سؤال هام ؟

[طَموح جداً]

سلامات لكل طلاب كلية التربية في جامعة البعث .في سؤال محيرني وما عم أعرف شو بدي ساوي لذلك قلت بستشير أهل البيت لأنن أدرى ببيتن
أنا طالب بجامعة حلب كلية التربيةقسم معلم صف ماعم أعرف أنقل على حمص أو لأ ما حدا عم يعطيني معلومات كافية عن الوضع بالكلية من حيث الدكاترة والعلامات والعملي فإذا حدا بيتكرم علي وبينصحني بكون شاكر فضلو ومساعدتو وبتمني حدا يرد وشكراً كتير كتير حاسس حال بوبر ستار وشوي تانية رح قلكن صوتوليييييييييييييييييييييييييييييي .................هاهاها عم أمزح شكراً على جميع الأحوال وبتمنى التوفيق للجميع.

[أحلى جوجو]

والله يا طموح جدا .. حمصنا غير شكل .. لا قبلا ولا بعدا
أنا بنصحك تنقل ..
بالنسبة للجامعة فالكلية نقلوها والبناء جديد جمب بناء حزب البعث .. وهاي أول سنة دوام فيه
والدكاترة في منهم كتير مو مناح للأسف .. بس بتصير بكل الجامعات
وفي دكاترة كويسين ..
والمقررات النظرية مانها صعبة .. بس بحمص الشغل بالعملي كتير .. رح تتفاجئ من مطالبن
بس بالنهاية كل واحد بياخد حقو ..
والنقل بالعادة بصير بشهر آب أو بعد بعتقد .. يعني لتترفع عالتانية بحقلك تنقل ويطلعو موادك..
بتجي لعنا وبتجيب ورقة من العميد.. وبحمص هني بقولولك شو بدهم وراق .. يعني بدها شغل
وأها فيك بحمص .. أنا اسمي جومانا ترفعت عالتالتة اذا بدك أي مساعدة تكرم ..

[طَموح جداً]

شكراً كتير للشرح بس بدي عذبك بسؤال تاني أنا طلعت كل موادي طبعاً صرت تانية الحمد لله أنا كتير حريص على معدلي وعلاماتي رائعة بحلب وخايف من الجو الجديد بحمص عم يقللولي أنو رح أحمل مواد بحمص شو هنن هالمواد إذا بتعرفي بالإضافة لسؤال تاني هو علامات العملي كاملة بناخدها بحلب طبعاً حسب الشغل فشو الوضع هون وشكراً كتي لتعاونك ومبروك الترفع وعقبال التخرج إن شاء الله .

[أحلى جوجو]

أنا رفقاتي يلي إجو من حلب حملون علوم اجتماعية و مناهج البحث في التربية.
بس كانو مرتاحين من علوم وظائف الأعضاء لأنو قدموها بحلب..
ومن شان العملي علامات كاملة مافي بس كمان حسب الشغل.. ان كترت يعني 27 من 30
ومبروك التانية

[طَموح جداً]

بس على حسب علمي عم يحملون علم اجتماع ورياضة بس أنت متأكدي من المواد يلي حملوهن رفقاتك ولا كانوا حاملينون معن من حلب بالأساس

[جومانا]

رياضة؟؟؟
كل رفقاتي يلي إجو من حلب كانو مقدمين رياضة بحلب بالفصل التاني ..
بس مناهج البحث وعلوم اجتماعية قدمون بحمص ..
انا عمبحكيك عن السنة الماضية .. مابعرف إذا صار تغيير على دورك ..

[طَموح جداً]

نحنا بحلب ما عنا رياضة بالسنة الأولى الرياضة بالسنة التانية وعلاماتا نار يعني مافي علامة تحت 80
بالمناسبة كيف المعدلات عنكن بالبعث ؟

[جومانا]

اممم بالعكس عنا بحمص علامات الرياضة كتير زفت ..
بس بالنهاية العلامات والمعدلات لكل واحد حسب تعبو وشغلو ..
ويمكن المعدلات بحلب أعلى من حمص . السنة التانية صعبة ..
أهلا وسهلا فيك إن حبيت تنقل .. بضل أحسن من السفر..
خصوصاً إذا كنت من عنا يعني من أهل المدينة ..

[طَموح جداً]

شكراً على دعمك ومساعدتك وبتمنى ما كون كترت أسئلة بس الواحد لازم يسئل كرمال ما يندم
الشي التاني أنا من حمص أكيد وزمرة دمي oحمصي وهي متل ما بتعرفي نادرة كتير وما بيتمتع فيها غير الحماصني.........................
بتمنى إذا نقلت على حمص أتعرف عليكي حتى أشكرك وجهً لوجه لذاااااااااااااااااااااااااااااااااااااااالك
بس أنقل رح خبرك لأنو ما بعرف حدا ولازمني دليل سياحي بكلية التربية بحمص على فكرة أنا مستجد بس كبير شوي لهيك عم أسئل كتير أكيد أنت مواليد88إذا ما خاب ظني

[جومانا]

أهلا وسهلا فيك ..
بتشرف فيك
بس مازبطت معك أنا سنة تانية ومو عايدة البكالوريا ومو راسبة
يعني نظامي
ومواليد 90 ..
بتنور كليتنا .. وإيمتى ماحبيت بساعدك بالكلية ..