استفتاء حول حلقات البحث

[وسيم]

يعني أنا بهالاستفتاء بس حابب شوف اذا كان في فائدة من حلقات البحث أو فقط حلقات البحث للاعادة والتكرير

[رحمة]

والله يا اخي اللي بيقولوا مافي فائدة من حلقات البحث هيدول اللي ما بيشتغلوا

اما اللي متل حكايتي فبمووووووووووت وما بتخلص الحلقة معي

اصلا لحد هلء لساااااااا عندي مادة اجتماع تربوي هالاسبوع لقدمها

لانو ما خلصت من قبل

اما اللي بيجيبوهاااااااااا سرقة

برايي هنن الخسرانين

[جودي]

من السنة الاولى كنا نروح ونجي ونقضيها مشاوير بين المكتبة الوطنية والمكتبة المركزية .. طبعا هاد ولا شي قدام المعاملة الرائعة والجيدة جدا جدا جدا من قبل الموظفين الي كلن حيوية ونشاط وتفاؤل ومحبة للطلاب طبعا ..
الي كنا اذا استعرنا كتاب وماطلع فيو شي نرجعلن ياه ناكل خمسميت الف كلمة حلوة وكم زورة .. بالاخير شو تطلع علامة الي جايب الجاهزة اعلى من علاماتنا ..
بس لهلق مع ذلك صرنا سنة تالتة ولا مرة خطرلنا نجيب شي جاهز .. ليش الكذب نسأل على شي جاهز بس مانقتنع فيه ابدا ..
انا حاليا حلقاتي يا من النت .. او من المكتبة المركزية لانو طلعت معاملتهن احسن بكتير من المكتبة الوطنية بس المشكلة انو ماكل شي ممكن يتوفر ..
هي المعاناه الدائمة لحلقات البحث ..
بس كمان جد انا عم استفيد من الحلقات .. يعني انو عم بكون في مثلا فقرة كاملة بالحلقة عن موضوع معين لما بجي بدرس الكتاب النظري بلاقيها نفسا تقريبا ايه مابتاخد معي وقت كتير لأدرسها يعني عم ستفيد

والحمدلله قدمت 4حلقات وفحصين عملي والحمدلله كلو تمام .. ماتواخذني وسيم طولت بالرد بس مع ذلك لسة ماانفش قهري من الحلقات

[وسيم]

Almas
جودي
شكراً لمشاركتكم

[رحمة]

جودي مزبوط الموظفين مافي متلهم بس والله انا بطلت شغلة المكتبات ( سواء

مكتبة الكلية او المركزية )

يا باخد من النت او كتب من رفقاتي هيدول اللي عندهم اطلاع وخاصة في مجلة

المعرفة تحفة

او من المكتبات الخاصة هيدول بيعاملوكي بكل احترام

وشو بدنا مافي متل شغل الايد

قال جاهز قال ..............

[ocean]

انا برايي ليه حتى اعذب حالي بحط راسي بين هالروس وبقول ياقطاع الروس ليه حتى اروح ادور واذا دورت او مادورت نفس العلامة ويمكن اخد اقل اذا دورت

[مايا]

ياجماعة هنن حطوا حلقات البحث حتى نسرق الحلقة سرقة لأني كل أستاذ بيعقد وبيتفلسف علينا يعني طبعاً بالسنة الأولى كنت أروح المكتبة بس إذا قريتوا كلام جودي بتعرفوا ليش صرنا نسرق
هلق أنا دورت على حلقات جاهزة مالقيت غير وحدة والباقي من النت

[جودي]

مابعرف والله معكن حق الكل جرب المكتبات وتعاملهن وحرم يروح لعندن .. والله معكن حق .. بس مابعرف الجاهز ماعم بقتنع فيه ..
على كل حال صايرة انا احتفظ بكل الحلقات الي عم قدمها لانو عم استفيد منا لغير مواد

almas, ايمان
بس المعيدين مابجيبو سيرة النت تقولوا مافي هيك اختراع .. مع انو بكل سهولة الواحد عم يلاقي عدت مواضيع
انا بحب اجيب من النت بس التوثيق شلون بعتملوا فيه انتو ..؟؟

[وسيم]

انا مابدي اقول كيف بجيب حلقات البحث لانو باكلها بعدين
بس اذا وثقت من الانترنت بحط الرابط مثل ماهو

[رحمة]

لا جودي بالعكس

انا بقلهم انو بعتمد ع النت

في منهم ما بيرضوا لازم جبلهم شي كتااااااااااب ما بيرضوا كلوا من النت

ولو كااان الكتاب من عاد الف وخشبة

معلش المهم كتاب

وفي منهم بيقولوا بدهم مواقع وزارات او مواقع مهمة

وفي منهم بيرضوا بشو ما كان

اما عن التوثيق فانا بحط الرابط واسم الكاتب وتاريخ سحب المقال وخلصنا

و ع فكرة في المجلات الالكترونية كتير بتفيد

اما وسيم ( اعترف كيف بتجيبها ؟؟؟؟؟؟؟؟ )

ocean و ايمان

والله شغل الايد غير شكل

ومهما عقدوهااااا المعيدين

والله منقدر عليهم