طقوس إمتحانية

[علاء]

كان اليوم امتحاني الأول لهذا الفصل ، ذهبت وفي رأسي ما يقارب نصف كتاب أهم ما يميزه أن معلوماته لا تتجاوز مدة صلاحيتها \ 12\ ساعة من تاريخ الحفظ ( طقوس إمتحانية )
قلق وخوف ارتفعت حدتهما عند وصولي إلى الكلية وعند الدخول ظهر نوع من التوتر عند توزيع الدفاتر في جو من الحر ، واشتد التوتر عندما وزعت أسئلة لم أسمع بها طوال حياتي ، وبعد قليل أنقذني صوت أحد الزملاء : " هي مو إلنا ، هي لقسم الـ ..... " ولم ندري أكان ذلك مزحة أم اختبار لمتانة الأعصاب و الشرايين للتنبؤ بحالات الهستيريا والجلطة ...
بلغت شحنات التوتر الحد الحرج عندما نظرت إلى اليمين فرأيت أحد الزملاء وقد أصابته حلة من الفوبيا اثر صراخ بعض المراقبات المتعصبات برجولة ، وهم عفوا ، وهن يرددن تعليمات ثم إرشادات... ثم تهديدات... ثم تصعيد... ثم بهدلات من دون سبب تكاد تسمى شتائم ... ( طقوس إمتحانية ) وقد رافق ذلك ما رافق من نظرات اتهام و واسترجال وعنف... ( طقوس إمتحانية )
وزعت الأسئلة ( أسئلة قسمنا هذه المرة ) وتلك الأصوات لازالت مستمرة
خرجت بعض الزميلات اللواتي أنهين الامتحان وكأنهن يمثلن دعاية للشامبو أو للعطر على أنغام كعوبهن .... ( طقوس إمتحانية )
في آخر ساعة بدءنا – نحن المتبقين – التنقل والترحال من مقعد إلى آخر ومنه إلى منفى أبعد امتثالا لأوامر المراقبين - الذين ضاقوا بنا ذرعا - وحرصا على الجو الامتحاني والأمانة العلمية ، ثم دخل رجل فاندس إليه أحد المراقبين ليخبره أن كل شيء تحت السيطرة
فليطمئن الجميع : لم يغش أحد بأي كلمة بفضل الجهاز الأمني في القاعة وتفانيه في أداء واجبه إلى أبعد وجه ، وهكذا انتهى الامتحان بسلام دون أن يصاب أحد بجروح ولا حتى جلطة باستثناء بعض الحالات مثل : فقدان ذاكرة اثر الهلع والرعب ، ظهور أعراض الفوبيا على العشرات ، دوار بحر ، غثيان ، الإغماء من شدة الظمأ .... ( طقوس إمتحانية )
ما أريد الوصول إليه :
هل هذا هو الامتحان ؟
أنا لا أقصد مما سبق أن يكون الامتحان " شوربا " كما يحدث في المحافظات الأخرى ، إنما أقصد أن يكون هناك نوعا من الوعي بأساسيات الامتحان وكيفية إدارة تلك الأجواء المصيرية والتعاون مع أخيكم الصغير ذاك الطالب الذي قد يرسب جراء تلك التحفظات
ارجو منكم التعليق - سلبا أم ايجابا - وطرح بعض الملاحظات والحلول إن أمكن


sherku

[ssss]

عن جد بتنحسد على مدة صلاحية معلوماتك...يعني أنا بفيق كل امتحان الساعة4 وش الصبح لأنو الصلاحية عندي لا تتجاوز ال6 ساعات
ونبظن أنك نقصت طقس هام وهو الي بيصير بعد مرور ساعة وربع أو ساعة ونص بالكتير لما تتعالى أصوات المراقبين اللطفاء (يلا خلصونا كل العالم سلمت إلا أنتو إذا كنتوا مفتكرين أنو الوحي ممكن ينزل بتكونوا غلطانين )
كل الطقوس الي ذكرتها sherku ممكن تبريرها بأنها طقوس أمنية من أجل سير العملية الامتحانيةبشكل جيد بس ماذكرته لا أظن انه ممكن تبريره بذلك

[علاء]

صديقي Ssss شكرا على ملاحظتك ، بس أنا ما كنت بعرف شو بصير بعد ساعة وربع لأنو أنا في كل امتحان بعد ساعة بكون خارج الكلية متوجه الى أقرب صيدلية عشان أطلب حبة تحت اللسان

[ssss]

مو معقول أنت.. في حدا بيروح على الكلية ويوم الفحص كمان بدون ما ياخد معو علبة دوا ...أنا وبالأحوال العادية ما بروح على الكلية بدون مايكون معي علبتين مو علبة ..يعني إذا بدي أدخل مركز التصوير باخد حبتين تحت اللسان وبس أطلع باخد 6حبات ....الله يصلحك تاني مرة حسب حسابك لأنو ماكل مرة بتسلم الجرة

[bilsan]

ياشباب شووووووووو إصتكون إنتو والحبوب اللي تحت اللسان

على هالحالة منيح لساتكون عايشين لهللأ

طوووووووووووووووولو بالكون للسنين اللي جاية

[علاء]

مين ألك يا ssss أنو ماكنت آخد معي علبة بس سحبوها مني وأعتبروها وسيلة غش

[علاء]

bilsan حضرتك من برة الكلية ولا مستجدة حتى عم تسألي ه السؤال

[bilsan]

sherku أنا من الكلية و عبعاني نفس المعناة بس مابحملا كل هالئد مع إنو أول يوم فحص أختا صفر عئولة العميد بس طنشت

[ssss]

عوضك على الله bilsan بس أنا عندي سؤال إذا ممكن " أنت قدمت الامتحان ولا ما سمحوا لك تقدميه ؟" لأنو إذا قدمت الامتحان فما بظن أنو تاخدي صفر. وبكل الأحوال لا تزعلي وخدي لك حبتين تحت اللسان وإن شاء الله بتتحسني و بتنسي .
Sherku طمنّي شو صار معك بعد ما لاقوا العلبة بس ما يكونوا حرموك...............أكيد انت نسيت العلبة بجيبك يوم امتحان اللغة ....وبصراحة إذا حرموك فمعن حق... يعني معقول ما لاحظت انو مكتوب على العلبة بالانكليزي!!!!!!!!!!!!!!!!!!

[bilsan]

لأ الحمد لله قدمت بس بعد شو بعد ماطاروا نص المعلومات
بس هنن أصدا هيك عمبيعملوا مشان يجلطونا بس جكر مارح أنجلط خلي يعملوا ويكتروا كمان