شو أخبار المواد يا شباب وياصبايا

[علاء]

أنا رسبت معي لغة 2 + 3 للمرة الثالثة على التوالي لأنو عم أأجلون عن عمد وسابق الاصرار
بس صدفت معي مادة تالتة عالـ 49 ( مؤتمتة )
وصدف كمان آخر انهار بعلم الاجتماع التربوي ( د. هيثم أبو حمود ) أنو اجا المراقب ليغير محلي منشان يكون التوزيع متناظر ، فيقوم احد الدكاترة المسؤولون في القاعة وبياخد الدفتر ظنا منه أنو المراقب أومني لأنو عم أنقل , و لبين ما اقتنع مني ومن المراقب اللي أومني أنو ما كنت عم أنقل وافق يعطيني الدفتر لأكتب على المسودة كلمة مبيضة فقط ، فأعطاني دفتر مو الي ، التلو هاد مو الي قام ألي اطلع لبرة لأنو الدفاتر تخربطت وما بئدر ألائي دفترك
طلعت معصب كتير من غباؤه وحسبتها فطلعت باخد 55 تقريبا ، وللأسف طلعت 43
نسيت أحكيلكون قصة الاحصاء 2
بالفصل الأول أجلتها للفصل التاني وطلبت تحسين علامة العملي بس ما تعلق اعلان الامتحان العملي الا بنفس اليوم اللي لازم يكون فيه وبالتالي أخدت صفر بالعملي أما بالنسبة النظري : مخووووووووطرة ولسع ما طلعت

هاي أوضاعي
خبروني شو صار معكون أنتو
اللي كانو أخدين موبايلات وتوعدلون العميد بالحرمان من المادة شو صار معكون طمنوني