هم البنااااات!!!!!!

[ranooosh]

في الساعة الثالثة عصرا من يوم الاحد أشرقت عيني على هذه الدنيا لأفرح قلب والدي بقدومي ... قدوم طفل جميل يعتنيان به ويسقيانه من سلسبيل حنانهما وحبهما العذب ، ويرجيان من الله أن يكون ابنا بارا بهما ، وتمر السنون حتى يأتي أول يوم أذهب فيه للمدرسة وما أروع اللحظة التي يشعران فيها والدي بأن ابنتهما قد كبرت ، وتتوالى الأيام والسنين وأنا أكبر وأكبر تحت ناظريهما الذي يحفني بخوفهما علي وأدخل في مرحلة دراسية وانتهي من أخرى حتى انتهيت من الجامعة وحملت شهادة تخرجي ليفرح والدي معي ... وبعدها أسمع كلمة (( يلا باقي تتزوجي ونرتاح من همك)) !!!

فقد قتلت تلك الكلمة فرحتي

هل نحن الفتيات هما وعبئا على أهلنا بعد طول تلك العشرة ؟؟!!! هكذا ... فقط لمجرد أننا فتيات حتى دون أن يصدر منا ما يخل بالأخلاق لا سمح الله !!!

فأنا شخصيا قد سمعتها كثيرا وجرحتني أكثر
فما رأي الفتيات بالموضوع وما هو احساسك اذا سمعتي تلك الكلمة من والديك او اهلك ؟؟
وما هي نظرة الشباب في هذا الأمر ؟؟


ملاحظة :
هذه القصة السريعة مفتعلة لطرح الموضوع فقط وليست قصتي .

[علاء]

أنا مابدي أأدم مبررات لهالنظرة


بس بتوقع أنو سببها هو الحرص والاهتمام الزائد ( لا شعوريا )


واذا الاهل بقولوها

(( يلا باقي تتزوجي ونرتاح من همك)) !!!

لا أعتقد أنو أصدهن بالمعنى الحرفي

مابعرف كيف بدي أوصف الموقف بس بدي أجيب مثال ( وليس تشبيها ):

اذا اجتك هدية من شخص عزيز كتير

وكانت حلوة كتير

وحبيتيها كتير ...

وكانت من النوع الحساس واللطيف ( مو خرج دعك )

أكيد رح تداريها وتحرصي عليها من أي شي ممكن يسببلها أي كسر أو ازعاج

وبتعتبري نفسك المسؤولة الوحيدة عن رعايتها


بغض النظر عن امكانية تحملها واستطاعتها


( مثال وليس تشبيه )


هاد مفهوم الحرص عند الاهل بغض النظر عن السلبيات والايجابيات

وأنا بلاحظ أنو قيمة البنت بمجتمعنا السوري أكبر من قيمة البنت بأي دولة من الدول المتقدمة أو الدول النايمة

واذا بتحاولي تقارني بين معاملة أهلك الك ، وبين ومعاملة أهلك لواحد من أخوتك الشباب

رح تلاحظي أنك مدللة أكتر منو واهتمام الاهل فيك أكتر

[رحمة]

رنرون بعتقد انك فهمانة كلمة اهلك غلط

وانا مع قول ( هم البنات للممات )

بس كلمة هم هون ما تاخديها بمعناها الحرفي

وخاااااصة مع اهلنا

لانو اهلنا ولحمد لله بيعزونا وبيدللونا اكتر من الشباب

اسالوني

اصلا امي اخدة براي الشيخ وجدي غنيم ( لانو قال لازم نندلل البنات ونحاول نامنلهم كل حاجاتهم

لانو ما منعرف شو رح يصير معهم بالمستقبل ) \ كيف حال الزوج الماديّة ........ \

وبرجع لكلمة هم بيقصدوا فيها خوفهم علينا ورغبتهم براحتنا بشكل دائم يعني \ ما تخافي رح

يضلوا اكلين همنا حتى بعد الزوج \ كيف تعامل زوجك ماما ...... بخيل ..... تعبانة ..... اولادك عم

يعذبوكي ...... شو بدك ...... وغيرها من هالامور

وطمني بالك اكيييييييييييييييد اهلك بيحبوكي

اسمعي مني ..

[أحمد المالاتي]

بالصراحة الهم البنات للممات لا أحد يفهمني الغلط بس النظرة تكون من غير الجهة الأب والأم أولا بدهم يدققوا بأي العريس يجي للبنت وخاصة من ناحية البيت +أحوال المادية ضرورية وتنحط على لائحة الأختبار + السمعة بعدين وأخلاق وهذا حقهم لأنوا بدهم يطمنوا عليها وأنا معهم بالنقطة هي. بعدين بعد الزواج يبلشوا يسألوا شو كيف معاملتوا الك البخيل والا كريم أي ساعة يجي على البيت صدقيني في كتير أسئلة راح ظل تشغل بال الأهل ولما بيقولوا راح نخلص من همك (حكي جرائد) لا تردي وبعد ما يرحلوا من هالدنيا فانية بعد العمر طويل للجميع يكون الأخوة اللهم دور كمان أنوا بيظلوا بيطمنوا عليها وهذا رأي

[رحمة]

