د. خالد الضعيف

[knightofLight]

شكراً للدكتور خالد

الدكتور خالد غني عن التعريف في كلية التربية في جامعة حلب

وهو رئيس قسم الإرشاد النفسي في كلية التربية

وقد خصص بعضاً من وقته للرد على إستفساراتكم


نرجو ان تكون الأسئلة بعيدة عن الطلبات الرسمية مثل (العلامات و الإمتحانات )وأن تكون إختصاصية
وذلك بغية تحقيق الفائدة ونشر العلم

[علاء]

مشكو الدكتور على هالفتة الحلوة

أنا عندي مشكلة أنو أغلب مناماتي اللي بشوفها فيها قتل وخبط و ضرب وقتيل ودم ...

وغالبا بكون يا قاتل يامقتول

أنا بتوقع انو السبب هو الضغوط وقلة النوم بالاضافة لسبب تالت وما بعرف شو أعمل حتى أتخلص منها

بالمناسبة

سألت أكتر من شخص وكان من ضمن الاجوبة والنصائح المضحكة :

1- نام منيح ولا تسهر ( بابا هيك قلي منشان يضحك علي وأبطل أسهر )

2- حط شئفة خبزة تحت راسك ( واحد رفيقي الصلاة عالنبي فهلوي كتير )

المطلوب :

ممكن يتكرم الدكتور باخباري ما الحل العلمي لهذه المشكلة

[knightofLight]

يسلمون علاء وبتمنى من الكل يشارك
ورح حاول أنقل الأسئلة للدكتور بأقرب وقت

[علاء]

الـ " يسلمن " الك وللدكتور اللي عم تهتمو بالعامة

بس ما بعرف اذا المشكلة لازم كنت أنزلها بموضوع مستقل ولا أزلها كرد على موضوعك ؟؟

[knightofLight]

برأيي إنو تكون كل الأسئلة الموجهة للدكتور خالد بهل الموضوع لسهولة جمع كل الأسئلة و الإستشارات

[رهفت]

طيب بما انكم عبتحكو عن موضوع الاحلام حابة اسال انا كمان عن احلاميلاني كل فترة بشوف بمنامي بنت كانت صديقتي لفترة سنة بس ورفقة عادية كتير ووهاد الحكي من لما كنا بالاول الثانوي يعني من شي 9 سنين مع العلم انو من وقتها انقطعت علاقتنا وهيي تزوجت بس ليش كل كم يوم بشوفهابمنامي ماعبعرف .........شي غريب والله شو مشان الرد على هالسؤال

[ملاك نور]

الدكتور خالد الضعيف دكتور ناجح جدا جدا
"مع اني راسبة بمادتو"
و بتمنى انو يرجع ع جامعة الفرات

و بمناسبة الاحلام...
انا دايما احلم بحيوانات
يعني سمك
ذئاب
غزلان
فيرااااااااان
يعني "حديقة حيوان "

[أحمد المالاتي]

أنا بدي بس أسلم على الدكتور خالد الضعيف
وبحب أوجهلو تحياتي ألو كان الدكتور راقي جدا معنا وبتمنالو كل التوفيق يارب
وبقلو أنا حاليا في القاهرة بكمل الدراسات العليا وبتمنى أنو تحياتي توصل ألو
وشكرا

[knightofLight]

نرجو من جميع الزملاء وضع كل المعلومات التي ترون أنها ذات اهمية كبيرة وتأثير في المشكلة
وذلك تفادياً لنقص المعلومات .
وسيتم نقل جميع الإستشارات للدكتور في أسرع وقت ممكن .

[المرشدة هبة]

شطرا للدكتور على هذه المبادرة
طفل عمره6 سنوات الاصغر في عائلته
يؤجل دوما كتابة وظائفه لاخر لحظة بشرط أن يجلس احد اخوته الكبار او والديه الى جانبه
لديه اخ اكبر منه بسنة يسيطر عليع و الصغير يقلد اخاه ويعده قدوته
لكن هذه القدوة غير مهذب عنيف لكنه مجتهد في الدراسة
المهم:
احداث لبنان في السنتين الماضيتين كانت مؤثرة به ومن وقتها وهو يدبر دائما خططا للقضاء على أمريكا واسرائيل مثل انه سيختع ااسلحة القوية او سيكون جنديا الخ
ظهرت لديه اعراض مازوخية فطلب من اخوته بان يقيدوا يديه في اللعب ويبدي الاعجاب بفكرة ان يكون مسجونا
وهو ينفعل بسرعة شديدة وينفجر في البكاء لأبسط سبب
والسؤال ما مصير شخصية هذا الطفل في المستقبل
وماذا على اهله ان يفعلوا
وشكرا