هدفك في الحياة

[أحمد حافظ*]

الهدف في الحياة

موضوعي الأول أو مشاركتي الأولى هي الهدف في الحياة أو ضرورة الواحد منا يحط هدف في حياته والضروري أكتر هو أو نحط هال هدف من نحن وصغار حتى يكون في دافع يدفعنا في الحياة واللي هو تحقيق هذا الهدف....
والضروري أكتر أنو مو بس نحن نقول أنا بدي أصير دكتور مثلا أو مهندس أو معلم أو مرشد نفسي ....
الضروري انو نكتب هذا الشيء كتابة مو بس حكي
هذا الموضوع أنا ما شفتوا بأي منتدى أو كتاب ......
أنا عرفت أهمية هذا الموضوع من خلال أمرين صاروا معي أنا واللي هنن:
الأول أنا في الفصل الماضي ساويت استبيان عن الأهداف التربوية في مدرسة بسام العمر ومدرسة نابلس وبعد ما جاوبوا الطلاب على الاستبيان صرت أسئلون عن هدف كل واحد منن (طبعاً هنن في المرحلة الثانوية) فصار كل واحد يقول هدفوا في الحياة واش بدو يطلع في الأخير يعني هل بدوا يحقق هدفوا ولا ما رح يحسن ......
والأمر الثاني والاهم في رأي هو أنو أنا رحت على مقابلة عمل فبعد عدة أسئلة سألني اش هدفك في الحياة قلت له أنو أصير دكتور في التربية قلي كتبت شي هدفك على دفتر أو ورقة قلت له لا
قام قلي على تجربة صارت في اليابان يمكن على ما أتوقع واللي هي
في باحث أجرى تجربة على عينة واللي عددها 100شخص من مختلف الطبقات الاجتماعية
وطلب من كل واحد اش هو هدفوا في هذا الحياة
70% من هؤلاء الأشخاص ما كان الون هدف في الحياة
30% كان ألون أهداف كل واحد ألوا هدفه خاص
من 30%، 27% قالوا هدفون شفهي دون كتابة و3% كتبوا هدفون على ورق وعطوا للباحث
بعد فترة من الزمن يمكن عشر سنوات جمع الباحث نفس العينة ونفس الأشخاص والنتيجة طالعت أنو بس ال3% هنن اللي وصلوا لهدفون
والسبب في رأي هو أنو 3% الهدف حاكا عقلون الباطني مو الواعي وصار هو اللي بتحكم فيون
(صار بدنا خبرة الإرشاد في هذا الأمر)
وأنا بشوف أنو الأهل بساعدوا أيضاً في هذا الشيء ومثال على ذلك الدكتور أحمد زويل واللي هو مكتشف الذرة
أمه كانت كيتبة على باب غرفة نومه الدكتور أحمد زويل مكتشف الذرة
لذلك شفت أنو الموضوع حلو ومهم ....
يمكن تكون كلماته شوي عامية بس مابعرف اكتب غير هيك
و بتمنى إذا عجبكن الموضوع أنو كل واحد يحط هدفوا ويسعى لتحقق هذا الهدف وأنا أول واحد هدفي هو أنو
أصير دكتور في التربية انشأ الله
وبالأخير بحب أقلكن انو اسمي احمد.........Sweet love.
وحطيت الموضوع في قسم المناهج لأنو أما من قسم المناهج
وشكراً...

[فرسان]

يعني موضوعك حلو أخ أحمد

وبالفعل لازم يتحدد الهدف بكل شيء بحياتنا

لكن أخي العزيز لازم نفرق شوي بالموضوع بين الهدف المرحلي والهدف النهائي

وإزا بدنا نكون موضوعيين شوي لازم نفهم إنو أساس تحقيق أي هدف قائم على العمل المنهجي وما ننسى هون تأثير البيئة المحيطة بالإنسان يلي إلها دور كبير وخاصة ببعض الشخصيات يلي بتسير مثل رمز ومثال يحتذى وممكن هالمثال يكون إيجابي ويكون سلبي ونفس الشي ممكن ناخد العامل المادي بعين الإعتبار لانو أصبح مجتمعنا بشكل أو بآخر مجتمع مادي تبعا لحاجاته الإستهلاكية فلاها السبب رح تلاقي كتير من خيارات الأهداف عم تنصب على إما دكتور أو مهندس أو محامي يعني المهن يلي بتحقق مردود مادي عالي

أما ناحية كتابة الهدف على ورقة ودوره في تحقيق الهدف , فأنا من وجهة نظري إنو هالشي ما بيقدم ولا بأخر كتير , وخاصة في مجتمعاتنا الشرقية عموما المتميزة بالعاطفية وتقلب الأهواء والرغبات مع الزمن.

ع جميع الأحوال يعطيك العافية ع الموضوع يلي شكلو إحصائي أكتر ما يكون موضوع للنقاش

تأبل مروري المتواضع أخي العزيز

[علاء]

لـي عـودة ان شاء الله

[Green Eyes]

موضوعك كتير حلو.. أنا كنت رح اكتب على هالموضوع بس لاحظت موضوعك وعجبني كتير
وأنا معك يلي بيكتب هدفه ..أكيد رح يحققوا..
وبظن أنك اقتربت من النجاح والهدف {ان شاء الله }.
ميرسي أحمد.....

[أحمد حافظ*]

شكرا Green Eyes عمرورك وانشالله كلنا منصل لأهدافنا ومنحققها