صناع الأمل ....مشروع بانتظار النقاش.

[سمر]

السلام عليكم ورحمة الله وبركاته

تحية لكل عضو بمنتدانا الرائع ، وتحية خاصة لأعضاء @ بلش التحدي @/ صناع الأمل .

قبل البدأ :
شكرا كتيرررر ل * أ. أبو الفدا* ....لأنو ساعدني بالمعلومات الازمة وبفكرة المشروع ، وأعطاني أمل وثقة بأنو المشروع ممكن يصير فجزاه الله خيرا.



*فكرة المشروع :
تحضير و تصميم الدروس على شكل عروض تقديمية باستخدام برنامج ( البوربوينت ) أو باستخدام برنامج (الأوثروير ) ، وذلك من قبل أعضاء المنتدى، وبالمحصلة ومع مرور الوقت نكون قد عملنا على تأمين مكتبة تضم دروس مصممة بما يخدم النهوض بعملية التعليم.
* على فكرة : المشروع /بعد موافقتكم/رح يكون على شكل مسابقة ...والهدايا نصف رمزية !!!!


*الفئة المستهدفة:
ربما بالدرجة الأولى طلاب ( معلم صف & التقنيات والمناهج ) ...+...(كل عضو تربوي في المنتدى مدعو للمشاركة )...+...بالمختصر كل من لديه الرغبة .




*أهمية المشروع :

1.أولا : تأتي من أهمية الدروس المصممة بهذه الطريقة : فتصميم الدروس باستخدام البور بوينت ، يعطي مجالا ليكون الدرس مثيرا وشيقا للطالب ،نظرا لما يحويه من مثيرات سمعية وبصرية من صور جذابة داعمة للدرس وم صوت وفيديو أيضا....مما يضع الطالب في حالة إيجابية واستمتاع عند تلقي المادة التعليمية .


2.ثانيا: هذه العروض من خلال كونها قابلة للتعديل من خلال سهولة وإمكانية تغير الشرائح وتعديلها ،من حذف وإضافة إن لزم الأمر ، يعطي بذلك للعرض ميزة قابلة التطور ،والقدرة على تلافي الأخطاء والتقويم المستمر ،سواء من قبل العضو المصمم أو من قبل المستخدم سواء كان معلما أو غيره ......كما أن هذه السمة تتيح تغطية بعض من قصور المنهج .



3. ثالثا : استخدام هذه العروض ...=....يعني أننا وأخيرا قادرين على استخدام التقنية بروعتها في مدارسنا .


4. رابعا : سهولة التصميم : خصوصا أنو كل الأعضاء بما أنهم عم يستخدموا النت فهني قادرين أكيد على استخدام برنامج البور بسهولة ، ويلي هو أصلا برنامج من أسهل البرامج قياسا مع برامج التصميم الأخرى ...وبالتالي مافي مشكلي حتى من ناحية الوقت المنفق ، وكل يلي منحتاجه :
تربوي مهتم ...+... أفكاره المميزة ....+....والمادة العلمية للدرس ....+....وشوية وسائط لإغناء الدرس .





*أهمية المشروع بالنسبة للعضو الذي سيصمم:



1. أولا : عم نعمل يلي علينا ...خصوصا أنو معظم فروع كلية التربية بسنة من السنوات عم يدرسوا شيء من مواد تقنيات التعليم وبالجانب العملي أكيد مطالبين بتصميم بطريقة العروض التقديمية هاي .
*هلأ يلي بعرفه : نحنا كطلاب معلم صف ،عنا بإدلب مندرس مادة تقنيات التعليم س2 ف2 ...وبحلب س3 ف2 ...وأكيد طلاب التقنيات والمناهج هاي من بديهيات دراستهم ...

2. ثانيا : فرصة لكل تربوي فينا ، يظهر إبداعاته وأفكاره ، ويحط بصمته الخاصة من خلال تصميم هاي الدروس .....يعني لكل تربوي مبدع وطموح فهاد مجال واسع للإبداع بتصميم الدروس .

3. ثالثا : كل تربوي شارك لما رح ينزل لميدان العمل رح يلاقي بهل الدروس ، وسيلة مساعدة للأسف وزارة التربية ما مأمنتها ، حتى يستخدمها سواء هو أو حتى أي مدرس آخر مانه ضمن المنتدى فيه يستعين بهاي الدروس ....أو حتى أخواتنا وأولادنا بالبيت ممكن يستفيدوا.