بالصراحة الهم البنات للممات لا أحد يفهمني الغلط بس النظرة تكون من غير الجهة الأب والأم أولا بدهم يدققوا بأي العريس يجي للبنت وخاصة من ناحية البيت +أحوال المادية ضرورية وتنحط على لائحة الأختبار + السمعة بعدين وأخلاق وهذا حقهم لأنوا بدهم يطمنوا عليها وأنا معهم بالنقطة هي. بعدين بعد الزواج يبلشوا يسألوا شو كيف معاملتوا الك البخيل والا كريم أي ساعة يجي على البيت صدقيني في كتير أسئلة راح ظل تشغل بال الأهل ولما بيقولوا راح نخلص من همك (حكي جرائد) لا تردي وبعد ما يرحلوا من هالدنيا فانية بعد العمر طويل للجميع يكون الأخوة اللهم دور كمان أنوا بيظلوا بيطمنوا عليها وهذا رأي

ما بعتقد انو بحكيك شي غلط غير

وخاصة من ناحية البيت +أحوال المادية ضرورية وتنحط على لائحة الأختبار + السمعة بعدين وأخلاق

لانو مو كل الاهل هيك فلازم تتطرق لهالفكرة ( ولا ننسى من ترضون خلقه ودينه ) وعلى حد

علمي لسا في اهل بيهمهم هيك شي

طبعاَ هيدا راي شخصي ومشكورة رنا ع الموضوع

[عائشة]

أتوقع اذا كنا واقعيين شوي الأهل اذا بيحكوا هيك من منطلق الحماية الزائدة للبنت من مجتمع بياكللها حقها ،ولأنها بشكل طبيعي بحاجة للحماية بداية من الأهل والأخوة وصولا الى الزوج والأولاد ،مع اني بخالف أحمد بموضوع الترتيب بالاوليات لأنو الأخلاق أهم شي وكمان المادة جدا ضرورية بس كتير بأيد موضوع هم البنات للمات لأنها باكليلها بيقلها الخوري هذه المرأة تركت أبويها وأخوتها وعائلتها وذهبت اليك ،وصدقيني يوم اللي بيسقط حلم الأهل بعريس بنتهن حتى لو عندها 10 اولاد بيعيشوا حزن حقيقي لأنهن بيحسوا انهن فرطوا فيها 000
ويا ستي كمان في متل بيقول بيت البنات فاضي مليان ،والله يبعت للجميع اللي عنجد بيرضيهن تماما متل ما بيرضي أهلن
ويسلمممو عالموضوع000000000

[أحمد المالاتي]

(رحمة +عائشة ) أنتم فسرتوا الترتيب المطلوب بالمادة وبعدين أخالاق من وجهة النظر المعتادين عليها دائما أنا لما حطيت المادة وبعدين الأخلاق قلت الأهل معهم الحق أنوا بدهم يطمنوا عليها وأكيد أتا ما أهملت أخلاق والتربية بالنقطة هي لأنوا ببساطة بدهم تجتمع النقطتين مع بعظها أخلاق +المادة وعلى الأقل الأحوال المادية المتوسطة الجيدة اللي تأمن الراحة والستر نوعا ما . بدي اسأل السؤال الشخص لما يتقدم ليخطب البنت ويكون أخلاقوا منيحة ومؤدب وكل الصفات أخلاقية متوفرة بس المشكلة مافي البيت ومافي غير الراتب وماعندوا شي جاهز ياترى راح يوافقوا الأهل أكيد لأنوا راح يجابوا بنتنا لسا صغيرة وراح تاخذ النصيب أحسن والظروفوا أحسن طيب ليش العجلة هذا يسمى الرفض بسبب المادة وهذا الواقع هذا الواقع

[مياس 2009]

يعني أنا شوي أأيد هالحكي
بس والله في مبالغة يعني لما يكون الشب حباب وطيب وخلوق ممكن الأهل يرخو الحبل شوي
مو.....
ولا مو مو

[loletta]

مو مو ....
لانو للاسف الاهل بالايام بحسبو انو بنتن السندريللا...وما بيعطوها غير للامير...وبالنهاية مو رايحة غير على الشب الخلوق والدين....
والبنات بهالايام(للاسف)بدن كل شي جاهز من بداية الحياة الزوجية وما عم يآمنو بالتدرج...
وهاد واقع ما بيقدر حدا ينكرو...
مشكورة رنا على الموضوع

[عندي شعور]

مابعرف ليش البنات كتير بيتحسسو من هالجملة انا بشوفها عادية وللصراحة لسا ماسمعتا هيي ممكن تكون موحلوة بس اكيد الاهل مابيقصدو انو بنتن متقلة عليهن وقاعدة عقلبن بس انو بعد مادخلت الجامعة حابين يفرحوا فيها ويطمنوا عليها وتكون بايدين امينة تريحها كل العمر...يعني مع كل الاعضاء برايهن

اما بالنسبة للمادة فللاسف وخاصة في المجتمع الحلبي كتير صايرة اساسية وضرورية واحيانا عميسألو عليها قبل الاخلاق واحيانا عميتنازلوا عن الدراسة والشهادة الجامعية مقابل المادة والبيت والسيارة وووو الخ
ماشي بدن يأمنو مستقبل بنتن...بس كم شب ولد وفتمو معلقة دهب كلو بيجي مع الوقت ليش من اول لحظة لازم تكون مادياتو تمام وخاصة في ظروف عمل متل اللي ببلدنا..؟؟؟مابعرف بس بزعل كتير عالشباب...لانو عمتصعب عليهن الامور كتيييير

مشكورة رنوش على الموضوع اللي فتح باب حوار فشي مهم