موضوع للنقاش

[غسان87]

أول شي بشكر إدارة هالمنتدى اللي سمحتلنا بهالفرصة لنتواصل مع بعضنا ونستفيد من آراء بعض
وأنا برأيي لازم دائماً يكون في موضوع للحوار مطروح على المنتدى بحيث نستنير من خبرات بعضنا وخصوصاً نحن بكلية التربية
الموضوع اللي بدي أطرح أسئلة عنو موضوع بيهم المعظم وهو موضوع تحرر المرأة :
والأسئلة موجهة لكلا الجنسين
السؤال الأول: هل أنت من مؤيدي تحرر المرأة؟
السؤال الثاني: ماهو مفهومك عن تحرر المرأة؟
السؤال الثالث: ما هي معايير هذا التحرر بحسب رأيك؟
السؤال الرابع:هل يصلح نموذج المرأة الغربية المتحررة للتطبيق في مجتمعنا؟
السؤال الخامس: هل جميع النساء بمختلف مستوياتهم العلمية والاجتماعية والثقافية تتفهم التحرر بنفس الطريقة؟
السؤال السادس:من هو برأيك العدو الأكبر في تحرر المرأة
ما بدي طول عيكون بس بتمنى من اللي بدون يشاركوا يجاوبوا بموضوعية وشكرا للجميع

[masa]

مسا الخير اخ غسان 87
اولا بشكرك عالموضوع المهم اللي طرحتو وأنا برأيي لازم دائما نطرح موضوعات مهمة ومفيدة ونتناقش فيها حتى نستفيد من بعض
انا بدي اجاوب على اشئلتك بتعبيري عن رايي الخاص . رح أبدأ من السؤال الأول :
هل انت من مؤيدي تحرر المرأة : انا بشوف مسألة تحرر المرأة مسألة نسبية وبتختلف باختلاف المجتمعات وباختلاف العائلات ضمن المجتمع الواحد
انا برأيي الانسان بيعيش ضمن المجتمع ولكل مجتمع عاداته وتقاليده الخاصة به وجزء كبير من شخصية الفرد بتتكون ضمن المجتمع وضمن العادات والتقاليد الموجودة بالمجتمع
لذلك يجب ان تكون المرأة متحررة ( بحدود ) اي ضمن ما يسمح المجتمع لها ولكن انا برأيي في خطوط حمراء يجب على المرأة ان تستطيع في اي مجتمع كان ان تتخطاها مهما كانت ظروف المجتمع التي تعيش فيه كالتعليم مثلا وحرية التعبير عن رأيها في المسائل الهامة كالزواج مثلا .
اما عن مفهومي عن تحرر المرأة : انا بشوف اذا استطاعت المرأة ان تعبر عن مشاعرها وان تتاح لها فرصة التمتع بحقوق الانسانية عامة وان تتطور مع تطور المجتمع كما يتطور الرجل بمجتمعه ولكن دون التعدي على مهام الرجل وان تتمتع بدرجة عالية من الثقافة ( وذلك بمساعدة المجتمع ) تكون مراة متحررة . انا برأيي ان التعليم والثقافة مثلا يجب ان يكون متاحا للمرأة أكثر من الرجل لان المرأة هي التي تربي اولادها وتتواجد معهم بساعات اكثر بكثير من تواجد الرجل في المنزل والأطفال بشكل عام لما بتبدأبتتكون معتقداتون الثقافية والميول المهنية لديهم وحتى المواهب والميول العامة منلاحظ كل ذلك بمساعدة الأم حتى انا بلاحظ انو الأطفال ( بشكل عام يتكلموا بلغة امهم لا أقصد باللغة بالمعنى الحرفي للكلمة وانما بالمعنى المجازي ) واذا كانت هذه الأم غير مثقفة وكانت تافهة وما بتعرف غير تهتم بنفسها فتخيلوا كيف بدا تربي اولادا وكيف بدا تكون شخصية الأطفال وأكيد رح يأثروا هالأطفال بشكل سلبي بالمجتمع وبالتالي بدا تكون هالام الجاهلة افسدت اطفالها واطفال اخرين . وسبب تاني لأهمية ثقافة المرأة لان المرأة اذا شاءت الظروف ضدها لا تستطيع ان تعمل ( شوفير تاكسي مثلا ) لان المرأة منعود لنفس النقطة بتعيش ضمن المجتمع وانا متأكدة مافي ولا شخص منكم بيتقبل شكل المرأة 0 شوفير تاكسي او ورا عربانة خضرا . لذلك لازم تكون مثقفة ولا تكفي الثقافة وايضا متعلمة ( شهادة جامعية على الأقل )
انا برأيي لا يصلح على الاطلاق نموذج المرأة الغربية المتحررة ان ينطبق على مجتمعنا لان ثقافة المجتمع وحضارته تكونت منذ الاف السنين الماضية وما فينا بيوم وليلة نغير معتقدات وثقافة معينة وهذا الصح طبعا .
اكيد لا تتفهم جميع النساء باختلاف المستويات تحرر المرأة بنفس الطريقة . انا برأيي ما في عدو كبير محدد يقف ضد تحرر المرأة بس انا بشوف بأيامنا هذه المرأة صايرة عدوة المرأة للاسف كل مرأة صايرة بتوقف ضد التانية وبتكسر فيا وياويلي اذا شافت شي وحدة مرأة تانية عمتتطور او عمتستلم شي منصب مهم بالمجتمع شو بيصير .
على كل الموضوع بيتحمل نقاش اكتر من هيك بكتير وزودونا بملاحظاتكون وارائكم
شكرا ...........

[غسان87]

[QUOTE=masa;33339]مسا الخير اخ غسان 87
اولا بشكرك عالموضوع المهم اللي طرحتو وأنا برأيي لازم دائما نطرح موضوعات مهمة ومفيدة ونتناقش فيها حتى نستفيد من بعض
شكرا كتير على مشاركتك وعلى آرائك الكتير مهمة أنا كنت عامل هالأسئلة متل استبيان ل
اأستفيد من آراءكون
وعم أنتظر المزيد من الآراء
أشبكون ياشباب تحركواااااااا:duh 1:

[adib]

موضوع مثير قريب الرد وشكرا لك