4. رابعا : يمكن فرصة ...ليشعر المدرس الإيجابي والمميز بمسؤوليته اتجاه تغير واقع التربية والتعليم يلي ضقنا منه وفيه ،وليتعود المدرس أنه بإمكانه يعتمد على حاله بتطوير حاله وتطوير وتأمين وسائله وأساليبه... وبالتالي ما ننتظر الجهات المسؤولة ، لأني يمكن رح ننتظر كتير .





*الأهمية بالنسبة للطالب :


1. أكيد نسبة الاستفادة للطالب رح تكون كبيرة ويلي جرب وعطى لطلابه بها الطريقة أكيد لقا الفرق واضح .

2. لكن الفائدة الأهم : إني هاي الدروس ممكن تكون مصدر من مصادر التعلم الذاتي للتلميذ ...وخصوصا لما منتذكر أنو بإمكان المصمم يغني المادة العلمية للدرس ويضيف عليها .

3. فضلا عن أنو الطالب المقصر دراسيا وحتى الطالب يلي بيملك الرغبة للتعلم الذاتي ...ممكن يحصل على الدرس من المدرس ويستخدمه بالبيت سواء ليتدارك تقصيره أو ليطور حاله ويزيد معارفه .

هلأ .....خلينا نمر بسرررعة على السلبيات :

1. يمكن السلبية الأهم هي أنه مافي أجهزة اسقاط بمدارسنا وأحيانا مافي جهاز كمبيوتر ...يعني تعبنا راح على الفاضي.؟؟!!.......لكن .....هاد مانه عائق بنظري لعدة أسباب : منها أنه مع دخول المناهج الجديدة يعني في أمل أنه نلاقي المطلوب بمدارس الحلقة الأولى مستقبلا ، والأهم أنه برأي المعلم يلي ناوي يستفيد من هل التقنية رح يكون قادر يأمن الوسائل المساعدة ...مابعرف كيف ؟؟بس إذا بدهب يقدر : بيستعيرررر...+...بيشتري لإذا مهتم كتيررر ...+....ومابعرف إذا ممكن يسرق ؟؟!!!إذا كان مهتم كتير ومامعاه ...المهم مانها حجة ....ولاننسا أنه مجرد المحاولة للعضو بتصميم هاي الدروس حتى لو كان بالوقت الحالي غير قادر على استخدامها ،فمجرد المحاولة هاي رح تفيده من حيث الخبرة على الأقل ، فضلا عن أنو ممكن إذا مااقدر يستفيد هو ففي معلمين غيره ممكن يستفيدوا من الفكرة ...يمكن المعلمين يلي بيدرسوا بالمدارس الخاصة مثلا!!!!.


2. برأي أ. أبو الفدا ......: السبية الثانية تتلخص بفكرة استخدامها كوسيلة للتعلم الذاتني مع طلابنا ،لأني الدروس المصممة كونها مصممة من قبل تربوي وليس من قبل تقني مختص ،فهي من الناحية التقنية مارح تكووون جذابة للطفل يلي متعود يشوف برامج الألعاب على الكمبيوتر بتقنياتها العلية والمتطورة ....
وأكيد وجهة نظر أ.أبو الفدا صحيحة لكن : متل ماقلنا نحنا هدفنا الرئيسي من المشروع استخدام هاي الوسيلة بصفوفنا خلال العملية التعليمية ، أكتر من اعتمادنا عليها كمصدر متواضع للتعلم الذاتي ...وأكيد استخدام هاي التقنية بالفصل الدراسي رغم تواضعها أمام البرامج التقنية الأخرى ..إلا أنها تبقى تقنية رائعة وجذابة أمام الفقر في الوسائل المثيرة في مدارسنا .


3. أيضا كان من اقتراح *أبو الفدا :

والأنسب : يكون بأنو نحنا التربويين نخلق الفكرة المبدعة

للتصميم ويقوم احد المصميم بتنفيذها بإشراف تربوي.

أكيد حكي صحيح وفكرة رائعة لكن بانتظار هاي الخطوة ... أكيد المحاولة بتكون أفضل من الانتظار...فخلينا نحاول .

