[سمر]

يعني ما بعرف .....بس شو هل الشهامة والنخوة .....
فعلا : إنما الأعمال بالنيات .


كنت بدي قول ليش بس والله مستعجلي عندي دراسي .....برجع بمر .

[نرجس]

شو هاد فعلا اقنتعتني !!!!!!!
والله برايي ماعندو شي ومالل وحابب يتسلى ويقطع وقتو
او بكون صايع درجة اولى وشايف بنت جدبة ادامو فقال بتسلالي شوي!!!!!!!!

[القلب الطيب]

الي بيسمعك يا نرجس بقول الشباب ما بيلحقوا إلا الجدبان ليش في حدا عم يخلص من الشباب الصيع

[محبه في لله]

بس انا برأي ظاهرة فساد وصديق سوء العامل الأول بأنحراف الشباب واظن انو لأهل لهم دور كبير بالتربية ورادع الديني يلي بمنع هل تفاهات...

[ندى الأيام]

الله يعطيون العافية لهالشباب عم يتعبو معنا .......
بس يعني بدي أعرف مين طلب منون ....
هنن يبعدو عننا ونحنا بألف خير

[القلب الطيب]

المشاركة الأصلية كتبت بواسطة محبه في لله

بس انا برأي ظاهرة فساد وصديق سوء العامل الأول بأنحراف الشباب واظن انو لأهل لهم دور كبير بالتربية ورادع الديني يلي بمنع هل تفاهات...

يا ستي كلامك زين وبينحط بالعين

[فـــراشـــة شـــوق]

لا تعليق
كل واحد واللي جوه
بس بشكل عام السبب
واضح
هو الفراغ

[امينة الجزائرية]

انا اريد ان اعرف من الشباب لماذا يلاحقو البنت هذا الجواب عند الشباب
يمكن ليس له مايفعله
يمكن حابب يلفت انتباه
والله لا ادري

[القلب الطيب]

بتمنى أنو توجد الدولة فرص عمل للشباب مشان يكفو بلاهم عن الصبايا