*** *** ***

*هاي ملخص طوووووووووووووووووويل للمشروع /// غير متضمنا لخطة و تفاصيل العمل .


*والمطلوب ...مناقشتكم للفكرة بداية وبعدين إذا وافقتوا .....فابنتظار اقتراحاتكم وأفكاركم للتخطيط لبدأ العمل //طبعا بانتظار مساعدة شباب وصبايا التقنيات ، لنبدأ.

....مع تحياتي...

[دمعة وابتسامة]

هلأ أنا ارشاد بس عم اشتغل بمدرسة خاصة ومن خلال تعاملي مع المنهج بطريقة مباشرة لقيت أنو في طرق ووسائل تانية غير البوربوينت لإعطاء الدرس متل اللوحات والنماذج المصورة وغيرها مشان هيك خلي الوسائل اللي رح نبتكرها تكون أشمل من البوربوينت ولاتنسو أفكار التعلم التعاوني اللي صار هلأ من أهم وسائل التعليم
والله ولي التوفيق ............

[سمر]

شكرا لمرورك دمعة ......وأهلا وسهلا برأيك :

*اختيار البور يمكن الميزة الأساسية إنو المعلم نفسه ...رح يشتغل على الدرس بأقل التكاليف بدون انتظار مساعدة قد لاتصل ....وهاي بتبقى مجرد فكرة .

*فضلا عن إني نحنا وقاعدين بمنزلنا ممكن نشتغل فبها + و نستثمر أفكار ومواهب كل من يملكها حتى لو لم يكن *معلم صف* إي وحتى لو لم يكن مسؤول عن العملية التعليمية .

*وجاذبية هاي الوسيلة بتبقى أكبر من باقي الوسائل ......بالاستعانة بمواد الوسائط المتعددة وخصوصا الفيديو والصوت .

[عبد العزيز الجفان]

هذا ما كنت أبحث عنه
وأتمنى وجوده بالمنتدى
بالأمس تكلمت مع صديق لي موجه تربوي
وقال انه مستعد للاشراف على قسم التربية العملية
وتقديم نماذج حية من المناهج الجديد
وهذا المشروع هو ما كنت افكر بفعله
بوركت سمر

[سمر]

هذا ما كنت أبحث عنه
وأتمنى وجوده بالمنتدى
بالأمس تكلمت مع صديق لي موجه تربوي
وقال انه مستعد للاشراف على قسم التربية العملية
وتقديم نماذج حية من المناهج الجديد
وهذا المشروع هو ما كنت افكر بفعله
بوركت سمر

إذن بانتظار أراء الآخرين ومن ....ثم المطلوب اقتراحاتكم أستاذي الكريم .

[دمعة وابتسامة]

حلو كتير عبد العزيز هيك بصير عملنا موجه من قبل اخصائيين بس ياريت تتوصولي بالصف الثالث لأنو عنجد الله يكون بعوني

[عبد العزيز الجفان]

بعون الله قريب
سيتم التنسيق
مع المختص
تكرمي دمعة رح نبدأ مع الثالث

[kitty]

فكرة المشروع راااائعة .......

جزيت خيرا سمر +أبو الفدا

استخدام البوربوينت في التعليم وسيلة رائعة لإثارة انتباه ودافعية الطالب

ورغم كل السلبيات متل ماقالت سمرخلينا نحاولفمجرد المحاولة هاي رح تفيده من حيث الخبرة على الأقل ،فضلا عن أنو ممكن إذا مااقدر يستفيد هو ففي معلمين غيره ممكن يستفيدوا من الفكرة.... تماما بدنا نعمل كل اللي منقدر عليه والله ولي التوفيق وهو سيكون عوننا بوجود الإرادة ويرزقنا الهمة العالية للعمل
على قدر أهل العزم تأتي العزائم وتأتي على قدر الكرام المكارم
بارك الله بكم جميعا ...وبوركت أيضا أ.عبد

والله يوفق الجمييع يارب ..

[Green Eyes]

مشروع كتييييييير رائع .....
ومابنخسر شي اذا جربنا ...
والله يوفق الكل ...

[Green Eyes]

مشروع رائع ويدعو على التفاؤل..
ومابنخسر شي اذا جربنا .. بهمتكم ياأعضاء رح يبلش المشروع
الله يوفق الكل ...